Kande kande Pandareeshana

Composer : Shri Gopalakrishna vittala

ಕಂಡೆ ಕಂಡೆ ಪಂಡರೀಶನ |
ಕಂಡೆ ಕಂಡೆ [ಪ]

ಕಂಡೆ ಪಂಡರಿಪುರದಿ ಮೆರೆವನ
ಕಂಡೆ ಭಕ್ತರ ಕಾವ ಬಿರುದನ
ಕಂಡೆ ಮಂಡೆಯ ಚರಣದಲ್ಲಿಡೆ
ಹಿಂಡು ಅಘಗಳ ತರಿವ ವಿಠಲನ [ಅ.ಪ]

ಕಟಿಯಲೀ ಕರವಿಟ್ಟು ಮೆರೆವನ
ಹಟದಿ ವಗದಿಟ್ಟಿಗೆಲಿ ನಿಂತನ
ಸ್ಪಟಿಕ ಹಾಟಕ ಕಟಕ ಮಕುಟನ
ವಟದೆಲೆ ಮೇಲೊರಗಿದಂಥನ
ಕುಟಿಲ ಕುಂತಳ ಫಣಿಯ ತಿಲಕನ
ತೃಟಿಯು ತೆರವಿಲ್ಲದಲೆ ನಮಿತನ
ವಟುವೆನಿಸಿ ಬಲಿರಾಯಗೊಲಿದನ
ನಟನೆಗೈಯ್ಯುವ ದಿವ್ಯರೂಪನ [೧]

ಚಂದ್ರಭಾಗಾ ತೀರದಲ್ಲಿಹನ
ಚಂದ್ರ ಕೋಟಿಸ್ಮರನ ರೂಪನ
ಇಂದಿರೆಯ ಸಹಿತದಲಿ ನೆಲಸುತ
ಚಂದ್ರದ್ಹಾರಗಳಿಂದಲೆಸವನ
ಬಂದ ಭಕ್ತರ ಭೇದ ನೋಡದೆ
ಸಂದರುಶನಾನಂದವೀವನ
ಚಂದ್ರಮಂಡಲ ಮಧ್ಯವರ್ತಿಯ
ಚಂದ್ರಕುಲಕೆ ತಾ ಚಂದ್ರನೆನಿಪನ [೨]

ವಿಠ್ಠಲನ ಪುರದಲ್ಲಿ ಹರಿಯುವ
ಶ್ರೇಷ್ಠ ಇಂದುಭಾಗೆಯಲಿ ಮಿಂದು
ಮುಟ್ಟಿ ವಿಠಲನ ಚರಣಕಮಲವ
ಬಿಟ್ಟು ಮನದ್ಹಂಬಲಗಳೆಲ್ಲವ
ವಿಠ್ಠಲಾ ನೀನೆ ಗತಿ ಕೈ
ಗೊಟ್ಟು ಕಾಯೆಂದೆನುತ ಸ್ತುತಿಸಿ
ಕಷ್ಟಹರ ಗೋಪಾಲಕೃಷ್ಣ
ವಿಠ್ಠಲನ ಚರಣಾಂಬುಜಗಳನು [೩]

---

kaMDe kaMDe paMDarISana |
kaMDe kaMDe [pa]

kaMDe paMDaripuradi merevana
kaMDe Baktara kAva birudana
kaMDe maMDeya caraNadalliDe
hiMDu aGagaLa tariva viThalana [a.pa]

kaTiyalI karaviTTu merevana
haTadi vagadiTTigeli niMtana
spaTika hATaka kaTaka makuTana
vaTadele mEloragidaMthana
kuTila kuMtaLa PaNiya tilakana
tRuTiyu teravilladale namitana
vaTuvenisi balirAyagolidana
naTanegaiyyuva divyarUpana [1]

caMdraBAgA tIradallihana
caMdra kOTismarana rUpana
iMdireya sahitadali nelasuta
caMdrad~hAragaLiMdalesavana
baMda Baktara BEda nODade
saMdaruSanAnaMdavIvana
caMdramaMDala madhyavartiya
caMdrakulake tA caMdranenipana [2]

viThThalana puradalli hariyuva
SrEShTha iMduBAgeyali miMdu
muTTi viThalana caraNakamalava
biTTu manad~haMbalagaLellava
viThThalA nIne gati kai
goTTu kAyeMdenuta stutisi
kaShTahara gOpAlakRuShNa
viThThalana caraNAMbujagaLanu [3]