01. Svaapnavrundavanakhyana

Composer : Shri Vadirajaru

| ಶ್ರೀ ಹನುಮದ್ಭೀಮಮಧ್ವ ವಾದಿರಾಜಗುರ್ವಂತರ್ಗತ ರಾಮಕೃಷ್ಣ
ವೇದವ್ಯಾಸಾತ್ಮಕ ಶ್ರೀಲಕ್ಷ್ಮೀಹಯಗ್ರೀವಾಯ ನಮ: |

|ಓಂ| ಲಕ್ಷ್ಮೀಕಾಂತಂ ಭೂವರಾಹಂ ಭಜೇಹಂ ಬಾದರಾಯಣಂ |
ವಾದಿರಾಜ ಹೃದಂಭೋಜ ಮಂದಿರಂ ವಾಜಿಕಂಧರಂ |೧|

ಭೀಮಸೇನಾನಂದತೀರ್ಥ ವಾನರೇಂದ್ರಾನಹಂಭಜೇ |
ವಾದಿರಾಜ ಗುರೂನ್ ವಂದೇ ವೇದವೇದ್ಯ ಗುರೂನ್ ಭಜೇ |೨|

ಗುರೂನ್ ವೇದ ನಿಧೀನ್ ವಂದೇ ನಾರಸಿಂಹ ಗುರೂನ್ ಭಜೇ |
ವಂದೇ ನಾರಾಯಣಾಚಾರ್ಯಾನ್ ಕರ್ಣಾದಿ ಗಣ ಸೇವಿತಾನ್ |೩|

ವಂದೇ ವೃಂದಾವನಾಚಾರ್ಯಾನ್ ಹಯಗ್ರೀವ ಮುನೀನ್ ಭಜೇ |
ಶೇಷ ಸೀತಾಪತಿ ವ್ಯಾಸಾನ್ ಪ್ರಣಮಾಮಿ ಗುರುಪ್ರಿಯಾನ್ |೪|

[ವೃಂದಾವನಾರ್ಯಸಮ್ಪ್ರಾಪ್ತಜ್ಞಾನೈಶ್ವರ್ಯಾನಹಂ ಸದಾ |
ರಘುಪ್ರವೀರಾಖ್ಯಗುರೂನ್ ಭಜೇ ಜ್ಞಾನಾದಿಸಿದ್ಧಯೇ |]

ಶ್ರೀಮದ್ವೃಂದಾವನಾಖ್ಯಾನವ್ಯಾಖ್ಯಾನೇ ಮಂದಧೀರಹಮ್ |
ಯದ್ಯಪ್ಯನಧಿಕಾರ್ಯಸ್ಮಿನ್ ತಥಾಽಪಿ ಗುರುವಾಕ್ಯಥ: |೫|

ಮಯಾ ಯದಲ್ಪಂ ವಿಜ್ಞಾತಂ ತತ್ ಸ್ಮೃತ್ಯರ್ಥಂ ನಿರೂಪ್ಯತೇ |
ಸಂತ: ಸಂತು ಕೃಪಾವಂತೋ ಗುರುರಾಜಪದಾಶ್ರಯಾ: |೬|

ಭಗವಾನವ್ಯವಹಿತಭಾವಿಕಲ್ಪಸಮೀರೋ ಲಾತವ್ಯಾಚಾರ್ಯಃ
ಸುರವರ್ಯೈಃ ಸಂಪ್ರಾರ್ಥಿತಃ ಶ್ರೀನಾರಾಯಣೇನಾಽಜ್ಞಪ್ತಃ
ಸನ್ ಭೂಮಾವವತೀರ್ಯ ವಾದಿರಾಜನಾಮಾ ಯತಿಕುಲತಿಲಕೋ
ಭೂತ್ವಾ ದುರ್ವಾದಿನೋ ವಿಜಿತ್ಯ ಯುಕ್ತಿಮಲ್ಲಿಕಾದೀನ್ ಗ್ರಂಥಾನ್
ವಿರಚಯ್ಯ ಸಜ್ಜನಾನಾಂ ಸಮ್ಯಗ್ ಜ್ಞಾನಮುತ್ಪಾದ್ಯ
ಅತ್ಯಕ್ತದೇಹಃ ಸನ್ ವೃಂದಾವನಸ್ಥೋ ಭೂತ್ವಾ
ಭಕ್ತಾನಾಮಿಷ್ಟಾನಿಷ್ಟಪ್ರಾಪ್ತಿಪರಿಹಾರ
ಸಾಧಾನಾತ್ಯರ್ಥಪ್ರಸಾದಜನಕಾಪರೋಕ್ಷ
ಜ್ಞಾನಜನಕಪರೋಕ್ಷನಿಶ್ಚಯೋತ್ಪಾದಕೋಪನಿಷದಾದಿ
ಪ್ರತಿಪಾದ್ಯ ಋಜುಭಾವಂ ಸ್ವಸ್ಯ ಖ್ಯಾಪಯಿತುಂ
ವೃಂದಾವನಾಖ್ಯಾನಂ ಕುರ್ವನ್
ಕಸ್ಯಚಿತ್ತದಾನೀಮಕುಶಲದೇಶೀಯಬ್ರಾಹ್ಮಣಸ್ವಪ್ನೇ
ವಿಶ್ವಾಸಯೋಗ್ಯಾನಾಂ ವಿಶ್ವಾಸಮುತ್ಪಾದಯಿತುಮುಪದಿದೇಶ | ..
ವಿಲೀನಪ್ರಕೃತಿತಯಾಽನ್ತರಾಯವಿಧುರೋಽಪ್ಯಾಚಾರ್ಯವತ್
ಶಿಷ್ಯಾನ್ ಗ್ರಾಹಯಿತುಂ ಗ್ರಂಥಾದೌ ಮಙ್ಗಲಮಾಚರತಿ – ಹಯಗ್ರೀವೇತ್ಯಾದಿನಾ |

ಅಥ ಸ್ವಾಪ್ನವೃಂದಾವನಾಖ್ಯಾನಮ್ ಪ್ರಾರಭ್ಯತೇ |
ಶ್ರೀ ವಾದಿರಾಜ ಗುರುಭ್ಯೋ ನಮ:

| ಅಥ ಪ್ರಥಮಾಧ್ಯಾಯಃ |

೧. ವಿಪ್ರ ಪ್ರಕರಣಮ್ [ಶ್ಲೋಕಾ: ೧-೧೧೨]

ಹರಿಃ ಓಂ |

ಹಯಗ್ರೀವಂ ಚಿದಾನಂದವಿಗ್ರಹಂ ಸದನುಗ್ರಹಂ |
ದಶಗ್ರೀವಚ್ಚಿದಂ ಶಾಪಾನ್ಮಣಿಗ್ರೀವ ವಿಮೋಚನಂ |೧|

ಸುಗ್ರೀವಾಭಯದಂ ಸಮ್ಯಗುಗ್ರಸೇನ ವಿಭೂತಿದಂ |
ಉಗ್ರವಿಗ್ರಹ ಹಂತಾರಂ ಭಕ್ತಾಭಯಕರಗ್ರಹಂ |೨|

ಸ್ವನಾಮಗ್ರಹಣಾದೇವ ನಿರಸ್ತಗ್ರಹವಿಗ್ರಹಂ |
ವೃಂದಾವನಗತಂ ವಂದೇ ಬ್ರಹ್ಮರುದ್ರೇಂದ್ರ ವಂದಿತಂ |೩|

ಶಕ್ರರಾಜ್ಯ ಪ್ರದಾತಾರಂ ಚಕ್ರಶಂಖಧರಂ ಹರಿಂ |
ನಕ್ರಮೋಚಿತ ಹಸ್ತೀಂದ್ರಂ ವಕ್ರಬುದ್ದಿವಿದಾರಣಂ |೪|

ಶುಕ್ರೇ ವಕ್ರೇಪಿ ಹರ್ತಾರಂ ಬಲಿರಾಜ್ಯಂ ಮಹಾಪ್ರಭುಂ |
ವೃಂದಾವನಗತಂ ವಂದೇ ಬ್ರಹ್ಮರುದ್ರೇಂದ್ರ ವಂದಿತಂ |೫|

ತ್ರಿವಕ್ರಾನುಗ್ರಹಂ ದೇವಂ ತ್ರಿಜಗದ್ವಂದ್ಯವಿಗ್ರಹಂ |
ತ್ರಿವೇದವೇದ್ಯ ವಿಭವಂ ತ್ರಿಲೋಕಾನಾಮಥೇಶ್ವರಂ |೬|

ತ್ರಿವಿಕ್ರಮಂ ತ್ರಿಕಾಲಜ್ಞಂ ತ್ರಿಧಾಮಾನಮಥಾಚ್ಯುತಂ |
ತ್ರಿದಶಾನುಗ್ರಹಂ ದೇವಂ ತ್ರಿಪುರಘ್ನಭಯಾಪಹಂ |೭|

ವೃಂದಾವನಗತಂ ವಂದೇ ಬ್ರಹ್ಮರುದ್ರೇಂದ್ರವಂದಿತಂ |೮|

ವೃಂದಾವನಗತಂ ದೇವಂ ಮಂದಾಕಿನ್ಯಾಃ ಪದಂ ಹರಿಂ |
ಕಂದಾಶನ ಮನೋಗಮ್ಯಂ ವೃಂದಾರಕ ಸಮನ್ವಿತಂ |೯|

ಅಮಂದಾನಂದ ಸಂದೋಹಂ ಮಂದಾರಸ್ಯಾಪಹಾರಿಣಂ |
ವೃಂದಾವನಗತಂ ವಂದೇ ಬ್ರಹ್ಮರುದ್ರೇಂದ್ರವಂದಿತಂ |೧೦|

ಆತ್ಮಸ್ತೋತ್ರಜ ದೋಷಂ ತಂ ಆತ್ಮಸ್ತೋತ್ರಂ ವಿನಾಶಯೇತ್ |೧೧|

ಇಂದ್ರೋ ರುದ್ರಃ ಕುಬೇರಶ್ಚ ಯಮೋ ವರುಣ ಏವ ಚ |
ಅಗ್ನಿರ್ನಿಋತಿರ್ವಾಯುಶ್ಚ ಚಂದ್ರ ಸೂರ್ಯಾದಯೋ ಗ್ರಹಾಃ |೧೨|

ದೇವೋಪದೇವಾ ಭೂದೇವಾ, ನರದೇವಾಶ್ಚ ಸರ್ವಶಃ |
ಸಕಲತ್ರಾಃ ಸುಪುತ್ರಾಶ್ಚ ಸರ್ವೇ ಸಪರಿವಾರಕಾಃ |೧೩|

ಗೀತವಾದಿತ್ರ ನೃತ್ಯೈಶ್ಚ ಜಯಶಬ್ದ ಪುರಸ್ಕೃತೈಃ |
ನಾನೋಪಹಾರಬಲಿಭಿರ್ಬ್ರಹ್ಮಘೋಷೋಪ ಬೃಂಹಿತೈಃ |೧೪|

ಉಪಾಸತೇ ಹಯಗ್ರೀವಂ ವೃಂದಾವನಗತಂ ಸದಾ |೧೫|

ತ್ರಯಸ್ತ್ರಿಂಶಚ್ಚ ಕೋಟೀನಾಂ ದೇವಾ: ಸನ್ನಿಹಿತಾ: ಸದಾ |
ಮಮ ವೃಂದಾವನೇ ಪುಣ್ಯೇ ಹಯಗ್ರೀವಸ್ಯಚಾಜ್ಞಯಾ |೧೬|

ತೀರ್ಥಾನಾಂ ಉತ್ತಮಂ ತೀರ್ಥಂ ವನಾನಾಂ ಉತ್ತಮಂ ವನಂ |
ಕ್ಷೇತ್ರಣಾಂ ಉತ್ತಮಂ ಕ್ಷೇತ್ರಂ ಮಮ ವೃಂದಾವನಂ ದ್ವಿಜ |೧೭|

ವನಂ ವೃಂದಾವನಂ ನಾಮ ನೈಮಿಷಂ ವನಮೇವ ಚ |
ವನಂ ಚೈತ್ರರಥಂ ನಾಮ ನಂದನಂ ವನಮೇವ ಚ |೧೮|

ವನಂ ತು ಖಾಂಡವಂ ನಾಮ ಗುಹಸ್ಯ ವನಮೇವ ಚ |
ವನಂ ತು ಪದ್ಮಕಂ ನಾಮ ಸೋಮನಂದಿವನಂ ತಥಾ |೧೯|

ಬ್ರಹ್ಮಾರಣ್ಯಮಿತಿ ಖ್ಯಾತಂ ಯದ್ ವನಂ ವರ್ತತೇ ಭುವಿ |
ಆನಂದಕಾನನಂ ಚೇತಿ ಯದ್ ವನಂ ವರ್ತತೇ ಸದಾ |೨೦|

ಏತಾನ್ಯನ್ಯಾನಿ ಪುಣ್ಯಾನಿ ವರ್ತಂತೇ ಭುವಿಕಾನಿ ಚಿತ್ |
ತಾನಿ ಸರ್ವಾಣಿ ವರ್ತಂತೇ ಮಮ ವೃಂದಾವನೇದ್ವಿಜ |
ತಸ್ಮಾದ್ವೃಂದಾವನಮಿದಂ ಸರ್ವಾಭೀಷ್ಟಪ್ರದಂ ಸತಾಂ |೨೧|

ಪರ್ವತಗಳು [ತದಭಿಮಾನಿಗಳು]

ಮಂದರೋ ಹಿಮವಾನದ್ರಿರ್ಮಾಹೇಂದ್ರೋ ಗಂಧಮಾಧನಃ |
ವಿಂಧ್ಯಾಚಲೋಽಥ ಮೈನಾಕ ಇಂದ್ರಕೀಲಕ ಏವ ಚ |೨೨|

ಸುನಾಭಃ ಪಾರಿಯಾತ್ರಶ್ಚ ವಜ್ರನಾಭಸ್ತಥಾ ಗಿರಿಃ |
ಶ್ರೀಪರ್ವತಃ ಶೇಷಗಿರಿಸ್ತಥಾ ಹೇಮಗಿರಿಃ ಸ್ವಯಂ |೨೩|

ಗೋವರ್ಧನೋ ಗೋವೃಷಶ್ಚ ಗೋಮಂತಃ ಪರ್ವತೋತ್ತಮಃ |
ಧೀರಃ ಸುರನಿಧಿರ್ಮೇರುರ್ಗಿರಿಭಿ: ಸಹಿತೋ ರಮನ್ |೨೪|

ವಿರಜೋ ಗಿರಿಜಾ ದೇವೀ ಪತೇರಾಶ್ರಯ ಭೂಶ್ಚಯಃ
ರಮಾಪತಿಪ್ರಿಯಾನ್ ಸಾಕ್ಷಾದ್ ದೇವಾಂಶ್ಚ ರಮಯನ್ ಮುಹುಃ |೨೫|

ಉಮಾಪತ್ಯಾಲಯೇನಾಪಿ ಮಮ ವೃಂದಾವನಂ ಗತಃ |
ಏತೇ ಚಾನ್ಯೇ ಚ ಬಹವಃ ಪರ್ವತಾಃ ಪುಣ್ಯವರ್ಧನಾಃ |೨೬|

ಮಮ ವೃಂದಾವನೇ ಪುಣ್ಯೇ ವಸಂತ್ಯರಿಧರಾಜ್ಞಯಾ |
ತಸ್ಮಾತ್ ವೃಂದಾವನಮಿದಂ ಸರ್ವಾಭೀಷ್ಟಪ್ರದಂ ಸತಾಂ |೨೭|

ಧವಳಗಂಗಾ ಮಹಿಮೆಯ ವರ್ಣನೆ

ಗಂಗಾ ಸರಸ್ವತೀ ಕೃಷ್ಣವೇಣೀ ಚೈವ ಮಹಾನದೀ |
ಮಲಾಪಹಾ, ಭೀಮರಥೀ, ಕಾವೇರೀ ಕಪಿಲಾ ನದೀ |೨೮|

ಗೋಮತೀ, ಗೋಪತೇ: ಪುತ್ರೀ ತಥಾ ಗೋದಾವರೀ ನದೀ |
ಮರುದ್ವೃಧಾ, ಆಸಿಕ್ನೀಚ ಶತದೃಶ್ಚ ಮಹಾನದೀ |೨೯|

ವರದಾ ಸರಿತಾಂ ಶ್ರೇಷ್ಠಾ ಸರಯೂಶ್ಚ ಮಹಾನದೀ |
ತುಂಙ್ಗಭದ್ರೇತಿ ವಿಖ್ಯಾತಾ ಸ್ನಾತಾನಾಂ ಭದ್ರದಾಯಿನೀ |೩೦|

ಏತಾಃ ಪುಣ್ಯತಮಾಃ ನದ್ಯಃ ಏತದನ್ಯಾಶ್ಚ ಯಾ ದ್ವಿಜ |
ಪುಷ್ಕರಿಣ್ಯಶ್ಚ ಯಾಃ ಸರ್ವಾಃ ಸರ್ವಾಣ್ಯಾಯತನಾನಿ ಚ |೩೧|

ಮಮ ವೃಂದಾವನೇ ಪುಣ್ಯೇ ತತ್ಪಶ್ಚಾತ್ ತು ಸರೋವರೇ |
ವಸಂತಿ ತೀರ್ಥ ಪಾದಸ್ಯ ಹಯಗ್ರೀವಸ್ಯ ಚಾಽಜ್ಞಯಾ |೩೨|

ತಸ್ಮಾದ್ ವೃಂದಾವನಮಿದಂ ಧವಳಾಖ್ಯಂ ಸರೋವರಂ |
ಸ್ನಾನೇನ ದರ್ಶನೇನಾಪಿ ಸರ್ವಾಘೌಘವಿನಾಶನಂ |೩೩|

ಫಲವನ್ನು ಹೇಳುತ್ತಾರೆ

ಏವಂ ನಿಶಮ್ಯ ಮಮ ಭೃತ್ಯಮುಖಾಚ್ಛ ಸರ್ವಂ |
ವೃಂದಾವನಸ್ಯ ವಿಭವಂ ಸುಜನಾಶ್ಚ ಸರ್ವೇ |
ಶ್ರದ್ಧಾಲವೋ ವಿತತ ಭಕ್ತಿಯುತಾ ಭಜಂತು |
ಸರ್ವೇಷ್ಟದಂ ಸಕಲಪಾಪ ವಿನಾಶನಂ ತತ್ |೩೪|

ಇದಂ ವೃಂದಾವನ ಸ್ತ್ರೋತ್ರಂ ತ್ರಿಕಾಲೇ ಯಃಪಠೇಚ್ಛುಚಿಃ |
ನಾಕಾಲೇ ತಸ್ಯ ಮೃತ್ಯುಃ ಸ್ಯಾತ್ ಮತ್ಪ್ರಸಾದಾನ್ನ ಸಂಶಯಃ |೩೫|

ಅಶ್ವತ್ಥ, ಚೂತ, ಪನಸಾಮ್ರ, ಸುನಾರಿಕೇಳ
ಧಾತ್ರೀ ಕ್ಷುದಂಡ ಕದಳೀವನಮಧ್ಯಗಾ ಯಾ |
ವೃಂದಾವನಾಷ್ಟಕ ಪಿನಾಕಿ, ಹನೂಮತಾಂ ಚ
ಮಧ್ಯೇ ಸ್ಥಿತಾ ತು ಧವಳೇತಿ ಸುದಿವ್ಯ ನಾಮ್ನೀ |೩೬|

ಗಂಗಾ ಸುಮಙ್ಗಲ ತರಙ್ಗವತೀ ಸ್ವಭಕ್ತ
ಪಾಪೌಘ ಭಙ್ಗ ಕರಿಣೀ ತರಿಣೀ ಭವಾಬ್ಧೇಃ |
ಸಾ ಮಾನಿನೀ ಪರಮ ಪಾವನ ಪಾವನೀ ಚ
ವೃಂದಾವನಸ್ಯ ಮಮ ಪಶ್ಚಿಮಗಾ ವಿಭಾತಿ |೩೭|

ಮುನಿ ಮಂತ್ರ ಸಮಾಹೂತಾ ಭೀತಾ ದಿವ್ಯ ಸರೋಗತಾ |
ವಿಷ್ಣೋ: ಸುತಾ ಲೋಕಮಾತಾ ಸತತಂ ಸುಗತಿ: ಸತಾಂ |೩೮|

ಹಿತ್ವಾ ತು ಮತ್ಸುತಾಂ ಸ್ಥಾತುಂ ನಚೋತ್ಸೇಹೆ ಕದಾಽಪಿ ಹಿ |
ಇತಿ ಬುದ್ಧ್ಯೈವ ವಿಷ್ಣುಸ್ತು ದೇವಸ್ತತ್ತೀರಗೋಽಭವತ್ |೩೯|

ಹಿತ್ವಾಮದಾಶ್ರಯಾಂ ಸ್ಥಾತುಂ ನಚೋತ್ಸೇಹೇ ಕದಾಽಪಿ ಹಿ |
ಇತಿ ಬುದ್ದ್ಯೈವ ರುದ್ರಸ್ತು ದೇವಸ್ತತ್ತೀರಗೋಽಭವತ್ |೪೦|

ಹಿತ್ವಾ ಮತ್ಸ್ವಾಮಿನಂ ಸ್ಥಾತುಂ ನಚೋತ್ಸೇಹೇ ಕದಾಽಪಿ ಹಿ |
ಇತಿ ಬುದ್ಧ್ಯೈವ ಹನೂಮಾನ್ ದೇವಸ್ತತ್ತೀರಗೋಽಭವತ್ |೪೧|

ತಸ್ಮಾತ್ಸರೋವರಮಿದಂ ಸರ್ವಾಘೌಘ ಹರಂ ಪರಂ |
ಇದಂ ತು ಯೋ ನರಃ ಶ್ರುತ್ವಾ ಗತಿಂ ನೇಷ್ಟಾಂ ಲಭೇತ ಕಿಂ |೪೨|

ಅಶ್ವತ್ಥನಾರಾಯಣನ ಮಹಿಮೆ

ಸ ಪಿಪ್ಪಲ ತರುರ್ಭಾತಿ ಫಲಂ ಕಲ್ಪತರುರ್ಯಥಾ |
ವಿತರನ್ನುತ್ತ ರಾಶಾಯಾಂ ಮಮ ವೃಂದಾವನಸ್ಯ ಹಿ |೪೩|

ಅಶ್ವತ್ಥದೇವ ಸಕಲೇಷ್ಟದ ದೇವದೇವ
ಭೂದೇವ ವಂದಿತಪದ ಪ್ರದದಾಸ್ಯಭೀಷ್ಟಂ |
ವೇದೈಕ ವೇದ್ಯ ಸುಜನಾಬ್ಧಿ ಸುಪೂರ್ಣಚಂದ್ರ
ಭಕ್ತಾಭಯಪ್ರದ ಸುಪುತ್ರಮಪುತ್ರಿಣಾಂ ಚ |೪೪|

ಕಿಂ ಚಿತ್ರಂ ದೇವ ದೇವಸ್ಯ ಭಕ್ತಾಭೀಷ್ಟ ಪ್ರದಾತೃತಾ |
ಯಸ್ಯ ಕಿಂಕರತಾಂ ಯಾಂತಿದೇವಾ: ಸರ್ವೇ ವರಪ್ರದಾಃ |೪೫|

ಶೇಷಶಾಯಿನ್ ಮಮ ಸ್ವಾಮಿನ್ ದೇವ ಭೂಮನ್ನಮೋಸ್ತು ತೇ |
ವೃಂದಾವನ ಪತೇಽನಂತಾನಂತಜನ್ಮಾಘನಾಶನ |೪೬|

ಹಯಗ್ರೀವ ಸ್ತೋತ್ರ

ಹಯಗ್ರೀವ ಸಮಗ್ರಾಂಙ್ಗ ಶುಭಾಗ್ರ್ಯಾಕ್ಷಾವಲೋಕನ |
ಜಗದ್ಗ್ರಾಸಾವಸಾನೇ ತು ಜಗದ್ವಿಗ್ರಹ ತೇ ನಮಃ |೪೭|

ನಾಲ್ಕು ರೂಪಗಳ ಸ್ತೋತ್ರವು

ವಂದೇಽರವಿಂದ ನಯನಂ ಮದನಾಭಿರಾಮಂ |
ಮಂದಾಕಿನೀ ಧರ ಮುಖೈಸ್ತ್ರಿದಶೈ: ಸುವಂದ್ಯಂ |
ವೃಂದಾವನೇ ಚ ಕೃತ ಮಂದಿರಮಪ್ರಮೇಯಂ |
ಮಂದಾರ ಭೂಮಿಜ ಧರಂ ಹಯಶೀರ್ಷಮಾದ್ಯಂ |೪೮|

ವೃಂದಾವನೇ ಮದನ ಮೋಹನ ದೇಹ ಭಾಜಂ |
ಮಂದಾರ ಮಾಲ್ಯಕೃತ ಪೂಜಕ ವಾದಿರಾಜಂ |
ನಂದಾದಿ ಪಾರ್ಷದ ಗಣೈರ್ನುತ ದೇವರಾಜಂ |
ವಂದೇಽನಿಶಂ ಮಮ ಹೃದಿಸ್ಥ ಹಯಾಸ್ಯರಾಜಂ |೪೯|

ಹನೂಮನ್ ಭೂರಿಮಹಿಮನ್ ರಾಮನಾಮ್ನಿ ಸದಾರಮನ್ |
ರಮಾರಮಣಧಾಮಾನಿ ಮಾಂ ಸಮಾಪಯ ತೇ ನಮಃ |೫೦|

ಪ್ರಾಭಂಜನೇಂಜನಾಸೂನೋ ಕಂಜನಾಭಪ್ರಿಯಾಗ್ರಣಿ: |
ಕುಂಜರಾಯುತ ಶಕ್ತಿಂ ಚ ತ್ವಂ ಜನಾನಾಂ ಪ್ರಯಚ್ಛಸಿ |೫೧|

ನೃಪಾನುಗ್ರಾಹಕ ಸ್ತೋತ್ರ

ವೃಂದಾವನೇ ಮದನಮರ್ದನ ರುದ್ರಹೃದ್ಯಂ |
ಸದ್ಭಿಃಪ್ರವಂದಿತ ಪದಂ ಮದನಾಭಿರಾಮಂ |
ವೃಂದಾರಕೇಂದ್ರ ಮರುದಂಶ ಸುಮರ್ದಿತಾಙ್ಗಂ|
ರಕ್ಷೋ ವಿದಾರ್ಯ ವರದಂ ಪ್ರಣಮಾಮಿ ರಾಮಂ |೫೨|

ಹಯಗ್ರೀವ, ಕೃಷ್ಣ, ವಾಮನ ಮತ್ತು ವೇದವ್ಯಾಸ ಈ ನಾಲ್ಕು ರೂಪಗಳ ಸ್ತೋತ್ರವು

ಹಯಗ್ರೀವಂ ಹಾರಭಾಸ್ವದ್ಗ್ರೀವಂ ಭಾಸುರವಿಗ್ರಹಂ
ಸುರಾರಿ ನಿಗ್ರಹಕರ ಸುದರ್ಶನ ಕರಗ್ರಹಂ |೫೩|

ಮುರಾರಿ ವಿಗ್ರಹ ಧರ ಪೌಂಡ್ರವಿಗ್ರಹ ನಿಗ್ರಹಂ |
ಪುರಾರಿ ವಿಗ್ರಹ ಕರಾಽಸುರ ಚಕ್ರ ವಿನಿಗ್ರಹಂ |೫೪|

ಬಲಾರಿ ಪೌರುಷಹರ ಬಲಿಬಂಧ ವಿನಿಗ್ರಹಂ |
ನಮಾಮಿ “ಕಮಲಾತ್ಮಾನಂ” ವಿಮಲಾತ್ಮಾನಮಚ್ಯುತಂ |೫೫|

ಬ್ರಹ್ಮಾತ್ಮ ಕೌಸ್ತುಭಮಣಿಂ ಚಿನ್ಮಾತ್ರಾನಂತ ಸದ್ಗುಣಂ |
ತನ್ಮಾತ್ರ ನಿರ್ಮಿತಂ ಗುಣಂ ಸನ್ಮಾತ್ರ ಕೃತ ಸದ್ಗುಣಂ |೫೬|

ರಾಮ ವೇದವ್ಯಾಸರ ಸ್ತೋತ್ರ

ಅತ್ಯದ್ಭುತಾಕಾರ ಮೂರ್ತೇ ಪ್ರತ್ಯಯಾನಂತ ಸದ್ಗುಣ |
ದೃಪ್ತದಾನವ ವಿಧ್ವಂಸಿನ್ ಮರ್ತ್ಯಸಿಂಹ ನಮೋ ನಮಃ |೫೭|

ಶೇಷಾದಿಗಳು ಮಾಡಬೇಕಾದ ಅನುಸಂಧಾನ

ನರಸ್ತೋತ್ರಜ ದೋಷಂ ತಂ ನರಸಿಂಹಸ್ತುತಿಃ ಸದಾ|
ನಾಶಯೇನ್ನರ ಜನ್ಮಾನಿ ಚೈವ ಮೇವ ನ ಸಂಶಯಃ |೫೮|

ಈ ಗ್ರಂಥವು ಶ್ರೀವಾದಿರಾಜಕೃತವು

ವಾದಿರಾಜಾಖ್ಯ ಯತಿನಾ ವಾಗೀಶ ಕರಜೇನ ಚ |
ವೃಂದಾವನ ಗತೇನೈವ ಬ್ರಾಹ್ಮಣಸ್ವಾಪ್ನ ಮೂರ್ತಿನಾ |
ಕೃತಂ ಸ್ತೋತ್ರಮಿದಂ ಪುಣ್ಯಂ ಪಠತಾಂ ಸಂಪದಾಂ ಪದಂ |೫೯|

ಲಕ್ಷ್ಮೀ ಸ್ತೋತ್ರ

ವಂದೇಽರವಿಂದ ನಯನಾಂ ವದನಾರವಿಂದಾಂ |
ವೃಂದಾವನಾಖ್ಯ ಸದನಾಂ ಮದನಸ್ಯ ಚಾಂಬಾಂ |
ವೃಂದಾವನಾಖ್ಯ ಸದನಾನವನಾಂ ಸ್ವಭಕ್ತಾನ್ |
ಮಂದಾಕಿನೀ ಜನಕಪಾದ ಹಯಾಸ್ಯ ಜಾಯಾಂ |೬೦|

ಲಕ್ಷ್ಮೀಂ ಲಕ್ಷಣಸಂಪನ್ನಾಂ ಲಕ್ಷ್ಮಣಾಗ್ರಜಕಾಂಕ್ಷಿಣೀಂ |
ಲಕ್ಷಯಾಮಿ ಕ್ಷಣಂ ಲಕ್ಷವಿತ್ತದಾತ್ರೀಂ ಕಟಾಕ್ಷತಃ |೬೧|

ಅಂಭ್ರಣೀ ರೂಪ ಸ್ತೋತ್ರ

ಭಕ್ತಾಭಯಕರೀಂ ನಿತ್ಯಂ ಶೃತ್ವಾ ಗಚ್ಚಂತಿ ಸಾತ್ವಿಕಾಃ|
ಶರಣಂ ಕರುಣಾಪಾಂಙ್ಗಿ ಮರಣಂ ಹರ ಪ್ರಾಣಿನಾಂ |೬೨|

ಫಲಸ್ತುತಿ

ಲಕ್ಷ್ಮೀಸ್ತುತಿಮಿಮಾಂ ನಿತ್ಯಂ ಪಠೇತ್ ಸುವಿಚಕ್ಷಣಃ |
ಲಕ್ಷಾಪರಾಧಿನಮಪಿ ಕ್ಷಮತೇ ನಾತ್ರ ಸಂಶಯಃ |೬೩|

ನೃಪಾಂತರ ಅನುಗ್ರಾಹಕರೂಪ ಸ್ತೋತ್ರ

ನಮಾಮಿ ನರಕೋತ್ತಾರಂ ನಮಾಮಿ ನರಕೇಸರಿಂ |
ನಮಾಮಿ ನಾಗಶಯನಂ ನಮಾಮಿ ನಗವಾಸಿನಂ |೬೪|

ನರಕೇ ಚ ಗತಿರ್ಯಸ್ಮಾತ್ ಸಕಾಶಾತ್ ಪಾಪಿನೋ ಭವೇತ್ |
ಹಿರಣ್ಯಕಶಿಪೋಃ ಸೋಯಂ ನರಕೇಸರಿರುಚ್ಯತೇ |೬೫|

ಪ್ರಾಣಿನಾಂ ಪ್ರಾಣಭರ್ತಾ ಯೋ ಹ್ಯರಣಂ ಶರಣಾರ್ಥಿನಾಂ |
ತಂ ಪ್ರಾಣಂ ಪ್ರಾಣಿನಾಂ ಪ್ರಾಣಂ ಪ್ರಣಮಾಮಿ ಪರಾಯಣಂ |೬೬|

ತಂ ದೇವಾಃ ಪ್ರಾಣಯಂತ್ಯೇತಿ ಹ್ಯುಕ್ಥಮುಕ್ಥೇತಿ ಯಂ ವಿದುಃ |
ತಂ ಪ್ರಾಣಂ ಪ್ರಾಣಿನಾಂ ಪ್ರಾಣಂ ಮರಣಾರ್ತ್ಯಾ ಗತೋಽರಣಂ |೬೭|

ಏವಂ ಶಶ್ವತ್ ಸ್ತುತಃ ಸ್ತುತ್ಯ: ಕೃತಕೃತ್ಯಸ್ತು ಸತ್ಪತಿ: |
ಕಿತವಾಮ್ತಕರೋ ಭೂತ್ವಾ ಶಂ ತನೋತು ಸತಾಂ ಮಮ |೬೮|

ಅಹಂ ಭಜೇ ಮುದಾ ಭಜೇ ಹೃದಾ ಭಜೇ ಸದಾಂಬುಜೇ |
ಕೃತಾಲಯಾಂ ಕೃಪಾಲಯಾಂ ಹರೇರಥಾಚ್ಯುತಾಲಯಾಂ |೬೯|

ಯಸ್ಮಾನ್ನರ ಸಮೂಹಾನಾಮಯನಂ ನಯನಾಗ್ರತಃ |
ನರಕಾನ್ನ ತರೇತ್ ಸೋಯಂ ನರನಾರಾಯಣೊಽಚ್ಯತೇ |೭೦|

ರಜತಪೀಠ ಪುರಮಪ್ರತಿಮಂ ಭುವಿ ಪುರಟಪೀಠ ಗತಮಪ್ರತಿಮಂ ಹರಿಂ|
ಕರಟಬುದ್ಧಿರಪಿ ಯಾತಿ ಕೋ ಮಹಾನ್ ಸರಟ ಜನ್ಮನ ಜಹಾತಿ ತದ್ಗತಃ |೭೧|

ತಾದೃಶಂ ಕೃಷ್ಣಮಾರಾಧ್ಯ ಚೇದೃಶಂ ವೈಭವಂ ತವ |
ಯಾದೃಶಂ ಕೃಷ್ಣ ಮಹಾತ್ಮ್ಯಮೀದೃಶಂ ನೋಚ್ಯತೇಽಬುಧೈಃ |೭೨|

ಸೋಽಹಂ ಕೃಷ್ಣ ಇತಿ ಖ್ಯಾತೋ ವಿಷ್ಣೌ ತೃಷ್ಣಾ ವಿಧಾಯಕಃ |
ಕೃಷ್ಣಾಯಾಶ್ಚ ವರಂ ದತ್ವಾ ಪುಷ್ಣಾಮ್ಯೇತತ್ ಪತೀನ್ ಸತೀಂ |೭೩|

ಈ ದೃಶಂ ಕೃಷ್ಣಮವ್ಯಕ್ತಂ ವಿಷ್ಣು ತತ್ವೋಪದೇಶಕಂ |
ಶ್ರುತ್ವಾ ತೃಷ್ಣಾಂ ಜಹತ್ಯಾಶು ಕೃಷ್ಣೇ ಭಕ್ತಿಂ ಕರೋತ್ಯಲಂ |೭೪|

ಇತಿ ಮಾಮುಕ್ತವಾನ್ ವ್ಯಾಸೋ ದಾಸಂ ಭಾಸುರವಿಗ್ರಹಃ |
ಮಂದಹಾಸಾನ್ವಿತೋ ನಿತ್ಯಂ ವೃಂದಂ ಸರ್ವಂ ಪ್ರಹರ್ಷಯನ್ |೭೫|

ನಮಾಮಿ ನಾರಾಯಣ ಪಾದಪದ್ಮಂ ವದಾಮಿ
ನಾರಾಯಣ ನಾಮಧೇಯಂ |
ಕರೋಮಿ ನಾರಾಯಣ ಪೂಜನಂ ಚ ಸ್ಮರಾಮಿ
ನಾರಾಯಣ ಮೂರ್ತಿಮೇವ |೭೬|

ತದಾತ್ಮಕಂ ಹಯಗ್ರೀವಂ ಸದಾಽನುಗ್ರಹ ಕಾರಕಂ |
ತಾರಕಂ ಭವರಾಶೇರ್ಮಾಂ ಮಾರಕಂ ಪಾಪಿನಾಮಿಹ |೭೭|

ನಮಾಮಿ ಕಾಮತಾತಂ ಮಾಂ ಕುಮಾರಶ್ಚೇತಿ ಮಾನಯನ್ |
ರಮಾಯೈ ಕಾಮಮಾತ್ರೇ ಚ ಮೇರೌ ಯೋ ದತ್ತವಾನ್ ಮುನಿಂ |೭೮|

ತಮೀಶ್ವರಂ ಭಾಸ್ವರ ಸೂರ್ಯಶೌರ್ಯದಂ ಮಮೇಶ್ವರಂ ಸರ್ವ ಜಗಚ್ಚ ಸೇಶ್ವರಂ |
ಮುನೀಶ್ವರೈಃ ಸರ್ವ ಸುರೇಶ್ವರೇಶ್ವರೈರ್ವಶೇಕರಂ
ಸರ್ವ ಮಹೇಶ್ವರಂ ಸ್ಮರೇ |೭೯|

ಮೂಲರೂಪೇಣ ಬಾಲಾರ್ಕ ಸದೃಶಂ ಕಮಲೇಶ್ವರಂ |
ನೀಲಮೇಘಪ್ರತೀಕಾಶಂ ಲೋಕದೃಷ್ಟ್ಯಾ ಮಹಾಬಲಂ |೮೦|

ಸಾಂದ್ರಂ ಕಮಂಡಲು ಧರಂ ಚೋಪೇಂದ್ರಂ ಚಾಂಡಲಗ್ನಕಂ |
ಭಜಾಮಿ ಭಜನೀಯಂ ತಂ ಭುಜಗೇಶ್ವರ ಶಾಯಿನಂ |
ಕುಜನಾಶಂಕಯಾಜಾತ ವೃಜಿನಾಪಹರಂ ಚ ಮೇ |೮೧|

ಅಥ ಮಧುಂ ಯುಧಿ ನಿಹತ್ಯ ಮೋದತೆ ಬುಧ ಜನೈರಭಿತೋ ಮಧುಹೇತಿ |
ವಿಧಿಭವೇಂದ್ರ ಗುರುಪೂರ್ವಕೈಃ ಸುರೈಃ ಕುಸುಮ ವರ್ಷಿಭಿರೀಡಿತಃ ಸ್ವರಾಟ್ |೮೨|

ಶಂಖಚಕ್ರ ಗದಾದ್ಯುದಾಯುಧೈಃ ಶಾರ್ಙ್ಗ ಸಂಜ್ಞಿತ ಧನುಃ ಪ್ರವರೇಣ |
ಬಾಣಪೂಗ ಸಹಿತಾಕ್ಷಯ ತೂಣೀಭ್ಯಾಮುಪಾಗಮದಥಾಬ್ಧಿಷು ಮಧ್ಯೇ |೮೩|

ತದ್ ಯುದ್ಧಮಭವದ್ ಘೋರಂ ಸಮುದ್ರ ಸಲಿಲೇ ತದಾ |
ದೃಷ್ಟ್ವಾ ತತ್ಖೇಚರಾ: ಸರ್ವೇ ದುರ್ದ್ರುವುರ್ಭಯತೋ ದಿಶಃ |೮೪|

ನಭಸ್ಥಲಂ ವಿಶಾಲಾಕ್ಷ ವಿಮಾನಾವಲಿಭಿ: ಸುರಾಃ |
ಅಲಂ ಚಕ್ರುರ್ಮಲಯಜೈರಾಕ್ತೋರುಸ್ಥಲಮಾಲಿನಃ |೮೫|

ತಥೈವ ದೇವೋ ಭವಪೂರ್ವಕೈ: ಸುರೈಃ ಸುವಂದಿತಃ ಶತ್ರುವಧಂ ಚ ಕುರ್ವಿತಿ |
ತದೋಮಿತಿ ಪ್ರಾಸವರೇಣ ವೈರಿಣಂ
ನಿವಾರಯಾಮಾಸ ಜಹಾಸ ವೈ ಹರಿಃ |೮೬|

ಜಾನುಮಾತ್ರಂ ತು ತಸ್ಯಾಸೀದ್ ಭಾನು ಮಂಡಲ ಮಪ್ಯಹೋ |
ಕೋ ನು ತಂ ವರ್ಣಯೇದ್ ದೇಹಂ ಸೂನುವರ್ಯ ಶ್ರುಣುಷ್ವ ಭೋ |೮೭|

ತದಸ್ತ್ರ ಶಸ್ತ್ರಾಣಿ ಸ್ವಶಸ್ತ್ರ ಸಂಚಯೈರ್ವಿವೃಶ್ಚ ಪುತ್ರಾ ಪ್ರತಿಶಸ್ತ್ರ ಧಾರಯಾ |
ಶಿರೋ ಜಹಾರಾಽಶು ಸುರೈ: ಸಮೀಡಿತೋ ಗಿರೀಂದ್ರವತ್ ತಚ್ಚ ಪಪಾತ ಕಂ ಭುವಿ |೮೮|

ದೇವ: ಸರ್ವೇ ಪುನರ್ಯಾತಾಸ್ತತ್ರ ಸ್ವರ್ಯಾಂತಿ ಕೇಚನ |
ಕೈಲಾಸಂ ಲೋಕವಿಖ್ಯಾತಾಃ ಸತ್ಯಲೋಕಂ ಚ ಕೇಚನ |೮೯|

ಬ್ರಹ್ಮಾ ಸ್ತುವನ್ ಪರಂ ಬ್ರಹ್ಮ ಬ್ರಹ್ಮಲೋಕಂ ಮುದಾ ತದಾ |
ಯಯೌ ಬ್ರಹ್ಮ ಹೃದಿ ಧ್ಯಾಯನ್ ಬ್ರಾಹ್ಮಣೈರ್ಬಹ್ಮವಿತ್ತಮೈಃ |೯೦|

ಕೈಲಾಸಂ ಲೋಕಪಾಲೈಶ್ಚ ಬಾಲಾರ್ಕದ್ಯುತಿರವ್ಯಯಃ |
ಶೂಲೀ ಕಾಲಾಗ್ನಿವದ್ ಭೀಮಃ ಸ್ವಲೋಕಂ ಚ ಯಯೌ ಮುದಾ |೯೧|

ಇಂದ್ರೋಪಿ ಸಾಂದ್ರ ಸಂತೋಷಾದುಪೇಂದ್ರೇಣಾನ್ವಿತಃ ಪ್ರಭುಃ |
ಮುನೀಂದ್ರೈ: ಸಹ ಮಂದ್ರೈಶ್ಚ ಚಂದ್ರಲೋಕೋಪರಿ ಹ್ಯಗಾತ್ |೯೨|

ತಸ್ಯ ತ್ವಕ್ಚರ್ಮ ಮಾಂಸೈಶ್ಚ ಮೇದೋ ಮಜ್ಜಾಸ್ಥಿಭಿ: ಸುತ |
ರಕ್ತೈ ರಕ್ತಾಂ ಧರಾಂ ಚಕ್ರೇ ಪ್ರಕೃತ್ಯವಯವೈರಿಹ |೯೩|

ನಖೈಃ ಖನನವಚ್ಚಕ್ರೇ ಕುಂತೈ: ಕುಂಟಾಲಕೈರಪಿ |
ಪಿಂಡೀ ಕೃತ್ಯ ಚ ತತ್ಪಂಕಂ ಸೋಽನಂತ ಮಹಿಮ: ಸ್ವರಾಟ್ |೯೪|

ಮೇದೋಭಿರ್ನಿರ್ಮಿತತ್ವಾಚ್ಚ ಮೇದಿನೀತಿ ವಿದುರ್ಬುಧಾಃ |
ತದ್ಧೃತಾಭರಣೈರ್ಯುಕ್ತ ತಸ್ಮಾತ್ ತಾಂ ಧರಣೀಂ ವಿದುಃ |೯೫|

ಲೋಕಾಧಾರತ್ವಯುಕ್ತತ್ವಾತ್ ತಾಂ ಧರೇತಿ ವಿದುರ್ಬುಧಾಃ |
ಸ್ವಯಂ ತೂರ್ವರಿತತ್ವಾದ್ಧಿ ನಷ್ಟೇಷು ಸ್ವಪತಿಷ್ವಹೋ |೯೬|

ಉಚ್ಯತೇ ಸಾಽಪಿ ಚೋರ್ವೀತಿ ಪರ್ವತಾದ್ಯೈರಥಾನ್ವಿತಾ |೯೭|

ಉರ್ವೀ ಚ ಪರ್ವತಧೃತಾಽಪಿ ಶ್ರೀಯೋಽವರಾಭೂತ್ ಶ್ರೀಪರ್ವತಂ ಚ
ಸ್ವಯಮೇವ ಧರತ್ಯಮೋಘಂ |
ತಸ್ಮಾದ್ವರಾಹ ಮಹಿಷೀ ಚ ಬಭೂವ ಕೋಲಾದಂಕೇ
ಧೃತಾ ಚ ಮುಹುರಪ್ಯಭಿಲಾಷಿತಾ ಸಾ |೯೮|

ಯಸ್ಯಾ ಗರ್ವಹರಾಯೇಹ ವರಾಹೋ ನರಕಂ ಸುತಂ |
ಲೋಕರಾಹುಂ ಧರಾಯಾಂ ಚ ಸೃಷ್ಟ್ವಾರೋಹಯದದ್ಭುತಂ |೯೯|

ಲೋಕಪಾಲಪದಂ ಬ್ರಹ್ಮವರತಃ ಪರ್ವತೋಪಮಾನ್ |
ಕಾರಯಾಮಾಸ ಪಾಪಾನಾಂ ರಾಶೀಂಸ್ತೇನ ದುರಾತ್ಮನಾ |೧೦೦|

ಸ್ವದಂಷ್ಟ್ರಂ ಚೋಗ್ರಪಾಪಾನಾಂ ಸಿದ್ಧ್ಯರ್ಥಮದದಾತ್ ಪ್ರಭುಃ |
ಜಘಾನ ಸ್ವಯಮೇವಾಽಜೌ ಕೃಷ್ಣೋ ವೈ ರುಕ್ಮಿಣೀಪತಿಃ |೧೦೧|

ಪಾತಯಾಮಾಸ ಕೋಪೇನ ತಂ ತಮೋಽಂಧಂ ಧರಾಸುತಂ |
ಬ್ರಹ್ಮಾಣಮಂಭ್ರಣೀ ಪುತ್ರಂ ಚಕಾರಾರಿ ನಿಷೂದನಃ |೧೦೨|

ಏವಂ ತತ್ಪುತ್ರಯೋರ್ನೀಚ ತ್ವಾಧಿಕತ್ವತಯಾ ಮುನೇ |
ತಾರತಮ್ಯಂ ಚಕಾರಾತ್ರ ಶ್ರುಣು ಪುತ್ರ ನ ಸಂಶಯಃ |೧೦೩|

ಇತ್ಥಂ ಮಧು ಹರೇಣೈವ ನಿರ್ಮಿತಾಂ ಧರಣೀಂ ಪುರಾ |
ಪೌರಾಣಿಕೋ ವದತ್ಯೇವಂ ಕರುಣಾಂ ಕುರು ಬ್ರಾಹ್ಮಣೇ |೧೦೪|

ಇಮಾಂ ಭೂಮ್ಯಾಶ್ಚ ಮಹಿಮಾಂ ಮಾನವೋಪಿ ಶೃಣೋತಿ ಯಃ|
ವರಾಹೇಣ ಹಯಗ್ರೀವ ಸ್ವರೂಪೇಣ ಮಹಾತ್ಮನಾ|೧೦೫|

ದತ್ತಾಂ ತತ್ಪದವೀಂ ಯಾತಿ ಯಂ ವದಂತೀಹ ಭೂಪತಿಂ |
ಶ್ರೀಮದ್ವಾದೀಭ ರಾಜೋಹಂ ವಾದಿರಾಜೋಽವದಂ ದ್ವಿಜೇ |೧೦೬|

ಬುಧಾಃ ಶ್ರುಣ್ವಂತು ಮೇ ದಾಸಾಃ ಸದಾ ಮಮ ಹಿತೇ ರತಾಃ
ಹರೇರ್ವಕ್ಷ:ಸ್ಥಲೇ ದೃಷ್ಟ್ವಾ ಶ್ರಿಯಂ ವಿಸ್ಮಿತವಾನಹಂ |೧೦೭|

ಪಾರ್ಶ್ವಯೋರುಭಯೋರ್ದೇವೀಂ ಕರೇಚಾಮರಧಾರಿಣೀಂ |
ಅಂಕೇ ಚ ಪಂಕಜಾಕ್ಷೀಂ ತಾಂ ಶಂಖಪಾಣೇರ್ಮಹಾತ್ಮನಃ |೧೦೮|

ಕುಂಕುಮಾಂಕಿತ ಗಂಧಾಢ್ಯಾಂ ಕಂಕಣಾದಿ ವಿಭೂಷಿತಾಂ |
ಅಗ್ರತಃ ಪೃಷ್ಠತಶ್ಚಾಪಿ ಹ್ಯಧಸ್ಮಾದುಪರಿಸ್ಥಿತಾಂ |
ಸರ್ವತ್ರ ತಾಂ ಶ್ರಿಯಂ ದೃಷ್ಟ್ವಾ ಪರಮಾನಂದ ನಿರ್ಭರಃ |೧೦೯|

ಓಂ ಏತತ್ಸರ್ವಂ ಸ್ವಾಪ್ನಪದ್ಯೇನ ಗರ್ವಂ ಹಿತ್ವಾ ಸರ್ವೇ ವಿಪ್ರವರ್ಯಾಸ್ಯಜೇನ |
ಶೃತ್ವಾಚೋರ್ವ್ಯಾಂ ಶರ್ವ ಗುರ್ವಾದಿ ದೇವಾನ್ ದೃಷ್ಟ್ವೋರ್ವಶಿಂ ಯಾಂತು ಮಾಂ ಮಾನವೇಂದ್ರಾಃ |೧೧೦|

ಇದಂ ವೃಂದಾವನಾಖ್ಯಾನಂ ಯೇ ಪಠಂತಿ ಮನೀಷಿಣಃ |
ಮುಕುಂದಾವನಮೇವಾಸ್ತು ತೇಷಾಂ ಕಂದಾಶನಾಜ್ಞಯಾ |೧೧೧|

ಇದಮರ್ಪಿತಮೇವಾಸ್ತು ಹಯಶೀರ್ಷಸ್ಯ ಪಾರ್ಷದಾತ್ |
ಸಮಂ ಸಹಸ್ರಶೀರ್ಷಸ್ಯ ಸೂಕ್ತಸ್ಯ ಪುರುಷಾತ್ ಕೃತಮ್ |೧೧೨|

ಯಚ್ಛ್ರುಣ್ವತಾಂ ಭಕ್ತಿರುದಾರಸದ್ಗುಣೇ ಹರೌ ಹರೇರ್ಲೋಕಗತೇ ತಥಾ ಮಯಿ |
ಭವತ್ಯಹೋ ಸರ್ವಶುಭಾಪ್ತಿಸನ್ಮತೀರ್ ದದಾತ್ಯಜಸ್ರಂ ಸುತ ಸತ್ಯಮೇವ ತತ್ ಓಂ |೧೧೩|

| ಓಂ ಇತಿ ಶ್ರೀಮತ್ಕವಿಕುಲತಿಲಕ ವಾಗೀಶತೀರ್ಥಕರಕಮಲ ಸಂಜಾತ
ಶ್ರೀಮದ್ವಾದಿರಾಜಪೂಜ್ಯಚರಣೋದಿತ ಬ್ರಾಹ್ಮಣ
ಸ್ವಾಪ್ನವೃಂದಾವನಾಖ್ಯಾನೇ ಸ್ತೋತ್ರಭಾಗೇ ಅಲೌಕಿಕ
ವಿಭಾಗೇ ಭಜನಪರ್ವಣಿ ಪ್ರಥಮಾಧ್ಯಾಯ: ಸಮಾಪ್ತ: |

| ಶ್ರೀ ಅಶ್ವಿನೀಹಯಗ್ರೀವಾತ್ಮಕ ಕೃಷ್ಣಾರ್ಪಣಮಸ್ತು |

02. Svaapnavrundavanakhyana