20. Svaapnavrundavanakhyana

Composer : Shri Vadirajaru

| ಅಥ ವಿಂಶಾಧ್ಯಾಯ: |

೧. ಲಕ್ಷ್ಮೀಪತಿ ಪ್ರಕರಣಮ್ | ಶ್ಲೋಕಾ: [೧-೧೧]

ಹರಿ: ಓಂ |

ಹಯಗ್ರೀವ ಯತೀಯೌ ದ್ವೌ ದ್ವಿಜಾಗ್ರ್ಯೌ ವ್ಯಗ್ರಬುದ್ಧಿಗೌ |
ಸಮಗ್ರಗುಣಿನೌ ಚಾಪಿ ಗ್ರೀವಯಾ ಚೋಗ್ರಭಾಷಿಣೌ |೧|

ಲಕ್ಷ್ಮೀಪತಿಸದಾನಂದಸಂಜ್ಞಿತೌ ಪ್ರಾಜ್ಞ ಕಿಂ ವದೇ |
ಸಾಽಜ್ಞತಾ ಚ ತಯೋ: ಸಮ್ಯಗ್ ಜ್ಞಾನನಾಶಾಯ ವೈ ಭವೇತ್ |೨|

ತಸ್ಮಾದ್ ವಿಶ್ವಾಸ ಏವಾತ್ರ ಕರ್ತವ್ಯ: ಸರ್ವಥಾ ನರೈಃ |
ಅವಿಶ್ವಾಸೋ ನ ಕರ್ತವ್ಯಃ ಸರ್ವಥಾ ಮದ್ದಿತೇಷುಭಿಃ |೩|

ಏತಾನಿ ಪಂಚಪದ್ಯಾನಿ ಸಂಚೀಕುರು ಸಲಾಂಛನ |
ಕಾಂಚನಾನಿ ತಥೈವೇಹ ಪ್ರಪಂಚೇ ಕುರು ವಂಚಕೇ |೪|

ನಾಗಾಹ್ವಪಂಡಿತೇಹ ತ್ವಂ ಮಾ ಗಾಂ ಸಂಹರ ಲೋಭತಃ |
ತ್ಯಾಗಾನ್ವಿತಾ ಸಾ ಗಹ್ವರವಾಕ್ ತ್ಯಾಗಾತ್ ಸಂಹರ್ಷಣಂ ಕುರು |೫|

ಮಾಸಿ ಮಾಸಿ ಪ್ರತಾಪಂ ತೇ ದಾಸ್ಯಾಮೀತಿ ತ್ವಯೋದಿತಂ |
ಸತ್ಯಂ ಸತ್ಯವತಾಂ ಶ್ರೇಷ್ಠ ಸತ್ಸು ತ್ವಂ ಕುರು ಸರ್ವಥಾ |೬|

ಅನ್ಯಥಾಽನೃತ ವಾಕ್ಯೇನ ನೃಸಿಂಹಸ್ಯಾಪ್ರಿಯೇಣ ಚ |
ನೃಷು ತ್ವಂ ಲಘುತಾಂ ಯಾಸಿ ನೃಗವದ್ಧೀನಜನ್ಮಗಃ |೭|

ಇತ್ಥಂ ತವ ಹಿತಾಯೈವ ವಚನಂ ಚ ಮಯೋಚ್ಯತೇ |
ಕುಚೋದ್ಯಂ ಮಾ ಕುರು ತ್ವಂ ಚ ವಿಪ್ರಸ್ಯ ವಚನಂ ತ್ವಿತಿ |೮|

ಏಕವಾಕ್ಯಪ್ರತಿಷ್ಠಾಪನಾಚಾರ್ಯದ್ಯ ತ್ವಯೋದಿತಂ |
ದಾಸ್ಯಾಮಿ ತತ್ಪ್ರತಾಪಂ ತ ಇತಿ ಸತ್ಯಂ ಕುರು ಪ್ರಿಯ |೯|

ದ್ವಿಜಸ್ಯ ಮಾ ದದಸ್ವೇತಿ ನಂದನಂ ಕಿಂ ತ್ವಬೋಧಯತ್ |
ತವ ನಾಗಾಹ್ವಯಾಽಗಾಸ್ತ್ವಂ ಮೃಷಾವಚನಭಾಷಣಂ |೧೦|

ಪ್ರಾಣಸ್ಯಾವಧಿಪರ್ಯಂತಂ ಬ್ರಾಹ್ಮಣಸ್ಯ ದದಾಮ್ಯಹಂ |
ಇತಿ ವಾಣೀಮಬ್ರವೀಸ್ತ್ವಂ ಪ್ರವೀಣ ಸ್ಮರ ಭಾಷಿತಂ |೧೧|

೨. ಶೇಷದ್ರಿಪಂಡಿತ ಪ್ರಕರಣಮ್ | ಶ್ಲೋಕಾ: [೧೨-೧೫]

ತ್ವಂ ಮಾ ಭೈಃ ತವ ಸೌಭಾಗ್ಯಂ ವಿತರಾಮಿ ನಿರಂತರಂ |
ನಿರಾಮಯಂ ಶ್ರೀನಿವಾಸಂ ಶನಿವಾರೇ ಪ್ರಪೂಜಯೇ: |೧೨|

ತಸ್ಮಾದ್ ದದಸ್ವ ವಿಪ್ರಾಯ ಸುಪ್ರಸನ್ನೋ ಭವಾಮಿ ತೇ |
ಮತ್ಪ್ರಸಾದಾಚ್ಚ ತೇ ಶ್ರೇಯಃ ಪ್ರಾಪ್ತಿರೇವ ಭವಿಷ್ಯತಿ |೧೩|

ಅಹಂ ಜೀವಯಿತುಂ ವಿಪ್ರಂ ಪ್ರವಿಶಾಮ್ಯತ್ರ ಸರ್ವದಾ |
ತ್ವಮಾಮಂತ್ರಯ ಸತ್ರಾರ್ಥಮನ್ನಾರ್ಥಂ ಕುತ್ರ ಯಾಸ್ಯತಿ |೧೪|

ಹೇ ಪುತ್ರ ಪುತ್ರ ಪಶ್ಯ ತ್ವಂ ಮಯಿ ವಿಶ್ವಾಸಸತ್ಫಲಂ |
ವಿಪ್ರೇ ಜೀವಾವಧಿರ್ಜಾತಾ ಜೀವಯಾಮಿ ಪುನಸ್ತ್ವಹೋ |೧೫|

೩. ಹಯಗ್ರೀವಮುನಿ ಪ್ರಕರಣಮ್ | ಶ್ಲೋಕಾ: [೧೬-೩೨]

ಹೇ ನಂದನಾಹಮಾನಂದಪೂರ್ಣೋಽಸ್ಮಿ ತವ ದರ್ಶನಾತ್ |
ತ್ವಮಪ್ಯಾನಂದ ಪೂರ್ಣೋಽಸಿ ಮದ್ದ್ವೃಂದಾವನದರ್ಶನಾತ್ |೧೬|

ಆವಯೋರಾನಂದಪೂರ್ತಾವಾವಾಮೇವ ನಿದರ್ಶನಂ |
ವಾಗೀಶವಾಸುದೇವೌ ದ್ವಾವನ್ಯೋನ್ಯಂ ದರ್ಶನಾದ್ಯಥಾ |೧೭|

ನೇತರೌ ತತ್ರ ದೃಷ್ಟಾಂತಾವನ್ಯೋನ್ಯಪ್ರೀತಿಸಂಯುತೌ |
ತಥಾಽತ್ರಾಪಿ ಸುಪುತ್ರಾದ್ಯ ನೇತರೌ ಪ್ರೀತಿಸಂಯುತೌ |೧೮|

ತಸ್ಮಾತ್ ತವ ಮಯಿ ಪ್ರೀತಿಃ ಮಮಾಪಿ ತ್ವಯಿ ಸರ್ವದಾ |
ಪ್ರವರ್ಧತೇ ಸುತ ದಿನೇ ದಿನೇ ಚಾಹಂ ವದಾಮಿ ತೇ |೧೯|

ಹೇ ಪುತ್ರತೇ ಸಮೀಪಂ ತು ಮನ್ಮನೋರಥಸಾರಥಿಃ |
ಈಶ್ವರ ಪೃಥುಸಂಕಲ್ಪರಥಮಾರೋಪ್ಯ ಯಾಪಿತಃ |೨೦|

ಸ ದೃಷ್ಟಃ ಕಿಂ ತ್ವಯಾ ಮಾರ್ಗೇ ಸ್ಪಷ್ಟಂ ತಂ ದೃಷ್ಟವಾನಸಿ |
ಅನ್ಯಥಾ ಹೃಷ್ಟರೂಪಸ್ತ್ವಂ ಕಥಂ ಶಿಷ್ಟಾಽಗತೋ ಮಠಂ |೨೧|

ಇತಃ ಪರಂ ಕುರು ಸುತ ರಥೋತ್ಸವಮಥೋ ಹರೇಃ |
ತಥೋತ್ಸವಂ ಸುತೋಷೇಣ ಕುರು ತ್ವಂ ಮನ್ಮನೋರಥೈಃ |೨೨|

ರಥಿಕಸ್ತ್ವಂ ರಥವರಮಾರೋಹ ರವಿನಂದನಃ |
ಯಥಾಽರೀನ್ ಜಯತೇ ತದ್ವದರಿಷಡ್ವರ್ಗಕಾನ್ ಜಹಿ |೨೩|

ಪ್ರಥಮಂ ಜಹಿ ಕಾಮಂ ತ್ವಂ ವಿರಥಂ ಕುರು ಕಾರ್ಮುಕಂ |
ಧೃತ್ವಾ ವೈರಾಗ್ಯರೂಪಂ ತ್ವಂ ಶರಂ ಮುಂಚ ರಥೀರಿತಂ |೨೪|

ಏವಂ ಕಾಮಜಯಂ ಗತ್ವಾ ಮದಮತ್ಸರಮೋಹನಾನ್ |
ಕ್ರೋಧಲೋಭೌ ಚ ವೈರಾಗ್ಯಕಾರ್ಮುಕಾಜ್ಜಹಿ ತೇಽಹಿತಾನ್ |೨೫|

ಷಡ್ವರ್ಗನಿಗ್ರಹ-ಪರಷಟ್-ಪದ್ಯಾನಿ ಶೃಣೋತಿ ಯಃ |
ಷಡ್ವರ್ಗಂ ಜಯತೇಕಾಮಂ ಷಟ್ಪದಾನಾಂ ಚ ವೃತ್ತಿಮಾನ್ |೨೬|

ಲೇಖಕೋ ನಾಸ್ತಿ ಕೋಽಪೀಹ ತವಾಽಲೇಖೋಽಪಿ ನಾಸ್ತಿ ಚ |
ಪಾಕಶಾಸನಲೋಕಂನ್ತು ನೀಯತೇ ನಾಕಿಭೀಃ ಕೃತಿಃ |೨೭|

ತತ್ರಾಪಿ ಲೌಕಿಕಕೃತೌ ಲಿಖಿತಂ ಚಿತ್ರಗುಪ್ತಕೈಃ |
ಸಂತಪ್ತತ್ರಪುಪೂರ್ಣಾಸ್ಯಂ ಕೃತ್ತಿಮೇಯಂ ವದಂತಿ ಯೇ |೨೮|

ತಪ್ತಪಾಷಾಣತಪನಂ ತಪಮೂಷಾನಿಪಾತನಂ |
ಪುರೀಷಾಪೂರಣಂ ಚಾಽಸ್ಯೇ ಮಹಿಷಾಸನಶಾಸನಾತ್ |೨೯|

ಕಾಷಾಯದಂಡಿನೋ ಭಾಷಾಯಾಂ ದೋಷಾಪಾದಕೇ ಮಮ |
ತೇಷಾಂ ನ ಸಂತಿ ಮಾರ್ತಾಂಡೇಭೀರ್ಷಾ ಶಾಸ್ತಿ ಮೃಷಾತ್ಮಕೇ |೩೦|

ತಸ್ಮಾದಲಮಲಙ್ಕೃತ್ಯ ಪ್ರಕೃತ್ಯಾ ತ್ವಂ ಜನಾಕೃತಿಃ |
ಸುಕೃತ್ಯಾತ್ಮಕ ಸತ್ಕೃತ್ಯಂ ಸುತಂ ಮತ್ಸತ್ಕೃತಿಂ ವದ |೩೧|

ಪುರುಷೋತ್ತಮ ಪೂರ್ವೇಷಾಂ ಕೀರ್ತಿಂ ಸಂಪಾದಯ ಪ್ರಿಯ |
ಯತಿವರ್ಯೇಷು ತ್ವಂ ಪೌರುಷಾದೇವೇಹ ಸಮನ್ವಿತಃ |೩೨|

೪. ಲಕ್ಷ್ಮೀನಾರಾಯಣಾಖ್ಯ ವಿಪ್ರ ಪ್ರಕರಣಮ್ | ಶ್ಲೋಕಾ: [೩೩-೩೯]

ಅಲಕ್ಷ್ಮೀಕಸ್ಯ ಲಕ್ಷ್ಮೀನಾರಾಯಣಾಖ್ಯಾ ಕುತಃ ಸುತ |
ಅಮಙ್ಗಳಸ್ಯ ವಾರಸ್ಯ ಯಥಾ ಮಙ್ಗಳವಾರತಾ |೩೩|

ವಿಯುಜ್ಯತೇ ತಥಾಽತ್ರಾಪಿ ಹ್ಯಯುಕ್ತಂ ಪುಣ್ಯನಾಮ ತತ್ |
ಪ್ರಯುಜ್ಯತೇ ಮಯಾ ಶಿಕ್ಷಾ ನಿಯುಕ್ತಾ ಯಾ ಮನೀಷಿಭಿಃ |೩೪|

ನರಕೇ ನರಸಿಂಹೇನ ಹಿರಣ್ಯಕಶಿಪೋರ್ಯಥಾ |
ಪರಕೀಯಸ್ಯ ಪಾರಕ್ಯಸುಖಹೀನಸ್ಯ ಪಾಪಿನಃ |೩೫|

ಪ್ರಮಾಣಂ ಕರವಾಣೀತಿ ವಚನಂ ಪುತ್ರಿಣಶ್ಚ ತೇ |
ನ ಯುಜ್ಯತೇ ಗುಣೈರ್ಹೀನ ಶರಣಂ ವ್ರಜ ಮಾಂ ಮುನಿಂ |೩೬|

ಸತ್ಯಂ ಸತ್ಯಂ ಪುನಃ ಸತ್ಯಮುದ್ದೃತ್ಯ ಭುಜಮುಚ್ಯತೇ |
ತಥ್ಯಂ ತಥ್ಯಂ ಪುನಸ್ತಥ್ಯಂ ಕಥ್ಯತೇ ತವ ನಾನ್ಯಥಾ |೩೭|

ತ್ವದುಕ್ತಿಃ ಸರ್ವಥಾ ಚಾತ್ರ ಹೃದಯಸ್ಯ ಮಮಾಂತಕ |
ಕಿತವಾಽಯುಧಸಂದೋಹಸಂಮಿತಾ ನಾತ್ರ ಸಂಶಯಃ |೩೮|

ಸಫಲಾ ವಾಗಿತಿ ಪ್ರೋಕ್ತಾ ಹ್ಯಲಂ ಸಂತ್ಯಕ್ತವಾನಸಿ |
ಉಪಲತ್ವಂ ನ ಸಂದೇಹೋ ಹ್ಯಲ ಸತ್ತ್ವಾದ್ ದ್ವಿಜಾಧಮ |೩೯|

೫. ಶೇಷಾದ್ರಿ ಪಂಡಿತ ಪ್ರಕರಣಮ್ | ಶ್ಲೋಕಾ: [೪೦-೪೩]

ಪಾಮಾಧೇರ್ವ್ಯಾಪನಾರ್ಥಂ ತು ಧೈರ್ಯಾದ್ ವಾ ಬುದ್ಧಿಶೌರ್ಯತಃ |
ಉರ್ವ್ಯಾಂ ತ್ವಮವದಃ ಸರ್ವೇ ವೃಥಾ ಗರ್ವೇಣ ಗರ್ಹೀತಾಃ |೪೦|

ವಿದ್ವತ್ಸು ಬುದ್ಧಿ ಚಾತುರ್ಯೇ ತ್ವಾದೃಶೋ ನಾಸ್ತಿ ನಂದನ |
ವೃಂದಾವನಪತೀನಾಂ ತು ಮಾದೃಶೋ ನಾಸ್ತ್ಯ ಭೀಷ್ಟದಃ |೪೧|

ಅಸ್ಮಿನ್ನರ್ಥೇ ಚ ಸಾಕ್ಷೀ ಯಃ ಸುಕ್ಷೀಣೋ ಬ್ರಾಹ್ಮಣೋ ಮಯಾ |
ಪಕ್ಷೀಕೃತಃ ಪುತ್ರ ಕಿಂ ವಾ ವಕ್ಷ್ಯಾಮಿ ಪುನರೇವ ಚ |೪೨|

ಉಜ್ಜೀವಿತಶ್ಚ ಮಜ್ಜಾತ ಕುಬ್ಜಾಪತಿಪರಾಯಣ |
ತ್ವಜ್ಜಾತೀನಾಂ ಸಮಾಜೇನ ಪೂಜಿತಸ್ತ್ವಂ ನ ಸಂಶಯಃ |೪೩|

೬. ವಿಪ್ರ ಪ್ರಕರಣಮ್ | ಶ್ಲೋಕಾ: [೪೪-೪೮]

ನಾಧ್ಯಾಪಯಾಮಿ ಚಾಧ್ಯಾಯಪರ್ಯಂತಂ ತವ ವಿಪ್ರಕ |
ತ್ವಮದ್ದಾ ಸ್ವಾಧ್ಯಾಯಹೀನಃ ತಾವದದ್ಯಪ್ರಭೃತ್ಯತಃ |೪೪|

ನಂದನೇನ ಸಮೀಚೀನಂ ನ ದತ್ತಂ ವಸ್ತ್ರಮಪ್ಯುತ |
ಕಂದಾಶನೇಂದ್ರ ಭಕ್ತಸ್ಯ ಶ್ರೀಪತೇಃ ಸರ್ವಥಾಽತ್ರ ತು |೪೫|

ಕಂದಾಶನೇಂದ್ರ ಭಕ್ತಸ್ಯ ತವ ವಿಪ್ರ ಸಭಾಗ್ರತಃ |
ತಸ್ಮಾದಲಮಲಂಕೃತ್ಯಾ ತ್ವಾಂ ವೃಥಾ ಶ್ರಮಯಾಮ್ಯಹಂ |೪೬|

ಹಿತ್ವಾ ಕಲಿಮಲಂ ವಿಪ್ರ ವದ ವೃಂದಾವನೇ ಕೃತಿಂ |
ಮನ್ಮಧ್ಯಸ್ಥ ಹಯಗ್ರೀವೋ ಗ್ರಾಸಂ ತೇ ಪ್ರತಿದಾಸ್ಯತಿ |೪೭|

ವೇದಾಗ್ರ್ಯಂ ಭಾರತಂ ಚಾಪಿ ವದ ವೃಂದಾವನಾಗ್ರತಃ |
ಪ್ರೇರಯಿತ್ವಾ ಚ ಮತ್ಪುತ್ರಂ ತವ ಪ್ರಿಯ ನ ಸಂಶಯಃ |೪೮|

೭. ಶ್ರೀಪತಿ ಪ್ರಕರಣಮ್ | ಶ್ಲೋಕಾ: [೪೯-೫೦]

ಕಾರಯಿತ್ವಾ ಭಾರತಸ್ಯ ತ್ವಯಾ ಸೇವಾಮಪಿ ಪ್ರಿಯ |
ಶ್ರೀಪತೇ ಶ್ರೇಷ್ಠವಿತ್ತಂ ತು ನ ದತ್ತಂ ಪುತ್ರ ಕಿಂ ವದೇ |
ಜನಾನಾಂ ಕರ್ಣಜಾಡ್ಯಂ ಸಃ ಹರತೇ ಪಾಠತಃ ಕೃತೇಃ |೪೯|

ಯಾವತ್ ತವ ಶರೀರೇ ತು ವಸಾಮ್ಯಹಮಿಹ ಪ್ರಿಯ |
ತಾವಜ್ಜೀವಸಿ ಹೇ ವಿಪ್ರ ಹಾ ಮೃತೋಽಸಿ ಗತೇ ಮಯಿ |೫೦|

೮. ದಂಬಲ ಗ್ರಾಮಸ್ಥ ನಾರಾಯಣ ಪ್ರಕರಣಮ್ | ಶ್ಲೋಕಾ: [೫೧-೫೨]

ಹೇ ದಾಂಬಲ ಪಿತ್ತಮೌಲೇ ನಾರಾಯಣ ಗುಣಾಧಮ |
ಕಲಹಂ ಕರ್ತುಮುದ್ಯುಕ್ತಸ್ತ್ವಂ ಧಿಗ್ವಾಲಂ ತವಾಧುನಾ |೫೧|

ಕನಕಾ ಕೃಷ್ಣಭಟ್ಟೋಽಯಂ ಕನಕಾತ್ತಮನಾ ಅಪಿ |
ಮನಾಕ್ ಮತ್ ಜ್ಞಾನಸಂಪತ್ಯಾ ಮನಃಕಾಮಂ ಪ್ರಯಾತಿ ಚ |೫೨|

೯. ವಿಟ್ಠಲ ಪ್ರಕರಣಮ್ | ಶ್ಲೋಕಾ: [೫೩-೫೯]

ಹೇ ನಂದನ, ಶ್ರುಣು ಸ್ಪಷ್ಟಂ ಶಿಷ್ಟಸ್ಯ ವಚನಂ ಮೃಷಾ |
ನಾಗಾಹ್ವಪಂಡಿತಸ್ಯಾಽಸೀತ್ ತಸ್ಯಾಭೀಷ್ಟಂ ಕಥಂ ಭವೇತ್ |೫೩|

ನಾನೃತಾತ್ ಪಾತಕಂ ನಾಸ್ತಿ ಕೋಽನೃತಂ ವದತೇ ಬುಧಃ |
ಸೋಽನೃತಾತ್ಮಾ ನಶ್ಯತೀತಿ ಶ್ರೀನೃಸಿಂಹೋಽಭಿಜಾನತೇ |೫೪|

ತಸ್ಮಾನ್ನ ವಕ್ತವ್ಯಮೇತದನೃತಂ ತ್ವಮೃತಾತ್ಮಭಿಃ|
ಕಿಮೃತಾತ್ಮಾ ವದತ್ಯೇವಂ ಶ್ರೀನೃಸಿಂಹಮತಂ ಗತಃ|೫೫|

ಅಹಂ ನ ನಿಂದಯಾಮಿ ತ್ವಾಂ ಸ್ವಭಾವಃ ಕಥ್ಯತೇ ತವ |
ಮಯಾ ತ್ವಯಾ ನ ಕರ್ತವ್ಯಃ ಕಲಹೋಽತ್ರ ಕಲಿಪ್ರಿಯಃ |೫೬|

ಸ್ವರೂಪಸ್ಯಾನಪಾಯಿತ್ವಾತ್ ವೃಥಾ ಕಿಂ ಕಲಹೇನ ತೇ |
ಕಲಹೇ ಕ್ರಿಯಾಮಾಣೇಽಪಿ ಸ್ವರೂಪಂ ಗಚ್ಛತೇ ನು ಕಿಂ |೫೭|

ಅನ್ಯಥಾ ಮತ್ಕೃತಿರಿಯಂ ನ ವಿಪ್ರಕೃತಿರಿತ್ಯಥ |
ಪ್ರತ್ಯಯಸ್ತೇ ಭವೇದತ್ರ ಭಕ್ತಿಸ್ತಸ್ಮಾಜ್ಜನಿಷ್ಯತೇ |೫೮|

ದಿವಾ ವಾ ಯದಿ ವಾ ರಾತ್ರೌ ನಿದ್ರಾಯಾಂ ಭದ್ರಮಸ್ತು ತೇ |
ವಕ್ಷ್ಯೇ ಸ್ವಪ್ನೇಽಥವಾ ಸ್ವಪ್ನೋಽಪ್ಯಹಂ ತ್ವಿಹ ದಿವಾಽಪ್ಯಹೋ |೫೯|

೧೦. ಲಕ್ಷ್ಮೀಪತಿ ಪ್ರಕರಣಮ್ | ಶ್ಲೋಕಾ: [೬೦-೬೭]

ಗೇಹಂ ನಾಸ್ತೀತಿ ತೇ ಚಿಂತಾ ಮಾಽಸ್ತು ದೇಹಂ ವಸಾಮ್ಯಹೋ |
ಸೋಹಂ ಮಹಾನುಭಾವಸ್ತೇ ಗೇಹದೋ ಮಮ ದೇಹದಃ |೬೦|

ಬಲಾತ್ಕಾರೇಣ ಮತ್ಪುತ್ರಂ ವದ ಲಕ್ಷ್ಮೀಪತೇ ಕೃತಿಂ |
ಕುಲಾನ್ನುದ್ಧರ ಪೂರ್ವೇಷಾಂ ದಶ ಪೂರ್ವಾನ್ ದಶಾಪರಾನ್ |೬೧|

ಹೇ ಸುತಾಧ್ಯಾಯಕರಣಂ ಕುತೋ ನ ಕೃತವಾನಸಿ |
ಬತ ಸ್ವಾಧ್ಯಾಯತಿಥಿಷು ತ್ವಂ ಕುರುಷ್ವ ಪ್ರಿಯೋಽಸಿ ಚೇತ್ |೬೨|

ಹಿಮಕೋಕಿಲ ಏವಾಹಂ ವಕ್ತವ್ಯಾಂಶೇಽಪಿ ವಾ ಕಲೌ |
ಯುಗೇ ಜಲಚರಾ ಯದ್ವತ್ ಚಾಂಚಲ್ಯನಿರತಾ ನರಾಃ |೬೩|

’ಸ ಉಚ್ಚಕಾಶೇ ಧವಲೋದರೋದರೋ ದಾಧ್ಮಾಯಮಾನಃ ಕರಕಂಜಸಂಪುಟೇ |
ಉರುಕ್ರಮಸ್ಯಾಧರ ಶೋಣಶೋಣಿಮಾ ಯಥಾಽಬ್ಜಷಂಡೇ ಕಳಹಂಸ ಉತ್ಸ್ವನಃ |೬೪|

ಇತಿ ಭಾಗವತಂ ಪದ್ಯಂ ದ್ರಷ್ಟವ್ಯಂ ನಂದನ ತ್ವಯಾ |
ವಂದನಂ ಮಮ ಕರ್ತವ್ಯಂ ವೃಂದಾವನಕೃತೇರಪಿ |೬೫|

ತಾದೃಶಂ ಶಂಖಮಾದಾಯ ನಿ:ಶಂಕೋಽಹಂ ಮಹಾಮತೇ |
ದಧ್ಮಾಮಿ ತಾನ್ ಪ್ರಪುಂಖಾನಿ ವಿಸ್ಮಿತಶ್ಚಾಂಕಜೋ ಮುನಿಃ |೬೬|

ಆಶನಿ:ಶ್ವಾಸಹೀನಂ ಮಾಂ ಭಾಸಮಾನಾಸ್ಯಪಂಕಜಂ |
ಹಯಾಸ್ಯದಾಸಸ್ಯ ಸೋಽಯಂ ನಿಶಾಮ್ಯಾಽಶು ಸುವಿಸ್ಮಿತಃ |೬೭|

೧೧. ವಿಪ್ರ ಪ್ರಕರಣಮ್ | ಶ್ಲೋಕಾ: [೬೮]

ಅಂಹೋ ಮುಗ್ವಚನಂ ಹಿತ್ವಾ ಗಹ್ವರೇತಿ ತ್ವಯೋಚ್ಯತೇ |
ಉಪಹ್ವರೇ ವದಸ್ವ ತ್ವಂ ಮಹಿಷ್ಠಂ ನ ಸಭಾಸು ಚ |೬೮|

೧೨. ಶ್ರೀಪತಿ ಪ್ರಕರಣಮ್ | ಸಭಾಸು ಚೇತ್ಯಾರಭ್ಯ | ಶ್ಲೋಕಾ: [೬೯-೭೦]

ತ್ಯಾಗಾನ್ವಿತಾ ವದಸ್ವ ತ್ವಂ ತದ್ವಾಗದ್ಯ ನ ಶೋಭತೇ |
ನಾಗಾಹ್ವಪಂಡಿತಂ ಚಾತ್ರ ಮದ್ವಾಗಾಶು ತ್ವಯೋಚ್ಯತಾಂ |೬೯|

ನಿಶ್ಯಂಕ ಏವ ಶ್ರೀಕಾಂತ ನಿರಾತಙ್ಕಂ ವಚೋ ಮಮ |
ಏಕಾಂತೇ ನ ಮೃಷೈಕಾಂತಂ ವದ ಲೋಕಾಂತತೋಽಪಿ ತಂ |೭೦|

೧೩. ಹಯಗ್ರೀವ ಕರ್ಮಂದಿ ಪ್ರಕರಣಮ್ | ಶ್ಲೋಕಾ: [೭೧]

ಉಪರಾಗಂ ಹಯಗ್ರೀವ ಕರ್ಮಂದಿನ್ ಪ್ರಾಪ್ತಮಗ್ರತಃ |೭೧|

೧೪. ಸೀತಾಪತಿ ಪ್ರಕರಣಮ್ | ಶ್ಲೋಕಾ: [೭೧-೯೦]

ಪಶ್ಯ ಸುಗ್ರೀವ ಮಿತ್ರಾಹ್ವಾದು ದಾನಂ ಕುರುತೇ ಋತಃ |೭೨|

ನಾಗಾಹ್ವಪಂಡಿತೋ ಯದ್ವನ್ ಮಾ ಮೃಷಾ ಗಾಂ ತ್ವಮಬ್ರವೀಃ |
ಕೋಽಮೃಷಾವಚನಂ ಬ್ರೂತೇ ಕೋವಿದಸ್ತ್ವಾಂ ವಿನೇಹ ಚ |೭೩|

ಪೂರ್ವಂ ತು ಮಾತುಲವ್ಯಾಜಾದಹಂ ಸಕಲ ಜೀವರಾಟ್ |
ಭೂತಲೇ ದತ್ತವಾನಸ್ಮಿ ಕಾಲಜ್ಞಃ ಸಾರ್ಧನಿಷ್ಕಕಂ |೭೪|

ಅಹಂ ತ್ರಿಲೋಕಪೂಜಿತಃ ಕೃತಾಂತಲೋಕನಾಯಕಃ|
ಅಹಂ ಕುಲೋದ್ಧೃತಿಂ ತತೋಽಕರಂ ಚ ಸೌರಿಲೋಕತಃ |೭೫|

ವೃಂದಾವನಾಚಾರ್ಯತೋರ್ವೀಂ ಹರತೇ ಯೋಽತಿ ರೌದ್ರಕಃ |
ಸ ಮದ್ವೃಂದಾವನದ್ರೋಹೀ ಹ್ಯಭದ್ರಂ ಚ ಭವೇದ್ ಧೃವಂ |೭೬|

ಹರೇ ಸ್ಮರೇ ತೇ ಚರಣೇ ಹರ ಮೇ ಸಂಸ್ಕೃತಿಂ ಋಣೇ |
ವರಂ ತವ ಕರೇಣಾಽರ್ಯ ಸ್ಪೃಶ ಮಾಂ ಕರುಣಾಂ ಕುರು |೭೭|

ಇತ್ಯಹಂ ಪ್ರಾರ್ಥಯಾಮ್ಯುಗ್ರಂ ಹಯಗ್ರೀವಂ ಮಹಾಗ್ರಹಂ |
ನಿಗ್ರಾಹ್ಯ ಚೇಂದ್ರಿಯಗ್ರಾಮಂ ಶೀಘ್ರಂ ನಾಸಾಗ್ರಲೋಚನಃ |೭೮|

ಮಮ ಸದ್ಭಕ್ತಿ ಸಂಭೂತಿಂ ಯೇ ವದಂತಿ ಬುಧೋದಿತಾಂ |
ತೇಷಾಂ ಸತ್ಸಂಪದಃ ಸ್ಯುಸ್ತಾ ಮೂರ್ತಿಮತ್ಯೋಽತ್ರ ಯಾಃ ಸುತ |೭೯|

ದೀರ್ಘಗ್ರೀವೈರ್ಭುಕ್ತರಂಭಾಫಲೈರ್ಜಿಹ್ವಾ ವಿದಾರ್ಯತೇ |
ತದ್ವದ್ ಭುಕ್ತೈರ್ಮದ್ಧನೈಶ್ಚ ತಜ್ಜಿಹಾಪಿ ವಿದಾರ್ಯತೇ |೮೦|

ಯಜ್ಜಿಹ್ವಾ ಮತ್ಕೃತಿಂ ನೈವ ವಕ್ಷ್ಯತೀಹ ಪರತ್ರ ಚ |
ಭಾರ್ಯಾಮದ್ಭಕ್ತ ಮುಖ್ಯಸ್ಯ ಯಾಂತು ದುಷ್ಕೃತಿಮಾತ್ಮನಃ |೮೧|

ಕಾರ್ಯಾತ್ ಪ್ರಾಕ್ಛಿಥಿಲಾಂ ಕೃತ್ವಾ ನಾರ್ಯಾಃ ಕೀರ್ತಿಮುಪಾದದೇ |
ಶ್ವಿತ್ರಿಣಾಂ ಮೂತ್ರಪಾನೇನ ತತ್ಪಾತ್ರೇಷು ಚ ಮಜ್ಜತೇ |೮೨|

ಸಹಸ್ರಧಾ ಭವೇಚ್ಛಿನ್ನಾ ಸಹಸ್ರಾಂಶುಸುತೇನ ಚ |
ಸಹಸ್ರಾಕ್ಷಸಭಾಯಾಂ ತು ಸಹಸ್ರಾರೇಣ ತಪ್ಯತೇ |೮೩|

ಸಹಸ್ರವಾರಂ ವಿಷ್ಠಾಯಾಂ ಷಷ್ಠಿವರ್ಷ ಸಹಸ್ರಕಂ |
ಸಹಸ್ರಚಂಡಾಲಜಾನಾಂ ಸಹಸ್ರಾಂಡಾನಿ ಭಕ್ಷ್ಯತಾಂ |೮೪|

ಸಹ ಭಾಂಡೇ ಸುರಾಪೀನಾಂ ಪಚ್ಯಂತೇ ನಾತ್ರ ಸಂಶಯಃ |
ಜಾಯಂತೇ ಚಾಷ್ವಧಾ ಚೈವ ಕಷ್ಟಯೋನಿಷು ನಾನ್ಯಥಾ |೮೫|

ತಸ್ಮಾಚ್ಛ ಮತ್ಕೃತೇಃ ಪಾಠಂ ಶಿಷ್ಟಾಃ ಕುರ್ವಂತು ಸರ್ವಥಾ|
ಇಷ್ಟಂ ಚ ತೇಷಾಂ ಭವತಿ ಕಷ್ಟಂ ನೇಹ ಪರತ್ರ ಚ |೮೬|

ಯೇ ಮೃಷಾವಾದಿನಂ ಮಾಂ ತು ಜಾನಂತಿ ಮನುಜಾಧಮಾಃ |
ಕೀನಾಶಲೋಕಿತಾಂ ಯಾಂತಿ ನಾನಾಶೋಕ ಸಮನ್ವಿತಾಂ |೮೭|

ತಸ್ಮಾನ್ಮಯೋಕ್ತಂ ಯತ್ ಸರ್ವಂ ತತ್ ಸತ್ಯಂ ನಾತ್ರ ಸಂಶಯಃ |
ಮತ್ಸತ್ಯವಚನಂ ಶ್ರುತ್ವಾ ಸತ್ಸು ತದ್ ವದ ನಂದನ |೮೮|

ಸ್ವಾಪ್ನಶ್ಲೋಕೇಽಪಿ ಯತ್ ಪ್ರೋಕ್ತಂ ಪ್ರಾಪ್ನುವನ್ ತಚ್ಚನಾನ್ಯಥಾ |
ಆತ್ಮವಾನಪಿ ಜಾನಾತಿ ತಾಪನೇ ಕ್ರೂರತಾಂ ದಿವಿ |೮೯|

ದಿವಾ ಸ್ವಪ್ನೇರಿತಾಂಛ್ರ್ಲೋಕಾನ್ ಭವಾಬ್ಧೇಸ್ತಾರಕಾನ್ ಸುತ |
ಸುವಾಗ್ವೈಖರ್ಯರಾಶೀರ್ಮೇ ತವಾರ್ಥೈಃ ಪೂರಯಿಷ್ಯತಿ |೯೦|

೧೫. ವಾಸುದೇವಮುನಿ ಪ್ರಕರಣಮ್ | ಶ್ಲೋಕಾ: [೯೧-೯೯]

ವೆಂಕಟೇಶೋ ಮಠೇಶಸ್ಯ ಮಮ ವೃಂದಾವನಂ ಪ್ರತಿ |
ತ್ರಿಕೂಟೇಶೇನ ಚಾಽಯಾತಃ ಕಾಠಾಕೇಶೈಃ ಸಹರ್ಷಿಭಿಃ |೯೧|

ತಸ್ಮಾಚ್ಚ ಶ್ರೀಪತೇಃ ಶ್ರೀನಿವಾಸಸ್ಯ ಮನಸಾ ಕುರು |
ವಾಸುದೇವಮುನೇ ಶ್ರೀಮಾನ್ ಶನಿವಾರೇ ಸುಪೂಜನಂ |೯೨|

ಮಂದವಾರೇಽಪಿ ವಾಽಮಂದ ಕುರು ವೃತ್ತಿಂ ಚ ಮಾಧವೀಂ |
ವೃಂದಾವನಪತಿಂ ಕಂದಾಶನವಂದ್ಯಂ ಸುಕೀರ್ತಯನ್ |೯೩|

ಕಂದಾಶನಸ್ಯ ಮೇ ವೃಂದಾವನಂ ಸಂಪ್ರತಿ ನಂದನ |
ಮಂದಾಕಿನ್ಯಾಃ ಸಮಾಯಾತೋ ಮುಕುಂದೋ ಬಿಂದುನಾಮಕಃ |೯೪|

ಯತೋಽಸ್ಮದ್ವೃಂದಾವನಸ್ಯ ದರ್ಶನೇ ಬಿಂದುಮಾಧವಂ |
ದೃಷ್ಟ್ವಾ ಮುಕುದಂ ಯತ್ ಪುಣ್ಯಂ ಶ್ರೀನಿವಾಸಂ ತದಾಪ್ನುಯಾತ್ |೯೫|

ಓಂ ಏತತ್ಸರ್ವಂ ಸ್ವಾಪ್ನಪದ್ಯೇನ ಗರ್ವಂ ಹಿತ್ವಾ ಸರ್ವೇ ವಿಪ್ರವರ್ಯಾಸ್ಯಜೇನ |
ಶೃತ್ವಾ ಚೋರ್ವ್ಯಾಂ ಶರ್ವ ಗುರ್ವಾದಿ ದೇವಾನ್
ದೃಷ್ಟ್ವೋರ್ವಶಿಂ ಯಾಂತು ಮಾಂ ಮಾನವೇಂದ್ರಾಃ |೯೬|

ಇದಂ ವೃಂದಾವನಾಖ್ಯಾನಂ ಯೇ ಪಠಂತಿ ಮನೀಷಿಣಃ |
ಮುಕುಂದಾವನಮೇವಾಸ್ತು ತೇಷಾಂ ಕಂದಾಶನಾಜ್ಞಯಾ |೯೭|

ಇದಮರ್ಪಿತಮೇವಾಸ್ತು ಹಯಶೀರ್ಷಸ್ಯ ಪಾರ್ಷದಾತ್ |
ಸಮಂ ಸಹಸ್ರಶೀರ್ಷಸ್ಯ ಸೂಕ್ತಸ್ಯ ಪುರುಷಾತ್ ಕೃತಮ್ |೯೮|

ಯಚ್ಛ್ರುಣ್ವತಾಂ ಭಕ್ತಿರುದಾರಸದ್ಗುಣೇ ಹರೌ ಹರೇರ್ಲೋಕಗತೇ ತಥಾ ಮಯಿ |
ಭವತ್ಯಹೋ ಸರ್ವಶುಭಾಪ್ತಿಸನ್ಮತೀರ್ ದದಾತ್ಯಜಸ್ರಂ ಸುತ
ಸತ್ಯಮೇವ ತತ್ ಓಂ |೯೯|

| ಇತಿ ಶ್ರೀಸ್ವಾಪ್ನವೃಂದಾವನಾಖ್ಯಾನೇ ಅಲೌಕಿಕ ವಿಭಾಗೇ
ನಿದರ್ಶನಪರ್ವಣಿ ವಿಂಶಾಧ್ಯಾಯ: ಸಮಾಪ್ತ: |

|| ಶ್ರೀ ಅಶ್ವಿನೀಹಯಗ್ರೀವಾತ್ಮಕ ಕೃಷ್ಣಾರ್ಪಣಮಸ್ತು ||

21. Svaapnavrundavanakhyana