Mukhyapranashtakam

Composer : Shri Vadirajaru

ಭಕ್ತಿಂ ಶ್ರೀರಮಣಸ್ಯ ಪಾದಯುಗಲೇ ಪ್ರೀತ್ಯಾ ಪ್ರದೇಹೀಶ
ಮಚ್ಚಿತಂ ತತ್ಪಾದಪದ್ಮಚಿಂತನರತಂ ನಿತ್ಯಂ ವಿಧೇಹ್ಯಚ್ಯುತಂ |
ತ್ವತ್ತಾತಂ ಮಯಿ ಸುಪ್ರಸನ್ನಮಧುನಾ ವಿಜ್ಞಾಪ್ಯ ಕುರ್ವಂಜಸಾ
ಸ್ವಾಮಿನ್ಪ್ರಾಣಗಣಾಧಿನಾಥ ದಯಯಾ ದಾಸಂ ಹಿ ಮಾಂ ಪಾಲಯ |೧|

ತ್ವಯ್ಯುತ್ತಿಷ್ಠತಿ ಯತ್ಕಲೇವರಮಭೂತ್ಪಾತೈಕಪಾತ್ರಂ ಸುರಾ-
ಸ್ತ್ರಾತುಂ ನೈವ ಹಿ ಶೇಕುರಾದಿಪುರುಷೋಽಪ್ಯಾಸೀದುಪೇಕ್ಷಾರತಃ |
ಶ್ವಾಸಾಖ್ಯಂ ಮನುಮಸ್ಯ ಯತ್ತವ ವಶಂ ಬ್ರೂತೇಽವಿಗೀತಾ ಶ್ರುತಿಃ
ಸ ತ್ವಂ ಪ್ರಾಣಗಣಾಧಿನಾಥ ದಯಯಾ ದಾಸಂ ಹಿ ಮಾಂ ಪಾಲಯ |೨|

ಯೇನಾಽಽತ್ಮೀಯಜನಾವನಾಯ ಬಲಿನಾ ನೀತಃ ಪುರೋಚ್ಚಾಚಲ:-
ತೀರ್ಣಃ ಪೂರ್ಣಪಯೋನಿಧಿಃ ಖಲಹೃತಾ ದೃಷ್ಟಾ ಚ ಸೀತಾಕೃತಿಃ |
ತತ್ತೇ ಕಿಂ ಕಥನೀಯಮಸ್ತಿ ಜಗತಿ ವ್ಯಕ್ತಸ್ಯ ಸತ್ಪಾಲನೇ
ಸ್ವಾಮಿನ್ರಾಮಪದಾಬ್ಜಭೃಂಗ ತದವ ಶ್ರೀಮನ್ ಹನೂಮನ್ನಮಃ |೩|

ಸೇವಾಭಿಃ ಪರಿತುಷ್ಟಧೀಃ ಕವಿಜನೈರ್ಗಯಾಭಿರಾದ್ಯಃ ಪುಮಾನ್
ಬ್ರಹ್ಮಾಣಂ ಕಿಲ ಭಾವಿನಂ ಸಮತನೋತ್ಸಂತಂ ಭವಂತಂ ಪ್ರಭುಃ |
ಸಾಮ್ರಾಜ್ಯೇ ಸತಿ ವಿಸ್ಮೃತಿರ್ನಿಜಜನೇ ನಿಂದ್ಯಾ ಹಿ ಯತ್ವಾದೃಶಾಂ
ಸ್ವಾಮಿನ್ ರಾಮಪದಾಬ್ಜಭೃಂಗ ತದವ ಶ್ರೀಮನ್ಹನೂಮನ್ನಮಃ |೪|

ಕಾಮೀ ಯೇನ ಸ ಕೀಚಕೋ ವಿನಿಹತಃ ಕ್ರೋಧೀ ಚ ದುಃಶಾಸನಃ
ಸ್ತಬ್ಧೋ ಲುಬ್ಧಸುಯೋಧನಶ್ಚ ಮಣಿಮಾನ್ಮುಗ್ಧೋ ಮದಾಂಧೋ ಬಕಃ |
ಕೃಷ್ಣೇರ್ಷ್ಯಾಭಿರತಶ್ಚ ಮಾಗಧಪತಿಃ ಷಡ್ವೈರಿವರ್ಗಾತ್ಸದಾ
ಸ ತ್ವಂ ಭೀಮ ಗುಣಾಭಿರಾಮ ದಯಯಾ ದಾಸಂ ಹಿ ಮಾಮುದ್ಧರ |೫|

ದಾಹಾದ್ಯೇನ ವಿಮೋಚಿತೋ ನಿಜಜನ: ಸ ತ್ವಂ ಭವಾಗ್ನೇರವ
ಸ್ವೀಯಾಧ್ವಪ್ರತಿಬಂಧಕಶ್ಚ ನಿಹತಃ ಕಿರ್ಮೀರನಾಮಾ ರಣೇ |
ಪ್ರೋದ್ಯನ್ಮಧ್ವಮತಾಧ್ವಗಸ್ಯ ಸದಯ ಪ್ರತ್ಯರ್ಥಿನಸ್ಸಾದಯ
ಸ್ವಾಮಿನ್ಸೋಮಕುಲಾಗ್ರಗಣ್ಯ ಭವತಃ ಪೋತಂ ಹಿ ಮಾಂ ನ ತ್ಯಜ |೬|

ವಿದ್ವತ್ಸಿಂಧುಮ ಗೃಹೋದಯ ದ್ವಿಜಪಥಪ್ರಜ್ಞಪ್ತಿಬೀಜೋದಯ
ಪ್ರತ್ಯರ್ಥ್ಯಂಬುಜಮುದ್ರಣ ಪ್ರಿಯಜನಪ್ರತ್ಯೂಹಘರ್ಮಾರ್ದನ |
ಹೃಲ್ಲಗ್ನಾಮಲಕೃಷ್ಣಸಸ್ಮಿತದಯಾವೀಕ್ಷಾಸುಧಾಧಿಷ್ಣ್ಯ ಮಾಂ
ಶ್ರೀಮನ್ಮಧ್ವಮುನೀಂದ್ರಚಂದ್ರ ಕುಮುದಸ್ಥಾನೀಯಮುದ್ಬೋಧಯ |೭|

ಯದ್ವಾಗಾಖ್ಯಕರಾಃ ಸತಾಂ ಸುಖಕರಾಃ ದುರ್ವಾದಿಗರ್ವಜ್ವರಾಃ
ಸದ್ವಿದ್ಯಾಂಬುಧಿಪೋಷಕೋ ಯದುದಯೋಽವಿದ್ಯಾಂಬುಧೇಃ ಶೋಷಕಃ |
ಯಃ ಶರ್ವೇಣ ಶಿರೋಧೃತೋಽಪಿ ವಿಶದಂ ಚಕ್ರೇ ಮುರಾರೇಃ ಪದಂ
ಸೋಽವ್ಯಾದ್ದದ್ಭುತಮಧ್ವತಾರಕಪತಿರ್ಹಾರ್ದಾಂಧಕಾರಚ್ಯುತಿಃ |೮|

ಪದ್ಯಾನಾಮಿದಮಷ್ಟಕಂ ಪ್ರವಿಲಸನ್ಮಧ್ವಾಕೃತಿಸ್ಪಷ್ಟಕಂ
ತದ್ದಾಸಪ್ರಿಯವಾದಿರಾಜಯತಿನಾ ತದ್ದತ್ತವಾಗ್ಭೂತಿನಾ |
ಹೃದ್ಯಂ ಯಃ ಪಠತೀರಿತಂ ಸುಚರಿತಂ ಸಃ ಸ್ಯಾದ್ದಿಶಾಮಷ್ಟಕೇ
ಮಾದ್ಯನ್ಮಾಯಿಮತಂಗಭಂಗಕರಣೇ ಸಿಂಹಪ್ರಬರ್ಹಪ್ರಭಃ |೯|

ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ
ಮುಖ್ಯಪ್ರಾಣಾಷ್ಟಕಂ ಸಂಪೂರ್ಣಂ |

ಭಾರತೀರಮಣಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು |

---

BaktiM SrIramaNasya pAdayugalE prItyA pradEhISa
maccitaM tatpAdapadmaciMtanarataM nityaM vidhEhyacyutaM |
tvattAtaM mayi suprasannamadhunA vij~jApya kurvaMjasA
svAminprANagaNAdhinAtha dayayA dAsaM hi mAM pAlaya |1|

tvayyuttiShThati yatkalEvaramaBUtpAtaikapAtraM surA-
strAtuM naiva hi SEkurAdipuruShO&pyAsIdupEkShArataH |
SvAsAKyaM manumasya yattava vaSaM brUtE&vigItA SrutiH
sa tvaM prANagaNAdhinAtha dayayA dAsaM hi mAM pAlaya |2|

yEnA&&tmIyajanAvanAya balinA nItaH purOccAcala:-
tIrNaH pUrNapayOnidhiH KalahRutA dRuShTA ca sItAkRutiH |
tattE kiM kathanIyamasti jagati vyaktasya satpAlanE
svAminrAmapadAbjaBRuMga tadava SrIman hanUmannamaH |3|

sEvABiH parituShTadhIH kavijanairgayABirAdyaH pumAn
brahmANaM kila BAvinaM samatanOtsaMtaM BavaMtaM praBuH |
sAmrAjyE sati vismRutirnijajanE niMdyA hi yatvAdRuSAM
svAmin rAmapadAbjaBRuMga tadava SrImanhanUmannamaH |4|

kAmI yEna sa kIcakO vinihataH krOdhI ca duHSAsanaH
stabdhO lubdhasuyOdhanaSca maNimAnmugdhO madAMdhO bakaH |
kRuShNErShyABirataSca mAgadhapatiH ShaDvairivargAtsadA
sa tvaM BIma guNABirAma dayayA dAsaM hi mAmuddhara |5|

dAhAdyEna vimOcitO nijajana: sa tvaM BavAgnErava
svIyAdhvapratibaMdhakaSca nihataH kirmIranAmA raNE |
prOdyanmadhvamatAdhvagasya sadaya pratyarthinassAdaya
svAminsOmakulAgragaNya BavataH pOtaM hi mAM na tyaja |6|

vidvatsiMdhuma gRuhOdaya dvijapathapraj~japtibIjOdaya
pratyarthyaMbujamudraNa priyajanapratyUhaGarmArdana |
hRullagnAmalakRuShNasasmitadayAvIkShAsudhAdhiShNya mAM
SrImanmadhvamunIMdracaMdra kumudasthAnIyamudbOdhaya |7|

yadvAgAKyakarAH satAM suKakarAH durvAdigarvajvarAH
sadvidyAMbudhipOShakO yadudayO&vidyAMbudhEH SOShakaH |
yaH SarvENa SirOdhRutO&pi viSadaM cakrE murArEH padaM
sO&vyAddadButamadhvatArakapatirhArdAMdhakAracyutiH |8|

padyAnAmidamaShTakaM pravilasanmadhvAkRutispaShTakaM
taddAsapriyavAdirAjayatinA taddattavAgBUtinA |
hRudyaM yaH paThatIritaM sucaritaM saH syAddiSAmaShTakE
mAdyanmAyimataMgaBaMgakaraNE siMhaprabarhapraBaH |9|

iti SrImadvAdirAjapUjyacaraNaviracitaM
muKyaprANAShTakaM saMpUrNaM |

BAratIramaNamuKyaprANAMtargata SrIkRuShNArpaNamastu |