Nanda nandane Aravinda

Composer : Shri Harapanahalli Bheemavva

ನಂದನಂದನೆ ಅರವಿಂದದಳಾಕ್ಷನೆ
ವಂದಿಸುವೆ ಪಾದಾರವಿಂದಗಳಿಗೀಗ [ಪ]

ಪದುಮನಾಭನೆ ನಿನ್ನ ಪಾದ ಭಕುತಿಯೊಳಿಟ್ಟು
ಸುಜನ ಸಂಗತಿ ನೀಡೊ ಸುರವಂದ್ಯ ಹರಿಯೆ
ಒದಗಿ ಬರುವೊ ಮೃತ್ಯು ಮೊದಲೆ ಅರಿಯದೆ ನಾ
ಮದಡ ಬುದ್ಧಿಲಿ ನಿನ್ನ ಮರೆತು ಕಳೆವೆನೊ ಕಾಲ [೧]

ಭೂತಳದೊಳು ಸಲಹೋ ದಾತರೆಲ್ಲಿಹರಿನ್ನು
ಮಾತುಳಾಂತಕನೆ ಈ ಮಾತ ಪೇಳೆನಗೆ
ಮಾತಾಪಿತರು ಮೊದಲಿಲ್ಲ ಇನ್ನನ್ಯರಿಲ್ಲ ಅ-
ನಾಥನೆಂದೆನ್ನ ಕಯ್ಯ ಪ್ರೀತಿಂದೆ ಹಿಡಿ ಪ್ರಿಯ [೨]

ವಾಸುಕೀಶಯನನ ವರವ ಪಡೆಯದೆ ನಾ
ಮೋಸಹೋದೆನೊ ಈ ಸಂಸಾರದೊಳು ಸಿಲ್ಕಿ
ಶ್ರೀಶ ನೀ ಸಲಹೊ ಭೀಮೇಶ ಕೃಷ್ಣನೆ ಎನ್ನ
ಘಾಸಿ ಮಾಡದೆ ಹೃಷಿಕೇಶ ಕರುಣದಿಂದ [೩]

---

naMdanaMdane araviMdadaLAkShane
vaMdisuve pAdAraviMdagaLigIga [pa]

padumanABane ninna pAda BakutiyoLiTTu
sujana saMgati nIDo suravaMdya hariye
odagi baruvo mRutyu modale ariyade nA
madaDa buddhili ninna maretu kaLeveno kAla [1]

BUtaLadoLu salahO dAtarelliharinnu
mAtuLAMtakane I mAta pELenage
mAtApitaru modalilla innanyarilla a-
nAthaneMdenna kayya prItiMde hiDi priya [2]

vAsukISayanana varava paDeyade nA
mOsahOdeno I saMsAradoLu silki
SrISa nI salaho BImESa kRuShNane enna
GAsi mADade hRuShikESa karuNadiMda [3]