Jo Jo Hari

Composer : Shri Vijayadasaru

ಜೋ ಜೋ ಹರಿ ಜಾಹ್ನವಿ ಜನಕ
ಮೂಜಗತ್ಪತಿ ಸುರಕುಲ ಸನಕಾ
ದೀಜನ ಮನೋಹರ ಮಾಣಿಕ್ಯ ಕನಕಾ
ವೈಜಯಂತಿ ಹಾರ ಪಾವನ್ನ ಪದಕ [ಪ]

ಕೇಶಿಭಂಜನ ವ್ಯೋಮಕೇಶ ವಂದಿತ ಪಾದ
ಕ್ಲೇಶ ನಾಶನ ವಾತೇಶನ ಜನಕ
ಕೇಶರಿರುಹ ಮುಂಜಿ ಕೇಶನೆ ಕುಂಕುಮ
ಕೇಸರಿ ಭೂಷಣ ಕೇಶವ ಶೌರಿ (೧)

ವಾರುಣಿ ಪತಿನುತ ವಾರುಣನ ಭಯ ನಿ
ವಾರಣಾ ವಾರಣಾಶಿ ಪುರದರಸೆ
ವಾರಣ ನಗರಿಯ ವಾರನ ಹತಪಲ್ಲ
ವಾರುಣಿ ಪಾಣಿಯೆ ನಾರಾಯಣನೆ ಜೋ ಜೋ (೨)

ಮಾದೇವಿ ರಮಣ ಭೂಮಿದೇವಿ ಉದ್ಧಾರ
ಮಾಧುರ್ಯ ವಚನ ಉಮಾದೇವಿ ವಿನುತಾ
ಮಾಧಾರ ಮಹಶೂರ ಮತ್ಕುಲನೆ ಪ್ರೇ
ಮಾದವನನೆ ಹರಿ ಮಾಧವ ರಾಯಾ (೩)

ಗೋವಳಿ ಪರಿಪಾಲ ಗೋವಳೇರಾ ಪ್ರಿಯಾ
ಗೋವುಗಳ ಕಾಯಿದ ಗೋವಳರಾಯಾ
ಗೋವರ್ಧನುದ್ಧಾರ ಗೋ ವಿಪ್ರ ಸಂರಕ್ಷ
ಗೋವಿದಾಂಪತಿ ರಂಗ ಗೋವಿಂದ ನಂದ (೪)

ಮಧು ಕೈಟಭಾಸುರ ಮದ ಗರ್ವ ಮರ್ದನ
ಮದನ ಜನಕ ನಿತ್ಯ ಮಧುರನ್ನ ಪಾನಾ
ಮಧುರಾಪುರ ಪಾಲ ಮದಗಜ ಹರಣಾ ಶಾ
ಮದ ವರ್ಣ ಶರೀರ ಮಧುಸೂದನನೆ (೫)

ಇಷ್ಟ ಭಕ್ತರ ಕುಲ ಇಷ್ಟದೈವವೆ ಸರ್ವ
ಇಷ್ಟಾರ್ಥ ಕೊಡುವ ಬಲಿಷ್ಟನು ನಿನ್ನ
ಇಷ್ಟ ಅಷ್ಟಯೆಂದು ತಿಳಿಯಲಿ ವಶವಲ್ಲ
ವಿಷ್ಣು ಸರ್ವೋತ್ತಮ ವಿಶ್ವನಾಟಕನೆ (೬)

ಅಕ್ರಮದಲಿ ಸ್ವರ್ಗ ಆಕ್ರಮಿಸಿ ಬಲಿ
ವಿಕ್ರಮನಾಗಿ ಕಾಲಕ್ರಮಣಿ ಮಾಡೆ
ಶಕ್ರಮರ್ಚಿಸೆ ಅನುಕ್ರಮನಾಗಿ ಪ
ರಾಕ್ರಮದಲಿ ಬೆಳದೆ ತ್ರಿವಿಕ್ರಮನೆ (೭)

ವಾಮಲೋಚನೆಯರ ವಾಮನ ಕೆಡಿಸಿದೆ
ವಾಮನ ವಾಶಿಷ್ಟವಾ ಮುನಿವಂದ್ಯ
ವಾಮನದಲಿ ದಾನ ವಾಮನ್ಯಗಳರನ್ನು ಅ
ವಮಾನ ಮಾಡಿದೆ ಸಿರಿ ವಾಮನನೆ (೮)

ಶ್ರೀಧರ ರಮಣನೆ ಶೃಂಗಾರ ವಾರಿಧಿ
ಶ್ರೀಧನ ಸಂಪತ್ತಾಶ್ರಿತ ಜನರಿಗೆ
ಶ್ರೀಧೇನು ನೀನಯ್ಯಾ ಶ್ರೀ ಕರುಣಾಕರ
ಶ್ರೀದೇವಿ ಉರಭೂಷಾ ಶ್ರೀಧರನಂತಾ (೯)

ಋಷಿಕೇಶನ ತಾತ ಋಷಿಜನ ಸಂಪ್ರೀತ
ಋಷಿ ಕುಲೋದ್ಭವ ಪುರುಷ ರಾಮ ಮಹಾ
ಋಷಿ ನಾಮಧೇಯನೆ ಋಷಿ ಪತ್ನಿ ಪಾಲನೆ
ಋಷಿಗಳ ಒಡೆಯನೆ ಹೃಷಿಕೇಶ ದೇವ (೧೦)

ಪದುಮಜಾಂಡದಲ್ಲಿ ಪದುಮೆ ಮಾತನು ಕೇಳಿ
ಪದುಮ ನಾಭಿಯಲ್ಲಿ ಪದುಮಜನ ಪೆತ್ತ
ಪದುಮಾಸ್ಯ ಪದುಮಾಕ್ಷ ಪದುಮಕರನೆ ಪಾದ
ಪದುಮ ಮಿಗಲು ಕಾಂತಿ ಪದುಮನಾಭನೆ (೧೧)

ಧಾಮ ನಿಧಿ ಕುಲನು ಧಾಮನೆ ನಿರುತ ತ್ರಿ
ಧಾಮನಿವಾಸ ಸುಧಾಮನ ಮಿತ್ರ
ಧಾಮ ಪುಣ್ಯಧಾಮ ಭಕ್ತ ಹೃದ್ವನಜ
ಧಾಮ ಮಧುಕರನೆ ದಾಮೋದರ ಧರ್ಮಾ (೧೨)

ಶಂಖ ಸುರಾಹರಾ ನಿಃಶಂಕ ಚರಿತ
ಶಂಖಪಾಣಿ ಶಶಾಂಕ ಸುವದನ
ಸಂಖ್ಯೆಯಿಲ್ಲದೆ ತಾಯಿ ಸಂಕಲೆ ಹರಿಗಡಿದೆ
ಸಂಕರುಷಣನುವುಜ ಸಂಕರುಷಣನೆ (೧೩)

ಪ್ರದ್ಯೋತ ಶತತೇಜ ಪ್ರಧಾನ ಮೂರುತಿ
ಪ್ರದ್ವೀಪ ವರ್ಣ ಸುಪ್ರದಾಯಕನೆ
ಪ್ರದೇಶ ಪರಿಮಾಣ ವರಪ್ರದ ಸಿದ್ಧನೆ
ಪ್ರದ್ಯುಕ್ತ ಅವ್ಯಕ್ತ ಪ್ರದ್ಯುಮ್ನ ವಿಶ್ವ (೧೪)

ವಾಸುವಾನುಜ ಶ್ರೀನಿವಾಸ ಪುಂಡ್ರೀಕ
ವಾಸುದೇವನ ಶಮನ ಪುರದಲ್ಲಿ
ವಾಸ ಮಾಡಿಸಿದಯ್ಯಾ ವಾಸವಾರ್ಚಿತ ಶ್ರೀ
ವಾಸುದೇವ ವಾಸುದೇವ (೧೫)

ಅನುಗಾಲವು ನಿನ್ನ ಅನುಸರಿಸಿದೆ ನಾನು
ಅನುಕೂಲವಾಗಿ ಎನ್ನನು ಸಾಕುವುದು
ಅನುಮಾನವ್ಯಾತಕೆ ಅನಿಮಿತ್ತ ಬಂಧು
ಅನುಪಮ ಚರಿತನೆ ಅನಿರುದ್ಧ ಶ್ರೀಶಾ (೧೬)

ಪುರುಷ ಪುರುಷ ಶ್ರೇಷ್ಠ ಪುರುಷಾರ್ಥ ಕಾರಣ
ಪುರುಷೇಶ್ವರ ತತ್ಪುರುಷಾದಿ ಪುರುಷ
ಪುರುಷ ಬೀಜ ವೇದ ಪುರುಷ ಪರಮ
ಪುರುಷ ಪುರುಷರು ಮೋಹಿಸುವ ಪುರುಷೋತ್ತಮನೆ (೧೭)

ಅಕ್ಷಯ ಬಲ ಸಹಸ್ರಾಕ್ಷ ರಕ್ಷಕ
ಅಕ್ಷರಪರ ಬ್ರಹ್ಮ ಗೀರ್ವಾಣಧ್ಯಕ್ಷ
ಅಕ್ಷಯ ಪಾತ್ರಿಯ ಶಾಖಾದಳವನ್ನು
ಅಕ್ಷಯ ಮಾಡಿದಧೋಕ್ಷಜ ಚಕ್ರಿ (೧೮)

ನರಸಖ ನರಹರಿ ನಾರಾಯಣ ವಾ
ನರ ದಳನಾಯಕ ನಾರದ ವಿನುತ
ನರಕ ಉದ್ಧಾರಕ ನರಕಾಂತಕ ಕಿ
ನ್ನರ ಸುರನರೋರಗ ವೃಂದ ನರಸಿಂಹ (೧೯)

ಸಚ್ಚಿದಾನಂದಾತ್ಮ ಸಚಲ ವಿಗ್ರಹನೆ
ಸಚ್ಚರಾಚರದೊಳೂ ಗುಣ ಪರಿಪೂರ್ಣ
ಸಚ್ಛಾಸ್ತ್ರದಲಿ ನಿನ್ನ ಸಾಮರ್ಥಿ ಪರಿಪೂರ್ತಿ
ಸಚ್ಚೂತ ಚುತಿ ದೂರ ಚಿನ್ಮಯ ರೂಪಾ (೨೦)

ಜನನ ಮರಣ ನಾಶ ಜನನಾದಿಕರ್ತಾಂ
ಜನಸುತಗತಿ ಪ್ರೇಮಾಂಜನ ಗಿರಿಧಾಮ
ಜನಕವರದ ಸಜ್ಜನರಘ ದಹನ ದು
ರ್ಜನರ ಕುಲರಾತಿ ಜನಾರ್ದನನೆ (೨೧)

ವೀಂದ್ರವಾಹನ ಮಹೇಂದ್ರಧಾರನೆ ಗ
ಜೇಂದ್ರನ್ನ ಬಿಡಿಸಿ ನಕ್ಷೇಂದ್ರನ ಸೀಳಿ ನಾ
ಗೇಂದ್ರ ಶಯನ ಗುಣಸಾಂದ್ರ ಗೋಕುಲ ಚಂದ್ರ
ಇಂದ್ರಮಣಿ ನಿಭ ರಾಮಚಂದ್ರ ಉಪೇಂದ್ರಾ (೨೨)

ಹರಿ ಎನುತಾ ಹರಿ ಹರಿದು ಓಡಿ ಬರೆ
ಹರಿದು ಪೋಗಿ ಪರಿಹರಿಸಿದ ಖಳನ
ಹರಿ ಹರಿಯು ನಲಿವನೆ ಹರಿರೂಪ ಪರಿ
ಹರಿನಾಮವೆ ಗತಿ ಹರಿ ಸರ್ವೋತ್ತಮಾ (೨೩)

ಕೃಷ್ಣ ದ್ವಯಪಾಯನ ಉತ್ಕೃಷ್ಟ ಮುನೇಶ
ಕೃಷ್ಟಿಗೆ ಬಂದ ಕಷ್ಟ ಓಡಿಸಿದೆ
ಕೃಷ್ಣವರ್ತ್ಮನೆ ಸಂತುಷ್ಟೀಲಿ ಸುಖ ಬಡುವ
ಕೃಷ್ಣಾವತಾರ ಕೃಷ್ಣ ಕಮಲೇಶ (೨೪)

ನಿನ್ನ ಮಹಿಮೆಯನ್ನು ಬಣ್ಣಿಸಲಳವಿಲ್ಲ
ನಿನ್ನೊಳಗೆ ನೀನು ಬೀಯ ಬೀಜವನು
ಎನ್ನ ಪಾಲಿಸುವುದು ವಿಜಯವಿಠ್ಠಲ
ಪ್ರಸನ್ನ ಭಕ್ತರ ವರದ ಬಾಲ ಗೋಪಾಲ, ಜೋ ಜೋ (೨೫)

---

jO jO hari jAhnavi janaka
mUjagatpati surakula sanakA
dIjana manOhara mANikya kanakA
vaijayaMti hAra pAvanna padaka [pa]

kESiBaMjana vyOmakESa vaMdita pAda
klESa nASana vAtESana janaka
kESariruha muMji kESane kuMkuma
kEsari BUShaNa kESava Sauri (1)

vAruNi patinuta vAruNana Baya ni
vAraNA vAraNASi puradarase
vAraNa nagariya vArana hatapalla
vAruNi pANiye nArAyaNane jO jO (2)

mAdEvi ramaNa BUmidEvi uddhAra
mAdhurya vacana umAdEvi vinutA
mAdhAra mahaSUra matkulane prE
mAdavanane hari mAdhava rAyA (3)

gOvaLi paripAla gOvaLErA priyA
gOvugaLa kAyida gOvaLarAyA
gOvardhanuddhAra gO vipra saMrakSha
gOvidAMpati raMga gOviMda naMda (4)

madhu kaiTaBAsura mada garva mardana
madana janaka nitya madhuranna pAnA
madhurApura pAla madagaja haraNA SA
mada varNa SarIra madhusUdanane (5)

iShTa Baktara kula iShTadaivave sarva
iShTArtha koDuva baliShTanu ninna
iShTa aShTayeMdu tiLiyali vaSavalla
viShNu sarvOttama viSvanATakane (6)

akramadali svarga Akramisi bali
vikramanAgi kAlakramaNi mADe
Sakramarcise anukramanAgi pa
rAkramadali beLade trivikramane (7)

vAmalOcaneyara vAmana keDiside
vAmana vASiShTavA munivaMdya
vAmanadali dAna vAmanyagaLarannu a
vamAna mADide siri vAmanane (8)

SrIdhara ramaNane SRuMgAra vAridhi
SrIdhana saMpattASrita janarige
SrIdhEnu nInayyA SrI karuNAkara
SrIdEvi uraBUShA SrIdharanaMtA (9)

RuShikESana tAta RuShijana saMprIta
RuShi kulOdBava puruSha rAma mahA
RuShi nAmadhEyane RuShi patni pAlane
RuShigaLa oDeyane hRuShikESa dEva (10)

padumajAMDadalli padume mAtanu kELi
paduma nABiyalli padumajana petta
padumAsya padumAkSha padumakarane pAda
paduma migalu kAMti padumanABane (11)

dhAma nidhi kulanu dhAmane niruta tri
dhAmanivAsa sudhAmana mitra
dhAma puNyadhAma Bakta hRudvanaja
dhAma madhukarane dAmOdara dharmA (12)

SaMKa surAharA niHSaMka carita
SaMKapANi SaSAMka suvadana
saMKyeyillade tAyi saMkale harigaDide
saMkaruShaNanuvuja saMkaruShaNane (13)

pradyOta SatatEja pradhAna mUruti
pradvIpa varNa supradAyakane
pradESa parimANa varaprada siddhane
pradyukta avyakta pradyumna viSva (14)

vAsuvAnuja SrInivAsa puMDrIka
vAsudEvana Samana puradalli
vAsa mADisidayyA vAsavArcita SrI
vAsudEva vAsudEva (15)

anugAlavu ninna anusariside nAnu
anukUlavAgi ennanu sAkuvudu
anumAnavyAtake animitta baMdhu
anupama caritane aniruddha SrISA (16)

puruSha puruSha SrEShTha puruShArtha kAraNa
puruShESvara tatpuruShAdi puruSha
puruSha bIja vEda puruSha parama
puruSha puruSharu mOhisuva puruShOttamane (17)

akShaya bala sahasrAkSha rakShaka
akSharapara brahma gIrvANadhyakSha
akShaya pAtriya SAKAdaLavannu
akShaya mADidadhOkShaja cakri (18)

narasaKa narahari nArAyaNa vA
nara daLanAyaka nArada vinuta
naraka uddhAraka narakAMtaka ki
nnara suranarOraga vRuMda narasiMha (19)

saccidAnaMdAtma sacala vigrahane
saccarAcaradoLU guNa paripUrNa
sacCAstradali ninna sAmarthi paripUrti
saccUta cuti dUra cinmaya rUpA (20)

janana maraNa nASa jananAdikartAM
janasutagati prEmAMjana giridhAma
janakavarada sajjanaraGa dahana du
rjanara kularAti janArdanane (21)

vIMdravAhana mahEMdradhArane ga
jEMdranna biDisi nakShEMdrana sILi nA
gEMdra Sayana guNasAMdra gOkula caMdra
iMdramaNi niBa rAmacaMdra upEMdrA (22)

hari enutA hari haridu ODi bare
haridu pOgi pariharisida KaLana
hari hariyu nalivane harirUpa pari
harinAmave gati hari sarvOttamA (23)

kRuShNa dvayapAyana utkRuShTa munESa
kRuShTige baMda kaShTa ODiside
kRuShNavartmane saMtuShTIli suKa baDuva
kRuShNAvatAra kRuShNa kamalESa (24)

ninna mahimeyannu baNNisalaLavilla
ninnoLage nInu bIya bIjavanu
enna pAlisuvudu vijayaviThThala
prasanna Baktara varada bAla gOpAla, jO jO (25)