Rama raksha stotram

Recitation by Shri Nagendra Udupa

ಓಂ ಅಸ್ಯ ಶ್ರೀ ರಾಮರಕ್ಷಾಸ್ತೋತ್ರ ಮಹಾಮಂತ್ರಸ್ಯ
ಬುಧಕೌಶಿಕ ಋಷಿಃ
ಅನುಷ್ಟುಪ್ ಛಂದಃ
ಶ್ರೀಸೀತಾಪತಿರಾಮಚಂದ್ರೋ ದೇವತಾ
ಸೀತಾ ಶಕ್ತಿಃ
ಶ್ರೀಮದ್ ಹನೂಮಾನ್ ಕೀಲಕಂ
ಶ್ರೀ ರಾಮಚಂದ್ರ ಪ್ರೀತ್ಯರ್ಥೇ
ಪಾರಾಯಣೇ ವಿನಿಯೋಗಃ |

ಧ್ಯಾನಮ್
ಧ್ಯಾಯೇದಾಜಾನುಬಾಹುಂ ಧೃತಶರ
ಧನುಷಂ ಬದ್ಧ ಪದ್ಮಾಸನಸ್ಥಂ
ಪೀತಂ ವಾಸೋವಸಾನಂ ನವಕಮಲದಳಸ್ಪರ್ಧಿನೇತ್ರಂ ಪ್ರಪನ್ನಮ್
ವಾಮಾಂಕಾರೂಢ ಸೀತಾಮುಖಕಮಲ
ಮಿಲಲ್ಲೋಚನಂ ನೀರದಾಭಂ
ನಾನಾಲಂಕಾರ ದೀಪ್ತಂ ದಧತಮುರು ಜಟಾಮಂಡಲಂ ರಾಮಚಂದ್ರಮ್ |


ಚರಿತಂ ರಘುನಾಥಸ್ಯ ಶತಕೋಟಿ ಪ್ರವಿಸ್ತರಂ |
ಏಕೈಕಮಕ್ಷರಂ ಪುಂಸಾಂ ಮಹಾಪಾತಕನಾಶನಂ |೧|

ಧ್ಯಾತ್ವಾ ನೀಲೋತ್ಪಲಶ್ಯಾಮಂ ರಾಮಂ ರಾಜೀವಲೋಚನಂ |
ಜಾನಕೀಲಕ್ಷ್ಮಣೋಪೇತಂ ಜಟಾಮುಕುಟಮಂಡಿತಂ |೨|

ಸಾಸಿತೂಣಧನುರ್ಬಾಣ ಪಾಣಿಂ ನಕ್ತಂಚರಾಂತಕಂ |
ಸ್ವಲೀಲಯಾ ಜಗತ್ತ್ರಾತುಮಾವಿರ್ಭೂತಮಜಂ ವಿಭುಂ |೩|

ರಾಮರಕ್ಷಾಂ ಪಠೇತ್ಪ್ರಾಜ್ಞಃ ಪಾಪಘ್ನೀಂ ಸರ್ವಕಾಮದಾಂ |
ಶಿರೋ ಮೇ ರಾಘವಃ ಪಾತು ಭಾಲಂ ದಶರಥಾತ್ಮಜಃ |೪|

ಕೌಸಲ್ಯೇಯೋ ದೃಶೌ ಪಾತು ವಿಶ್ವಾಮಿತ್ರಪ್ರಿಯಃ ಶ್ರುತೀ |
ಘ್ರಾಣಂ ಪಾತು ಮುಖತ್ರಾತಾ ಮುಖಂ ಸೌಮಿತ್ರಿವತ್ಸಲಃ |೫|

ಜಿಹ್ವಾಂ ವಿದ್ಯಾನಿಧಿಃ ಪಾತು ಕಂಠಂ ಭರತವಂದಿತಃ |
ಸ್ಕಂಧೌ ದಿವ್ಯಾಯುಧಃ ಪಾತು ಭುಜೌ ಭಗ್ನೇಶಕಾರ್ಮುಕಃ |೬|

ಕರೌ ಸೀತಾಪತಿಃ ಪಾತು ಹೃದಯಂ ಜಾಮದಗ್ನ್ಯಜಿತ್ |
ಮಧ್ಯಂ ಪಾತು ಖರಧ್ವಂಸೀ ನಾಭಿಂ ಜಾಂಬವದಾಶ್ರಯಃ |೭|

ಸುಗ್ರೀವೇಶಃ ಕಟೀ ಪಾತು ಸಕ್ಥಿನೀ ಹನುಮತ್ಪ್ರಭುಃ |
ಊರೂ ರಘೂತ್ತಮಃ ಪಾತು ರಕ್ಷಃಕುಲವಿನಾಶಕೃತ್ |೮|

ಜಾನುನೀ ಸೇತುಕೃತ್ಪಾತು ಜಂಘೇ ದಶಮುಖಾಂತಕಃ |
ಪಾದೌ ವಿಬಿಭೀಷಣಶ್ರೀದಃ ಪಾತು ರಾಮೋಽಖಿಲಂ ವಪುಃ |೯|

ಏತಾಂ ರಾಮಬಲೋಪೇತಾಂ ರಕ್ಷಾಂ ಯಃ ಸುಕೃತೀ ಪಠೇತ್ |
ಸುಚಿರಾಯುಃ ಸುಖೀ ಪುತ್ರೀ ವಿಜಯೀ ವಿನಯೀ ಭವೇತ್ |೧೦|

ಪಾತಾಲಭೂತಲವ್ಯೋಮ ಚಾರಿಣಶ್ಛದ್ಮಚಾರಿಣಃ |
ನ ದ್ರಷ್ಟುಮಪಿ ಶಕ್ತಾಸ್ತೇ ರಕ್ಷಿತಂ ರಾಮನಾಮಭಿಃ |೧೧|

ರಾಮೇತಿ ರಾಮಭದ್ರೇತಿ ರಾಮಚಂದ್ರೇತಿ ವಾ ಸ್ಮರನ್ |
ನರೋ ನ ಲಿಪ್ಯತೇ ಪಾಪೈಃ ಭುಕ್ತಿಂ ಮುಕ್ತಿಂ ಚ ವಿಂದತಿ |೧೨|

ಜಗಜ್ಜೈತ್ರೈಕಮಂತ್ರೇಣ ರಾಮನಾಮ್ನಾಭಿರಕ್ಷಿತಂ |
ಯಃ ಕಂಠೇ ಧಾರಯೇತ್ತಸ್ಯ ಕರಸ್ಥಾಃ ಸರ್ವಸಿದ್ಧಯಃ |೧೩|

ವಜ್ರಪಂಜರನಾಮೇದಂ ಯೋ ರಾಮಕವಚಂ ಸ್ಮರೇತ್ |
ಅವ್ಯಾಹತಾಜ್ಞಃ ಸರ್ವತ್ರ ಲಭತೇ ಜಯಮಂಗಲಂ |೧೪|

ಆದಿಷ್ಟವಾನ್ ಯಥಾ ಸ್ವಪ್ನೇ ರಾಮರಕ್ಷಾಮಿಮಾಂ ಹರಃ |
ತಥಾ ಲಿಖಿತವಾನ್ ಪ್ರಾತಃ ಪ್ರಬುದ್ಧೋ ಬುಧಕೌಶಿಕಃ |೧೫|

ಆರಾಮಃ ಕಲ್ಪವೃಕ್ಷಾಣಾಂ ವಿರಾಮಃ ಸಕಲಾಪದಾಂ |
ಅಭಿರಾಮಸ್ತ್ರಿಲೋಕಾನಾಂ ರಾಮಃ ಶ್ರೀಮಾನ್ ಸ ನಃ ಪ್ರಭುಃ |೧೬|

ತರುಣೌ ರೂಪಸಂಪನ್ನೌ ಸುಕುಮಾರೌ ಮಹಾಬಲೌ |
ಪುಂಡರೀಕ ವಿಶಾಲಾಕ್ಷೌ ಚೀರಕೃಷ್ಣಾಜಿನಾಂಬರೌ |೧೭|

ಫಲಮೂಲಾಶಿನೌ ದಾಂತೌ ತಾಪಸೌ ಬ್ರಹ್ಮಚಾರಿಣೌ |
ಪುತ್ರೌ ದಶರಥಸ್ಯೈತೌ ಭ್ರಾತರೌ ರಾಮಲಕ್ಷ್ಮಣೌ |೧೮|

ಶರಣ್ಯೌ ಸರ್ವಸತ್ತ್ವಾನಾಂ ಶ್ರೇಷ್ಠೌ ಸರ್ವಧನುಷ್ಮತಾಂ |
ರಕ್ಷಃ ಕುಲನಿಹಂತಾರೌ ತ್ರಾಯೇತಾಂ ನೋ ರಘೂತ್ತಮೌ |೧೯|

ಆತ್ತಸಜ್ಜಧನುಷಾವಿಷ ಸ್ಪೃಶಾ ವಕ್ಷಯಾ ಶುಗನಿಷಂಗ ಸಂಗಿನೌ |
ರಕ್ಷಣಾಯ ಮಮ ರಾಮಲಕ್ಷ್ಮಣಾವಗ್ರತಃ ಪಥಿ ಸದೈವ ಗಚ್ಛತಾಂ |೨೦|

ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ |
ಗಚ್ಛನ್ ಮನೋರಥೋಽಸ್ಮಾಕಂ ರಾಮಃ ಪಾತು ಸಲಕ್ಷ್ಮಣಃ |೨೧|

ರಾಮೋ ದಾಶರಥಿಃ ಶೂರೋ ಲಕ್ಷ್ಮಣಾನುಚರೋ ಬಲೀ |
ಕಾಕುತ್ಸ್ಥಃ ಪುರುಷಃ ಪೂರ್ಣಃ ಕೌಸಲ್ಯೇಯೋ ರಘೂತ್ತಮಃ |೨೨|

ವೇದಾಂತವೇದ್ಯೋ ಯಜ್ಞೇಶಃ ಪುರಾಣ ಪುರುಷೋತ್ತಮಃ |
ಜಾನಕೀವಲ್ಲಭಃ ಶ್ರೀಮಾನ್ ಅಪ್ರಮೇಯ ಪರಾಕ್ರಮಃ |೨೩|

ಇತ್ಯೇತಾನಿ ಜಪನ್ನಿತ್ಯಂ ಮದ್ಭಕ್ತಃ ಶ್ರದ್ಧಯಾನ್ವಿತಃ |
ಅಶ್ವಮೇಧಾಧಿಕಂ ಪುಣ್ಯಂ ಸಂಪ್ರಾಪ್ನೋತಿ ನ ಸಂಶಯಃ |೨೪|

ರಾಮಂ ದೂರ್ವಾದಲಶ್ಯಾಮಂ ಪದ್ಮಾಕ್ಷಂ ಪೀತವಾಸಸಂ |
ಸ್ತುವಂತಿ ನಾಮಭಿರ್ದಿವ್ಯೈಃ ನ ತೇ ಸಂಸಾರಿಣೋ ನರಾಃ |೨೫|

ರಾಮಂ ಲಕ್ಷ್ಮಣಪೂರ್ವಜಂ ರಘುವರಂ ಸೀತಾಪತಿಂ ಸುಂದರಂ |
ಕಾಕುತ್ಸ್ಥಂ ಕರುಣಾರ್ಣವಂ ಗುಣನಿಧಿಂ ವಿಪ್ರಪ್ರಿಯಂ ಧಾರ್ಮಿಕಂ |
ರಾಜೇಂದ್ರಂ ಸತ್ಯಸಂಧಂ ದಶರಥತನಯಂ ಶ್ಯಾಮಲಂ ಶಾಂತಮೂರ್ತಿಂ |
ವಂದೇ ಲೋಕಾಭಿರಾಮಂ ರಘುಕುಲತಿಲಕಂ ರಾಘವಂ ರಾವಣಾರಿಂ |೨೬|

ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ |
ರಘುನಾಥಾಯ ನಾಥಾಯ ಸೀತಾಯಾಃ ಪತಯೇ ನಮಃ |೨೭|

ಶ್ರೀರಾಮ ರಾಮ ರಘುನಂದನ ರಾಮ ರಾಮ
ಶ್ರೀರಾಮ ರಾಮ ಭರತಾಗ್ರಜ ರಾಮ ರಾಮ |
ಶ್ರೀರಾಮ ರಾಮ ರಣಕರ್ಕಶ ರಾಮ ರಾಮ
ಶ್ರೀರಾಮ ರಾಮ ಶರಣಂ ಭವ ರಾಮ ರಾಮ |೨೮|

ಶ್ರೀರಾಮಚಂದ್ರಚರಣೌ ಮನಸಾ ಸ್ಮರಾಮಿ
ಶ್ರೀರಾಮಚಂದ್ರಚರಣೌ ವಚಸಾ ಗೃಣಾಮಿ |
ಶ್ರೀರಾಮಚಂದ್ರಚರಣೌ ಶಿರಸಾ ನಮಾಮಿ
ಶ್ರೀರಾಮಚಂದ್ರಚರಣೌ ಶರಣಂ ಪ್ರಪದ್ಯೇ |೨೯|

ಮಾತಾ ರಾಮೋ ಮತ್ಪಿತಾ ರಾಮಚಂದ್ರಃ
ಸ್ವಾಮೀ ರಾಮೋ ಮತ್ಸಖಾ ರಾಮಚಂದ್ರಃ |
ಸರ್ವಸ್ವಂ ಮೇ ರಾಮಚಂದ್ರೋ ದಯಾಲು-
ರ್ನಾನ್ಯಂ ಜಾನೇ ನೈವ ಜಾನೇ ನ ಜಾನೇ |೩೦|

ದಕ್ಷಿಣೇ ಲಕ್ಷ್ಮಣೋ ಯಸ್ಯ ವಾಮೇ ತು ಜನಕಾತ್ಮಜಾ |
ಪುರತೋ ಮಾರುತಿರ್ಯಸ್ಯ ತಂ ವಂದೇ ರಘುನಂದನಂ |೩೧|

ಲೋಕಾಭಿರಾಮಂ ರಣರಂಗಧೀರಂ
ರಾಜೀವನೇತ್ರಂ ರಘುವಂಶನಾಥಂ |
ಕಾರುಣ್ಯರೂಪಂ ಕರುಣಾಕರಂ ತಂ
ಶ್ರೀರಾಮಚಂದ್ರಂ ಶರಣಂ ಪ್ರಪದ್ಯೇ |೩೨|

ಮನೋಜವಂ ಮಾರುತತುಲ್ಯವೇಗಂ
ಜಿತೇಂದ್ರಿಯಂ ಬುದ್ಧಿಮತಾಂ ವರಿಷ್ಠಂ |
ವಾತಾತ್ಮಜಂ ವಾನರಯೂಥಮುಖ್ಯಂ
ಶ್ರೀರಾಮದೂತಂ ಶರಣಂ ಪ್ರಪದ್ಯೇ |೩೩|

ಕೂಜಂತಂ ರಾಮರಾಮೇತಿ ಮಧುರಂ ಮಧುರಾಕ್ಷರಂ |
ಆರುಹ್ಯ ಕವಿತಾಶಾಖಾಂ ವಂದೇ ವಾಲ್ಮೀಕಿಕೋಕಿಲಂ |೩೪|

ಆಪದಾಮಪಹರ್ತಾರಂ ದಾತಾರಂ ಸರ್ವಸಂಪದಾಂ |
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಂ |೩೫|

ಭರ್ಜನಂ ಭವಬೀಜಾನಾಮರ್ಜನಂ ಸುಖಸಂಪದಾಂ |
ತರ್ಜನಂ ಯಮದೂತಾನಾಂ ರಾಮರಾಮೇತಿ ಗರ್ಜನಂ |೩೬|

ರಾಮೋ ರಾಜಮಣಿಃ ಸದಾ ವಿಜಯತೇ ರಾಮಂ ರಮೇಶಂ ಭಜೇ
ರಾಮೇಣಾಭಿಹತಾ ನಿಶಾಚರಚಮೂ ರಾಮಾಯ ತಸ್ಮೈ ನಮಃ |
ರಾಮಾನ್ನಾಸ್ತಿ ಪರಾಯಣಂ ಪರತರಂ ರಾಮಸ್ಯ ದಾಸೋಽಸ್ಮ್ಯಹಂ
ರಾಮೇ ಚಿತ್ತಲಯಃ ಸದಾ ಭವತು ಮೇ ಭೋ ರಾಮ ಮಾಮುದ್ಧರ |೩೭|

ಷ್ರೀ ರಾಮರಾಮೇತಿ ರಾಮೇತಿ ರಮೇ ರಾಮೇ ಮನೋರಮೇ |
ಸಹಸ್ರನಾಮತತ್ತುಲ್ಯಂ ರಾಮನಾಮ ವರಾನನೇ |೩೮|

ಇತಿ ಶ್ರೀಬುಧಕೌಶಿಕವಿರಚಿತಂ ಶ್ರೀರಾಮರಕ್ಷಾಸ್ತೋತ್ರಂ ಸಂಪೂರ್ಣಂ |


OM asya shrI rAmarakShAstOtra mahAmaMtrasya
budhakaushika RuShiH
anuShTup CaMdaH
shrIsItApatirAmacaMdrO dEvatA
sItA shaktiH
shrImad hanUmAn keelakaM
shrI rAmacaMdra prItyarthE
pArAyaNE viniyOgaH |

dhyAnam
dhyAyEdAjAnubAhuM dhRutashara
dhanuShaM baddha padmAsanasthaM
pItaM vAsOvasAnaM navakamaladaLaspardhinEtraM prapannam
vAmAMkArUDha sItAmuKakamala
milallOcanaM nIradAbhaM
nAnAlaMkAra dIptaM dadhatamuru jaTAmaMDalaM rAmacaMdram |


caritaM raGunAthasya SatakOTi pravistaraM |
EkaikamakSharaM puMsAM mahApAtakanASanaM |1|

dhyAtvA nIlOtpalaSyAmaM rAmaM rAjIvalOcanaM |
jAnakIlakShmaNOpEtaM jaTAmukuTamaMDitaM |2|

sAsitUNadhanurbANa pANiM naktaMcarAMtakaM |
svalIlayA jagattrAtumAvirBUtamajaM viBuM |3|

rAmarakShAM paThEtprAj~jaH pApaGnIM sarvakAmadAM |
SirO mE rAGavaH pAtu BAlaM daSarathAtmajaH |4|

kausalyEyO dRuSau pAtu viSvAmitrapriyaH SrutI |
GrANaM pAtu muKatrAtA muKaM saumitrivatsalaH |5|

jihvAM vidyAnidhiH pAtu kaMThaM BaratavaMditaH |
skaMdhau divyAyudhaH pAtu Bujau BagnESakArmukaH |6|

karau sItApatiH pAtu hRudayaM jAmadagnyajit |
madhyaM pAtu KaradhvaMsI nABiM jAMbavadASrayaH |7|

sugrIvESaH kaTI pAtu sakthinI hanumatpraBuH |
UrU raGUttamaH pAtu rakShaHkulavinASakRut |8|

jAnunI sEtukRutpAtu jaMGE daSamuKAMtakaH |
pAdau vibiBIShaNaSrIdaH pAtu rAmO&KilaM vapuH |9|

EtAM rAmabalOpEtAM rakShAM yaH sukRutI paThEt |
sucirAyuH suKI putrI vijayI vinayI BavEt |10|

pAtAlaBUtalavyOma cAriNaSCadmacAriNaH |
na draShTumapi SaktAstE rakShitaM rAmanAmaBiH |11|

rAmEti rAmaBadrEti rAmacaMdrEti vA smaran |
narO na lipyatE pApaiH BuktiM muktiM ca viMdati |12|

jagajjaitraikamaMtrENa rAmanAmnABirakShitaM |
yaH kaMThE dhArayEttasya karasthAH sarvasiddhayaH |13|

vajrapaMjaranAmEdaM yO rAmakavacaM smarEt |
avyAhatAj~jaH sarvatra laBatE jayamaMgalaM |14|

AdiShTavAn yathA svapnE rAmarakShAmimAM haraH |
tathA liKitavAn prAtaH prabuddhO budhakauSikaH |15|

ArAmaH kalpavRukShANAM virAmaH sakalApadAM |
aBirAmastrilOkAnAM rAmaH SrImAn sa naH praBuH |16|

taruNau rUpasaMpannau sukumArau mahAbalau |
puMDarIka viSAlAkShau cIrakRuShNAjinAMbarau |17|

PalamUlASinau dAMtau tApasau brahmacAriNau |
putrau daSarathasyaitau BrAtarau rAmalakShmaNau |18|

SaraNyau sarvasattvAnAM SrEShThau sarvadhanuShmatAM |
rakShaH kulanihaMtArau trAyEtAM nO raGUttamau |19|

AttasajjadhanuShAviSha spRuSA vakShayA SuganiShaMga saMginau |
rakShaNAya mama rAmalakShmaNAvagrataH pathi sadaiva gacCatAM |20|

sannaddhaH kavacI KaDgI cApabANadharO yuvA |
gacCan manOrathO&smAkaM rAmaH pAtu salakShmaNaH |21|

rAmO dASarathiH SUrO lakShmaNAnucarO balI |
kAkutsthaH puruShaH pUrNaH kausalyEyO raGUttamaH |22|

vEdAMtavEdyO yaj~jESaH purANa puruShOttamaH |
jAnakIvallaBaH SrImAn apramEya parAkramaH |23|

ityEtAni japannityaM madBaktaH SraddhayAnvitaH |
aSvamEdhAdhikaM puNyaM saMprApnOti na saMSayaH |24|

rAmaM dUrvAdalaSyAmaM padmAkShaM pItavAsasaM |
stuvaMti nAmaBirdivyaiH na tE saMsAriNO narAH |25|

rAmaM lakShmaNapUrvajaM raGuvaraM sItApatiM suMdaraM |
kAkutsthaM karuNArNavaM guNanidhiM viprapriyaM dhArmikaM |
rAjEMdraM satyasaMdhaM daSarathatanayaM SyAmalaM SAMtamUrtiM |
vaMdE lOkABirAmaM raGukulatilakaM rAGavaM rAvaNAriM |26|

rAmAya rAmaBadrAya rAmacaMdrAya vEdhasE |
raGunAthAya nAthAya sItAyAH patayE namaH |27|

SrIrAma rAma raGunaMdana rAma rAma
SrIrAma rAma BaratAgraja rAma rAma |
SrIrAma rAma raNakarkaSa rAma rAma
SrIrAma rAma SaraNaM Bava rAma rAma |28|

SrIrAmacaMdracaraNau manasA smarAmi
SrIrAmacaMdracaraNau vacasA gRuNAmi |
SrIrAmacaMdracaraNau SirasA namAmi
SrIrAmacaMdracaraNau SaraNaM prapadyE |29|

mAtA rAmO matpitA rAmacaMdraH
svAmI rAmO matsaKA rAmacaMdraH |
sarvasvaM mE rAmacaMdrO dayAlu-
rnAnyaM jAnE naiva jAnE na jAnE |30|

dakShiNE lakShmaNO yasya vAmE tu janakAtmajA |
puratO mArutiryasya taM vaMdE raGunaMdanaM |31|

lOkABirAmaM raNaraMgadhIraM
rAjIvanEtraM raGuvaMSanAthaM |
kAruNyarUpaM karuNAkaraM taM
SrIrAmacaMdraM SaraNaM prapadyE |32|

manOjavaM mArutatulyavEgaM
jitEMdriyaM buddhimatAM variShThaM |
vAtAtmajaM vAnarayUthamuKyaM
SrIrAmadUtaM SaraNaM prapadyE |33|

kUjaMtaM rAmarAmEti madhuraM madhurAkSharaM |
Aruhya kavitASAKAM vaMdE vAlmIkikOkilaM |34|

ApadAmapahartAraM dAtAraM sarvasaMpadAM |
lOkABirAmaM SrIrAmaM BUyO BUyO namAmyahaM |35|

BarjanaM BavabIjAnAmarjanaM suKasaMpadAM |
tarjanaM yamadUtAnAM rAmarAmEti garjanaM |36|

rAmO rAjamaNiH sadA vijayatE rAmaM ramESaM BajE
rAmENABihatA niSAcaracamU rAmAya tasmai namaH |
rAmAnnAsti parAyaNaM parataraM rAmasya dAsO&smyahaM
rAmE cittalayaH sadA Bavatu mE BO rAma mAmuddhara |37|

ShrI rAmarAmEti rAmEti ramE rAmE manOramE |
sahasranAmatattulyaM rAmanAma varAnanE |38|

iti SrIbudhakauSikaviracitaM SrIrAmarakShAstOtraM saMpUrNaM |

Leave a Reply

Your email address will not be published. Required fields are marked *

You might also like

error: Content is protected !!