Tulasi Sankeertane
ಗೋವಿಂದ ಗೋವಿಂದ ರಾಮ
ಗೋವಿಂದ ನಾರಾಯಣ |
ಗೋವಿಂದ ಗೋಪಾಲಕೃಷ್ಣ |
ಗೋವಿಂದ ನಾರಾಯಣ |
ಬುದ್ಧಿಯ ಹೇಳಮ್ಮ ನೀನು ಮುದ್ದು ಬಾಲ ಕೃಷ್ಣನಿಗೆ |
ಕದ್ದು ಬೆಣ್ಣೇ ಮೆಲುವಾಗ ಕರೆಯೆ ಗೋಪ್ಯಮ್ಮ |೧|
ಕಾಲು ಕಾಲು ನಲಿವಾಗ ಧ್ವನಿ ಪಾಲನಮ್ಮ |
ಕೆರೆ ನೀರೊಳಗೆ ಬಿದ್ದು ತೇಲಿ ಹೋದನಮ್ಮ |೨|
ಬಾಲರ ಮಂಡೆಗೆ ಹೆಟ್ಟೋದುಚಿತವೇನಮ್ಮ |
ಕೋಲು ಕೊಂಡು ಕೊಲ್ಲ ಹೋದರೆ ಓಡಿ ಹೋದನಮ್ಮ |೩|
ಬಟ್ಟಲೊಳಗಿನ ಹಾಲು ಕುಡಿದಾತನಮ್ಮ |
ಕಟ್ಟಿದ ಕರುಗಳ ಬಿಚ್ಚಿ ಬಿಟ್ಟು ಹೋದನಮ್ಮ |೪|
ಉಟ್ಟ ಸೀರೆ ಸೆಳೆವುದು ಉಚಿತವೇನಮ್ಮ |
ದಿಟ್ಟತನ ಬೇಡೆಂದು ಹೇಳೆ ಗೋಪ್ಯಮ್ಮ |೫|
ಆವಿನ ಹೆಗಲ ಮೇಲೆ ಏರಿ ಬಂದನಮ್ಮ |
ಹಾವಿನಲ್ಲಿ ನಿದ್ದೆ ಗೈವುದುಚಿತವೇನಮ್ಮ |೬|
ಸಾವಿರ ಪೆಸರುಳ್ಳ ದೇವ ಕಾಣಮ್ಮ |
ಭಾವಜ್ಞ ಕಾವೇರಿ ರಂಗ ಕಾಣಮ್ಮ |೭|
gOviMda gOviMda rAma
gOviMda nArAyaNa |
gOviMda gOpAlakRuShNa |
gOviMda nArAyaNa |
buddhiya hELamma nInu muddu bAla kRuShNanige |
kaddu beNNE meluvAga kareye gOpyamma |1|
kAlu kAlu nalivAga dhvani pAlanamma |
kere nIroLage biddu tEli hOdanamma |2|
bAlara maMDege heTTOducitavEnamma |
kOlu koMDu kolla hOdare ODi hOdanamma |3|
baTTaloLagina hAlu kuDidAtanamma |
kaTTida karugaLa bicci biTTu hOdanamma |4|
uTTa sIre seLevudu ucitavEnamma |
diTTatana bEDeMdu hELe gOpyamma |5|
Avina hegala mEle Eri baMdanamma |
hAvinalli nidde gaivuducitavEnamma |6|
sAvira pesaruLLa dEva kANamma |
BAvaj~ja kAvEri raMga kANamma |7|