Krishna stavam / stuti

Composer : Shri Vadirajaru

ಹಿತಂ ನ ಜಾನಾಮ್ಯಹಿತಂ ನ ಜಾನೇ ನಾಕರ್ತುಮೀಶೋ ನಚ ಕರ್ತುಮೀಶಃ |
ಯಥಾ ನಟಾನ್ನಾಟಕದಾರುಯಂತ್ರಂ ತಥಾ ಹರೇಃ ಪ್ರೇರಣಯೈವ ವರ್ತೇ |೧|

ಯದಭೂತ್ ತತ್ ಹರೇರ್ಯಚ್ಚ ನಾಭೂತ್ ತಚ್ಚ ಹರೇಃ ಪರಾತ್ |
ಜೀವೋ ವಿಷ್ಟಿಗೃಹೀತೋಽಸ್ಮಾತ್ ಕಿಂ ಭವೇತ್ ಕಿಂ ಚ ನೋ ಭವೇತ್ ? |೨|

ಕರ್ಮಣೋ ಯದಿ ತತ್ಕರ್ಮ ಸ್ವಾನಿಷ್ಟಂ ಕುರುತೇ ಕುತಃ |
ಅನಾದ್ಯನಿಷ್ಟಕರ್ಮಾಣಿ ಕರೋತ್ಯನ್ಯವಶೋ ಧ್ರುವಂ |೩|

ನಿತ್ಯೋ ಜೀವೋಽಸ್ವತಂತ್ರಶ್ಚೇದನಿತ್ಯಂ ಕರ್ಮ ಜನ್ಮನಿ |
ಸ್ಥಿತೌ ಲಯೇ ಪರಾಪೇಕ್ಷಮನ್ಯಾಧೀನಂ ಕಥಂ ನ ತತ್ |೪|

ಯತ ಇತ್ಯೇಕವಚನಾದೇಕೋ ದಾಧಾರ ಚೇತ್ಯಲಂ |
ಸ್ಪಷ್ಟಶ್ರುತೇರ್ನ ಕರ್ಮಾಣಿ ಕರ್ಮದ್ವಾರಾ ನ ಚೇತನಾಃ |೫|

ಅನಂತಾಃ ಸರ್ವಜಗತಾಂ ಕರ್ತಾರೋ ಲಾಘವಾದಪಿ |
ಲೋಕೇಽದೃಷ್ಟದ್ವಾರಕರ್ತೃಮಾತ್ರಾತ್ಕ್ವಾಪಿ ಕ್ರಿಯಾಽಜನೇಃ |೬|

ಕೃತಿಪೂರ್ವಕಕರ್ತೈವ ಕರ್ತಾಽನ್ಯಸ್ತೂಪಚಾರತಃ |
ಅನ್ಯಥಾ ಕನ್ಯಕಾಯಾಃ ಸ್ಯಾದ್ಭರ್ತಾಽಪಿ ಪಿತೃವತ್ಪಿತಾ |೭|

ಅತೋ ನಾಮುಖ್ಯಕತ್ರೈವ ಮಹಾಕಾರ್ಯಮಿದಂ ಭವೇತ್ |
ಕಿಂ ಸ್ತ್ರೀಪುಂಸೋರ್ವಿನಾಽಪಿ ಸ್ಯಾತ್ಪುತ್ರಃ ಪುತ್ರೇಷ್ಟಿಮಾತ್ರತಃ |೮|

ನ ಚೇದುಪಾದಾನಮಪಿ ತದ್ವತ್ಮಾದೌಪಚಾರಿಕಂ |
ದೃಷ್ಟಾನುಸಾರತಸ್ತಚ್ಚೇತ್ ಕರ್ತಾಽಪಿ ಸ್ಯಾತ್ತಥೈವ ಹಿ |೯|

ಅದೃಷ್ಟಮಪಿ ಬೀಜಾದ್ಯಂ ಕಲ್ಪ್ಯಂ ಫಲಬಲಾದ್ಯಥಾ |
ತಥಾಽದೃಷ್ಟೋಽಪಿ ಕರ್ತಾಽಸ್ಯ ಕಲ್ಪ್ಯಃ ಕೋಽಪ್ಯುರುಶಕ್ತಿಮಾನ್ |೧೦|

ನ ಚ ಕಾಲಾದಿಕಂ ತಸ್ಯ ಪ್ರೇರಕಂ ಜಡವಸ್ತುನಃ |
ಸ್ವತಃ ಪ್ರವೃತ್ಯಯೋಗೇನ ಪ್ರೇರ್ಯತ್ವಾತ್ಕರ್ತೃತೋಽನ್ಯತಃ |೧೧|

ನಾಪಿ ತತ್ಪೇರಕೋ ಬ್ರಹ್ಮಾ ನೇಶೋ ನೇಂದ್ರೋಽಪರೇ ಕುತಃ ? |
ಅಂಘ್ರಯರ್ಚನೇನ ತತ್ತೀರ್ಥಜುಷ್ಟ್ಯಾ ತದ್ಧತ್ತಭೂತ್ವತಃ |೧೨|

ಕಿಂ ಚ ಸೃಜ್ಯಂ ವಶೇ ಸ್ರಷ್ಟು: ಹಾರ್ಯಂ ಹರ್ತುರ್ವಶೇ ಪರಂ |
ಪಾತುರ್ವಶೇ ಸ್ಥಿತಂ ಸರ್ವಮ್ ಅತೋ ವಿಷ್ಣೋರ್ವಶೇಖಿಲಂ |೧೩|

ನ ಪಿತಾಽಧಿಪತಿ: ನೃನಾಂ ನ ಹರ್ತಾ ಯಾಮಕೋಽಪಿ ವಾ |
ಕಿಂತು ರಕ್ಷಕ ಏವಾತೋ ವಿಷ್ಣುರೇವ ಜಗತ್ಪತಿಃ |೧೪|

ದಶದಿಕ್ಷತಿಭಾವೇನ ದೇವಾ ಬ್ರಹ್ಮಶಪೂರ್ವಕಾಃ |
ಖಂಡಾಧಿಪತಯೋ ವಿಷ್ಣುಸ್ತದಭಾವಾಜ್ಜಗತ್ಪತಿಃ |೧೫|

ಅಸ್ಯ ದೇವಸ್ಯೆತಿ ವೇದೇ ಯಥಾ ವಿಷ್ಟೋರ್ವಶೇ ಹರಃ |
ಸ್ಪಷ್ಟಂ ಶ್ರುತಸ್ತಥಾ ವೇದೇ ನ ಕ್ವಾಪೀಶವಶೇ ಹರಿಃ |೧೬|

ಶ್ರೌತೋ ಲಬ್ಧಪದಃ ಸೋಮೋ ನೇಶೋ ವೇದವಿದಾಂ ಮತೇ |
ವಿಶ್ವಾಧಿಕತ್ವಗೀಃ ಸಾವಕಾಶೇಂದ್ರಾದಿಶ್ರುತಾವಿವ |೧೭|

ಸೋ ರೋದೀದಿತಿ ವೇದೇ ಹಿ ರೋದನಾದ್ರುದ್ರತೋದಿತಾ |
ನ ತೇ ಮಹಿತ್ವಮಿತಿ ತು ವಿಷ್ಟೋರಸಮೋತೋದಿತಾ |೧೮|

ಯಾ ಹ್ಯುಚ್ಛೇಷಣಭಾಗೋ ವೈ ರುದ್ರ ಇತ್ಯಾಹ ವೇದವಾಕ್
ಜುಷೇಥಾಂ ಯಜ್ಞಮಿತ್ಯಾದ್ಯಾ ಸಾ ವಿಷ್ಣುಂ ವಕ್ಯತಸ್ಸ ರಾಟ್ |೧೯|

ಪ್ರಲಯೇ ವಟಪತ್ರೇಽಪ್ಸು ಶೇತೇ ನಾರಾಯಣಃ ಕಿಲ |
ತದಾ ಕ್ವಾನ್ಯೇ ಸುರಾಸ್ತಸ್ಮಾತ್ಸರ್ವೇಶೋ ವಿಷ್ಣುರೇವ ಹಿ |೨೦|

ಕಿಂಚ ಗೀತೋಪನಿಷದಿ ಸರ್ವಂ ದ್ವಿಪುರುಷಾಖ್ಯಯಾ |
ಸಂಗೃಹೀತಂ ಹರಿಸ್ತ್ವೇಕಃ ಪುರುಷೋತ್ತಮ ಈರಿತಃ |೨೧|

ರಾಮಃ ಪ್ರಭೂ ರಾಮಭೃತ್ಯಾ ದೇವಾಃ ಸರ್ವೇಽಪಿ ವಾನರಾಃ |
ಕೃಷ್ಣಃ ಪ್ರಭುಃ ಕೃಷ್ಣಭೃತ್ಯಾ ದೇವಾ: ಧರ್ಮಾತ್ಮಜಾದಯಃ |೨೨|

ಅರ್ಹತ್ತಮೋ ಹ್ಯಗ್ರಪೂಜಾಮ್ ಅರ್ಹತ್ಯನ್ಯೋ ನ ಸಂಸದಿ |
ಯಥೈವೇಹ ತಥಾಽಮುತ್ರ ತದ್ವಿಷ್ಣುರಖಿಲಪ್ರಭುಃ |೨೩|

ತಸ್ಮಾತ್ಸರ್ವೇಶ್ವರೋ ವಿಷ್ಣುಃ ಸರ್ವಂ ಸರ್ವತ್ರ ಸರ್ವದಾ |
ಪ್ರವರ್ತಯತಿ ಸರ್ವತ್ರ ಸರ್ವಶಕ್ತಿಃ ಸನಾತನಃ |೨೪|

ಯದ್ಧೂತಂ ಭೂತಮೇತಸ್ಮಾದ್ ಭವಚ್ಚ ಭವತಿ ಪ್ರಭೋಃ |
ಭಾವ್ಯಂ ಭವಿಷ್ಯತೀಹ್ಯಸ್ಯ ಕೃಪಯಾ ನಾನ್ಯತಾಃ ಕ್ವಚಿತ್ |೨೫|

ಅತಃ ಸರ್ವೇಷ್ಟಲಾಭಾಯ ಸರ್ವಾನಿಷ್ಟನಿವೃತ್ತಯೇ |
ತಮರ್ಚ್ಯಮರ್ಚಯ ಸ್ತುತ್ಯಂ ಸ್ತುಹಿ ನಮ್ಯಂ ನಮಾಚ್ಯುತಂ |೨೬|

ವಾದಿರಾಜಯತಿಪ್ರೋಕ್ತಮೇವಂ ಕೃಷ್ಣಸ್ತವಂ ನವಂ |
ಪಠನ್ ಸರ್ವೇಷ್ಟಮಾಪ್ನೋತಿ ಸರ್ವಾನಿಷ್ಟನಿವೃತ್ತಿಮಾನ್ |೨೭|

ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಾ
ಶ್ರೀಕೃಷ್ಣಸ್ತವಮ್ ಸಂಪೂರ್ಣಮ್ |

ಭಾರತೀರಮಣಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು |

---

hitaM na jAnAmyahitaM na jAnE nAkartumISO naca kartumISaH |
yathA naTAnnATakadAruyaMtraM tathA harEH prEraNayaiva vartE |1|

yadaBUt tat harEryacca nABUt tacca harEH parAt |
jIvO viShTigRuhItO&smAt kiM BavEt kiM ca nO BavEt ? |2|

karmaNO yadi tatkarma svAniShTaM kurutE kutaH |
anAdyaniShTakarmANi karOtyanyavaSO dhruvaM |3|

nityO jIvO&svataMtraScEdanityaM karma janmani |
sthitau layE parApEkShamanyAdhInaM kathaM na tat |4|

yata ityEkavacanAdEkO dAdhAra cEtyalaM |
spaShTaSrutErna karmANi karmadvArA na cEtanAH |5|

anaMtAH sarvajagatAM kartArO lAGavAdapi |
lOkE&dRuShTadvArakartRumAtrAtkvApi kriyA&janEH |6|

kRutipUrvakakartaiva kartA&nyastUpacArataH |
anyathA kanyakAyAH syAdBartA&pi pitRuvatpitA |7|

atO nAmuKyakatraiva mahAkAryamidaM BavEt |
kiM strIpuMsOrvinA&pi syAtputraH putrEShTimAtrataH |8|

na cEdupAdAnamapi tadvatmAdaupacArikaM |
dRuShTAnusAratastaccEt kartA&pi syAttathaiva hi |9|

adRuShTamapi bIjAdyaM kalpyaM PalabalAdyathA |
tathA&dRuShTO&pi kartA&sya kalpyaH kO&pyuruSaktimAn |10|

na ca kAlAdikaM tasya prErakaM jaDavastunaH |
svataH pravRutyayOgEna prEryatvAtkartRutO&nyataH |11|

nApi tatpErakO brahmA nESO nEMdrO&parE kutaH ? |
aMGrayarcanEna tattIrthajuShTyA taddhattaBUtvataH |12|

kiM ca sRujyaM vaSE sraShTu: hAryaM harturvaSE paraM |
pAturvaSE sthitaM sarvam atO viShNOrvaSEKilaM |13|

na pitA&dhipati: nRunAM na hartA yAmakO&pi vA |
kiMtu rakShaka EvAtO viShNurEva jagatpatiH |14|

daSadikShatiBAvEna dEvA brahmaSapUrvakAH |
KaMDAdhipatayO viShNustadaBAvAjjagatpatiH |15|

asya dEvasyeti vEdE yathA viShTOrvaSE haraH |
spaShTaM SrutastathA vEdE na kvApISavaSE hariH |16|

SrautO labdhapadaH sOmO nESO vEdavidAM matE |
viSvAdhikatvagIH sAvakASEMdrAdiSrutAviva |17|

sO rOdIditi vEdE hi rOdanAdrudratOditA |
na tE mahitvamiti tu viShTOrasamOtOditA |18|

yA hyucCEShaNaBAgO vai rudra ityAha vEdavAk
juShEthAM yaj~jamityAdyA sA viShNuM vakyatassa rAT |19|

pralayE vaTapatrE&psu SEtE nArAyaNaH kila |
tadA kvAnyE surAstasmAtsarvESO viShNurEva hi |20|

kiMca gItOpaniShadi sarvaM dvipuruShAKyayA |
saMgRuhItaM haristvEkaH puruShOttama IritaH |21|

rAmaH praBU rAmabhRutyA dEvAH sarvE&pi vAnarAH |
kRuShNaH praBuH kRuShNabhRutyA dEvA: dharmAtmajAdayaH |22|

arhattamO hyagrapUjAm arhatyanyO na saMsadi |
yathaivEha tathA&mutra tadviShNuraKilapraBuH |23|

tasmAtsarvESvarO viShNuH sarvaM sarvatra sarvadA |
pravartayati sarvatra sarvaSaktiH sanAtanaH |24|

yaddhUtaM BUtamEtasmAd Bavacca Bavati praBOH |
BAvyaM BaviShyatIhyasya kRupayA nAnyatAH kvacit |25|

ataH sarvEShTalABAya sarvAniShTanivRuttayE |
tamarcyamarcaya stutyaM stuhi namyaM namAcyutaM |26|

vAdirAjayatiprOktamEvaM kRuShNastavaM navaM |
paThan sarvEShTamApnOti sarvAniShTanivRuttimAn |27|

iti SrImadvAdirAjapUjyacaraNaviracitA
SrIkRuShNastavam saMpUrNam |

BAratIramaNamuKyaprANAMtargata SrIkRuShNArpaNamastu |