Dashavatara Stuti – Rayaru

ವೇದಸಿದ್ಧಮಣುತೋಽಪ್ಯಾಣುಭಾವಂ ಮೋದದಾಯಿ ಮಹತೋಽಪಿ ಮಹತ್ತ್ವಂ |
ಬಿಭ್ರತಂ ಪ್ರಥಯಿತುಂ ಮನವೇ ತ್ವಾಂ ಮೀನತಾಂ ಶರಣಾಯಾಮಿ ಭವಂತಂ || ೧ ||

ವೇದವಿಪ್ಲುತಿಕೃತಂ ವಿಧಿಜಾಡ್ಯಂ ಹಂತ ಹಂತುಮದಧಾಜ್ಜಲಜನ್ಮಾ |
ಮೀನಭಾವನಭರೇಣ ತತೋ ಮೇ ವಿಸ್ತೃಣೀಹಿ ವಿಮಲಂ ಪ್ರತಿಬೋಧಂ || ೨ ||

ಆತ್ಮನೈವ ಕಮಠೇನ ವಿತನ್ವನ್ ಮಂದರೇಣ ಚ ಭಾವಾನರಾಣೀ ದ್ವೇ |
ಮಂಥಥೋಽಕೃತ ಹಲಾಹಲವಹ್ನಿಂ ಹೋತುವಿಂದ್ರರಿಪುವೃಂದಹವೀಂಷಿ || ೩ ||

ಆದಿಸೂಕರಧಾರೋದ್ಧರಣಂ ತೇ ಸಿಂಧುಬಂಧು ಜಠರಾತ್ ಶ್ರುತಿಗೀತಂ |
ಮಾದೃಶಾಂ ಭವಪಯೋಧಿಗತಾನಾಂ ರಕ್ಷಣೇ ಪರಿಚಯಂ ತದವೈಮಃ || ೪ ||

ಪೂರ್ಣಚಂದ್ರಗತಲಕ್ಷಣರೇಖಾ ಲಕ್ಷಿತಾ ಯದಿ ತದೈಕಕಲಾಯಾಂ |
ಸಂಶ್ರಿತೇಂದುಮಣಿದಂಷ್ಟ್ರಧರಂ ಸ್ಯಾತ್ ಸೋಪಮಾ ಭವತಿ ಸೂಕರೂಪ || ೫ ||

ತಾವಕಂ ನರಹರೇತಿವಿರುದ್ಧಂ ವೇಷಧಾರಣಮಿದಂ ತನುತೇ ನಃ |
ಅತ್ಯಸಂಘಟಿತಕರ್ಮ ಚ ಕೃತ್ವಾ ಪಾಲಯೇ ಪ್ರಣತಮಿತ್ಯುಪದೇಶಂ || ೬ ||

ದಾರಿತೋದರಹಿರಣ್ಯಕಶತ್ರೋರ್-ಆಂತ್ರಮಾಲ್ಯಕಲಿತಂ ತವ ರೂಪಂ |
ನಾರಸಿಂಹ ಕಲಯೇನನುಭೂತಂ ಶಾರದಂ ಜಲಧರಂ ಸಹಶಂಪಂ || ೭ ||

ಜಾನಾತಾಂ ನಿಜಮನಃ ಪರಮಾಣೌ ಮಾತುಮೇವ ಬಲಿನಿಗ್ರಹದಂಭಾತ್ |
ವಾಮನಂ ಯದಭವತ್ತವ ರೂಪಂ ತತ್ಸುಖೇನ ಭಗವನ್ ಹೃದಿ ಕುರ್ಮಃ || ೮ ||

ಚಂದ್ರಮಾ ಇವ ಭವೋ ರಚಯನ್ನಕ್ಷತ್ರ ಯೋಗಮಪಿ ಯತ್ತ್ವಮಲಾಸೀಃ |
ತೇನಾ ಶಾತ್ರವ ಯಶೊಂಽಬುಜರಾಜೀಮುದ್ರಣಂ ತವ ಕೃತಿಂ ಬಹುಮನ್ಯೇ || ೯ ||

ತಾರಣೇ ದುರಿತನೀರನಿಧೇರ್ನಃ ಸೇತುಭಾವ ಮಚಿರೇಣ ಯಿಯಾಸೋಃ |
ಭಾಸತೇ ತವ ವಿಭೋ ಕರುಣಾಯಾಃ ಪೂರ್ವರಂಗ ಇವ ದಕ್ಷಿಣಸೇತು: || ೧೦ ||

ಬಂಧನಾಯ ಕೃತಮಾತ್ಮಜನನ್ಯಾಸ್ತಾದೃಶಂ ಚ ಗುಣಮಂಗ್ಯಕರೋರ್ಯತ್ |
ತೇನ ನಿರ್ಗುಣಮತಾನಿ ನಿರಸ್ಯನ್ ದರ್ಶಯಸ್ಯಪಿ ನಿಜಾಂ ಗುಣವತ್ತಾಂ || ೧೧ ||

ಸರ್ವದೇವರಥಚೇಷ್ಟನಮಂಗೀ ಕುರ್ವತಸ್ತವ ಸದೈವ ಜಗತ್ಯಾಂ |
ಅರ್ಜುನೈಕರಥಸಾರಥಿಭಾವೋ ವಿಸ್ಮಯಾಯ ವಿದುಷಾಂ ನ ಕಥಂಚಿತ್ || ೧೨ ||

ತ್ವಂ ಕುಚೇಲಮುನಿಮೀಶ ಕುಚೇಲಾದ್ಯಾರ್ಪಣೇನ ಕೃತವಾನಕುಚೇಲಂ |
ಸೋಽಭವತ್ತಾದಪಿ ಚಾರುಕುಚೇಲಾ- ಲಂಕೃತಸ್ತದಿದಮಾದ್ಭುತಮಾಸೀತ್ || ೧೩ ||

ಏವಮಾದಿವಿವಿಧೈರವತಾರೈಃ ಪಾಲಿತಾಖಿಲಜನೌಘ ಮಮಾಘಮ್ |
ಸನ್ನಿರಸ್ಯ ಕಮಲಾಸ್ಯ ನಮಸ್ಯಾಂ ಸ್ವಿಕುರುಷ್ವ ರಘುವಂಶವತಂಸ || ೧೪ ||

ಶ್ರೀ ಕೃಷ್ಣಾರ್ಪಣಮಸ್ತು |

---

vEdasiddhamaNutO&pyANuBAvaM mOdadAyi mahatO&pi mahattvaM |
biBrataM prathayituM manavE tvAM mInatAM SaraNAyAmi BavaMtaM || 1 ||

vEdaviplutikRutaM vidhijADyaM haMta haMtumadadhAjjalajanmA |
mInaBAvanaBarENa tatO mE vistRuNIhi vimalaM pratibOdhaM || 2 ||

Atmanaiva kamaThEna vitanvan maMdarENa ca BAvAnarANI dvE |
maMthathO&kRuta halAhalavahniM hOtuviMdraripuvRuMdahavIMShi || 3 ||

AdisUkaradhArOddharaNaM tE siMdhubaMdhu jaTharAt SrutigItaM |
mAdRuSAM BavapayOdhigatAnAM rakShaNE paricayaM tadavaimaH || 4 ||

pUrNacaMdragatalakShaNarEKA lakShitA yadi tadaikakalAyAM |
saMSritEMdumaNidaMShTradharaM syAt sOpamA Bavati sUkarUpa || 5 ||

tAvakaM naraharEtiviruddhaM vEShadhAraNamidaM tanutE naH |
atyasaMGaTitakarma ca kRutvA pAlayE praNatamityupadESaM || 6 ||

dAritOdarahiraNyakaSatrOr-AMtramAlyakalitaM tava rUpaM |
nArasiMha kalayEnanuBUtaM SAradaM jaladharaM sahaSaMpaM || 7 ||

jAnAtAM nijamanaH paramANau mAtumEva balinigrahadaMBAt |
vAmanaM yadaBavattava rUpaM tatsuKEna Bagavan hRudi kurmaH || 8 ||

caMdramA iva BavO racayannakShatra yOgamapi yattvamalAsIH |
tEnA SAtrava yaSoM&bujarAjImudraNaM tava kRutiM bahumanyE || 9 ||

tAraNE duritanIranidhErnaH sEtuBAva macirENa yiyAsOH |
BAsatE tava viBO karuNAyAH pUrvaraMga iva dakShiNasEtu: || 10 ||

baMdhanAya kRutamAtmajananyAstAdRuSaM ca guNamaMgyakarOryat |
tEna nirguNamatAni nirasyan darSayasyapi nijAM guNavattAM || 11 ||

sarvadEvarathacEShTanamaMgI kurvatastava sadaiva jagatyAM |
arjunaikarathasArathiBAvO vismayAya viduShAM na kathaMcit || 12 ||

tvaM kucElamunimISa kucElAdyArpaNEna kRutavAnakucElaM |
sO&BavattAdapi cArukucElA- laMkRutastadidamAdButamAsIt || 13 ||

EvamAdivividhairavatAraiH pAlitAKilajanauGa mamAGam |
sannirasya kamalAsya namasyAM svikuruShva raGuvaMSavataMsa || 14 ||

shrI kRuShNArpaNamastu |