Vadiraja Kavacha

Composer: Shri Narayanacharya

ಭ್ರಾಜಲ್ಲಲಾಟೇ ಲಸದೂರ್ಧವಪುಂಡ್ರಂ
ಸ್ವಂಗಾರರೇಖಾಂಕಿತಮಧ್ಯದೇಶಮ್ |
ಆಕಂಠಮಾನಾಭಿ ಸುಲಂಬಮಾನಾಂ ಮಾಲಾಂ
ತುಲಸ್ಯಕ್ಷಮಯೀಂ ದಧಾನಮ್ || ೧ ||

ಶ್ರೀಮುದ್ರಯಾ ಚಿಹ್ನಿತ ಸರ್ವಗಾತ್ರಂ ಕರೋಲ್ಲಸತ್ ಶ್ರೀ ಜಪಮಾಲಿಕಂ ಪರಮ್ ||
ಹೃತ್ಪುಂಡರೀಕಸ್ಥ ಶುಭಾಂಬರಸ್ಥಂ ಶ್ರೀವಾಜಿವಕ್ತ್ರಂ ಸತತಂ ಸ್ಮರಂತಮ್ || ೨ ||

ಜಿತಾರಿಷಡ್ವರ್ಗ ಹೃತಾಘರಾಶಿಂ ಕೂರ್ಮಾಸನಸ್ಥಂ ಸುತಪಃ ಪ್ರಭಾವಮ್ ||
ಶ್ರೀಮದ್ ಹಯಗ್ರೀವ ದಯೈಕಪಾತ್ರಂ ಶಮಾದಿಸಂಪತ್ತಿಯುತಂ ವಿರಾಗಿಣಮ್ || ೩ ||

ಸಚ್ಛಾಸ್ತ್ರನಿಷ್ಕಂ ಭುವಿರಾಜಮಾನಂ ವಾದೀಭಸಿಂಹಂ ಸುಮತ ಪ್ರತಿಷ್ಠಿತಮ್ |
ಏವಂ ಮುನೀಂದ್ರಂ ಕವಿ ವಾದಿರಾಜಂ ಧ್ಯಾತ್ವಾ ತದೀಯಂ ಕವಚಂ ಪಠೇತ್ಸುಧೀಃ || ೪ ||

ಸದಾಽವಧೂತಶೇಖರಂ ಖರಾರಿಪಾದಮಾಶ್ರಿತಂ |
ಶ್ರಿತಾರ್ತಿಹಾರಿಣಂ ದೃತಂ ಗುರುಂ ಹೃದಿಸ್ಥಿತಂ ಭಜೇ || ೫ ||

ಗುರುಮಖಲಗುಣಜ್ಞಂ ಸದ್ಗುಣೈಕಾಧಿವಾಸಂ |
ಶಮದಮಪರಿನಿಷ್ಠಂ ಸತ್ವನಿಷ್ಠಂ ವರಿಷ್ಠಮ್ ||
ಸಕಲಸುಜನಶಿಷ್ಟಂ ನಿತ್ಯನಿರ್ಧೂತ ಕಷ್ಟಂ |
ಹಯಮುಖಪದನಿಷ್ಠಂ ಮಾಂ ಭಜಂತು ಪ್ರಪನ್ನಾಃ || ೬ ||

ವಾದಿರಾಜಃ ಶಿರಃ ಪಾತು ಭಕ್ತತ್ರಾಣಕೃತೋದ್ಭವಃ
ವಾದಿರಾಜಃ ಪಾತು ಫಾಲಂ ಜಗದ್ವಂದ್ಯಪದಾಂಬುಜಃ || ೭ ||

ವಾದಿರಾಜಃ ಪಾತುನೇತ್ರೇ ದೃಷ್ಟಭೂತೀರ್ಥಸಾಗರಃ |
ವಾದಿರಾಜಃ ಶ್ರುತೀ ಪಾತು ಶ್ರುತ್ಯರ್ಥ ಕೃತಚಾರುಧೀಃ || ೮ ||

ವಾದಿರಾಜಃ ಪಾತು ನಾಸಾಂ ಪ್ರಾಣಾಯಾಮ ಪರಾಯಣಃ |
ವಾದಿರಾಜಃ ಪಾತು ವಕ್ತ್ರಂ ಹಯಗ್ರೀವ ಸ್ತುತಿಪ್ರಿಯಃ || ೯ ||

ವಾದಿರಾಜೋಽಧರಂ ಪಾತು ಮಧುರೀಕೃತನಿಸ್ವನಃ |
ವಾದಿರಾಜಃ ಪಾತು ಕಂಠಂ ಚಿತ್ರಸಂಗೀತಸುಸ್ವನಃ || ೧೦ ||

ವಾದಿರಾಜಃ ಪಾತು ಭುಜೌ ತಪ್ತಾಯುಧಲ ಸದ್ಭುಜಃ |
ವಾದಿರಾಜಃ ಪಾತು ಕರೌ ವಾಜಿವಕ್ತ್ರಾಂಘ್ರಿಪೂಜಕಃ || ೧೦ ||

ವಾದಿರಾಜಃ ಪಾತು ಚಿತ್ತಂ ಪೂರ್ಣ ವಿದ್ಯಾಹೃದಂಬುಜಃ |
ವಾದಿರಾಜಃ ಪಾತು ನಾಭಿಂ ಪದ್ಮನಾಭ ಸ್ತುತಿಪ್ರಿಯಃ || ೧೧ ||

ವಾದಿರಾಜಃ ಪಾತು ಕಟಿಂ ದಿವ್ಯಸೂತ್ರಲಸತ್ಕಟಿಃ |
ವಾದಿರಾಜಃ ಪಾತು ಚೋರೂ ಮೋಚಾಯುಗ ಸಮಪ್ರಭಃ || ೧೨ ||

ವಾದಿರಾಜಃ ಪಾತು ಜಂಘೇ ಹಯಾನನನತಿಪ್ರಿಯಃ |
ವಾದಿರಾಜಃ ಪಾತು ಪಾದೌ ಕೃತ ಭೂಸತ್ಪ್ರದಕ್ಷಿಣಃ || ೧೩ ||

ತಪೋಮಯ ತನುಃ ಶ್ರೀಮಾನ್ ಪಾತು ಮೇ ಸರ್ವತಸ್ತನುಮ್ |
ವಾದೀಂದ್ರಃ ಪೂರ್ವತಃ ಪಾತು ದಿವ್ಯದಂಡಸ್ತು ದಕ್ಷಿಣೇ || ೧೪ ||

ಯೋಗೀಂದ್ರಃ ಪಶ್ಚಿಮೇ ಪಾತು ವಾಮೇ ಕವಿಕುಲಾಗ್ರಣೀಃ ||
ಆಗ್ನೇಯ್ಯಾಂ ಭೂಸುರ: ಪಾತು ನೈರುತ್ಯಾಂ ಮಂಗಲಪ್ರದಃ || ೧೫ ||

ಹನುಮತ್ತಿಂಕರಃ ಪಾತು ವಾಯವ್ಯಾಂ ಭಕ್ತವತ್ಸಲಃ |
ಈಶಾನ್ಯಾಂ ಪಾತು ಶುಖದಃ ಸರ್ವಾಶುಭ ನಿವರ್ತಕಃ || ೧೬ ||

ವಾದಿರಾಜಃ ಪಾತು ಚೋರ್ಧ್ವಮೂರ್ಧ್ವರೇತೋಗ್ರಣೀಃ ಸದಾ |
ವಾದಿರಾಜಸ್ತ್ವಧಃ ಪಾತು ತಮೋದ್ವಾರ ನಿವರ್ತಕಃ || ೧೭ ||

ಓಉಮ್ ನಮೋ ವಾದಿರಾಜಾಯ ದೀರ್ಘದಾರಿದ್ರ್ಯ ಘಾತಿನೇ |
ರಾಜಭೋಗಪ್ರದಾತ್ರೇ ಚ ನಮೋಽಸ್ತು ಜಯದಾಯಿನೇ || ೧೮ ||

ಮೂಕಮಾವಿಶ್ಯ ಮಾಂ ಸಾಕ್ಷಾದ್ ವಾದಿರಾಜಗುರೂದಿತಮ್ |
ಯ ಏತತ್ ಪಠತೇ ಭಕ್ತ್ಯಾ ಬಂಧಪಾಶಾದ್ ವಿಮುಚ್ಯತೇ || ೧೯ ||

ಶ್ರೀವಾದಿರಾಜಕವಚಾದ್ ಅಸುತಾ ಸಸುತಾ ಭವೇತ್ |
ನಾರೀ ನರೋಽಥ ಶೂದ್ರೋ ವಾ ಸರ್ವದೇದಂ ಪಠೇದ್ಯದಿ || ೨೦ ||

ಧರ್ಮಾರ್ಥಕಾಮಮೋಕ್ಷಾದೀನ್ ಲಭತೇ ನಾತ್ರ ಸಂಶಯಃ |
ಶ್ರೀವಾದಿರಾಜಕವಚಂ ಭಕ್ತಿಯುಕ್ತಃ ಪಠೇದ್ ಧ್ರುವಮ್ || ೨೧ ||

ಮನಸಾ ಚಿಂತಿತಂ ಹ್ಯರ್ಥಂ ಪ್ರಾಪ್ನೋತಿ ಸುಖಸಂತತಮ್ |
ಭವೇತ್ಸರ್ವತ್ರ ವಿಜಯೀ ವಿದ್ವಾನ್ ದುರ್ವಾದಿಸೈನ್ಯತಃ || ೨೨ ||

ಸರ್ಪವೃಶ್ಚಿಕ ಸಂಭೂತ ವಿಷವಿದ್ರಾವಕಾರಣಮ್ |
ಮೂಕೋ ಹ್ಯಮೂಕತಾಂ ಯಾತಿ ಮೂರ್ಖೋ ವಿದ್ವತ್ತ್ವಮಾಪ್ನುಯಾತ್ || ೨೩ ||

ಕುಷ್ಠೀ ಶಿಷ್ಟತ್ವಮಾಪ್ನೋತಿ ರೋಗಿ ರೋಗವಿಯೋಗವಾನ್ ||
ಕವಚಸ್ಯಾಖ್ಯ ಪಠನಾಟ್ ಭಕ್ತಿಯುಕ್ತೇನ ಚೇತಸಾ ||೨೪ ||

ಯ ಏತತ್ ಕವಚಂ ವಿದ್ವಾನ್ ಲಿಖಿತ್ವಾ ಪೂಜಯೇದ್ಯದಿ |
ಭೂರ್ಜೇವಾ ತಾಲಪತ್ರೇ ವಾ ಸರ್ವಸಿದ್ಧಿಮವಾಪ್ನುಯಾತ್ || ೨೫ ||

ಗಂಗಾತೀರನಿವಾಸಿನಾ ಕೃತಮಿದಂ ನಾರಾಯಣಾಖ್ಯಾಯುಜಾ |
ದಿವ್ಯಂ ಸದ್ವರವಾದಿರಾಜಕವಚಂ ತತ್ಸರ್ವದಾ ಯಃ ಪಠೇತ್ ||
ಸದ್ಬಕ್ತ್ಯಾ ಸತತಂ ಸುಶಾಸ್ತ್ರಸುರತಿಂ ಭಕ್ತಿಂ ರಮೇಶೇನಿಶಮ್ |
ಭುಕ್ತಿಂ ಚಾಪಿ ಪರತ್ರ ಮುಕ್ತಿಮಿಹ ಸದ್ವಿದ್ಯಾಂ ಯಶಃ ಪ್ರಾಪ್ನುಯಾತ್ || ೨೬ ||

ವಿಮಲಸಕಲಗಾತ್ರಂ ಶುದ್ಧಕೈವಲ್ಯಪಾತ್ರಂ |
ಶುಭಗುಣಗಣಸಾಂದ್ರಂ ಭೂಮೀಭೂಷಾಮಣೀಂದ್ರಮ್ ||
ವಿದಿತಸಕಲಶಾಸ್ತ್ರಂ ಸಾಧುಚಿತ್ತಂ ಯತೀಂದ್ರಂ
ತುರಗವದನಭಾಜಂ ನೌಮಿ ಸದ್ವಾದಿರಾಜಮ್ || ೨೭ ||

ಮಾಯೀಭವೈರಿಣೇ ಮಾಧ್ವರಾದ್ದಾಂತವನಚಾರಿಣೇ |
ವಚೋನಖರಿಣೇ ವಾದಿರಾಜಕೇಸರಿಣೇ ನಮಃ || ೨೮ ||

ಕಾಮಧೇನುರ್ಯಥಾ ಪೂರ್ವಂ ಸರ್ವಾಭೀಷ್ಟಫಲಪ್ರದಾ ||
ತಥಾಕಲೌ ವಾದಿರಾಜಃ ಶ್ರೀಪಾದೋಽಭೀಷ್ಟದಃಸ್ಸತಾಂ || ೨೯ ||

ತಪೋವಿದ್ಯಾವಿರಕ್ತ್ಯಾದಿ ಸದ್ಗುಣೌಘಾಕರಾನಹಮ್ ||
ವಾದಿರಾಜಗುರೂನ್ ವಂದೇ ಹಯಗ್ರೀವದಯಾಶ್ರಯಾನ್ || ೩೦ ||

ಹಯಗ್ರೀವ ದಯಾಂಭೋಜಲೋಲಭೃಂಗಂ ಸತಾಂ ಗುರುಮ್ ||
ನಮಾಮಿ ಶ್ರೀ ವಾದಿರಾಜಂ ಜ್ಞಾನವೈರಾಗ್ಯ ಸಂಪದಮ್ || ೩೧ ||

ಕುಷ್ಠಾಪಸ್ಮಾರ ಲೂತಾದಿನ್ ಬಾಲಸ್ಫೋಟಾದಿಕಾನ್ ಬಹೂನ್ |
ಮೃತ್ತಿಕಾ ನಾಶಯತ್ಯೇವ ವೃಂದಾವನಗತಾಮುನೇಃ || ೩೨ ||

ವಾದಿರಾಜಗುರೋಃ ಪಾದಸಲಿಲಸ್ಯ ಚ ಪಾನತಃ |
ಅಪಮೃತ್ಯುಂ ಜಯತ್ಯಾಶು ತಥಾ ಸೌಖ್ಯಮವಾಪ್ನುಯಾತ್ || ೩೩ ||

|| ಇತಿ ಶ್ರೀವಾದಿರಾಜ ಕವಚಂ ಸಂಪೂರ್ಣಮ್ ||

---

BrAjallalATE lasadUrdhavapuMDraM
svaMgArarEKAMkitamadhyadESam |
AkaMThamAnABi sulaMbamAnAM mAlAM
tulasyakShamayIM dadhAnam || 1 ||

SrImudrayA cihnita sarvagAtraM karOllasat SrI japamAlikaM param ||
hRutpuMDarIkastha SuBAMbarasthaM SrIvAjivaktraM satataM smaraMtam || 2 ||

jitAriShaDvarga hRutAGarASiM kUrmAsanasthaM sutapaH praBAvam ||
SrImad hayagrIva dayaikapAtraM SamAdisaMpattiyutaM virAgiNam || 3 ||

sacCAstraniShkaM BuvirAjamAnaM vAdIBasiMhaM sumata pratiShThitam |
EvaM munIMdraM kavi vAdirAjaM dhyAtvA tadIyaM kavacaM paThEtsudhIH || 4 ||

sadA&vadhUtashEkharaM kharAripAdamAshritaM |
shritArtihAriNaM dRutaM guruM hRudisthitaM bhajE || 5 ||

gurumaKalaguNaj~jaM sadguNaikAdhivAsaM |
SamadamapariniShThaM satvaniShThaM variShTham ||
sakalasujanaSiShTaM nityanirdhUta kaShTaM |
hayamuKapadaniShThaM mAM BajaMtu prapannAH || 6 ||

vAdirAjaH SiraH pAtu BaktatrANakRutOdBavaH
vAdirAjaH pAtu PAlaM jagadvaMdyapadAMbujaH || 7 ||

vAdirAjaH pAtunEtrE dRuShTaBUtIrthasAgaraH |
vAdirAjaH SrutI pAtu Srutyartha kRutacArudhIH || 8 ||

vAdirAjaH pAtu nAsAM prANAyAma parAyaNaH |
vAdirAjaH pAtu vaktraM hayagrIva stutipriyaH || 9 ||

vAdirAjO&dharaM pAtu madhurIkRutanisvanaH |
vAdirAjaH pAtu kaMThaM citrasaMgItasusvanaH || 10 ||

vAdirAjaH pAtu Bujau taptAyudhala sadBujaH |
vAdirAjaH pAtu karau vAjivaktrAMghripUjakaH || 10 ||

vAdirAjaH pAtu cittaM pUrNa vidyAhRudaMbujaH |
vAdirAjaH pAtu nABiM padmanABa stutipriyaH || 11 ||

vAdirAjaH pAtu kaTiM divyasUtralasatkaTiH |
vAdirAjaH pAtu cOrU mOcAyuga samapraBaH || 12 ||

vAdirAjaH pAtu jaMGE hayAnananatipriyaH |
vAdirAjaH pAtu pAdau kRuta BUsatpradakShiNaH || 13 ||

tapOmaya tanuH SrImAn pAtu mE sarvatastanum |
vAdIMdraH pUrvataH pAtu divyadaMDastu dakShiNE || 14 ||

yOgIMdraH paScimE pAtu vAmE kavikulAgraNIH ||
AgnEyyAM BUsura: pAtu nairutyAM maMgalapradaH || 15 ||

hanumattiMkaraH pAtu vAyavyAM BaktavatsalaH |
ISAnyAM pAtu SukhadaH sarvASuBa nivartakaH || 16 ||

vAdirAjaH pAtu cOrdhvamUrdhvarEtOgraNIH sadA |
vAdirAjastvadhaH pAtu tamOdvAra nivartakaH || 17 ||

Oum namO vAdirAjAya dIrghadAridrya GAtinE |
rAjaBOgapradAtrE ca namO&stu jayadAyinE || 18 ||

mUkamAviSya mAM sAkShAd vAdirAjagurUditam |
ya Etat paThatE BaktyA baMdhapASAd vimucyatE || 19 ||

SrIvAdirAjakavacAd asutA sasutA BavEt |
nArI narO&tha SUdrO vA sarvadEdaM paThEdyadi || 20 ||

dharmArthakAmamOkShAdIn laBatE nAtra saMSayaH |
SrIvAdirAjakavacaM BaktiyuktaH paThEd dhruvam || 21 ||

manasA ciMtitaM hyarthaM prApnOti suKasaMtatam |
BavEtsarvatra vijayI vidvAn durvAdisainyataH || 22 ||

sarpavRuScika saMBUta viShavidrAvakAraNam |
mUkO hyamUkatAM yAti mUrkhO vidvattvamApnuyAt || 23 ||

kuShThI SiShTatvamApnOti rOgi rOgaviyOgavAn ||
kavacasyAkhya paThanAT bhaktiyuktEna chEtasA ||24 ||

ya Etat kavacaM vidvAn liKitvA pUjayEdyadi |
BUrjEvA tAlapatrE vA sarvasiddhimavApnuyAt || 25 ||

gaMgAtIranivAsinA kRutamidaM nArAyaNAKyAyujA |
divyaM sadvaravAdirAjakavacaM tatsarvadA yaH paThEt ||
sadbaktyA satataM suSAstrasuratiM BaktiM ramESEniSam |
BuktiM cApi paratra muktimiha sadvidyAM yaSaH prApnuyAt || 26 ||

vimalasakalagAtraM SuddhakaivalyapAtraM |
SuBaguNagaNasAMdraM BUmIBUShAmaNIMdram ||
viditasakalaSAstraM sAdhucittaM yatIMdraM
turagavadanaBAjaM naumi sadvAdirAjam || 27 ||

mAyIBavairiNE mAdhvarAddAMtavanacAriNE |
vacOnaKariNE vAdirAjakEsariNE namaH || 28 ||

kAmadhEnuryathA pUrvaM sarvABIShTaphalapradA ||
tathAkalau vAdirAjaH SrIpAdO&BIShTadaHssatAM || 29 ||

tapOvidyAviraktyAdi sadguNauGAkarAnaham ||
vAdirAjagurUn vaMdE hayagrIvadayASrayAn || 30 ||

hayagrIva dayAMBOjalOlaBRuMgaM satAM gurum ||
namAmi SrI vAdirAjaM j~jAnavairAgya saMpadam || 31 ||

kuShThApasmAra lUtAdin bAlasPOTAdikAn bahUn |
mRuttikA nASayatyEva vRuMdAvanagatAmunEH || 32 ||

vAdirAjagurOH pAdasalilasya ca pAnataH |
apamRutyuM jayatyASu tathA sauKyamavApnuyAt || 33 ||

|| iti SrIvAdirAja kavacaM saMpUrNam ||