Ganga Stotram – Bhagiratha

ಶ್ವೇತಚಂಪಕವರ್ಣಾಭಾಂ ಗಂಗಾಂ ಪಾಪಪ್ರಣಾಶಿನೀಮ್ |
ಕೃಷ್ಣವಿಗ್ರಹಸಂಭೂತಾಂ ಕೃಷ್ಣತುಲ್ಯಾಂ ಪರಾಂ ಸತೀಮ್ (೧)

ವಹ್ನಿಶುದ್ಧಾಂಶುಕಾಧಾನಾಂ ರತ್ನಭೂಷಣಭೂಷಿತಾಮ್ |
ಶರತ್ಪೂರ್ಣೇಂದುಶತಕಪ್ರಭಾಜುಷ್ಟಕಲೇವರಾಮ್ (೨)

ಈಷದ್ಧಾಸಪ್ರಸನ್ನಾಸ್ಯಾಂ ಶಶ್ವತ್ತುಸ್ಥಿರಯೌವನಾಮ್ |
ನಾರಾಯಣಪ್ರಿಯಾಂ ಶಾಂತಾಂ ಸತೌಭಾಗ್ಯಸಮನ್ವಿತಾಮ್ (೩)

ಬಿಭ್ರತೀಂ ಕಬರೀಭಾರಂ ಮಾಲತೀಮಾಲ್ಯಸಂಯುತಾಮ್ |
ಸಿಂಧೂರಬಿಂದುಲಲಿತಾಂ ಸಾರ್ಧಂ ಚಂದನಬಿಂದುಭಿಃ (೪)

ಕಸ್ತೂರಿಪತ್ರಕಂ ಗಂಡೇ ನಾನಾಚಿತ್ರಸಮನ್ವಿತಮ್ |
ಪಕ್ವಬಿಂಬಸಮಾನೈಕಚಾರ್ವೋಷ್ಠಪುಟಮುತ್ತಮಮ್ (೫)

ಮುಕ್ತಾಪಂಕ್ತಿಪ್ರಭಾಜುಷ್ಪದಂತಪಂಕ್ತಿಮನೋಹರಾಮ್ |
ಸುಚಾರುವಕ್ತ್ರನಯನಾಂ ಸಕಟಾಕ್ಷಮನೋರಮಾಮ್ (೬)

ಕಠಿನಂ ಶ್ರೀಫಲಾಕಾರಂ ಸ್ತನಯುಗ್ರಂ ಚ ಬಿಭ್ರತೀಮ್ |
ಬೃಹಚ್ಛ್ರೋಣೀಂ ಸುಕಠಿನಾಂ ರಂಭಾಸ್ತಂಭಪರಿಷ್ಕೃತಾಮ್ (೭)

ಸ್ಥಲಪದ್ಮಪ್ರಭಾಜುಷ್ಟಪಾದಪದ್ಮಯುಗಂ ಧರಾಮ್ |
ರತ್ನಾಭರಣಸಂಯುಕ್ತಂ ಕುಂಕುಮಾಕ್ತಂ ಸಯಾವಕಮ್ (೮)

ದೇವೇಂದ್ರಮೌಲಿಮಂದಾರಮಕರಂದಕರುಣಾರುಣಮ್ |
ಸುರಸಿದ್ಧಮುನೀಂದ್ರಾದಿದತ್ತಾರ್ಪ್ರೈಸ್ಸಂಯುತಂ ಸದಾ (೯)

ತಪಸ್ವಿಮೌಲಿನಿಕರಭ್ರಮರಶ್ರೇಣಿಸಂಯುತಮ್ |
ಮುಕ್ತಿಪ್ರದಂ ಮುಮುಕ್ಷುಣಾಂ ಕಾಮಿನಾಂ ಸ್ವರ್ಗಭೋಗದಮ್ (೧೦)

ವರಾಂ ವರೇಣ್ಯಾಂ ವರದಾಂ ಭಕ್ತಾನುಗ್ರಹಕಾತರಾಮ್ |
ಶ್ರೀವಿಷ್ಣೋಃ ಪದದಾತ್ರೀಂ ಚ ಭಜೇ ವಿಷ್ಣುಪದೀಂ ಸತೀಮ್ (೧೧)

| ಇತಿ ಶ್ರೀಬ್ರಹ್ಮವೈವರ್ತಪುರಾಣೇ ಪ್ರಕೃತಿಖಂಡೇ
ದಶಮೋಧ್ಯಾಯೇ ಶ್ರೀಭಗೀರಥ ಕೃತ
ಶ್ರೀಗಂಗಾಸ್ತೋತ್ರಂ ಶ್ರೀಕೃಷ್ಣಾರ್ಪಣಮಸ್ತು |

---

SvEtacaMpakavarNABAM gaMgAM pApapraNASinIm |
kRuShNavigrahasaMBUtAM kRuShNatulyAM parAM satIm (1)

vahniSuddhAMSukAdhAnAM ratnaBUShaNaBUShitAm |
SaratpUrNEMduSatakapraBAjuShTakalEvarAm (2)

IShaddhAsaprasannAsyAM SaSvattusthirayauvanAm |
nArAyaNapriyAM SAMtAM satauBAgyasamanvitAm (3)

biBratIM kabarIBAraM mAlatImAlyasaMyutAm |
siMdhUrabiMdulalitAM sArdhaM caMdanabiMduBiH (4)

kastUripatrakaM gaMDE nAnAcitrasamanvitam |
pakvabiMbasamAnaikacArvOShThapuTamuttamam (5)

muktApaMktipraBAjuShpadaMtapaMktimanOharAm |
sucAruvaktranayanAM sakaTAkShamanOramAm (6)

kaThinaM SrIPalAkAraM stanayugraM ca biBratIm |
bRuhacChrONIM sukaThinAM raMBAstaMBapariShkRutAm (7)

sthalapadmapraBAjuShTapAdapadmayugaM dharAm |
ratnABaraNasaMyuktaM kuMkumAktaM sayAvakam (8)

dEvEMdramaulimaMdAramakaraMdakaruNAruNam |
surasiddhamunIMdrAdidattArpraissaMyutaM sadA (9)

tapasvimaulinikaraBramaraSrENisaMyutam |
muktipradaM mumukShuNAM kAminAM svargaBOgadam (10)

varAM varENyAM varadAM BaktAnugrahakAtarAm |
SrIviShNOH padadAtrIM ca BajE viShNupadIM satIm (11)

| iti SrIbrahmavaivartapurANE prakRutiKaMDE
daSamOdhyAyE SrIBagIratha kRuta
SrIgaMgAstOtraM SrIkRuShNArpaNamastu |