Manninda Kaaya

Composer: Shri Purandara dasaru

ಮಣ್ಣಿಂದ ಕಾಯ ಮಣ್ಣಿಂದ ||ಪ||

ಮಣ್ಣಿಂದ ಸಕಲ ದರುಶನಗಳೆಲ್ಲ
ಮಣ್ಣಿಂದ ಸಕಲ ವಸ್ತುಗಳೆಲ್ಲ
ಮಣ್ಣ ಬಿಟ್ಟವರಿಗೆ ಆಧಾರವಿಲ್ಲ
ಅಣ್ಣಗಳಿರೆಲ್ಲರು ಕೇಳಿರಯ್ಯ ||ಅ||

ಅನ್ನ ಉದಕ ಊಟವೀಯೋದು ಮಣ್ಣು
ಬಣ್ಣ ಭಂಗಾರ ಬೊಕ್ಕಸವೆಲ್ಲ ಮಣ್ಣು
ಉನ್ನತವಾದ ಪರ್ವತವೆಲ್ಲ ಮಣ್ಣು
ಕಣ್ಣು ಮೂರುಳ್ಳವನ ಕೈಲಾಸ ಮಣ್ಣು |೧|

ದೇವರ ಗುಡಿ ಮಠ ಮನೆಯೆಲ್ಲ ಮಣ್ಣು
ಆವಾಗ ಆಡುವ ಮಡಕೆಯು ತಾ ಮಣ್ಣು
ಕೋವಿದರಸರ ಕೋಟೆಗಳೆಲ್ಲ ಮಣ್ಣು
ಪಾವನ ಗಂಗೆಯ ತಡಿಯೆಲ್ಲ ಮಣ್ಣು |೨|

ಭತ್ತ ಭರಣ ಧಾನ್ಯ ಬೆಳವುದೆ ಮಣ್ಣು
ಸತ್ತರವನು ಹುಳಿ ಸುಡುವುದೆ ಮಣ್ಣು
ಉತ್ತಮವಾದ ವೈಕುಂಠವೆ ಮಣ್ಣು
ಪುರಂದರವಿಠಲನ್ನ ಪುರವೆಲ್ಲ ಮಣ್ಣು |೩|

---

maNNiMda kAya maNNiMda ||pa||

maNNiMda sakala daruSanagaLella
maNNiMda sakala vastugaLella
maNNa biTTavarige AdhAravilla
aNNagaLirellaru kELirayya ||a||

anna udaka UTavIyOdu maNNu
baNNa BaMgAra bokkasavella maNNu
unnatavAda parvatavella maNNu
kaNNu mUruLLavana kailAsa maNNu |1|

dEvara guDi maTha maneyella maNNu
AvAga ADuva maDakeyu tA maNNu
kOvidarasara kOTegaLella maNNu
pAvana gaMgeya taDiyella maNNu |2|

Batta BaraNa dhAnya beLavude maNNu
sattaravanu huLi suDuvude maNNu
uttamavAda vaikuMThave maNNu
puraMdaraviThalanna puravella maNNu |3|