Endu kambenu – Shyamasundararu

Composer : Shri Shyamasundara dasaru

ಎಂದು ಕಾಂಬೆನು ನಂದ ಗೋಪನ |
ಕಂದ ಶ್ರೀ ಗೋವಿಂದನ [ಪ]

ಮಂದರಾಚಲಧರ ಶ್ರೀ ಯದುಕುಲ |
ಚಂದ್ರ ಗುಣಗಣಸಾಂದ್ರನ [ಅ.ಪ]

ವಿಜಯಸೂತನ ವಿಶ್ವ ಪಾಲನ | ಭುಜಗವರ ಪರಿಯಂಕನ,
ರಜನಿಚರರಳಿದ ಜನ ಜನಕನ | ಶ್ರೀ ಜಗಪತಿ ದ್ವಿಜವರ-ಗಮನನ [೧]

ಪಾಲುದಧಿ ನವನೀತ ಚೋರನ | ಬಾಲಕೃಷ್ಣ ಗೋಪಾಲನ
ಶೈಲ ಬೆರಳಿಲಿ ತಾಳಿ ಗೋಕುಲ, ಪಾಲಿಸಿದ ಪರಮಾತ್ಮನ [೨]

ಭಾಮೆ ರುಕ್ಮಿಣಿ ರಮಣ ರಂಗನ | ಸಾಮಗಾನ ವಿಲೋಲನ
ಶ್ರೀಮದಾನಂದ ಮುನಿ ಕರಾರ್ಚಿತ ಶಾಮಸುಂದರ ವಿಠಲನ [೩]

---

eMdu kAMbenu naMda gOpana |
kaMda SrI gOviMdana [pa]

maMdarAcaladhara shrI yadukula |
caMdra guNagaNasAMdrana [a.pa]

vijayasUtana viSva pAlana | Bujagavara pariyaMkana,
rajanicararaLida jana janakana | SrI jagapati dvijavara-gamanana [1]

pAludadhi navanIta cOrana | bAlakRuShNa gOpAlana
Saila beraLili tALi gOkula, pAlisida paramAtmana [2]

BAme rukmiNi ramaNa raMgana | sAmagAna vilOlana
SrImadAnaMda muni karArcita SAmasuMdara viThalana [3]