Shri Dhanvantari Suladi – Vijayadasaru

Expln by Shri Kesava Rao Tadipatri Part 1

Part 2

ರಾಗ: ಭೈರವಿ , ತಾಳ – ಧ್ರುವ

ಆಯುವೃದ್ಧಿಯಾಗೋದು ಶ್ರೇಯಸ್ಸು ಬರುವುದು
ಕಾಯಾ ನಿರ್ಮಲಿನಾ ಕಾರಣವಾಹುದೊ
ಮಾಯಾ ಹಿಂದಾಗುವದು ನಾನಾ ರೋಗದ ಬೀಜ
ಬೇಯಿಸಿ ಕಳೆವುದು ವೇಗದಿಂದ
ನಾಯಿ ಮೊದಲಾದ ಕುತ್ಸಿತ ದೇಹ ನಿ
ಕಾಯವಾ ತೆತ್ತು ದುಷ್ಕರ್ಮದಿಂದ
ಕ್ರೀಯಮಾಣ ಸಂಚಿತ ಭರಿತವಾಗಿದ್ದ ದು:ಖ
ಹೇಯ ಸಾಗರದೊಳು ಬಿದ್ದು ಬಳಲೀ
ನೋಯಿಸಿಕೊಂಡು ನೆಲೆಗಾಣದೆ ಒಮ್ಮೆ ತನ್ನ
ಬಾಯಲ್ಲಿ ವೈದ್ಯಮೂರ್ತಿ ಶ್ರೀಧನ್ವಂತ್ರಿ
ರಾಯಾ ರಾಜೌಷಧಿ ನಿಯಾಮಕ ಕರ್ತ
ಶ್ರೀಯರಸನೆಂದು ತುತಿಸಲಾಗಿ
ತಾಯಿ ಒದಗಿ ಬಂದು ಬಾಲನ್ನ ಸಾಕಿದಂತೆ
ನೋಯಗೊಡದೆ ನಮ್ಮನ್ನು ಪಾಲಿಪಾ
ಧ್ಯೇಯಾ ದೇವಾದಿಗಳಿಗೆ ಧರ್ಮಞ ಗುಣಸಾಂದ್ರ
ಶ್ರೇಯಸ್ಸು ಕೊಡುವನು ಭಜಕರಿಗೆ
ಮಾಯಾ ಮಂತ್ರದಿಂದ ಜಗವೆಲ್ಲ ವ್ಯಾಪಿಸಿ
ಸನ್ಯಾಯವಂತನಾಗಿ ಚೇಷ್ಟೆ ಮಾಳ್ಪಾ
ವಾಯುವಂದಿತ ನಿತ್ಯ ವಿಜಯ ವಿಟ್ಠಲರೇಯಾ
ಪ್ರಿಯನು ಕಾಣೋ ನಮಗೆ ಅನಾದಿ ರೋಗ ಕಳೆವಾ || ೧ ||

ತಾಳ ಮಟ್ಟ

ಧನ್ವಂತ್ರಿ ಶ್ರೀಧನ್ವಂತ್ರಿ ಎಂದು
ಸನ್ನುತಿಸಿ ಸತತ ಭಿನ್ನ ಜ್ಞಾನದಿಂದ
ನಿನ್ನವ ನಿನ್ನವನೋ ಘನ್ನತಿಯಲಿ ನೆನೆವ
ಮನ್ನುಜ ಭುವನದೊಳು ಧನ್ಯನು ಧನ್ಯನೆನ್ನಿ
ಚೆನ್ನಮೂರುತಿ ಸುಪ್ರಸನ್ನ ವಿಜಯ ವಿಠ್ಠಲನ್ನ
ಸತ್ಯವೆಂದು ಬಣ್ಣಿಸು ಬಹು ವಿಧದಿ || ೨ ||

ತಾಳ ತ್ರಿವಿಡಿ

ಶಶಿಕುಲೋದ್ಭವ ದೀರ್ಘತಮ ನಂದನದೇವಾ
ಶಶಿವರ್ಣ ಪ್ರಕಾಶ ಪ್ರಭುವೆ ವಿಭುವೆ
ಶಶಿಮಂಡಲ ಸಂಸ್ಥಿತ ಕಲಶ ಕಲಶಪಾಣಿ
ಬಿಸಜಲೋಚನ ಅಶ್ವಿನೇಯ ವಂದ್ಯಾ
ಶಶಿಗರ್ಭ ಭೂರುಹ ಲತೆ ಪೋದೆ ತಾಪ
ಓಡಿಸುವವೌಷಧಿ ಶ್ರೀ ತುಲಸಿ ಜನಕ
ಅಸುರ ನಿರ್ಜರ ತತಿನೆರೆದು ಗಿರಿಯ ತಂದು
ಮಿಸುಕದಲೆ ಮಹೋದಧಿ ಮರ್ದಿಸಲಾಗಿ
ನಸುನಗುತ ಪುಟ್ಟಿದೆ ಪೀಯೂಷ ಘಟ ಧರಿಸಿ
ಅಸಮ ದೈವನೆ ನಿನ್ನ ಮಹಿಮೆಗೆ ನಮೋ ನಮೋ
ಬಿಸಜಸಂಭವ ರುದ್ರ ಮೊದಲಾದ ದೇವತಾ
ಋಷಿನಿಕರ ನಿನ್ನ ಕೊಂಡಾಡುವರೊ
ದಶದಿಶದೊಳು ಮೆರೆವ ವಿಜಯ ವಿಠ್ಠಲಭಿಷ್ಕಾ
ಅಸು ಇಂದ್ರಿಯಂಗಳ ರೋಗ ನಿವಾರಣ || ೩ ||

ತಾಳ ಅಟ್ಟ

ಶರಣು ಶರಣು ಧನ್ವಂತರಿ ತಮೋಗುಣನಾಶಾ
ಶರಣು ಆರ್ತಜನ ಪರಿಪಾಲಕ ದೇವಾ
ತರುವೆ ಭವ ತಾಪಹರಣ ದಿತಿಸುತ
ಹರಣ ಮೋಹಕ ಲೀಲಾ ಪರಮಪೂರ್ಣ ಬ್ರಹ್ಮ
ಬ್ರಹ್ಮ ಉದ್ಧಾರಕ ಉರುಪರಾಕ್ರಮ
ಉರುಪರಾಕ್ರಮ ಉರಗಶಾಯಿ
ವರಕಿರೀಟಿ ಮಹಾಮಣಿ ಕುಂಡಲಕರ್ಣ
ಮಿರುಗುವ ಹಸ್ತ ಕಂಕಣ ಹಾರಪದಕ ತಾಂ
ಬರ ಕಾಂಚಿ ಪೀತಾಂಬರ ಚರಣಭೂಷಾ
ಸಿರಿವತ್ಸಲಾಂಚ್ಛನ ವಿಜಯ ವಿಟ್ಠಲರೇಯಾ
ತರುಣಗಾತರ ಜ್ಞಾನ ಮುದ್ರಾಂಕಿತ ಹಸ್ತಾ || ೪ ||

ತಾಳ ಆದಿ

ಏಳುವಾಗಲಿ ಮತ್ತೆ ತಿರುಗಿ ತಿರುಗುತಲಿ
ಬೀಳುವಾಗಲಿ ನಿಂತು ಕುಳ್ಳಿರುವಾಗಲಿ
ಹೇಳುವಾಗಲಿ ಮಾತು ಕೇಳುವಾಗಲಿ ಕರೆದು
ಪೇಳುವಾಗಲಿ ಪೋಗಿ ಸತ್ಕರ್ಮ ಮಾಡುವಾಗ
ಬಾಳುವಾಗಲಿ ಭೋಜನ ನಾನಾ ಷಡ್ರಸ ಸಂ
ಮ್ಮೇಳವಾಗಿ ಮೇಲು ಪುತ್ರಾದಿ ಒಡೆಯೊಡನೆ
ಖೇಳವಾಗಿ ಮನುಜ ಮರ್ಯಾದೆ ನಿನ್ನಯ
ನಾಲಿಗೆ ಕೊನೆಯಲ್ಲಿ ಧನ್ವಂತರಿ ಎಂದು ಒಮ್ಮೆ
ಕಾಲ ಅಕಾಲದಲ್ಲಿ ಸ್ಮರಿಸಿದರೆ ಅವಗೆ
ವೇಳ್ಯ ವೇಳ್ಯಗೆ ಬಾಹ ಭವಬೀಜ ಪರಿಹಾರ
ನೀಲಮೇಘಶ್ಯಾಮ ವಿಜಯ ವಿಠ್ಠಲರೇಯಾ
ವಾಲಗ ಕೊಡುವನು ಮುಕ್ತರ ಸಂಗದಲ್ಲಿ || ೫ ||

ಜತೆ

ಧಂ ಧನ್ವಂತರಿ ಎಂದು ಪ್ರಣವಪೂರ್ವಕದಿಂದ
ವಂದಿಸಿ ನೆನೆಯಲು ವಿಜಯವಿಠ್ಠಲ ಒಲಿವಾ || ೬ ||

---

rAga: bhairavi , tALa – dhruva

AyuvRuddhiyAgOdu shrEyassu baruvudu
kAyA nirmalinA kAraNavAhudo
mAyA hiMdAguvadu nAnA rOgada bIja
bEyisi kaLevudu vEgadiMda
nAyi modalAda kutsita dEha ni
kAyavA tettu duShkarmadiMda
krIyamANa saMcita bharitavAgidda du:kha
hEya sAgaradoLu biddu baLalI
nOyisikoMDu nelegANade omme tanna
bAyalli vaidyamUrti shrIdhanvaMtri
rAyA rAjauShadhi niyAmaka karta
shrIyarasaneMdu tutisalAgi
tAyi odagi baMdu bAlanna sAkidaMte
nOyagoDade nammannu pAlipA
dhyEyA dEvAdigaLige dharma~ja guNasAMdra
shrEyassu koDuvanu bhajakarige
mAyA maMtradiMda jagavella vyApisi
sanyAyavaMtanAgi cEShTe mALpA
vAyuvaMdita nitya vijaya viTThalarEyA
priyanu kANO namage anAdi rOga kaLevA || 1 ||

tALa – maTTa

dhanvaMtri shrIdhanvaMtri eMdu
sannutisi satata bhinna j~jAnadiMda
ninnava ninnavanO Gannatiyali neneva
mannuja bhuvanadoLu dhanyanu dhanyanenni
cennamUruti suprasanna vijaya viThThalanna
satyaveMdu baNNisu bahu vidhadi || 2 ||

tALa – triviDi

shashikulOdbhava dIrGatama naMdanadEvA
shashivarNa prakAsha prabhuve vibhuve
shashimaMDala saMsthita kalasha kalashapANi
bisajalOcana ashvinEya vaMdyA
shashigarbha bhUruha late pOde tApa
ODisuvavauShadhi shrI tulasi janaka
asura nirjara tatineredu giriya taMdu
misukadale mahOdadhi mardisalAgi
nasunaguta puTTide pIyUSha GaTa dharisi
asama daivane ninna mahimege namO namO
bisajasaMbhava rudra modalAda dEvatA
RuShinikara ninna koMDADuvaro
dashadishadoLu mereva vijaya viThThalabhiShkA
asu iMdriyaMgaLa rOga nivAraNa || 3 ||

tALa – aTTa

sharaNu sharaNu dhanvaMtari tamOguNanAshA
sharaNu Artajana paripAlaka dEvA
taruve bhava tApaharaNa ditisuta
haraNa mOhaka lIlA paramapUrNa brahma
brahma uddhAraka uruparAkrama
uruparAkrama uragashAyi
varakirITi mahAmaNi kuMDalakarNa
miruguva hasta kaMkaNa hArapadaka tAM
bara kAMci pItAMbara caraNabhUShA
sirivatsalAMcCana vijaya viTThalarEyA
taruNagAtara j~jAna mudrAMkita hastA || 4 ||

tALa – Adi

ELuvAgali matte tirugi tirugutali
bILuvAgali niMtu kuLLiruvAgali
hELuvAgali mAtu kELuvAgali karedu
pELuvAgali pOgi satkarma mADuvAga
bALuvAgali bhOjana nAnA ShaDrasa saM
mmELavAgi mElu putrAdi oDeyoDane
khELavAgi manuja maryAde ninnaya
nAlige koneyalli dhanvaMtari eMdu omme
kAla akAladalli smarisidare avage
vELya vELyage bAha bhavabIja parihAra
nIlamEghashyAma vijaya viThThalarEyA
vAlaga koDuvanu muktara saMgadalli || 5 ||

jate

dhaM dhanvaMtari eMdu praNavapUrvakadiMda
vaMdisi neneyalu vijayaviThThala olivA || 6 ||