Vadiraja kavacha

Composer : Shri Pandarinatha vittala

ಸ್ಮರಣೆ ಮಾಡಿರೋ ಸೋದೆ ವಾದಿರಾಜರ
ಮರುತ ಪಟ್ಟಕೇ ಮುಂದೆ ಬರುವ ರಾಜರ |ಪ|

ಯತಿಯ ವಾಗೀಶರ ಕರಜ ಖ್ಯಾತರ
ಹಿತವ ಕೊಡುವರ ಇದ್ದ ದುರಿತ ಕಳೆವರ |೧|

ರಾಮಾಚಾರ್ಯ ಗೌರಿಯ ಪ್ರೇಮ ಪುತ್ರರ
ಸೋಮಶೇಖರಗೆ ಇವರು ಗುರುಗಳೆನಿಪರ |೨|

ಗೃಹದ ಬಾಹ್ಯ ಗದ್ದೆಯಲ್ಲಿ ಜನಿಸಿ ಮೆರೆದರ
ಮಹಾಮಹಿಮರಾ ಲಾತವ್ಯ ಪದಸ್ಥರ |೩|

ಭೂವರಾಹನಾ ಪಾದ ಭಜಿಪ ಶ್ರೇಷ್ಠರ
ಭೂವರಾಹನಾ ನಾಮದಲ್ಲಿ ಮೆರೆದರ |೪|

ಸಕಲ ಕ್ಷೇತ್ರವ ಕಂಡು ವರ್ಣಿಸಿಪ್ಪರ
ಸಕಲ ಸುಜನರ ಸೇವೆಗೊಂಡು ಕಾಯ್ವರ |೫|

ಶಾಲಗ್ರಾಮದ ಹಾರ ಹರಿಗೆ ಇತ್ತರ
ಶಾಲ್ಮಲೀ ತೀರದಲ್ಲಿ ತಪವಗೊಂಡರ |೬|

ಪಂಢರಾಪುರಕೆ ಹೋಗಿ ಹರಿಯ ಕಂಡರ
ಪಾಂಡುರಂಗನನ್ನು ಕಂಡು ಹರುಷಗೊಂಡರ |೭|

ರುಕ್ಮಿಣೀಶವಿಜಯ ರಚಿಸಿ ಸ್ತುತ್ಯರಾದರಾ
ರುಕ್ಮಿಣೀಶ ಕರ್ತೃವೆಂದು ಅರ್ಪಿಸಿಪ್ಪರ |೮|

ಮದುವೆ ಕಾಲದಲ್ಲಿ ಸತ್ತ ವರನ ಕಾದರಾ
ಮುದದಿ ನೆರೆದ ಜನರಿಗೆಲ್ಲ ಮುದವನಿತ್ತರ |೯|

ಮಂತ್ರ ರೇಖೆ ರಚಿಸಿ ನಕ್ರಗಳನು ಅಟ್ದರ
ಮಂತ್ರವಾದಿ ತಂತ್ರವನ್ನು ಬಯಲು ಮಾಡ್ದರ |೧೦|

ಕ್ಲಿಷ್ಟ ಭಾರತದ ಪದಕೆ ಅರ್ಥ ಬರೆದರ
ಶ್ರೇಷ್ಠ ಮಾತೆ ವಚನವನ್ನು ಮಾನ್ಯ ಮಾಡ್ದರ |೧೧|

ಲೋಭಿಯನ್ನು ಕಂಡು ಶಾಲಗ್ರಾಮವಿತ್ತರಾ
ಲೋಭಿ ಧಾರಾಳಿಯಾದ ದಯದಿ ಗುರುವರಾ |೧೨|

ವಾದಿಗಳನು ವಾದದಲ್ಲಿ ಗೆದ್ದ ರಾಜರಾ
ವೇದವ್ಯಾಸರನ್ನು ಬದರಿಯಲ್ಲಿ ಕಂಡರಾ |೧೩|

ಬಂಡೆ ಸೀಳಿ ರಾಜನೀಗೆ ದ್ರವ್ಯವಿತ್ತರಾ
ಕಂಡು ಕರುಣಿ ವಿಠ್ಠಲನ್ನ ಇಟ್ಟುಕೊಂಡರಾ |೧೪|

ಪ್ರಸಂಗಾಭರಣ ತೀರ್ಥ ಪ್ರಶಸ್ತಿ ಪಡೆದರಾ
ಅಸದೃಶರು ರಾಜರೆಂಬ ಖ್ಯಾತಿ ಪಡೆದರಾ |೧೫|

ಭೂತಗಣದ ಬೀಡಿನಲ್ಲಿ ಹರನ ನಿಲಿಸಿದ
ಖ್ಯಾತವಾಯ್ತು ಬೀಡು ಧರ್ಮಸ್ಥಳವು ಎನ್ನುತಾ |೧೬|

ದಂಡದಿಂದ ದಂಡ ತೀರ್ಥ ಉಂಟು ಮಾಡಿದ
ಕಂಡು ಹರುಷ ಪಟ್ಟರೆಲ್ಲ ಪುರದ ಬಹುಜನ |೧೭|

ಎರಡು ಮಾಸ ಪೂಜೆ ಎರಡು ವರುಷ ಮಾಡಿದ
ಪರಮ ಪುಣ್ಯ ಕ್ಷೇತ್ರ ಉಡುಪಿಯಲ್ಲಿ ಕೃಷ್ಣನ |೧೮|

ಭೂತರಾಜ ಗುರು ಅಯ್ಯ ವಾದಿರಾಜರಾ
ಪ್ರೀತಿಯಿಂದ ಸ್ತೋತ್ರ ಮಾಡೆ ಒಲಿದು ಕಾಯ್ವರಾ |೧೯|

ಮಗುವ ಕಂಡರ ಮಾಯದ ಮಗುವ ಕಂಡರ
ನಗುತಲಿದ್ದ ಕೃಷ್ಣನೆಂಬ ಮಗುವ ಕಂಡರ |೨೦|

ಸ್ತುತ್ಯ ವೈಕುಂಠ ದಾಸರನ್ನು ನೋಡಿದ
ಮತ್ತೆ ದಾಸೋತ್ತಮರು ಎಂದು ಪೊಗಳಿದ |೨೧|

ಪಂಚ ವೃಂದಾವನದಿ ಪಂಚರೂಪನಾ
ಮುಂಚೆ ಸನ್ನಿಧಾನವನ್ನು ಅಲ್ಲಿ ಬರಿಸಿದ |೨೨|

ಮೂರು ವಿಕ್ರಮನ ರಥದ ಉತ್ಸವ ಮಾಡಿದ
ಕಾರಣಾತ್ಮಕ ಸಾರ್ವಭೌಮನನ್ನು ನಿಲಿಸಿದ |೨೩|

ವೇದವೇದ್ಯ ವೇದನಿಧಿಯ ವಿಶ್ವಪ್ರೀಯರಾ
ಮೋದದಿಂದ ಕಾದು ಆಖ್ಯಾನ ಪೇಳಿದ |೨೪|

ಕನಕದಾಸ ರಾಯರನ್ನು ಕಂಡು ಹಿಗ್ಗಿದಾ
ಕನಕವೆಂದಗ್ರಹಿಸಿ ಇವರ ಜನಕೆ ಸಾರಿದಾ |೨೫|

ಹರಿಯ ಕಂಡು ಅವನ ಪುರಕೆ ಪಯಣ ಬೆಳೆಸಿದಾ
ಹರಿಯ ಶ್ರೇಷ್ಠ ದಾಸರೆಂಬ ವಾದಿರಾಜರಾ |೨೬|

ವಾದಿರಾಜ ಕವಚವನ್ನು ದಿನದಿ ಪಠಿಪರಾ
ಮೋದದಿಂದ ಕಾಯ್ವೆನೆಂದು ಹರಿಯು ನುಡಿಸಿದ |೨೭|

ಇವರ ಚರಿತೆ ಏನು ಬಲ್ಲ ಮದಡ ಮಾನವ
ಕವಿಯು ಪಂಢರಿನಾಥ ವಿಠಲ ಇದನು ಪೇಳಿದ |೨೮|

---

smaraNe mADirO sOde vAdirAjara
maruta paTTakE muMde baruva rAjara |pa|

yatiya vAgISara karaja KyAtara
hitava koDuvara idda durita kaLevara |1|

rAmAcArya gauriya prEma putrara
sOmaSEKarage ivaru gurugaLenipara |2|

gRuhada bAhya gaddeyalli janisi meredara
mahAmahimarA lAtavya padasthara |3|

BUvarAhanA pAda Bajipa SrEShThara
BUvarAhanA nAmadalli meredara |4|

sakala kShEtrava kaMDu varNisippara
sakala sujanara sEvegoMDu kAyvara |5|

SAlagrAmada hAra harige ittara
SAlmalI tIradalli tapavagoMDara |6|

paMDharApurake hOgi hariya kaMDara
pAMDuraMganannu kaMDu haruShagoMDara |7|

rukmiNISavijaya racisi stutyarAdarA
rukmiNISa kartRuveMdu arpisippara |8|

maduve kAladalli satta varana kAdarA
mudadi nereda janarigella mudavanittara |9|

maMtra rEKe racisi nakragaLanu aTdara
maMtravAdi taMtravannu bayalu mADdara |10|

kliShTa BAratada padake artha baredara
SrEShTha mAte vacanavannu mAnya mADdara |11|

lOBiyannu kaMDu SAlagrAmavittarA
lOBi dhArALiyAda dayadi guruvarA |12|

vAdigaLanu vAdadalli gedda rAjarA
vEdavyAsarannu badariyalli kaMDarA |13|

baMDe sILi rAjanIge dravyavittarA
kaMDu karuNi viThThalanna iTTukoMDarA |14|

prasaMgABaraNa tIrtha praSasti paDedarA
asadRuSaru rAjareMba KyAti paDedarA |15|

BUtagaNada bIDinalli harana nilisida
KyAtavAytu bIDu dharmasthaLavu ennutA |16|

daMDadiMda daMDa tIrtha uMTu mADida
kaMDu haruSha paTTarella purada bahujana |17|

eraDu mAsa pUje eraDu varuSha mADida
parama puNya kShEtra uDupiyalli kRuShNana |18|

BUtarAja guru ayya vAdirAjarA
prItiyiMda stOtra mADe olidu kAyvarA |19|

maguva kaMDara mAyada maguva kaMDara
nagutalidda kRuShNaneMba maguva kaMDara |20|

stutya vaikuMTha dAsarannu nODida
matte dAsOttamaru eMdu pogaLida |21|

paMca vRuMdAvanadi paMcarUpanA
muMce sannidhAnavannu alli barisida |22|

mUru vikramana rathada utsava mADida
kAraNAtmaka sArvaBaumanannu nilisida |23|

vEdavEdya vEdanidhiya viSvaprIyarA
mOdadiMda kAdu AKyAna pELida |24|

kanakadAsa rAyarannu kaMDu higgidA
kanakaveMdagrahisi ivara janake sAridA |25|

hariya kaMDu avana purake payaNa beLesidA
hariya SrEShTha dAsareMba vAdirAjarA |26|

vAdirAja kavacavannu dinadi paThiparA
mOdadiMda kAyveneMdu hariyu nuDisida |27|

ivara carite Enu balla madaDa mAnava
kaviyu paMDharinAtha viThala idanu pELida |28|