Gurugunastavanam

Composer : Shri Vadeendra Teertharu

ಉನ್ಮೀಲನ್ನೀಲನೀರೇರುಹನಿವಹಮಹ:ಪುಷ್ಟಿಮುಷ್ಟಿಂಧಯಿಶ್ರೀ:
ಶ್ರೀಭೂದುರ್ಗಾದೃಗಂತಪ್ರಚಯಪರಿಚಯೋದಾರಕಿರ್ಮೀರಭಾವ: |
ಸ್ವೈರಕ್ಷೀರೋದನಿರ್ಯಚ್ಚಶಿರುಚಿನಿಚಯಾಖರ್ವಗರ್ವಾಪನೋದೀ
ಪಾತು ಶ್ರೀನೇತುರಸ್ಮಾನ್ ಸಪದಿ ಬುಧಜನತ್ರಾಣದಕ್ಷ: ಕಟಾಕ್ಷ: || ೧ ||

ಮಾತಸ್ತ್ವಾಮುಪಕಲ್ಪಿತಾಖಿಲಜಗತ್ಸರ್ಗೇಜಭರ್ಗೇಡಿತೇ
ಚೇತೋ ನ ಪ್ರಜಹಾತು ಜಾತುಚಿದಿಹ ಸ್ವರ್ಗೇಪವರ್ಗೇಪಿ ನ: |
ಲಾವಣ್ಯಾದಧರೀಕೃತಾಮರವಧೂವರ್ಗೇ ನಿಸರ್ಗೇಹಿತಂ
ಕಾರುಣ್ಯಂ ಕುರು ಮಾ ಕೃಥಾ ಮಯಿ ಪುನರ್ದುರ್ಗೇ ವಿಸರ್ಗೇ ಮತಿಮ್ || ೨ ||

ಶ್ರೀಮದ್ರಾಮಾಭಿರಾಮಾಮಿತಮಹಿಮಪದಪ್ರೌಢಪಾಥೋರುಹಾಲಿ:
ಕೃಷ್ಣಾನಿಷ್ಟಾಮಿತಕ್ಷ್ಮಾಪರಿವೃಢಪಟಲೀಪಾಟನೈಕಪ್ರವೀಣ: |
ವೇದವ್ಯಾಸೋಪದೇಶಾಧಿಕಸಮಧಿಗತಾನಂತವೇದಾಂತಭಾವೋ
ಭೂಯಾತ್ ಕೀಶಾವನೀಶವ್ರತಿತನುರನಿಲ: ಶ್ರೇಯಸೇ ಭೂಯಸೇ ನ: || ೩ ||

ಉದ್ವೇಲವ್ಯಾಸತಂತ್ರವ್ಯವಸಿತನಿಖಿಲಾಭಿಜ್ಞಹೃದಾನವದ್ಯಾ-
ನಂತತ್ರಯ್ಯಂತಭಾವಪ್ರಕಟನಘಟನಾಸರ್ವತಂತ್ರಸ್ವತಂತ್ರೇ |
ಸಂವಣ್ರ್ಯೇ ಮಂತ್ರವರ್ಣೈರನಿತರವಿಷಯಸ್ಪರ್ಶಿಭಿ: ಪಾವಮಾನೇ
ರೂಪೇ ಲೋಕೈಕದೀಪೇ ಪ್ರಸರತು ಹೃದಯಂ ಮಾಮಕಂ ಮಧ್ವನಾಮ್ನಿ || ೪ ||

ವಿಜ್ಞಾನೋದರ್ಕತರ್ಕಪ್ರತಿಪದಮಧುರೋದಾರಸಂದರ್ಭಗರ್ಭ-
ಪ್ರೌಢಾನೇಕಪ್ರಬಂಧಪ್ರಕಟಿತಭಗವತ್ಪಾದಭಾಷ್ಯಾದಿಭಾವ: |
ಮಿಥ್ಯಾವಾದಾಪವಾದಪ್ರಕುಪಿತವಿಮತಧ್ವಾಂತಸಂತಾನಭಾನು-
ರ್ಜೀಯಾದನ್ಯೈರಜಯ್ಯಸ್ತ್ರೀಭುವನವಿದಿತಾಶ್ಚರ್ಯಚರ್ಯೋ ಜಯಾರ್ಯ: || ೫ ||

ಶ್ರೀಮತ್ಪೂರ್ಣಪ್ರಬೋಧಪ್ರಕಟಿತಪದವೀಧಾವಿಮೇಧಾವಿಧೀಮತ್-
ಸೇನಾನಾಸೀರಸೀಮಾಸಮುದಿತವಿದಿತಾಬಾಧಯೋಧಾಧಿನೇತಾ |
ಮಾಯಸಿದ್ಧಾಂತದೀಕ್ಷಾವಿಘಟನಘಟನಾಸರ್ವತಂತ್ರಸ್ವತಂತ್ರ:
ಶ್ರೀರಾಮವ್ಯಾಸದಾಸೋ ವಿಲಸತಿ ವಿಬುಧೇಂದ್ರಾಭಿಧ: ಸಂಯಮೀಂದ್ರ: || ೬ ||

ಮಾಯಾತಂತ್ರಾಮರಾರಿಸ್ಮಯಮಪನಯತೋ ಮಧ್ವಸಿದ್ಧಾಂತನಾಮ್ನೋ
ನೇತ್ರಾಣೀವ ತ್ರಯೋಪಿ ತ್ರಿಜಗತಿ ನೃಹರೇರಿಂಧತೇ ಯತ್ಪ್ರಬಂಧಾ: |
ಯದ್ವಾಗದ್ವೈತವಿದ್ಯಾಚಲಕುಲಕುಲಿಶಪ್ರೌಢಿಮಾಢೌಕತೇ ಸ:
ಶ್ರೇಯೋ ಭೂಯೋ ವಿದಧ್ಯಾತ್ ಸುಮಹಿತಮಹಿಮಾ ಸಂಪ್ರತಿ ವ್ಯಾಸರಾಜ: || ೭ ||

ಚಾತುರ್ಯೈಕಾಕೃತಿರ್ಯಶ್ಚತುರಧಿಕಶತಗ್ರಂಥರತ್ನಪ್ರಣೇತಾ
ಧೂತಾರಾತಿಪ್ರಬಂಧ: ಸ್ಪುಟವಿದಿತಚತು:ಷಷ್ಠಿವಿದ್ಯಾವಿಶೇಷ: |
ಸೋಯಂ ನ: ಶ್ರೀಸುರೇಂದ್ರವ್ರತಿವರತನಯೋದ್ವೈತಶೈವಾಸಹಿಷ್ಣು:
ಪುಷ್ಣಾತು ಶ್ರೀಜಯೀಂದ್ರಸ್ತ್ರಿಭುವನವಿದಿತ: ಸರ್ವತಂತ್ರಸ್ವತಂತ್ರ: || ೮ ||

ವ್ಯಾಧೂತಾವದ್ಯಹೃದ್ಯಾಮಿತಕೃತಿರಚನಚಾರುಚಾತುರ್ಯಹೃಷ್ಯತ್-
ಕರ್ಣಾಟಕ್ಷೋಣಿಪಾಲಪ್ರತಿಪದರಚಿತಾನೇಕರತ್ನಾಭಿಷೇಕ: |
ಪತ್ರೀಶಾರೂಢಲಕ್ಷ್ಮೀಪತಿಪದನಲಿನೋದಗ್ರರೋಲಂಬಲೀಲೋ
ವಿಖ್ಯಾತ: ಶ್ರೀಸುಧೀಂದ್ರವ್ರತಿಪತಿರತುಲಂ ಭದ್ರಮುನ್ನಿದ್ರಯೇನ್ನ: || ೯ ||

ಧೂತಾವದ್ಯೈರವಿದ್ಯಾವಿಘಟನಪಟುಭಿರ್ವಿದ್ವದಭ್ಯರ್ಥನೀಯೈ-
ರ್ವಾಚ: ಪ್ರಾಚಾಂ ಪ್ರವಾಚಾಮುಚಯಮಭಜನ್ ಯತ್ಕೃತಗ್ರಂಥಜಾತೈ: |
ಸಂಖ್ಯಾವಂತೋ ಯಮಾಹುರ್ಮುಹುರಖಿಲರ್ಕಲಾಮೂರ್ಥಿಮುಧ್ವೇಲಕೀರ್ತಿ-
ರ್ಧೀರ ಶ್ರೀರಾಘವೇಂದ್ರ: ಸ ದಿಶತು ಸತತಂ ಭವ್ಯಮವ್ಯಾಹತಂ ನ: || ೧೦ ||

ಯೇ ರಾಮವ್ಯಾಸಪಾದಪ್ರಣಿಹಿತಮನಸೋ ಮಧ್ವತಂತ್ರಪ್ರತಿಷ್ಠಾ-
ಧುರ್ಯಾಮರ್ಯಾದಸಂವಿತ್ಸುಮಹಿತಸುಮತೀಂದ್ರಾರ್ಯಶಿಷ್ಯಾಗ್ರಗಣ್ಯಾ: |
ನಿತ್ಯತ್ರಯ್ಯಂತಚಿಂತಾಪರಿಣತವಿಶದಾಶೇಷತತ್ತ್ವಾವಬೋಧ-
ಪ್ರಖ್ಯಾತಾನ್‍ತಾನುಪೇಂದ್ರವ್ರತಿವಿಬುಧಮಣೀನ್ ದೇಶಿಕಾನಾಶ್ರಯೇಹಮ್ || ೧೧ ||

ಯೋಗೋ ಯ: ಕರ್ಮನಾಮಾ ಕವಿಭಿರಭಿಹಿತೋ ಯಶ್ವ ವಿಜ್ಞಾನಸಂಜ್ಞ:
ಶಕ್ತೋ ನಾಸಿದ್ಧಕಾಯಸ್ತನುಮತಿರನಯೋಸ್ತಾವದಾವರ್ಜನೇಹಮ್ |
ಯಶ್ಚೋಪಾಯೈರುಪೇಯ: ಸ್ಥಿರಫಲವಿಧಯೇ ದೇಶಿಕಸ್ಯ ಪ್ರಸಾದ-
ಸ್ತಸ್ಮೈ ತಸ್ಯ ಸ್ತುವೀಯಾನಿಶಮಪಿ ಚರಿತಂ ರಾಘವೇಂದ್ರವ್ರತೀಂದ್ರೋ: || ೧೨ ||

ಏಷ ಶ್ರೀರಾಘವೇಂದ್ರವ್ರತಿವರಚರಿತಾಂಭೋನಿಧಿ:ಕ್ವಾತಿವೇಲ:
ಕ್ವಾಸೌ ಖದ್ಯೋತಪೋತಪ್ರಮುಷಿತವಿಭವಶ್ಚೇತಸೋ ನ ಪ್ರಕಾಶ: |
ವಂಧ್ಯೈವಾತ: ಪ್ರತಿಜ್ಞಾಂ ತದತುಲನಿಖಿಲಾಶ್ಚರ್ಯಚರ್ಯಾಭಿಧಾನೇ
ಸ್ಥಾನೇಥಾಪಿ ಕ್ವಚಿತ್ ಸ್ಯಾದಿಹ ಪುನರುದಧಿಸ್ನಾನಸಂಕಲ್ಪವತ್ ಸಾ || ೧೩ ||

ಯದ್ಭಾನೌ ಯತ್ಕೃಶಾನೌ ಯದಮೃತಕಿರಣೇ ಯದ್ಗೃಹೇಷೂದಿತೇಷು
ಜ್ಯೋತಿರ್ಯತ್ತಾರಕಾಸು ಪ್ರಥಿತಮಣಿಷು ಯದ್ಯಶ್ಚ ಸೌದಾಮಿನೀಷು |
ಸಂಭೂಯೈತತ್ ಸಮಸ್ತಂ ತ್ವದಮಿತಹೃದಯಾಕಾಶನಿರ್ಯತ್ ಪ್ರಕಾಶೇ
ಧೀರ ಶ್ರೀರಾಘವೇಂದ್ರವ್ರತಿವರ ಭಜತೇ ಹಂತ ಖದ್ಯೋತರೀತಿಮ್ || ೧೪ ||

ಚಿತ್ತೇ ನಾಯುಕ್ತಮರ್ಥಂ ಕಲಯತಿ ಸಹಸಾ ನಾಭಿಧತ್ತೇ ನ ಸದ್ಭಿ:
ಸಾಕಂ ಮೀಮಾಂಸತೇ ವಾನ ಲಿಖತಿ ವಚಸೋದ್ಘಾಟಯತ್ಯಾಶಯಂ ಸ್ವಮ್|
ಉಕ್ತಂ ನೋ ವಕ್ತಿ ಭೂಯ: ಕ್ವಚಿದಪಿ ಲಿಖಿತಂ ನೈವ ನಿರ್ಮಾಷ್ರ್ಟಿ ತಸ್ಮಾ-
ದಸ್ಮಾಭಿ: ಸತ್ಪ್ರಬಂಧಪ್ರಣಯನವಿಷಯೇ ಸ್ತೂಯತೇ ರಾಘವೇಂದ್ರ: || ೧೫ ||

ಧೀರಶ್ರೀರಾಘವೇಂದ್ರಂ ಕೃತನಿಜವಿಜಯಸ್ರಗ್ಧರಾರ್ಥಪ್ರಕಾಶಂ
ದೃಷ್ಟ್ವಾ ಸಂತುಷ್ಠಚೇತಾ ದಶಮತಿರಚಿರಾದಭ್ಯಷಿಂಚತ್ ಪದೇ ಸ್ವೇ |
ನೂನಂ ವಾಣೀ ತದೀಯಾನನನಲಿನಗತಾ ತತ್ಕೃತಸ್ವಪ್ರಿಯೈಕ-
ಪ್ರತ್ಯಾಸಂಗಪ್ರಹೃಷ್ಟಾಸ್ವಯಮಪಿ ತದನು ಸ್ವೇ ಪದೇ ಚಾಭ್ಯಷಿಂಚತ್ ||೧೬ ||

ಗ್ರಂಥೋ ವಾದಾವಲೀ ದ್ರಾಗಭಜತ ವಿದಿತೋ ದುರ್ಮತಾರಣ್ಯಾದಾಹಾ-
ದಾಪೂರ್ವಾರ್ಧಪ್ರತೀಪಕ್ರಮಪರಿಪಠಿತಸ್ವಾಭಿಧಾಗೋಚರತ್ವಮ್ |
ತಸ್ಯಶ್ರೀರಾಘವೇಂದ್ರ ವ್ರತಿವರ ಭವತೋ ವಾಯುವಂಶಪ್ರಸೂತೇ-
ರೇತಹ್ರ್ಯುದ್ದೀಪನಂ ಯತ್ತದುಚಿತಮಿತಿ ಮೇ ಮಾನಸೀ ವೃತ್ತಿರಿಂಧೇ || ೧೭ ||

ವಂದಾರುಪ್ರಾಣಿಚೇತ:ಶ್ರೀತತಿಮಿರಪರೀಭಾವ ಕೌಶಲ್ಯಭಾಜ:
ತೇಜಸ್ತೇ ರಾಘವೇಂದ್ರ ವ್ರತಿವರ ಕಿಮಿತಿ ಶ್ರೀಮತೋ ವರ್ಣಯಾಮ: |
ಯೇನೈಷಾಚಂದ್ರಿಕಾಪಿತ್ರಿಭುವನವಿಶದಾ ಸತ್ಪಥೋದಂಚಿತಶ್ರೀ:
ಲೇಭೇ ಸರ್ವಜ್ಞಮೌಲಿಪ್ರಕಟಿತವಿಭವಾ ತ್ವತ್ತ ಏವ ಪ್ರಕಾಶಮ್ || ೧೮ ||

ಧೀರಶ್ರೀ ರಾಘವೇಂದ್ರ ತ್ವದತುಲರಸನಾರಂಗನೃತ್ಯತ್ಸ್ವಯಂಭೂ-
ಯೋಷಾಧಮ್ಮಿಲ್ಲಭಾರಶ್ಲಥಕುಸುನತತೀಸ್ತ್ವದ್ಗಿರ: ಸಂಗಿರಾಮ: |
ಯಾಭಿ: ಸಂಮಿಶ್ರಿತಾಭಿರ್ನಿರವಧಿವಸುಧಾ ವಿಶ್ರುತಾ ಸಾ ಸುಧಾಪಿ
ಕ್ಷೋಣೀಗೀರ್ವಾಣಗಮ್ಯಂ ಪರಿಮಲಮತುಲಂ ಸಾಂಪ್ರತಂ ಸಂಪ್ರಪೇದೇ || ೧೯ ||

ಪ್ರಾಯ: ಪ್ರಾಗನ್ಯದೀಯಾತನುತರವಿವೃತಿಗ್ರಂಥವಾಸೋವಿಹೀನಾ
ಹ್ರೀಣಾ ನಾದರ್ಶಿ ಧೀರೈರಪಿ ಕಿಲ ಯುವತಿರ್ಭಾಷ್ಯಟೀಕಾಭಿಧಾನಾ |
ಅದ್ಯ ಶ್ರೀರಾಘವೇಂದ್ರವ್ರತಿಕೃತವಿವೃತಿಪ್ರೌಢಕೌಶೇಯರತ್ನಂ
ಸ್ವೇಹಾಯುಕ್ತಂ ವಸಾನಾ ವಿಹರತಿ ಸುಧಿಯಾಮಗ್ರತ: ಸ್ವೈರಿಣೀವ || ೨೦ ||

ಗ್ರಂಥೋಯಂ ನ್ಯಾಯಮುಕ್ತಾವಲಿರಿತಿ ಭವತಾ ರಾಘವೇಂದ್ರ ಪ್ರಣೀತೋ
ನೂನಂ ಮುಕ್ತಾವಲಿರ್ಯತ್ ಪ್ರಥಮಮುಪಚಿತಾದುದ್ಧೃತಸ್ತಂತ್ರಸಿಂಧೋ: |
ಪ್ರೋತಶ್ಚ ಜ್ಞಾನತಂತೌ ತದನು ತವ ಗುಣಪ್ರೌಢಿಮಾಶಂಸತಾಂ ನ:
ಕಂಠೇಷು ಪ್ರೇಮಭೂಮ್ನಾ ಬಹುಮತಿವಿಧಯೇ ವಾಧುನಾ ಸನ್ನ್ಯಧಾಯಿ || ೨೧||

ಹಂತನಂತೋಣುಭಾಷ್ಯೇವಿಲಸತಿ ಭಗವತ್ಪಾದಸಂವರ್ಣಿತೋರ್ಥ:
ಸತ್ಯಂ ಪ್ರತ್ಯೇತು ಲೋಕ: ಕಥಮಿದಮಧುನಾ ತಸ್ಯ ಟೀಕಾಂ ವಿನಾ ತೇ |
ಧೀರ ಶ್ರೀರಾಘವೇಂದ್ರ ವ್ರತಿವರ ನಿವಸದ್ವಿಶ್ವಮಾಸ್ಯಾಂತರಾಲೇ
ಸ್ತೋಕ್ತೇ ತೋಕಸ್ಯ ಶೌರೇರತಿಬೃಶಕುಪಿತಾಂ ತತ್ಪ್ರಸೂಮಂತರೇವ || ೨೨ ||

ಭಿನ್ನೈರರ್ಥೈರನೇಕಪ್ರಕರಣಭಣಿತೈರದ್ಯ ಮಧ್ವಾಗಮಾಬ್ಧೌ
ಮತ್ಯಾ ಭೂಯೋ ವಿಚಿಂತ್ಯ ಶ್ರುತಿಪರಿಣತಯಾ ಶಸ್ತಯಾ ಸಂಗೃಹೀತೈ: |
ಸೂತ್ರೇಷ್ವೇಕೈಕಶೋಪಿ ವ್ರತಿವರ ಭವತಾ ಯೋಜಿತೇಷು ಪ್ರವಾಚಾಂ
ಮೋದೋಯಾವನ್ನ ತಾದೃಕ್ ತವ ಪುನರಿತರೈ ರಾಘವೇಂದ್ರಪ್ರಬಂಧೈ: || ೨೩ ||

ಧೀರಶ್ರೀ ರಾಘವೇಂದ್ರವ್ರತಿವರ ಸುಜನಾನುಗ್ರಹವ್ಯಗ್ರಚಿತ್ತೈ-
ರಾಚಾರ್ಯೈ: ಸಂಗೃಹೀತಾ: ಕತಿಚನ ಮನವ: ಸಾರಭೂತಾ: ಶ್ರುತಿಭ್ಯ: |
ತಾನೇವೋದ್ಧೃತ್ಯ ಭೂಯ: ಶ್ರುತಿಷು ನಿದಧಾತಾ ಶಿಷ್ಯವರ್ಗೋಪಕ್ಲೃಪ್ತ್ಯೈ
ಲೋಕೇ ಸಾಧುವ್ಯಧಾಯಿ ಶ್ರುತಗುಣಭವತಾಚಾರ್ಯಚರ್ಯಾನುವೃತ್ತಿ: || ೨೪ ||

ಗೀತಾಮತ್ಯರ್ಥಧೂತಶ್ರೀತಜನದುರಿತಾಮಿಂದುವಂಶಪ್ರಸೂತೌ
ವ್ಯಾಚಕ್ಷಾಣೇ ಮುರದ್ವಿಷ್ಯಭಿಜನಮಭ ಭದ್ರಮಿಂದೋರನಿದ್ರಮ್ |
ಧೀರಶ್ರೀ ರಾಘವೇಂದ್ರ ತ್ವಯಿ ಪುನರನಘೇ ಹಂಸವಂಶೋದಿತೇ ತಾಂ
ವ್ಯಾಕುರ್ವತ್ಯದ್ಯ ಭವ್ಯಂ ಕಥಮಿವ ನ ಭಜೇದಾಶು ಮಿತ್ರಾನ್ವವಾಯ: || ೨೫ ||

ನಸ್ಯಾದೀಶಪ್ರಸಾದೋ ಗುರುವರಕರುಣಾಮಂತರೇಣೇತಿ ರೂಢೋ
ಧೀರಶ್ರೀರಾಘವೇಂದ್ರ ವ್ರತಿವರ ಸುದೃಢಶ್ಚೇತಸಸ್ತೇ ವಿಪಾಕ: |
ಯೇನ ವ್ಯಾಖ್ಯಾಯ ಗೀತಾಮಪಿ ಗುರುಚರಣೋದಾರತದ್ಭಾಷ್ಯಟೀಕಾ-
ವ್ಯಾಖ್ಯಾ ವಿಖ್ಯಾತವಿದ್ವನ್ಮಣಿಗಣವಿನುತಾಕಾರಿ ಭೂಯಸ್ತ್ವಯೈವ || ೨೬ ||

ನಾನಾತಂತ್ರಪ್ರಸಂಗತ್ರಿಭುವನವಿದಿತೊದಾರಸಾರಸ್ವತೋಪಿ
ಪ್ರತ್ನಾನೇಕ ಪ್ರಬಂಧಪ್ರವಚನರಚನಾವಿತ್ತ ತತ್ಕೌಶಲೋಪಿ |
ಶಶ್ವದ್ ವ್ಯಾಖ್ಯಾತಗೀತಾಕೃತಿರಪಿ ವಿಬುಧಾನುಗ್ರಹೈಕಾಗ್ರಚಿತ್ತೋ
ಗೀತಾತಾತ್ಪರ್ಯಟೀಕಾವಿವರಣಮಕರೋದದ್ಭುತಂ ರಾಘವೇಂದ್ರ || ೨೭ ||

ಲಕ್ಷ್ಮೀನಾರಾಯಣಾರ್ಯಸ್ತವ ತನಯಮಣಿ: ಸತ್ಸು ಸರ್ವೇಷು ಧನ್ಯೋ
ಯಸ್ಮಾದೃಗ್ಭಾಷ್ಯಟೀಕಾತನುತರವಿವೃತೇರಂಜಸಾ ತತ್ಕೃತಾಯಾ: |
ಪ್ರೇಮ್ಣ ವಿದ್ವತ್ಸು ಭೂಯ: ಪ್ರಚಯಮಭಿಲಷನ್ ರಾಘವೇಂದ್ರ ವ್ರತೀಂದ್ರ
ಪ್ರಾವೋಚಸ್ತ್ವಂ ಪ್ರತೀತವ್ರತ ನಿಚಯಮೃಚಾಮೇವ ಭಾಷ್ಯಾನುರೋಧಾತ್ || ೨೮ ||

ಹೃದ್ಯತಯ್ಯಂತವಿದ್ಯಾಮುಖನಿಖಿಲಕಲಾತತ್ತ್ವಬೋಧೈಕಮೂರ್ತೇ
ಧೀರ ಶ್ರೀರಾಘವೇಂದ್ರ ವ್ರತಿವರಸಕಲಾನ್ಯೇವ ಸುಕ್ತಾನಿ ಸಮ್ಯಕ್ |
ವ್ಯಾಕುರ್ವಂತಂ ಭವಂತಂ ವ್ಯವಸಿತಮತಯೋ ಹಂತ ನಿಧ್ಯಾಸಯಂತ:
ಸರ್ವೇ ಭೂಯ: ಸ್ಮರಂತಿ ವ್ರತಸಮಿತಿಮಣೇಬ್ರಹ್ಮಸೂತ್ರಪ್ರೇಣೇತು: || ೨೯ ||

ಯಾದೃಕ್ವೇದಾಂತಖಂಡಪ್ರವಚನಕೃತಿನಿ ಪ್ರೇಮಭೂಮಾ ನ ತಾದೃತ್
ಸರ್ವಾಮ್ನಾಯಪ್ರವಕ್ತರ್ಯನುಪಮಚರಿತೇ ರಾಘವೇಂದ್ರವ್ರತೀಂದ್ರೇ |
ಇತ್ಯೇತದ್ದೇಹಭಾಜಾಮತಿವಿಶದರುಚೌ ಜಾಗರೂಕೇಪಿ ಲೋಕೇ
ರಾಕಾಚಂದ್ರೇ ದ್ವಿತೀಯಾಶಶಿಶಕಲನತಿನ್ಯಾಯಮೇವಾನುರುಂಧೇ || ೩೦ ||

ಹೃದ್ಯಾ ಟೀಕಾನವದ್ಯಾ ಪರವಿವೃತಯಜುಸ್ಸಾಮಸಂಬಂಧಿನೀ ತೇ
ಮಾಲಿನ್ಯಕ್ಷಾಲನಾಂಭ: ಸ್ವಯಮಜನಿ ಹರೇರುತ್ತರಾಂಗೇ ಚ ಮೂರ್ಧ್ನಿ |
ಸೈವರ್ಚಾಂ ರಾಘವೇಂದ್ರ ವ್ರತಿಸಮಿತಿಮಣೇನನ್ಯಸಂಪರ್ಕಭಾಜಾಂ
ಓಜಿಷ್ಠೇ ದಕ್ಷಿಣಾಂಗೇ ಮೃಗಮದಮಿಲಿತೋದಾರಪಾಟೀರಸಾರ: || ೩೧ ||

ನೂನಂ ವಾಕ್ಯಾನುರೋಧಿಪ್ರಕರಣಮಖಿಲಂ ನೇಯಮಿತ್ಯುಕ್ತಮುಚ್ಚೈ:
ಪ್ರಾಚಾಂ ವಾಚಂಯಮೇನ ಪ್ರಕಟಿತವಿಭವಾನಂತವೇದಾಂತವಾಚಾ |
ಸ್ವಾಮಿನ್ನೇತತ್ಪ್ರತೀಯ: ಕಥಮಿವ ಕವಯೋ ರಾಘವೇಂದ್ರವ್ರತೀಂದೋ
ಯೇನ ತ್ವದ್ವಾಕ್ಯಜಾತಂ ಪ್ರಕರಣನಿಕರಂ ತಾವದದ್ಯಾನುರುಂಧೇ || ೩೨ ||

ವಿಖ್ಯಾತಶ್ರೀಸುಧೀಂದ್ರವ್ರತಿಸುತಭವತಾ ಸಾಧುಗೀತೇ ಸುತರ್ಕೇ
ಸದ್ಯ: ಪ್ರತ್ಯರ್ಥಿಹೃದ್ಯೇ ಮುನಿಮಣಿರಚಿತೇ ತಾಂಡವೇ ಯೋಜಿತಾರ್ಥೇ |
ಪ್ರತ್ಯಾಖ್ಯಾತಪ್ರಕಾಶ: ಸಮಜನಿ ಭುವನೇ ಹಂತ ಚಿಂತಾಮಣಿಸ್ತ್ವಂ
ಬ್ರೂಹಿ ಶ್ರೀರಾಘವೇಂದ್ರವ್ರತಿವಿಬುಧಮಣೇ ಕಸ್ತ್ವದನ್ಯೋ ವದಾನ್ಯ: || ೩೩ ||

ಪ್ರೌಢಾನೇಕಪ್ರಬಂಧಪ್ರವಚನರಚನಾಲಬ್ಧವಿಸ್ರಬ್ಧಕೀರ್ತೇ-
ಸ್ತೇ ಕಿಂ ನ್ಯಾಯಾಮೃತಸ್ಯಾವಿವರಣವಿಧಿನಾ ರಾಘವೇಂದ್ರಾಯಶ: ಸ್ಯಾತ್ |
ಯದ್ರಾಜ್ಯಪ್ರಚ್ಯವೇನಾಖಿಲಭುವನಪತೇ ರಾಘವಸ್ಯೇವ ಕೀರ್ತಿ:
ಲಬ್ಧೈವ ಪ್ರತ್ಯುತಾಲಂ ಗುರುಚರಣಕೃತಾಮೋದನಿರ್ವಾಹಜನ್ಯಾ || ೩೪ ||

ವಾಚಾ ಸಂಕ್ಷಿಪ್ತಯಾ ಯದ್ಬಹುಚರಿತಮುಪಾವರ್ಣಯಸ್ತ್ವಂ ಮುರಾರೇ:
ಕಿಂಚ ಶ್ರೀರಾಘವೇಂದ್ರ ವ್ರತಿಪ ರಘುಪತೇಸ್ತೇನ ನೋ ವಿಸ್ಮಯೇಹಮ್ |
ಕಿಂ ವಾದು:ಸಾಧ್ಯಮಸ್ತಿ ತ್ರಿಜಗತಿ ಮಹತಾಮಾತ್ಮನ: ಪಾಣಿಪದ್ಮೇ
ಪಶ್ಯಾಮಂದೋ ಮರಂದ ಕಿಲಘಟಜನುಷಾಚೋಲಿರಾಕಾರಿ ಸಿಂಧು: ||೩೫ ||

ಮಂತ್ರಿಶ್ರೀನೀಲಕಂಠಾಭಿಧಮಖಿಮಣಿನಾ ಭಟ್ಟತಂತ್ರಾನುಬಂಧೇ
ಗ್ರಂಥೇ ತಾವತ್ತ್ವದೀಯೇ ಕರಿಣಿ ಗುಣವಿದಾರೋಪಿತೇಭ್ಯರ್ಹಣಾಯ |
ಕೀರ್ತಿಸ್ತೇ ರಾಘವೇಂದ್ರ ವ್ರತಿಸುಮತಿಮಣೇ ನೂನಮನ್ಯೂನವೇಗಾ
ದಿಙ್ನಾಗಾನಾರುರುಕ್ಷು: ಸ್ವಯಮಪಿ ಸಹಸಾಧಾವದಷ್ಟೌ ದಿಗಂತಾನ್ || ೩೬ ||

ವ್ಯಾಸೇನ ವ್ಯುಪ್ತಬೀಜ: ಶ್ರುತಿಭುವಿ ಭಗವತ್ಪಾದಲಬ್ಧಾಂಕುರಶ್ರೀ:
ಪ್ರತ್ನೈರೀ ಷತ್ಪ್ರಭಿನ್ನೋಜನಿ ಜಯಮುನಿನಾ ಸಮ್ಯಗುದ್ಭಿನ್ನಶಾಖ: |
ಮೌನೀಷವ್ಯಾಸರಾಜಾದುದಿತಕಿಸಲಯ: ಪುಷ್ಪಿತೋಯಂ ಜಯೀಂದ್ರಾ-
ದದ್ಯ ಶ್ರೀರಾಘವೇಂದ್ರಾದ್-ವಿಲಸತಿ ಫಲಿತೋ ಮಧ್ವಸಿದ್ಧಾಂತಶಾಖೀ || ೩೭ ||

ಮಾದ್ಯದದ್ವೈತವಿದ್ಯಾವದ್-ಗರ್ವನಿರ್ವಾಪಣಕ್ಷಮ: |
ವಾದೀಂದ್ರಯತಿರಾಟ್ ತೇನೇ ಭಕ್ತ್ಯಾ ಗುರುಗುಣಸ್ತವಮ್ ||

ಇತಿ ಶ್ರೀರಾಘವೆಂದ್ರಾರ್ಯೋಭಯವಂಶಾಬ್ಧಿಚಂದ್ರಮಾ: |
ಉಪೇಂದ್ರ ಸೂನುಃ ವಾದೀಂದ್ರಶ್ಚಕ್ರೇ ಗುರುಗುಣಸ್ತವಮ್ ||

|| ಇತಿ ಶ್ರೀ ವಾದೀಂದ್ರತೀರ್ಥವಿರಚಿತಂ ಶ್ರೀಗುರುಗುಣಸ್ತವನಮ್ ||

---

unmIlannIlanIrEruhanivahamaha:puShTimuShTiMdhayiSrI:
SrIBUdurgAdRugaMtapracayaparicayOdArakirmIraBAva: |
svairakShIrOdaniryaccaSirucinicayAKarvagarvApanOdI
pAtu SrInEturasmAn sapadi budhajanatrANadakSha: kaTAkSha: || 1 ||

mAtastvAmupakalpitAKilajagatsargE„jaBargEDitE
cEtO na prajahAtu jAtucidiha svargE„pavargE„pi na: |
lAvaNyAdadharIkRutAmaravadhUvargE nisargEhitaM
kAruNyaM kuru mA kRuthA mayi punardurgE visargE matim || 2 ||

SrImadrAmABirAmAmitamahimapadaprauDhapAthOruhAli:
kRuShNAniShTAmitakShmAparivRuDhapaTalIpATanaikapravINa: |
vEdavyAsOpadESAdhikasamadhigatAnaMtavEdAMtaBAvO
BUyAt kISAvanISavratitanuranila: SrEyasE BUyasE na: || 3 ||

udvElavyAsataMtravyavasitaniKilABij~jahRudA„navadyA-
naMtatrayyaMtaBAvaprakaTanaGaTanAsarvataMtrasvataMtrE |
saMvaNryE maMtravarNairanitaraviShayasparSiBi: pAvamAnE
rUpE lOkaikadIpE prasaratu hRudayaM mAmakaM madhvanAmni || 4 ||

vij~jAnOdarkatarkapratipadamadhurOdArasaMdarBagarBa-
prauDhAnEkaprabaMdhaprakaTitaBagavatpAdaBAShyAdiBAva: |
mithyAvAdApavAdaprakupitavimatadhvAMtasaMtAnaBAnu-
rjIyAdanyairajayyastrIBuvanaviditAScaryacaryO jayArya: || 5 ||

SrImatpUrNaprabOdhaprakaTitapadavIdhAvimEdhAvidhImat-
sEnAnAsIrasImAsamuditaviditAbAdhayOdhAdhinEtA |
mAyasiddhAMtadIkShAviGaTanaGaTanAsarvataMtrasvataMtra:
SrIrAmavyAsadAsO vilasati vibudhEMdrABidha: saMyamIMdra: || 6 ||

mAyAtaMtrAmarArismayamapanayatO madhvasiddhAMtanAmnO
nEtrANIva trayO„pi trijagati nRuharEriMdhatE yatprabaMdhA: |
yadvAgadvaitavidyAcalakulakuliSaprauDhimADhaukatE sa:
SrEyO BUyO vidadhyAt sumahitamahimA saMprati vyAsarAja: || 7 ||

cAturyaikAkRutiryaScaturadhikaSatagraMtharatnapraNEtA
dhUtArAtiprabaMdha: spuTaviditacatu:ShaShThividyAviSESha: |
sO„yaM na: SrIsurEMdravrativaratanayO„dvaitaSaivAsahiShNu:
puShNAtu SrIjayIMdrastriBuvanavidita: sarvataMtrasvataMtra: || 8 ||

vyAdhUtAvadyahRudyAmitakRutiracanacArucAturyahRuShyat-
karNATakShONipAlapratipadaracitAnEkaratnABiShEka: |
patrISArUDhalakShmIpatipadanalinOdagrarOlaMbalIlO
viKyAta: SrIsudhIMdravratipatiratulaM BadramunnidrayEnna: || 9 ||

dhUtAvadyairavidyAviGaTanapaTuBirvidvadaByarthanIyai-
rvAca: prAcAM pravAcAmucayamaBajan yatkRutagraMthajAtai: |
saMKyAvaMtO yamAhurmuhuraKilarkalAmUrthimudhvElakIrti-
rdhIra SrIrAGavEMdra: sa diSatu satataM BavyamavyAhataM na: || 10 ||

yE rAmavyAsapAdapraNihitamanasO madhvataMtrapratiShThA-
dhuryAmaryAdasaMvitsumahitasumatIMdrAryaSiShyAgragaNyA: |
nityatrayyaMtaciMtApariNataviSadASEShatattvAvabOdha-
praKyAtAn^tAnupEMdravrativibudhamaNIn dESikAnASrayE„ham || 11 ||

yOgO ya: karmanAmA kaviBiraBihitO yaSva vij~jAnasaMj~ja:
SaktO nAsiddhakAyastanumatiranayOstAvadAvarjanE„ham |
yaScOpAyairupEya: sthiraPalavidhayE dESikasya prasAda-
stasmai tasya stuvIyAniSamapi caritaM rAGavEMdravratIMdrO: || 12 ||

ESha SrIrAGavEMdravrativaracaritAMBOnidhi:kvAtivEla:
kvAsau KadyOtapOtapramuShitaviBavaScEtasO na prakASa: |
vaMdhyaivAta: pratij~jAM tadatulaniKilAScaryacaryABidhAnE
sthAnE„thApi kvacit syAdiha punarudadhisnAnasaMkalpavat sA || 13 ||

yadBAnau yatkRuSAnau yadamRutakiraNE yadgRuhEShUditEShu
jyOtiryattArakAsu prathitamaNiShu yadyaSca saudAminIShu |
saMBUyaitat samastaM tvadamitahRudayAkASaniryat prakASE
dhIra SrIrAGavEMdravrativara BajatE haMta KadyOtarItim || 14 ||

cittE nAyuktamarthaM kalayati sahasA nABidhattE na sadBi:
sAkaM mImAMsatE vAna liKati vacasOdGATayatyASayaM svam|
uktaM nO vakti BUya: kvacidapi liKitaM naiva nirmAShrTi tasmA-
dasmABi: satprabaMdhapraNayanaviShayE stUyatE rAGavEMdra: || 15 ||

dhIraSrIrAGavEMdraM kRutanijavijayasragdharArthaprakASaM
dRuShTvA saMtuShThacEtA daSamatiracirAdaByaShiMcat padE svE |
nUnaM vANI tadIyAnananalinagatA tatkRutasvapriyaika-
pratyAsaMgaprahRuShTAsvayamapi tadanu svE padE cAByaShiMcat ||16 ||

graMthO vAdAvalI drAgaBajata viditO durmatAraNyAdAhA-
dApUrvArdhapratIpakramaparipaThitasvABidhAgOcaratvam |
tasyaSrIrAGavEMdra vrativara BavatO vAyuvaMSaprasUtE-
rEtahryuddIpanaM yattaducitamiti mE mAnasI vRuttiriMdhE || 17 ||

vaMdAruprANicEta:SrItatimiraparIBAva kauSalyaBAja:
tEjastE rAGavEMdra vrativara kimiti SrImatO varNayAma: |
yEnaiShAcaMdrikA„pitriBuvanaviSadA satpathOdaMcitaSrI:
lEBE sarvaj~jamauliprakaTitaviBavA tvatta Eva prakASam || 18 ||

dhIraSrI rAGavEMdra tvadatularasanAraMganRutyatsvayaMBU-
yOShAdhammillaBAraSlathakusunatatIstvadgira: saMgirAma: |
yABi: saMmiSritABirniravadhivasudhA viSrutA sA sudhA„pi
kShONIgIrvANagamyaM parimalamatulaM sAMprataM saMprapEdE || 19 ||

prAya: prAganyadIyAtanutaravivRutigraMthavAsOvihInA
hrINA nAdarSi dhIrairapi kila yuvatirBAShyaTIkABidhAnA |
adya SrIrAGavEMdravratikRutavivRutiprauDhakauSEyaratnaM
svEhAyuktaM vasAnA viharati sudhiyAmagrata: svairiNIva || 20 ||

graMthO„yaM nyAyamuktAvaliriti BavatA rAGavEMdra praNItO
nUnaM muktAvaliryat prathamamupacitAduddhRutastaMtrasiMdhO: |
prOtaSca j~jAnataMtau tadanu tava guNaprauDhimASaMsatAM na:
kaMThEShu prEmaBUmnA bahumatividhayE vA„dhunA sannyadhAyi || 21||

haMtanaMtO„NuBAShyEvilasati BagavatpAdasaMvarNitO„rtha:
satyaM pratyEtu lOka: kathamidamadhunA tasya TIkAM vinA tE |
dhIra SrIrAGavEMdra vrativara nivasadviSvamAsyAMtarAlE
stOktE tOkasya SaurEratibRuSakupitAM tatprasUmaMtarEva || 22 ||

BinnairarthairanEkaprakaraNaBaNitairadya madhvAgamAbdhau
matyA BUyO viciMtya SrutipariNatayA SastayA saMgRuhItai: |
sUtrEShvEkaikaSO„pi vrativara BavatA yOjitEShu pravAcAM
mOdOyAvanna tAdRuk tava punaritarai rAGavEMdraprabaMdhai: || 23 ||

dhIraSrI rAGavEMdravrativara sujanAnugrahavyagracittai-
rAcAryai: saMgRuhItA: katicana manava: sAraBUtA: SrutiBya: |
tAnEvOddhRutya BUya: SrutiShu nidadhAtA SiShyavargOpaklRuptyai
lOkE sAdhuvyadhAyi SrutaguNaBavatA„„cAryacaryAnuvRutti: || 24 ||

gItAmatyarthadhUtaSrItajanaduritAmiMduvaMSaprasUtau
vyAcakShANE muradviShyaBijanamaBa BadramiMdOranidram |
dhIraSrI rAGavEMdra tvayi punaranaGE haMsavaMSOditE tAM
vyAkurvatyadya BavyaM kathamiva na BajEdASu mitrAnvavAya: || 25 ||

nasyAdISaprasAdO guruvarakaruNAmaMtarENEti rUDhO
dhIraSrIrAGavEMdra vrativara sudRuDhaScEtasastE vipAka: |
yEna vyAKyAya gItAmapi gurucaraNOdAratadBAShyaTIkA-
vyAKyA viKyAtavidvanmaNigaNavinutA„kAri BUyastvayaiva || 26 ||

nAnAtaMtraprasaMgatriBuvanaviditodArasArasvatO„pi
pratnAnEka prabaMdhapravacanaracanAvitta tatkauSalO„pi |
SaSvad vyAKyAtagItAkRutirapi vibudhAnugrahaikAgracittO
gItAtAtparyaTIkAvivaraNamakarOdadButaM rAGavEMdra || 27 ||

lakShmInArAyaNAryastava tanayamaNi: satsu sarvEShu dhanyO
yasmAdRugBAShyaTIkA„tanutaravivRutEraMjasA tatkRutAyA: |
prEmNa vidvatsu BUya: pracayamaBilaShan rAGavEMdra vratIMdra
prAvOcastvaM pratItavrata nicayamRucAmEva BAShyAnurOdhAt || 28 ||

hRudyatayyaMtavidyAmuKaniKilakalAtattvabOdhaikamUrtE
dhIra SrIrAGavEMdra vrativarasakalAnyEva suktAni samyak |
vyAkurvaMtaM BavaMtaM vyavasitamatayO haMta nidhyAsayaMta:
sarvE BUya: smaraMti vratasamitimaNEbrahmasUtraprENEtu: || 29 ||

yAdRukvEdAMtaKaMDapravacanakRutini prEmaBUmA na tAdRut
sarvAmnAyapravaktaryanupamacaritE rAGavEMdravratIMdrE |
ityEtaddEhaBAjAmativiSadarucau jAgarUkE„pi lOkE
rAkAcaMdrE dvitIyASaSiSakalanatinyAyamEvAnuruMdhE || 30 ||

hRudyA TIkA„navadyA paravivRutayajussAmasaMbaMdhinI tE
mAlinyakShAlanAMBa: svayamajani harEruttarAMgE ca mUrdhni |
saivarcAM rAGavEMdra vratisamitimaNE„nanyasaMparkaBAjAM
OjiShThE dakShiNAMgE mRugamadamilitOdArapATIrasAra: || 31 ||

nUnaM vAkyAnurOdhiprakaraNamaKilaM nEyamityuktamuccai:
prAcAM vAcaMyamEna prakaTitaviBavAnaMtavEdAMtavAcA |
svAminnEtatpratIya: kathamiva kavayO rAGavEMdravratIMdO
yEna tvadvAkyajAtaM prakaraNanikaraM tAvadadyAnuruMdhE || 32 ||

viKyAtaSrIsudhIMdravratisutaBavatA sAdhugItE sutarkE
sadya: pratyarthihRudyE munimaNiracitE tAMDavE yOjitArthE |
pratyAKyAtaprakASa: samajani BuvanE haMta ciMtAmaNistvaM
brUhi SrIrAGavEMdravrativibudhamaNE kastvadanyO vadAnya: || 33 ||

prauDhAnEkaprabaMdhapravacanaracanAlabdhavisrabdhakIrtE-
stE kiM nyAyAmRutasyAvivaraNavidhinA rAGavEMdrAyaSa: syAt |
yadrAjyapracyavEnAKilaBuvanapatE rAGavasyEva kIrti:
labdhaiva pratyutAlaM gurucaraNakRutAmOdanirvAhajanyA || 34 ||

vAcA saMkShiptayA yadbahucaritamupAvarNayastvaM murArE:
kiMca SrIrAGavEMdra vratipa raGupatEstEna nO vismayE„ham |
kiM vAdu:sAdhyamasti trijagati mahatAmAtmana: pANipadmE
paSyAmaMdO maraMda kilaGaTajanuShAcOlirAkAri siMdhu: ||35 ||

maMtriSrInIlakaMThABidhamaKimaNinA BaTTataMtrAnubaMdhE
graMthE tAvattvadIyE kariNi guNavidA„rOpitE„ByarhaNAya |
kIrtistE rAGavEMdra vratisumatimaNE nUnamanyUnavEgA
di~gnAgAnArurukShu: svayamapi sahasA„dhAvadaShTau digaMtAn || 36 ||

vyAsEna vyuptabIja: SrutiBuvi BagavatpAdalabdhAMkuraSrI:
pratnairI ShatpraBinnO„jani jayamuninA samyagudBinnaSAKa: |
maunIShavyAsarAjAduditakisalaya: puShpitO„yaM jayIMdrA-
dadya SrIrAGavEMdrAd-vilasati PalitO madhvasiddhAMtaSAKI || 37 ||

mAdyadadvaitavidyAvad-garvanirvApaNakShama: |
vAdIMdrayatirAT tEnE BaktyA guruguNastavam ||

iti SrIrAGaveMdrAryOBayavaMSAbdhicaMdramA: |
upEMdra sUnuH vAdIMdraScakrE guruguNastavam ||

|| iti SrI vAdIMdratIrthaviracitaM SrIguruguNastavanam ||