Composer : Shri Satyadharma Teertharu
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ಯಮರಾಡ್-ದೂತೇ ದೃತಮಾಯಾತೇ ಧನವನಿತೇ ತೇ ನ ಸಹಾಯಾತೇ [೧]
ಮಮ ಭೂರ್ಮಮ ಗೌರ್ಮಮ ಕುಂಡೋಧ್ನೀ
ಮಹಿಷೀ ಮಮ ಸಹಕಾರೋ ಬುಧ್ನೀ |
ಇತಿ ಮಾಽಬೀಭವ ಇದಮಧುನಾ ತೇ ಶ್ವ: ಕಸ್ಯೈತೇ ಕೋ ಜಾನೀತೇ [೨]
ಇಹ ಪರ ಲಲನಾ ಇಭಸಂಚಲನಾ: ತ್ವಯಿ ನಿರ್ಲಲನಾ ಅಪತಿಸ್ಖಲನಾ: |
ದಧಿಕಲಶೀರಿವ ದುರ್ಲಭಕುಕ್ಷೀ: ಕಾಣೋತುರ್ಮೋದ್ಗಲಕೋಽದ್ರಾಕ್ಷೀ: [೩]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ವೃಕ್ಣ: ಶ್ರವಸಾಽಪ್ಯಕ್ಷ್ಣಾ ಕಾಣ: ಖನ್ ಪಾದೇನ ಕ್ಷುದುಪಕ್ಷೀಣ: |
ಶ್ವಾಸಂ ವಿಜಹತ್ ಶ್ವಾನ್ವೇತಿ ಶುನೀಂ ತದ್ವತ್ ಕಾಮ್ಯಸಿ ಕಾಂತಾಂ ವಶಿನೀಂ [೪]
ಅಸುಕೋ ದಾಸ್ಯತಿ ವಸು ಸಂಸ್ಫೀತಂ ಭೃಶಮಿತಿ ಕೃತ್ವಾ ಹೃದಯಾನೀತಮ್ |
ವ್ಯಾಘ್ರ ವ್ಯಾಧ ವ್ಯಸನಾ ಕೀರ್ಣಂ ವಿಪಿನಂ ಮಾ ಸ್ಮ ತ್ವಗಮಸ್ತೂರ್ಣಂ [೫]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ಪಥಿ ಪಥಿ ಪಶ್ಯಸಿ ಪರಮಂ ಕಷ್ಟಂ ತದಪಿ ನ ಮುಂಚಸಿ ಧನಿಕಂ ಸ್ಪಷ್ಟಂ |
ಪರಿತೋ ಧಾವಸಿ ಕುತ ಉದ್ದೃಷ್ಟಂ ಕಿಮಪಿ ನ ವಿಂದಸಿ ಜನ್ಮಿನ್ನಿಷ್ಟಂ [೬]
ನ ಹಿ ಜಿಹ್ರೇಷಿ ಪ್ರತಿದೃಶ್ಯಾರ್ಯಾನ್ ನ್ಯಕ್ಕೃತ ಭಾರ್ಯಾದ್ಯಭಿಲಷಣೀಯಾನ್ |
ನಾರೀ ದರ್ಶಂ ಬತ ಕಾಮಯಸೇ ನರಹರಿ ಚರಣಮ್ ನ ಕುತ: ಶ್ರಯಸೇ [೭]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ಮುಹುರುಪನಯನಂ ಮುಹುರುಪಯಮನಂ ಮುಹುರಪಿ ಭಾರ್ಯಾಭರಣಾನಯನಂ
ಈದೃಕ್ಕೃತ್ವಾ ವಸು ಗಮಯಿತ್ವಾ ದಾನಮಕೃತ್ವ ಖಲು ಜೀವಿತ್ವಾ [೮]
ಗಗನಂ ಗಚ್ಛತಿ ತಾವಕರಾಗಸ್ತತ ಆತನುಷೇಽಪ್ಯಹರಹರಾಗ: |
ಯಾಪ್ಯತ ಏವಂ ಕಾಯಪರಾಗ: ಕಿಂ ಕುರ್ಯಾತ್ ತವ ಜರಸಿ ವಿರಾಗ: [೯]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ಮೂಢಮತೇ ತ್ವಂ ಧೃತಕೋದಂಡಂ ರಾಮಂ ನಿರ್ಮಿತ ವಿಧಿಜನನಾಂಡಮ್ |
ಯದಿ ನ ಧ್ಯಾಯೇ: ಪರಿತಸ್ಚಂಡಂ ಯಾಯಾ ಯಾಯಾ ಯಮರಾಡ್ದಂಡಂ [೧೦]
ಭವವೈತರಣೀ ತರಣೋಪಾಯಂ ಭಗವನ್ ಮಹಿಮಸ್ಮೃತಿಮಾಪ್ರಾಯಮ್ |
ನ ಜಹಿಹಿ ನೋಪೇಹ್ಯಧಿಕಾಪಾಯಂ ನಾರೀ ನರಮಯಮೀನಾನಾಯಮ್ [೧೧]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ಅನುಸಂಧೇಹಿ ಪ್ರಾಣಿನ್ ಝಟಿತಿ ಪ್ರಾಶಯತೀಷೇ ಪ್ರಾಶ್ನಾಮೀತಿ |
ಮಾದಯತೀಷೇ ಮಾಧ್ಯಾಮೀತಿ ಸ್ವಾಪಯತೀಶೇಽಹಂ ಸ್ವಪಿಮೀತಿ [೧೨]
ಯೋಽವತ್ಯುಪಲಾಂತರ್ಗತಭೇಕಮ್ ಯೋಽವತಿ ಶಯಮಪ್ಯಜಗರಮೇಕಮ್ |
ಯೋಽವತಿ ಕೋಷ್ಠಾಧಿಷ್ಟಿತತೋಕಂ ಸೋಽವತಿ ಸೋಽವತಿ ಸೋಽವತಿ ಲೋಕಂ [೧೩]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
ಏವಂ ವೈರಂಗಿಕ ಜನ ಮಾರ್ಗೇ ಸ್ಥಿತ್ವಾ ಸಮ್ಯಗ್ ಭಗವತ್ ಸೇವಾಮ್ |
ಕೃತ್ವಾ ಸರ್ವಾನ್ ಪುರುಷಾರ್ಥಾಂಸ್ತ್ವಮ್ ಲಬ್ಧ್ವಾ ಸಸುಖ: ಸನ್ನಾಽಽಸ್ವಾಽಽಸ್ವ [೧೪]
ನಿಶ್ಚಿನು ನಿಶ್ಚಿನು ಪರಮಂ ತತ್ತ್ವಂ ಪರಿಚಿನು ಪರಿಚಿನು ಪರಮಂ ಶಾಸ್ತ್ರಮ್
ಅಪಚಿನ್ವಪಚಿನು ಹೈತುಕವಾದಮ್ ವೈದಿಕ ಕೋವಿದ ಕೃತ ಪರಿವಾದಮ್ [೧೫]
ಭಜ ಭಗವಂತಂ ಭಜ ಭಗವಂತಂ ಭಜ ಭಗವಂತಂ ಭ್ರಾಂತಮತೇ |
| ಇತಿ ಶ್ರೀ ಸತ್ಯಧರ್ಮ ತೀರ್ಥ ವಿರಚಿತಂ ಭಗವದ್ ಭಜನಂ |
ಶ್ರೀ ಕೃಷ್ಣಾರ್ಪಣಮಸ್ತು |