Varahadevara Suladi – Vyasatatvajnaru

ಶ್ರೀವ್ಯಾಸತತ್ವಜ್ಞತೀರ್ಥ ವಿರಚಿತ
(ವಾಸುದೇವವಿಟ್ಠಲ ಅಂಕಿತ) ವರಹದೇವರ ಸುಳಾದಿ
ರಾಗ : ಕಲ್ಯಾಣಿ

ಧ್ರುವತಾಳ
ಹರಿಯ ಆಜ್ಞದಿಂದ ಈರೇಳು ಲೋಕವ
ಸೃಜಿಸಿ ತಾ ಮನದಿಂದ ಕೆಲವು ಜನರುಗಳ
ಥರವಲ್ಲ ಇದರಿಂದ ತನುವಿಂದ ಸೃಜಿಸುವ ಜ –
ನರು ಬಹಳವಾಗಿ ಆಹರೆಂದು
ಹಿರಣ್ಯಗರ್ಭನು ಮನು ಮೊದಲಾದವರ ಸೃಜಿಸಿ
ವರ ಬಹು ಸಂತತಿಂದ ಜಗವ ಪೂರೈಸೆನ್ನ
ಧರಿಯು ನೀರೊಳು ಮುಣಗಿ ಪೋಯಿತೊ ನಾ ಹ್ಯಾಗೆ
ಸೃಜಿಸು ಬಗೆ ಎನ್ನೆ ಬ್ರಹ್ಮನು ಚಿಂತಿಸೆ
ವರಹ ರೂಪದಿ ನಾಸಾಪುಟದಿಂದ ಪುಟ್ಟಿದಂಥ
ಪರ ವಾಸುದೇವವಿಟ್ಠಲ ಪರಗತಿ ಎನಗೆ || ೧ ||

ಮಟ್ಟತಾಳ

ಸುರರು ನೋಡಲು ನೋಡೆ ವರಗಿರಿ ಎಂತಾಗೆ
ತರಲು ಧರೆಯು ಪೋದ ನೀರೊಳು ಪಾತಾಳ
ಧರಿಯಲ್ಲಿ ಇದ್ದಂಥ ಧರೆಯನು ತರುತಿರಲು
ದುರುಳ ಹಿರಣ್ಯಾಕ್ಷ ಕರೆಕರೆ ಮಾಡಿದ್ದು
ಸರಕು ಮಾಡದೆ ದೇವ ಧರೆಯ ತಡೆಯಲಿದ್ದ
ತಿರುಗಿ ಎದುರಾಗಿ ದುರುಳನ ಶಿರವನ್ನು
ವರಿಸಿದ ಕೋರ್ದಾಡೆ ಕ್ಷುರದಿ ದಿತಿಜವೈರಿ
ವರ ವಾಸುದೇವವಿಟ್ಠಲ ಪರನೆಂದು ಸಾರಿಕೊ || ೨ ||

ತ್ರಿವಿಡಿತಾಳ

ನೀಟಾದ ಮೊನೆಯುಳ್ಳ ಸೆಟೆಯದಟಿತಗ್ರೀವ
ಹಾಟಕ ನಯನನ ರಕುತಯುಕುತ
ಮಾಟಾದ ದಾಡೇಲಿ ನೀರೊಳು ವಿಹರಿಸಿ
ಊಟಿ ನೀರನು ಮಾಡೆ ಮ್ಯಾಲುಗಳೆ ತೊಯಿದು
ಈಟಿ ಮೊನಿಗಳೆಮ್ಮ ತಗಲವೊ ಎಂತೆಂದು
ಕೂಟ ಕಟ್ಟಿದರ್ಜನ ಜನೋ ಲೋಕದಿ ಜನರು
ಆಟದಿ ಪುಚ್ಛವನು ನೆಗಹಿ ನೀರನು ಬಡದು
ಓಟ ಓಡುವ ರಭಸ ತಾಳದೆ ಜಲಧಿಯು
ಚಾಟೆಂದು ಲಯದ ಕೃಪೀಠಯೋನಿಯು ಬಂತು
ಮೂಟಿ ಕಟ್ಟಿಕೊಂಡು ಮೊರೆಯೊಕ್ಕ ಕಿಟಿಗೆ
ನೀಟಿಸಿ ಸಮಯವ ಕುಸುಮ ವೃಷ್ಟಿಗಳನ್ನು
ಪಾಟಿಸಿದರು ಸುರರು ವಾಸುದೇವವಿಟ್ಠಲಂಗೆ || ೩ ||

ಅಟ್ಟತಾಳ

ಕಿರಿ ಕಿರಿ ಕಿರಿ ಎಂದು ಧರೆಯ ಮೊಗವ ನೋಡಿ
ಅರಿದರ ಧರನಾಗಿ ಸುರರಿಗೆ ಅಭಯವ
ವರವ ಕೊಡುವೆನೆಂದು ಸ್ಥಿರವಾಗಿ ನಿಂತನ್ನ
ಚರಣ ಸಮೀಪಕ್ಕೆ ಸುರರು ಸುಖದಿ ಬಂದು ಪರಿಪರಿ ಕೊಂಡಾಡೆ
ವರ ವಾಸುದೇವವಿಟ್ಠಲ ವೊಲಿವನಾಗೆ || ೪ ||

ಆದಿತಾಳ

ಹಿರಣ್ಯಕ ನಯನನ ಮಶ್ರುಣ ಪೂಸಿದ ದಾಡೆ
ವರಸಿತೊ ಅಂಜುವೆ ಮುದ್ದಾಡಲಿ ಬೇಡ
ಪರಮ ಕೃಪೆಯಿಂದ ನೋಡಿದರೆ ಸಾಕೊ
ವರವೀವೊ ಎಂದರೆ ಧರೆಯ ನೋಡುವದ್ಯಾಕೆ
ವರವೀವೊ ಅವರೆಲ್ಲ ಸತಿಯ ಕೇಳುವರೇನೊ
ಧರೆಯು ನಗುತಾಳೆ ಕರದು ಬಿಡಸಲ್ಲ
ವರವೀಯೊ ವಾಸುದೇವವಿಟ್ಠಲ ಕೋಲಾ || ೫ ||

ಜತೆ

ಮರಿಯದ್ಹಾಗೆ ಮಾಡೊ ವಾಸುದೇವವಿಟ್ಠಲ
ಮೊರೆ ಇಡುವೆ ಇದೆ ಒಡೆಯ ಕೋಲಾ ||

---

SrIvyAsatatvaj~jatIrtha viracita
(vAsudEvaviTThala aMkita) varahadEvara suLAdi
rAga : kalyANi

dhruvatALa
hariya Aj~jadiMda IrELu lOkava
sRujisi tA manadiMda kelavu janarugaLa
tharavalla idariMda tanuviMda sRujisuva ja –
naru bahaLavAgi AhareMdu
hiraNyagarBanu manu modalAdavara sRujisi
vara bahu saMtatiMda jagava pUraisenna
dhariyu nIroLu muNagi pOyito nA hyAge
sRujisu bage enne brahmanu ciMtise
varaha rUpadi nAsApuTadiMda puTTidaMtha
para vAsudEvaviTThala paragati enage || 1 ||

maTTatALa

suraru nODalu nODe varagiri eMtAge
taralu dhareyu pOda nIroLu pAtALa
dhariyalli iddaMtha dhareyanu tarutiralu
duruLa hiraNyAkSha karekare mADiddu
saraku mADade dEva dhareya taDeyalidda
tirugi edurAgi duruLana Siravannu
varisida kOrdADe kShuradi ditijavairi
vara vAsudEvaviTThala paraneMdu sAriko || 2 ||

triviDitALa

nITAda moneyuLLa seTeyadaTitagrIva
hATaka nayanana rakutayukuta
mATAda dADEli nIroLu viharisi
UTi nIranu mADe myAlugaLe toyidu
ITi monigaLemma tagalavo eMteMdu
kUTa kaTTidarjana janO lOkadi janaru
ATadi pucCavanu negahi nIranu baDadu
OTa ODuva raBasa tALade jaladhiyu
cATeMdu layada kRupIThayOniyu baMtu
mUTi kaTTikoMDu moreyokka kiTige
nITisi samayava kusuma vRuShTigaLannu
pATisidaru suraru vAsudEvaviTThalaMge || 3 ||

aTTatALa

kiri kiri kiri eMdu dhareya mogava nODi
aridara dharanAgi surarige aBayava
varava koDuveneMdu sthiravAgi niMtanna
caraNa samIpakke suraru suKadi baMdu paripari koMDADe
vara vAsudEvaviTThala volivanAge || 4 ||

AditALa

hiraNyaka nayanana maSruNa pUsida dADe
varasito aMjuve muddADali bEDa
parama kRupeyiMda nODidare sAko
varavIvo eMdare dhareya nODuvadyAke
varavIvo avarella satiya kELuvarEno
dhareyu nagutALe karadu biDasalla
varavIyo vAsudEvaviTThala kOlA || 5 ||

jate

mariyad~hAge mADo vAsudEvaviTThala
more iDuve ide oDeya kOlA ||