ಸುಲಭೋ ಭಕ್ತಿ ಯುಕ್ತಾನಾಮ್ | ದುರ್ದರ್ಶೋ ದುಷ್ಟಚೇತಸಾಮ್ |
ಅನನ್ಯ ಗತಿಕಾನಾಮ್ ಚ | ಪ್ರಭುಃ ಭಕ್ತೈಕ ವತ್ಸಲಃ || ೧ ||
ಶನೈಶ್ಚರಸ್ತತ್ರ ನೃಸಿಂಹ ದೇವ |
ಸ್ತುತಿಂ ಚಕಾರಾಮಲ ಚಿತ್ತ ವೃ ತ್ತಿಃ |
ಪ್ರಣಮ್ಯ ಸಾಷ್ಟಾಂಗಮಶೇಷ ಲೋಕ |
ಕಿರೀಟ ನೀರಾಜಿತ ಪಾದ ಪದ್ಮಮ್ || ೨ ||
ಶ್ರೀ ಶನಿರುವಾಚ –
ಯತ್ಪಾದ ಪಂಕಜರಜಃ ಪರಮಾದರೇಣ
ಸಂಸೇವಿತಂ ಸಕಲಕಲ್ಮಷ ರಾಶಿ ನಾಶಮ್ ||
ಕಲ್ಯಾಣ ಕಾರಕ ಮಶೇಷ ನಿಜಾನುಗಾನಾಮ್ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೩ ||
ಸರ್ವತ್ರ ಚಂಚಲತಯಾ ಸ್ಥಿತಯಾಪಿ ಲಕ್ಷ್ಮ್ಯಾ |
ಬ್ರಹ್ಮಾದಿ ವಂದ್ಯ ಪದಯಾ ಸ್ಥಿರಯಾನ್ಯ ಸೇವಿ ||
ಪಾದಾರವಿಂದ ಯುಗಳಂ ಪರಮಾದ ರೇಣ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೪ ||
ಯದ್ರೂಪ ಮಾಗಮ ಶಿರಃ ಪ್ರತಿಪಾದ್ಯಮಾದ್ಯ |
ಆಧ್ಯಾತ್ಮಿಕಾದಿ ಪರಿತಾಪಹರಂ ವಿಚಿಂತ್ಯಂ ||
ಯೋಗೀಶ್ವರೈರಪಗತಾಖಿ ಲ ದೋಷ ಸಂಘೈಃ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೫ ||
ಪ್ರಹ್ಲಾದ ಭಕ್ತವಚಸಾ ಹರಿರಾವಿರಾಸ |
ಸ್ತಂಭೇ ಹಿರಣ್ಯ ಕಶಿಪುಂ ಯ ಉದಾರಭಾವಃ ||
ಊರ್ವೋರ್ನಿಧಾಯ ಉದರಂ ನಖರೈರ್ದದಾರ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೬ ||
ಯೋ ನೈಜ ಭಕ್ತ ಮನಲಾಂಬುಧಿ ಭೂಧರೋಗ್ರ |
ಶೃಂಗಪ್ರಪಾತವಿಷ ದಂತಿ ಸರೀಸೃಪೇಭ್ಯಃ ||
ಸರ್ವಾತ್ಮಕಃ ಪರಮ ಕಾರುಣಿಕೋ ರರಕ್ಷ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೭ ||
ಯನ್ನಿರ್ವಿಕಾರ ಪರರೂಪ ವಿಚಿಂತನೇನ |
ಯೋಗೀಶ್ವರಾ ವಿಷಯ ವೀತ ಸಮಸ್ತ ರಾಗಾಃ ||
ವಿಶ್ರಾಂತಿಮಾಪುರ ವಿನಾಶವತೀಮ್ ಪರಾಖ್ಯಾಮ್ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೮ ||
ಯದ್ರೂಪ ಮುಗ್ರ ಪರಿಮರ್ದನ ಭಾವಶಾಲೀ |
ಸಂಚಿಂತನೇನ ಸಕಲಾಘ ವಿನಾಶ ಕಾರೀ ||
ಭೂತಜ್ವರ ಗ್ರಹ ಸಮುದ್ಭವ ಭೀತಿ ನಾಶಂ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೯ ||
ಯಸ್ಯೋತ್ತಮಮ್ ಯಶ ಉಮಾಪತಿ ಪದ್ಮ ಜನ್ಮ |
ಶಕ್ರಾದಿ ದೈವತ ಸಭಾಸು ಸಮಸ್ತ ಗೀತಮ್ ||
ಶಕ್ತ್ಯೈವ ಸರ್ವಶಮಲ ಪ್ರಶಮೈಕದಕ್ಷಮ್ |
ಸ ತ್ವಂ ನೃಸಿಂಹ ಮಯಿ ಧೇಹಿ ಕೃಪಾವಲೋಕಮ್ || ೧೦ ||
ಏವಂ ಶ್ರುತ್ವಾ ಸ್ತುತಿಂ ದೇವಃ | ಶನಿನಾ ಕಲ್ಪಿತಾಮ್ ಹರಿಃ ||
ಉವಾಚ ಬ್ರಹ್ಮ ವೃಂದಸ್ಥ | ಶನಿಂ ತಮ್ ಭಕ್ತ ವತ್ಸಲಃ || ೧೧ ||
ಶ್ರೀ ನೃಸಿಂಹ ಉವಾಚ –
ಪ್ರಸನ್ನೋ. (ಅ) ಹಮ್ ಶನೇ ತುಭ್ಯಂ | ವರಂ ವರಯ ಶೋಭನಮ್ ||
ಯಂ ವಾಂಛಸಿ ತಮೇವ ತ್ವಂ | ಸರ್ವಲೋಕ ಹಿತಾ ವಹಮ್ || ೧೨ ||
ಶ್ರೀ ಶನಿರುವಾಚ –
ನೃಸಿಂಹ ತ್ವಂ ಮಯಿ ಕೃಪಾಂ | ಕುರು ದೇವ ದಯಾನಿಧೇ ||
ಮದ್ವಾಸರಸ್ತವ ಪ್ರೀತಿ | ಕರಃ ಸ್ಯಾತ್ ದೇವತಾ ಪತೇ || ೧೩ ||
ಮತ್ಕೃತಮ್ ತ್ವತ್ಪರಮ್ ಸ್ತೋತ್ರಮ್ | ಶ್ರುಣ್ವಂತಿ ಚ ಪಠಂತಿ (ಚ ) ಯೇ ||
ಸರ್ವಾನ್ ಕಾಮಾನ್ ಪೂರಯೇಥಾಃ | ತೇಷಾಮ್ ತ್ವಂ ಲೋಕ ಭಾವನ || ೧೪ ||
ಶ್ರೀ ನೃಸಿಂಹ ಉವಾಚ:
ತಥೈವಾಸ್ತು ಶನೇ.(ಅ)ಹಮ್ ವೈ | ರಕ್ಷೋ ಭುವನ ಸಂಸ್ಥಿತಃ ||
ಭಕ್ತ ಕಾಮಾನ್ ಪೂರಯಿಷ್ಯೇ ( ಪ್ರದಾಸ್ಯಾಮಿ ) | ತ್ವಂ ಮಮೈಕಂ ವಚಃ ಶೃಣು || ೧೫ ||
ತ್ವತ್ಕೃತಮ್ ಮತ್ಪರಂ ಸ್ತೋತ್ರಮ್ | ಯಃ ಪಠೇಚ್ಛ್ರುಣುಯಾಚ್ಚ ಯಃ ||
ದ್ವಾದಶಾಷ್ಟಮ ಜನ್ಮಸ್ಥಾತ್ | ತ್ವದ್ಭಯಂ ಮಾಸ್ತು ತಸ್ಯ ವೈ || ೧೬ ||
ಶನಿರ್ನರಹರಿಮ್ ದೇವಮ್ | ತಥೇತಿ ಪ್ರತ್ಯುವಾಚ ಹ ||
ತತಃ ಪರಮ ಸಂತುಷ್ಟಾಃ | ಜಯೇತಿ ಮುನಯೋ (ಸ್)ವದನ್ || ೧೭ ||
ಶ್ರೀ ಕೃಷ್ಣ ಉವಾಚ –
ಇತ್ಥಂ ಶನೈಶ್ಚರ ಸ್ಯಾಥ ನೃಸಿಂಹ ದೇವ | ಸಂವಾದ ಮೇತತ್ ಸ್ತವನಂ ಚ ಮಾನವಃ ||
ಶೃಣೋತಿ ಯಃ ಶ್ರಾವಯತೇ ಚ ಭಕ್ತ್ಯಾ | ಸರ್ವಾಣ್ಯಭೀಷ್ಟಾನಿ ಚ ವಿಂದತೇ ಧ್ರುವಮ್ || ೧೮ ||
ಇತಿ ಶ್ರೀಭವಿಷ್ಯೋತ್ತರ ಪುರಾಣೇ ರಕ್ಷೋಭುವನ
ಮಾಹಾತ್ಮ್ಯೇ ಶ್ರೀ ಶನೈಶ್ಚರ ಕೃತ ಶ್ರೀ
ನೃಸಿಂಹಸ್ತುತಿಃ ಸಂಪೂರ್ಣಮ್ |
ಶ್ರೀ ಶನೈಶ್ಚರಾಂತರ್ಗತ ಶ್ರೀ ಮುಖ್ಯ
ಪ್ರಾಣಾಂತರ್ಗತ ಶ್ರೀ ಲಕ್ಷ್ಮೀ ನೃಸಿಂಹಃ ಪ್ರೀಯತಾಮ್ |
ಶ್ರೀ ಕೃಷ್ಣಾರ್ಪಣಮಸ್ತು |
sulaBO Bakti yuktAnAm | durdarSO duShTacEtasAm |
ananya gatikAnAm ca | praBuH Baktaika vatsalaH || 1 ||
SanaiScarastatra nRusiMha dEva |
stutiM cakArAmala citta vRu ttiH |
praNamya sAShTAMgamaSESha lOka |
kirITa nIrAjita pAda padmam || 2 ||
SrI SaniruvAca –
yatpAda paMkajarajaH paramAdarENa
saMsEvitaM sakalakalmaSha rASi nASam ||
kalyANa kAraka maSESha nijAnugAnAm |
sa tvaM nRusiMha mayi dhEhi kRupAvalOkam || 3 ||
sarvatra caMcalatayA sthitayApi lakShmyA |
brahmAdi vaMdya padayA sthirayAnya sEvi ||
pAdAraviMda yugaLaM paramAda rENa |
sa tvaM nRusiMha mayi dhEhi kRupAvalOkam || 4 ||
yadrUpa mAgama SiraH pratipAdyamAdya |
AdhyAtmikAdi paritApaharaM viciMtyaM ||
yOgISvarairapagatAKi la dOSha saMGaiH |
sa tvaM nRusiMha mayi dhEhi kRupAvalOkam || 5 ||
prahlAda BaktavacasA harirAvirAsa |
staMBE hiraNya kaSipuM ya udAraBAvaH ||
UrvOrnidhAya udaraM naKarairdadAra |
sa tvaM nRusiMha mayi dhEhi kRupAvalOkam || 6 ||
yO naija Bakta manalAMbudhi BUdharOgra |
SRuMgaprapAtaviSha daMti sarIsRupEByaH ||
sarvAtmakaH parama kAruNikO rarakSha |
sa tvaM nRusiMha mayi dhEhi kRupAvalOkam || 7 ||
yannirvikAra pararUpa viciMtanEna |
yOgISvarA viShaya vIta samasta rAgAH ||
viSrAMtimApura vinASavatIm parAKyAm |
sa tvaM nRusiMha mayi dhEhi kRupAvalOkam || 8 ||
yadrUpa mugra parimardana BAvaSAlI |
saMciMtanEna sakalAGa vinASa kArI ||
BUtajvara graha samudBava BIti nASaM |
sa tvaM nRusiMha mayi dhEhi kRupAvalOkam || 9 ||
yasyOttamam yaSa umApati padma janma |
SakrAdi daivata saBAsu samasta gItam ||
Saktyaiva sarvaSamala praSamaikadakSham |
sa tvaM nRusiMha mayi dhEhi kRupAvalOkam || 10 ||
EvaM SrutvA stutiM dEvaH | SaninA kalpitAm hariH ||
uvAca brahma vRuMdastha | SaniM tam Bakta vatsalaH || 11 ||
SrI nRusiMha uvAca –
prasannO. (a) ham SanE tuByaM | varaM varaya SOBanam ||
yaM vAMCasi tamEva tvaM | sarvalOka hitA vaham || 12 ||
SrI SaniruvAca –
nRusiMha tvaM mayi kRupAM | kuru dEva dayAnidhE ||
madvAsarastava prIti | karaH syAt dEvatA patE || 13 ||
matkRutam tvatparam stOtram | SruNvaMti ca paThaMti (ca ) yE ||
sarvAn kAmAn pUrayEthAH | tEShAm tvaM lOka BAvana || 14 ||
SrI nRusiMha uvAca:
tathaivAstu SanE.(a)ham vai | rakShO Buvana saMsthitaH ||
Bakta kAmAn pUrayiShyE ( pradAsyAmi ) | tvaM mamaikaM vacaH SRuNu || 15 ||
tvatkRutam matparaM stOtram | yaH paThEcCruNuyAcca yaH ||
dvAdaSAShTama janmasthAt | tvadBayaM mAstu tasya vai || 16 ||
Sanirnaraharim dEvam | tathEti pratyuvAca ha ||
tataH parama saMtuShTAH | jayEti munayO (s)vadan || 17 ||
SrI kRuShNa uvAca –
itthaM SanaiScara syAtha nRusiMha dEva | saMvAda mEtat stavanaM ca mAnavaH ||
SRuNOti yaH SrAvayatE ca BaktyA | sarvANyaBIShTAni ca viMdatE dhruvam || 18 ||
iti SrIBaviShyOttara purANE rakShOBuvana
mAhAtmyE SrI SanaiScara kRuta SrI
nRusiMhastutiH saMpUrNam |
SrI SanaiScarAMtargata SrI muKya
prANAMtargata SrI lakShmI nRusiMhaH prIyatAm |
SrI kRuShNArpaNamastu |
Leave a Reply