Vishwapriya guru ashtakam

Composer : Shri Kocchi Rangappacharya

ವಿಶ್ವಾಧೀಶ್ವರಸನ್ಮುನೀಂದ್ರತನಯ ಶ್ರೀವಾಜಿವತಕ್ತ್ರಾರ್ಚಕ-
ಶ್ರೀವಿಶ್ವೇಶ ಯತೀಂದ್ರಹಸ್ತಕಮಲಪ್ರೋದ್ಭೂತಮೌನೀಶ್ವರಃ |
ತ್ರಯ್ಯಂತಾಮಲಸಾರಸಾರಸರಸಾಸ್ವಾದೈಕಸಕ್ತಾಶಯಃ
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೧|

ಯೋ ಭೂಮಾವವತೀರ್ಯ ಸಾಧನಚಯಂ ಕರ್ತುಂ ಪುನಃ ಸಜ್ಜನಾನ್
ಉದ್ಧರ್ತುಂ ಹರಿಪೇಟಿಕಾಂ ಸುಮಹತೀಂ ಸ್ಕಂಧೇ ವಹನ್ನಾದರಾತ್ |
ಅನ್ನಾದ್ಯಂ ಕಿಲ ಯೊಗಿದುಸ್ತ್ಯಜಮಪಿ ತ್ಯಕ್ತ್ವಾ ಸುತೀರ್ಥಾನ್ಯಗಾತ್
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೨|

ಶ್ರೀಮನ್ಮಧ್ವಮುನೀಂದ್ರಸೇವಿತಮಹಾ ಶ್ರೀಮಧ್ಯವಾಟಸ್ಥಿತ-
ವ್ಯಾಸಂ ಶ್ರೀಶಮುಪಾಸ್ಯ ಭಕ್ತಿವಶಗಂ ಕೃತ್ವಾ ಮಠೇ ಯೋ ವ್ಯಧಾತ್ |
ಪೂಜಾಂ ಭೂಮಿವರಾಹವಾಜಿಮುಖಯೋರ್ಮಧ್ಯೇ ಸುರೇಂದ್ರಾರ್ಥಿತಾಂ
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೩|

ಯತ್ಪರ್ಯಾಯಮಹೋತ್ಸವೇ ನರಪತಿಃ ಶ್ರೀಕೃಷ್ಣರಾಜೋಽಗಮತ್
ತುಷ್ಟಃ ಕೃಷ್ಣಸುಪೂಜನೇ ಸಮತನೋತ್ ವೃತ್ತಿಂ ಗುರೋರ್ವಾಕ್ಯತಃ |
ಶ್ರೀಮನ್ಮಾಟಮಹೀಶ್ವರಾ ಹರಿಪರಾ ಯತ್ಪಾದಸೇವಾಬಲಾತ್
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೪|

ಶ್ರೀಮನ್ಮಧ್ವಮುನೀಂದ್ರನಿರ್ಮಿತಮಹಾಗ್ರಂಥಾನ್ ವಿಮುಕ್ತಿಪ್ರದಾನ್
ಸೋದಾಯಾಂ ನಿವಸನ್ಪಪಾಠ ಬಹುಧಾ ಪ್ರೀತ್ಯಾವಹಃ ಸದ್ಗುರೋಃ |
ಇತ್ಯಾದ್ಯೈರತಿಮಾನುಷೈಸ್ತು ಚರಿತೈಃ ಯಂ ದೇವದೇವಂ ವಿದುಃ
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೫|

ಉತ್ತಪ್ಪೋಜ್ವಲ-ಜಾತರೂಪರಚಿತೇ ದಿವ್ಯ ಮಹಾಮಂಟಪೇ
ಶ್ರೀಲಕ್ಷ್ಮೀರಮಣಂ ನಿವೇಶ್ಯ ವಿಧಿವತ್ ಸಂಪೂಜ್ಯಯಾಮಾಸ ಯಃ |
ಮಂತ್ರೈ: ವೈದಿಕ-ತಾಂತ್ರಿಕೈ: ಸುಬಹುಭಿ ಸದ್
ಬ್ರಾಹ್ಮಣಾರಾಧನೈ:
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೬|

ಶ್ರೀಮದ್ಭಾವಿಸಮೀರವಾಜಿವದನ ಶ್ರೀಪಾದಪಂಕೇರುಹಾ
ಸಕ್ತಸ್ವಾಂತಮುನೀಂದ್ರವರ್ಯಗುರುರಾಣ್ಮಾಹಾತ್ಮ್ಯ ಮತ್ಯದ್ಭುತಮ್ |
ಲೋಕೇಽಸ್ಮಿನ್ ಯದುಪಜ್ಞಮಾಸ ವಿತತಾ ಯತ್ಕೀರ್ತಿರಾಶಾಂತರೇ
ಸ್ಯಾತ್ತಸ್ಮೈ ಗುರುಮೌಲಯೇ ನತಿತತಿಃ ವಿಶ್ವಪ್ರಿಯಾಖ್ಯಾಯುಜೇ |೭|

ಶ್ರೀಮದ್ದೇಶಿಕವರ್ಯಪಾದಕಮಲಾಸಕ್ತೇನ ಗುರ್ವಷ್ಟಕಂ
ರಂಗಾಚಾರ್ಯಪದೇನ ಸದ್ಗುರುಕೃಪಾಪೀಯೂಷಭಾಜಾ ಕೃತಮ್ |
ತೇನ ಶ್ರೀರಜತಾಸನೇ ಸುಮಹತಿ ಶ್ರೀಕೃಷ್ಣಸತ್ಸನ್ನಿಧೌ
ಯೋಽದೃಶ್ಯೋ ವಸತಿ ಸ್ವಯಂ ಗುರುವರಃ ಪ್ರೀತಃ ಸ ದದ್ಯಾತ್ ಸುಖಮ್ |೮|

|| ಇತಿ ಶ್ರೀಮತ್ಕೊಚ್ಚೆರಂಗಪ್ಪಾಚಾರ್ಯವಿರಚಿತಂ ವಿಶ್ವಪ್ರಿಯ
ಗುರ್ವಷ್ಟಕಂ ಸಮಾಪ್ತಮ್ ||

---

viSvAdhISvarasanmunIMdratanaya SrIvAjivataktrArcaka-
SrIviSvESa yatIMdrahastakamalaprOdbhUtamaunISvaraH |
trayyaMtAmalasArasArasarasAsvAdaikasaktASayaH
syAttasmai gurumaulayE natitatiH viSvapriyAKyAyujE |1|

yO BUmAvavatIrya sAdhanacayaM kartuM punaH sajjanAn
uddhartuM haripETikAM sumahatIM skaMdhE vahannAdarAt |
annAdyaM kila yogidustyajamapi tyaktvA sutIrthAnyagAt
syAttasmai gurumaulayE natitatiH viSvapriyAKyAyujE |2|

SrImanmadhvamunIMdrasEvitamahA SrImadhyavATasthita-
vyAsaM SrISamupAsya BaktivaSagaM kRutvA maThE yO vyadhAt |
pUjAM BUmivarAhavAjimuKayOrmadhyE surEMdrArthitAM
syAttasmai gurumaulayE natitatiH viSvapriyAKyAyujE |3|

yatparyAyamahOtsavE narapatiH SrIkRuShNarAjO&gamat
tuShTaH kRuShNasupUjanE samatanOt vRuttiM gurOrvAkyataH |
SrImanmATamahISvarA hariparA yatpAdasEvAbalAt
syAttasmai gurumaulayE natitatiH viSvapriyAKyAyujE |4|

SrImanmadhvamunIMdranirmitamahAgraMthAn vimuktipradAn
sOdAyAM nivasanpapATha bahudhA prItyAvahaH sadgurOH |
ityAdyairatimAnuShaistu caritaiH yaM dEvadEvaM viduH
syAttasmai gurumaulayE natitatiH viSvapriyAKyAyujE |5|

uttappOjvala-jAtarUparacitE divya mahAmaMTapE
SrIlakShmIramaNaM nivESya vidhivat saMpUjyayAmAsa yaH |
maMtrai: vaidika-tAMtrikai: subahuBi sad
brAhmaNArAdhanai:
syAttasmai gurumaulayE natitatiH viSvapriyAKyAyujE |6|

SrImadBAvisamIravAjivadana SrIpAdapaMkEruhA
saktasvAMtamunIMdravaryagururANmAhAtmya matyadButam |
lOkE&smin yadupaj~jamAsa vitatA yatkIrtirASAMtarE
syAttasmai gurumaulayE natitatiH viSvapriyAKyAyujE |7|

SrImaddESikavaryapAdakamalAsaktEna gurvaShTakaM
raMgAcAryapadEna sadgurukRupApIyUShaBAjA kRutam |
tEna SrIrajatAsanE sumahati SrIkRuShNasatsannidhau
yO&dRuSyO vasati svayaM guruvaraH prItaH sa dadyAt suKam |8|

|| iti SrImatkocceraMgappAcAryaviracitaM viSvapriya
gurvaShTakaM samAptam ||

Other kritis of Shri Vrundavanacharya