Aritu bhajisiro

Composer: Shri Bhu vittala

ಅರಿತು ಭಜಿಸಿರೋ ವಿಶ್ವೋತ್ತಮಾರ್ಯರಾ |
ಕೋರಿದಿಷ್ಟವಾ ತಕ್ಷಣದಿ ಕೊಡುವರಾ ||ಪ||

ಮೇರು ಪರ್ವತಾ ಅಘಕೆ ಪವೀ ಎನಿಪರಾ
ಘೋರಕರ್ಮದಾ ಸುಳಿಯ ಪಾರು ಮಾಳ್ಪರಾ [೧]

ಕಾಮಧೇನುವೂ ಕಲ್ಪವೃಕ್ಷ ನಾಕವೂ |
ವ್ಯೋಮಚರರೂ ಇವರಧೀನವೆಂಬರೂ [೨]

ಪಾರಮೇಷ್ಠಿಯ ಪದಕೆ ರಾಜರರ್ಹರು |
ಪುರಂದರಾದಿಯೂ ಇವರು ತಿಳಿದರೆಂದರೂ [೩]

ಸೌಮ್ಯರೂಪರು ಋಜುಗೆ ಪ್ರೇಮಪಾತ್ರರೂ |
ಕಾಮರಹಿತರೂ ನಿಷ್ಕಾಮ ಗಣ್ಯರೂ [೪]

ಧರೆಯ ಮುನಿಗಳಾ ಋಷೀವರರ ವಂದ್ಯರಾ
ಸುರರ ವಂದ್ಯರಾ ಋಜೂ ಆವೇಶ ಸಾಂದ್ರರಾ [೫]

ಕೋಟಿವರ್ಣನಾ ಕೋಟಿ ರೂಪ ಭಂಗಿಲಿ |
ದಿಟದಿ ವರ್ಣಿಸೀ ಋಜುವ ಕೊಟಿ ರಂಜಿಸೀ [೬]

ದಿಟವೆ ತಿಳಿಯದಾ ಸಟೆಯ ಜೀವರೆಲ್ಲರೂ |
ಚಾಟಿ ಏಟಿಲೀ ತಮದಿ ಬೀಳ್ವರೆಂದರೂ [೭]

ಅಜಪದಾರ್ಹನು ರಾಜ ಋಜುವು ಎನ್ನುತಾ |
ಕುಜಭಂಜಕಾ ಸಜ್ಜನರ ರಂಜಕಾ [೮]

ಸಟೆಯಿದಲ್ಲವೋ ಕಟೂ ಸತ್ಯವೆಂದರೂ ವಿ
ಕಟ ಮತಿಗಳೇ ಯಮ ಕುಟ್ವನೆಂದರೂ [೯]

ಸಾಟಿಯಿಲ್ಲವೋ ಕೃಪಾಕಟಾಕ್ಷಪೂರ್ಣರೂ |
ಕೋಟಿರೀತಿಲೀ ತಾವ್ ಬಿಡದೆ ಪೊರೆವರೂ [೧೦]

ಭೂವಿಠಲನಾ ಬಿಂಬದಲ್ಲಿ ಕಾಂಬರಾ |
ಭುವನ ತಾತಗೆ ಪೌತ್ರಜರೆನಿಪರಾ [೧೧]

ಭಾವಿಮಾರುತರಾ ಭಾವಪೂರ್ಣ ಭಜಿಸುತಾ |
ಭೂವಿಠಲನಾ ಅಡೀಗಳಿಗೆ ಸಾರ್ದರಾ [೧೨]

---

aritu BajisirO viSvOttamAryarA |
kOridiShTavA takShaNadi koDuvarA ||pa||

mEru parvatA aGake pavI eniparA
GOrakarmadA suLiya pAru mALparA [1]

kAmadhEnuvU kalpavRukSha nAkavU |
vyOmacararU ivaradhInaveMbarU [2]

pAramEShThiya padake rAjararharu |
puraMdarAdiyU ivaru tiLidareMdarU [3]

saumyarUparu Rujuge prEmapAtrarU |
kAmarahitarU niShkAma gaNyarU [4]

dhareya munigaLA RuShIvarara vaMdyarA
surara vaMdyarA RujU AvESa sAMdrarA [5]

kOTivarNanA kOTi rUpa BaMgili |
diTadi varNisI Rujuva koTi raMjisI [6]

diTave tiLiyadA saTeya jIvarellarU |
cATi ETilI tamadi bILvareMdarU [7]

ajapadArhanu rAja Rujuvu ennutA |
kujaBaMjakA sajjanara raMjakA [8]

saTeyidallavO kaTU satyaveMdarU vi
kaTa matigaLE yama kuTvaneMdarU [9]

sATiyillavO kRupAkaTAkShapUrNarU |
kOTirItilI tAv biDade porevarU [10]

BUviThalanA biMbadalli kAMbarA |
Buvana tAtage pautrajareniparA [11]

BAvimArutarA BAvapUrNa BajisutA |
BUviThalanA aDIgaLige sArdarA [12]