ಶ್ರೀ ಗೋಪಾಲದಾಸಾರ್ಯ ವಿರಚಿತ ಪ್ರಾರ್ಥನಾ ಸುಳಾದಿ
ರಾಗ ನೀಲಾಂಬರಿ
ಧ್ರುವತಾಳ
ಏಸೇಸು ಜನ್ಮಂಗಳು ಎನಗೆ ಬಂದು ಪೋದವು
ನಾಶವಾಗಲಿಲ್ಲ ಮನದ ಆಶೆ
ಬೇಸರವಾಗಲಿಲ್ಲ ವಿಷಯಂಗಳಿಂದ ಬುದ್ಧಿ
ಸಾಸಿರದೊಳಗೊಂದು ಪಾಲಾದರು
ನಾಶ ಗೈಸಿತು ಹೀಗೆ ನಾನಾ ಹಿಂದಿನ ಜನ್ಮ
ಈ ಶರೀರವು ಧರಿಸಿ ಇಲ್ಲೆ ಬಂದೆ
ಭೂಸುರರ ಜನ್ಮದಿ ಬಂದೆ ಬಹು ಸುಕೃತ
ರಾಶಿ ಪುಣ್ಯಗಳು ಕೆಡಲಾಗಿ
ವಾಸೆ ಮತ್ತೇನಿದಕೆ ಬಾಳಿದದಕೆ ವಿಷಯ
ರಾಶಿ ಘಳಿಸಿ ಉಂಡದ್ದೆ ಮಹಾಫಲವೇ
ದೇಶ ಕಾಲ ನೋಡಲು ಅನುಕೂಲವಾಗಿಹದು
ವಾಸುದೇವನೆ ನಿನ್ನ ಇಚ್ಛೆ ಒಂದೇ
ಏಸು ಮಾತು ನಾನು ಆಡಿದರೇನು ನಿನ್ನ
ದಾಸರ ದಾಸತನ ಉಂಟಾಗಿತ್ತೆ
ಈ ಸಮಯವೆ ನೋಡು ಎನ್ನ ಉದ್ಧರಿಸಲಿ
ದೋಷರಹಿತ ಜ್ಞಾನಾನಂದಪೂರ್ಣ
ಲೇಶವಾದರು ಎನಗೆ ನಿನ್ನ ತಿಳಿಯೋ ವಿಷಯದಲ್ಲಿ
ಸಂಶಯ ಎಂಬೊದುಂಟೇನು ಸರ್ವೇಶ್ವರಾ
ಸಂಶಯ ಮಿಶ್ರ ಜ್ಞಾನಿ ಆನಲ್ಲಹುದಲ್ಲವೊ
ವಿಶೇಷವಾಗಿ ನೀನು ಅರಿಯದಿದ್ದೇ
ನೀ ಸ್ವತಂತ್ರನು ನಿನಗೆ ಬೇಕು ಬೇಡೆಂಬರಿಲ್ಲ
ಈ ಸಥೆ ಮಾತು ನೀ ಕೊಟ್ಟದ್ದಲ್ಲೆ
ಈಷಣತ್ರಯದಲ್ಲಿಗೆಳೆವದೆನ್ನ ಮನ ಸ –
ರ್ವೇಶನೆ ನಿನ್ನ ಕಡೆ ಮಾಡಬಹುದೋ
ನಾಶರಹಿತ ಶ್ರೀಶ ಗೋಪಾಲವಿಠ್ಠಲ
ಶಾಶ್ವಿತವಾಗಿ ವಾಸವಾದ ಮೂರ್ತಿ || ೧ ||
ಮಠ್ಯತಾಳ
ಕಾಣೆನೋ ಕಾಣೆನೋ ಕಡೆ ಗಟ್ಟಿಸುವರ
ಜ್ಞಾನ ಪೇಳುವರ ಕಾಣೆ ಖೂನ ವರಿತು ಇನ್ನು
ಗೇಣು ಮುಂದಕೆ ಸಾಗಿ ಮೊಳ ಹಿಂದಾಗುವದು
ಕಾಣಿ ಪೋದರೆ ಎನ್ನ ಪ್ರಾಣ ಒಪ್ಪಿಸುವೇನೋ
ಹೀನ ಜಯಾದಿಗಳೇನು ತಿಳಿಯಲಿಲ್ಲ
ಶ್ವಾನ ಬುದ್ಧಿಯವನೋ ನಾನು ಕುಯೋಚಿಸುವೆ
ಜ್ಞಾನವಂತರ ಸಂಗ ಏನೆಂತಾಗುವುದೋ
ಗೋಣು ಹಿಸುಕುವ ಜನರ ಸಂಗವು ಬಹಳ
ಶ್ರೀನಿವಾಸ ಶ್ರೀಶ ಗೋಪಾಲವಿಠ್ಠಲನಾ
ನಿನ್ನವರವನೋ ಏನು ಮಾಡಿಸಿದರೂ || ೨ ||
ರೂಪಕತಾಳ
ಇಂದ್ರಿಯಂಗಳನಿತ್ತೆ ಅದಕೆ ವಿಷಯಂಗಳಿತ್ತೆ
ಒಂದರ ಸಾಧನಂಗಳು ಒಂದಕ್ಕಾಗುವೆ ಅಯ್ಯಾ
ಚಂದದಿ ನಿನ್ನ ಕಥೆಯ ಕೇಳ್ವ ಕರ್ಣ
ಮಂದಿಯ ವಾರ್ತೆ ಕೇಳಲಿ ಮರುಳಾದವೊ
ಸುಂದರ ನಿನ್ನ ಮೂರ್ತಿಯ ನೋಳ್ಪ ಅಕ್ಷಿಗಳು
ಸೌಂದರ್ಯ ಸ್ತ್ರೀಯರ ನೋಡ ತಿರುಗಿದವಯ್ಯ
ಇಂದಿರಾಪತಿ ಮುಡಿದ ಗಂಧ ನಿರ್ಮಾಲ್ಯ ಬಿಟ್ಟು
ಇಂದೀವರ ಮುಖಿಯರ ಮೊಗಕೆ ಗಂಧೇಂದ್ರಿ ವೆರಗಿತು
ಹೊಂದಿ ನಿನ್ನಾಲಿಂಗನ ಮಾಳ್ಪ ಸ್ಪರಿಶೇಂದ್ರಿಯ
ಮಂದ ಸ್ತ್ರೀಯರ ಮೈಯ್ಯಾಲಿಂಗನಿಗೆಳೆವದು
ಅಂದದಿ ಸುಜನರರ್ಪಿಸಿ ಅನ್ನಂಗಳ ಬಿಟ್ಟು
ಮಂದ ಜನರ ಮನೆಯ ರಸಂಗಳ ಬಯಸುವೆ
ಇಂದ್ರಿಯಂಗಳು ಎಲ್ಲ ಈ ಪರಿ ವೆಚ್ಚಾಗೆ
ಮುಂದೆನ್ನ ಗತಿಯೇನು ಮುಕ್ಕುಂದನೆ
ಕಂದರ್ಪಜನಕ ಗೋಪಾಲವಿಠ್ಠಲರೇಯಾ
ಬಂಧು ಕರುಣಸಿಂಧು ಗತಿ ನೀನೆ ಎಂದು || ೩ ||
ಝಂಪೆತಾಳ
ಮದುವೆ ಆಗುವದಕೆ ಮಾಡಿದ ಸಾಧನವು
ವಧೆಯ ನಂತರ ಉತ್ತರಕ್ರಿಯಕೆ ಆದಂತೆ
ಉದರಗೋಸುಗ ಮಾಡಿ ಇಟ್ಟ ಅನ್ನವನೊಯ್ದು
ಉದರದ ಮೇಲೆ ಇಡಲು ಕ್ಷುಧೆ ಪೋಪದೇ
ಬಧಿರನ ಮುಂದೆ ಗಾಯನವ ಮಾಡಿದಂತೆ
ಬದುಕು ಎನ್ನದಯ್ಯ ಕೊನೆಗೆ ನೋಡಾ
ಒದಗಿ ಬಾಹೋ ಪಯಣದ ಗತಿ ತಪ್ಪದು
ಉದಯ ರಾತ್ರಿ ಮಧ್ಯೆ ಆವದರಿಯೇ
ಇದೆ ಸಮಯ ಮೀರಿದರೆ ಮುಂದ್ಯಾರು ಅನ್ಯಾರು
ನದಿಗಳ ಥೆರೆಯಂತೆ ಜನನ ಮರಣ
ವಿಧಿಕುಲವು ಸುಮ್ಮನೆ ಬಾಹೋದಿಲ್ಲವೂ
ವಿಧಿಜನಕನನ್ನು ತಿಳಿವದು ಇಲ್ಲವೆ
ಸುದರಶನ ಪಾಂಚಜನ್ಯ ಚಕ್ರಪಾಣಿ
ಮಧುಸೂದನ ಮಹದಾದಿ ದೈವ
ಕದನ ಕರ್ಕಶ ಮಲ್ಲರ ವೈರಿ ಹೃಷಿಕೇಶ
ಅದುಭೂತ ಮಹಿಮನೆ ಅಲೌಕಿಕ
ಬುಧಜನಪ್ರೀಯ ಗೋಪಾಲವಿಠ್ಠಲ
ವಿಧಿ ನಿಷೇಧಕೆ ನೀನೇ ನಿಯಾಮಕ || ೪ ||
ತ್ರಿಪುಟತಾಳ
ಚಿಂತಾಮಣಿಗಾದರು ಬೆಲೆಯ ಕಂಡವರುಂಟು
ಕಂಥಿಗೆ ಬೆಲೆಯುಂಟೆ ನಾನಾ ಛಿದ್ರ
ಕಂಥಿಯೊಳಗೆ ಮಣಿಯ ಕಟ್ಟಿದ ಕಾರಣ
ಸಂತ ಜನರು ಬಂದಿದೇ ನೋಳ್ಪರು
ಸಂಥಿಯ ಜನರೆಲ್ಲ ಕಂಥಿಯ ನೋಳ್ಪರ
ಸಂತರು ನೋಳ್ಪಂತೆ ನೋಡುವರು
ಕಂಥಿ ಬಿಡಿಸಿ ಮಣಿಯ ಕಡಿಗೆ ಮಾಡಿದರೆ
ಚಿಂತೆ ಯಾಕೆನ್ನ ಚಿಂತಾಮಣಿ ಚಿಂತಿಪದು
ಕಂಥೆಯಲ್ಲ್ಯಭಿಮಾನ ಎನಗಿದ್ದ ಕಾರಣ
ಸಂತೆ ಜನರು ಇಟ್ಟ ಬೆಲೆಗೆ ಬಳಲುವರಯ್ಯಾ
ಅಂತರ್ಮುಖರೆ ಅದರ ನಿಜ ಬಲ್ಲರಲ್ಲದೆ
ಚಿಂತಿತವಾಗುವದೆ ಸರ್ವರಿಗು
ಶಾಂತಮೂರುತಿ ಶ್ರೀಶ ಗೋಪಾಲವಿಠ್ಠಲ ನೀ
ನಿಂತಲ್ಲಿ ಸಕಲ ನಿಧಾನ ಉಂಟು || ೫ ||
ಅಟ್ಟತಾಳ
ಚೇತನನ್ನ ನೀನು ಜಡ ಮಾಡುವಿ ಅ –
ಚೇತನ ಪಿಡಿದಿನ್ನು ಚೇತನ ಮಾಡುವಿ
ಪಾತಕ ಪಾವನ ಎರಡು ನಿನ್ನಾಧೀನ
ಯಾತರವನು ಅಲ್ಲ ಎಲ್ಲ ನಿನ್ನಾಧೀನ
ಕೋತಿಯ ಮರಿ ತಾನು ಕಚ್ಚಿಕೊಂಡಿದ್ದಂತೆ
ಆ ತೆರವೆ ಅಯ್ಯ ನಿನ್ನ ಹಿಡಿತ ಬಲು –
ಪ್ರೀತಿಬಡಿಸು ಬಲು ಯಾತನೆ ಬಿಡಿಸಿನ್ನು
ಖ್ಯಾತಿ ವಿಖ್ಯಾತಿಯು ನಿನ್ನದೋ ಸರ್ವೇಶ
ಸ್ವಾತಿಹನಿಯ ಕಪ್ಪಚಿಪ್ಪು ಬಯಸಿದಂತೆ
ಆ ತೆರದಲ್ಲಿ ನಿನ್ನ ಕರುಣಾರಸದ ಬಿಂದು
ಯಾತರಿಂದಾಗಲಿ ಎರೆವದಿಂದೆನ್ನಲ್ಲಿ
ಆತುರನಾಗಿ ಕೈಸೋತು ನಿಲ್ಲಿಸಿಯಿಪ್ಪೆ
ಜ್ಯೋತಿರ್ಮಯ ಮೂರ್ತಿ ಗೋಪಾಲವಿಠ್ಠಲ ನೀ
ಪ್ರೀತನಾಗುವ ಸಾಧನವಾನ್ಯಾತರಿಂದಲಿ ತೋರೊ || ೬ ||
ಆದಿತಾಳ
ಕೊರುವವನಾಗಿನ್ನು ಕಾಣಲಿಲ್ಲ
ಕರವು ತುರುವು ಆಗಿ ಕಾಣಲಿಲ್ಲ
ಮರದಿದ್ದ ಮದಡೇರಿ ಕಾಣಲಿಲ್ಲ
ಎರಡು ಪಕ್ಕದಿ ಹಾರಿ ಕಾಣಲಿಲ್ಲ
ಮರವಾಗಿ ಮನೆಯಾಗಿ ಕಾಣಲಿಲ್ಲ
ಎರಳ್ಯಾಗಿ ಕಪಿಯಾಗಿ ಕಾಣಲಿಲ್ಲ
ನೊರಜಾಗಿ ನೆಗಳಾಗಿ ಕಾಣಲಿಲ್ಲ
ಪುರ ನಿರ್ಮಿಸಿ ನಿನ್ನ ಕಾಣಲಿಲ್ಲ
ಗಿರಿ ಗುಹಗಳ ತಾಕಿ ಕಾಣಲಿಲ್ಲ
ಪರಿಪರಿ ವ್ರತ ಉಪವಾಸಂಗಳ ಮಾಡಿ
ಬರಿದೆ ದಂಡಿಸಿ ತನು ಕಾಣಲಿಲ್ಲ
ಬರಿದೆ ಪೋದವು ನಾನಾ ಜನ್ಮಂಗಳು
ಮರಳು ಅಹಂಕಾರದಿ ಮಾಯಕೆ ಸಿಲ್ಕಿನ್ನು
ಅರಿದವ ನೀನಲ್ಲ ನೀನಾರೊ ಆನ್ಯಾರೊ
ಮರುಳಂಗೆ ಶೈವಾಚರಣಿಗೆರಗಿ ಇನ್ನು
ತಿರುಗಿ ಶ್ರೀಚರಣಕ್ಕೆರಗಿ ನಡದೆನಲ್ಲ
ತರಳನ ಅಪರಾಧ ತಾಳಿದೆ ನಿನಗಿನ್ನು
ಸರಿವುಂಟೆ ಸರಿವುಂಟೆ ಕರುಣಾನಿಧೆ
ಎರಡು ವಿಂಶತಿ ವತ್ಸರವಾಯಿತು ಈ
ಹರಣ ಧರಿಸಿ ಕರುಣಾಕರನೆ
ಇರುವ ಬಗೆಗೆ ಎಚ್ಚರಿಸಿದದಕೆ ಎನ್ನ
ಬರಿದೆ ಕಾಲವು ಪೋಗಗೊಡಲಾಗದು
ಗುರುದೇವತಾ ಪ್ರೀತಿ ಆಗಿ ಸಕಲ ಕರ್ಮಾ-
ಚರಣಿಯ ಮಾಡಿಸೊ ಹರೆ ಹರೆ
ಪರಮದಯಾನಿಧೆ ಗೋಪಾಲವಿಠ್ಠಲ
ಇರಳು ಹಗಲು ನಿನ್ನ ಸ್ಮರಣೀಯ ನೀಡೊ || ೭ ||
ಜತೆ
ಸಕಲಕ್ಕೂ ನಿನ್ನ ಬೇಡುವದೇನು ವಿಷಯದಾ –
ಸಕುತಿಯ ಬಿಡಿಸೊ ಗೋಪಾಲವಿಠ್ಠಲರೇಯಾ ||
SrI gOpAladAsArya viracita prArthanA suLAdi
rAga nIlAMbari
dhruvatALa
EsEsu janmaMgaLu enage baMdu pOdavu
nASavAgalilla manada ASe
bEsaravAgalilla viShayaMgaLiMda buddhi
sAsiradoLagoMdu pAlAdaru
nASa gaisitu hIge nAnA hiMdina janma
I SarIravu dharisi ille baMde
BUsurara janmadi baMde bahu sukRuta
rASi puNyagaLu keDalAgi
vAse mattEnidake bALidadake viShaya
rASi GaLisi uMDadde mahAPalavE
dESa kAla nODalu anukUlavAgihadu
vAsudEvane ninna icCe oMdE
Esu mAtu nAnu ADidarEnu ninna
dAsara dAsatana uMTAgitte
I samayave nODu enna uddharisali
dOSharahita j~jAnAnaMdapUrNa
lESavAdaru enage ninna tiLiyO viShayadalli
saMSaya eMboduMTEnu sarvESvarA
saMSaya miSra j~jAni Anallahudallavo
viSEShavAgi nInu ariyadiddE
nI svataMtranu ninage bEku bEDeMbarilla
I sathe mAtu nI koTTaddalle
IShaNatrayadalligeLevadenna mana sa –
rvESane ninna kaDe mADabahudO
nASarahita SrISa gOpAlaviThThala
SASvitavAgi vAsavAda mUrti || 1 ||
maThyatALa
kANenO kANenO kaDe gaTTisuvara
j~jAna pELuvara kANe KUna varitu innu
gENu muMdake sAgi moLa hiMdAguvadu
kANi pOdare enna prANa oppisuvEnO
hIna jayAdigaLEnu tiLiyalilla
SvAna buddhiyavanO nAnu kuyOcisuve
j~jAnavaMtara saMga EneMtAguvudO
gONu hisukuva janara saMgavu bahaLa
SrInivAsa SrISa gOpAlaviThThalanA
ninnavaravanO Enu mADisidarU || 2 ||
rUpakatALa
iMdriyaMgaLanitte adake viShayaMgaLitte
oMdara sAdhanaMgaLu oMdakkAguve ayyA
caMdadi ninna katheya kELva karNa
maMdiya vArte kELali maruLAdavo
suMdara ninna mUrtiya nOLpa akShigaLu
sauMdarya strIyara nODa tirugidavayya
iMdirApati muDida gaMdha nirmAlya biTTu
iMdIvara muKiyara mogake gaMdhEMdri veragitu
hoMdi ninnAliMgana mALpa spariSEMdriya
maMda strIyara maiyyAliMganigeLevadu
aMdadi sujanararpisi annaMgaLa biTTu
maMda janara maneya rasaMgaLa bayasuve
iMdriyaMgaLu ella I pari veccAge
muMdenna gatiyEnu mukkuMdane
kaMdarpajanaka gOpAlaviThThalarEyA
baMdhu karuNasiMdhu gati nIne eMdu || 3 ||
JaMpetALa
maduve Aguvadake mADida sAdhanavu
vadheya naMtara uttarakriyake AdaMte
udaragOsuga mADi iTTa annavanoydu
udarada mEle iDalu kShudhe pOpadE
badhirana muMde gAyanava mADidaMte
baduku ennadayya konege nODA
odagi bAhO payaNada gati tappadu
udaya rAtri madhye AvadariyE
ide samaya mIridare muMdyAru anyAru
nadigaLa thereyaMte janana maraNa
vidhikulavu summane bAhOdillavU
vidhijanakanannu tiLivadu illave
sudaraSana pAMcajanya cakrapANi
madhusUdana mahadAdi daiva
kadana karkaSa mallara vairi hRuShikESa
aduBUta mahimane alaukika
budhajanaprIya gOpAlaviThThala
vidhi niShEdhake nInE niyAmaka || 4 ||
tripuTatALa
ciMtAmaNigAdaru beleya kaMDavaruMTu
kaMthige beleyuMTe nAnA Cidra
kaMthiyoLage maNiya kaTTida kAraNa
saMta janaru baMdidE nOLparu
saMthiya janarella kaMthiya nOLpara
saMtaru nOLpaMte nODuvaru
kaMthi biDisi maNiya kaDige mADidare
ciMte yAkenna ciMtAmaNi ciMtipadu
kaMtheyallyaBimAna enagidda kAraNa
saMte janaru iTTa belege baLaluvarayyA
aMtarmuKare adara nija ballarallade
ciMtitavAguvade sarvarigu
SAMtamUruti SrISa gOpAlaviThThala nI
niMtalli sakala nidhAna uMTu || 5 ||
aTTatALa
cEtananna nInu jaDa mADuvi a –
cEtana piDidinnu cEtana mADuvi
pAtaka pAvana eraDu ninnAdhIna
yAtaravanu alla ella ninnAdhIna
kOtiya mari tAnu kaccikoMDiddaMte
A terave ayya ninna hiDita balu –
prItibaDisu balu yAtane biDisinnu
KyAti viKyAtiyu ninnadO sarvESa
svAtihaniya kappacippu bayasidaMte
A teradalli ninna karuNArasada biMdu
yAtariMdAgali erevadiMdennalli
AturanAgi kaisOtu nillisiyippe
jyOtirmaya mUrti gOpAlaviThThala nI
prItanAguva sAdhanavAnyAtariMdali tOro || 6 ||
AditALa
koruvavanAginnu kANalilla
karavu turuvu Agi kANalilla
maradidda madaDEri kANalilla
eraDu pakkadi hAri kANalilla
maravAgi maneyAgi kANalilla
eraLyAgi kapiyAgi kANalilla
norajAgi negaLAgi kANalilla
pura nirmisi ninna kANalilla
giri guhagaLa tAki kANalilla
paripari vrata upavAsaMgaLa mADi
baride daMDisi tanu kANalilla
baride pOdavu nAnA janmaMgaLu
maraLu ahaMkAradi mAyake silkinnu
aridava nInalla nInAro AnyAro
maruLaMge SaivAcaraNigeragi innu
tirugi SrIcaraNakkeragi naDadenalla
taraLana aparAdha tALide ninaginnu
sarivuMTe sarivuMTe karuNAnidhe
eraDu viMSati vatsaravAyitu I
haraNa dharisi karuNAkarane
iruva bagege eccarisidadake enna
baride kAlavu pOgagoDalAgadu
gurudEvatA prIti Agi sakala karmA-
caraNiya mADiso hare hare
paramadayAnidhe gOpAlaviThThala
iraLu hagalu ninna smaraNIya nIDo || 7 ||
jate
sakalakkU ninna bEDuvadEnu viShayadA –
sakutiya biDiso gOpAlaviThThalarEyA ||
Leave a Reply