Srimushna Varaha Suladi – Vijayadasaru

ಶ್ರೀ ವಿಜಯದಾಸಾರ್ಯ ಕೃತ ಶ್ರೀಮುಷ್ಣ
ವರಹಾದೇವರ ಸ್ತೋತ್ರ ಸುಳಾದಿ

ರಾಗ: ಸೌರಾಷ್ಟ್ರ

ಧ್ರುವತಾಳ
ಜೀವನ್ನ ಭಿನ್ನ ಗಗನಾವನ್ನಾ ಜನಕಾ ತ್ರಿ – |
ಭುವನ್ನ ಸಂಜೀವನ್ನ ಕಾವನಯ್ಯಾ |
ಪಾವನ್ನಕಾಯಕಂಬುಗ್ರೀವನ್ನ ವರವಾ |
ನೀವನ್ನ ಅಘವನ ದಾವನ್ನ ಧರುಣಿ |
ಧಾವನ್ನ ಸುರತತಿ ಕಾವನ್ನ ಸರಸಿಜಾ |
ಭಾವನ್ನ ನಾಸದುದು ಭಾವನ್ನಾ ನಮಿತರ |
ನೋವನ್ನು ಕಾವನ್ನ ಶ್ರೀ ವನ್ನಜಾ-ನಯ – |
ನಾ ವಿಜಯವಿಠಲಾ ದೇವನ್ನಪಾದರಾ |
ಜೀವನ್ನವಾ ನಂಬಲು ಜೀವನ್ನಾದ್ಯಾರೊಪ್ಪುವರೂ |
ಈವನ್ನಾ ನುತಿಸೆ ಮತ್ತಾವನ್ನ ವಶವೆ || ೧ ||

ಮಟ್ಟತಾಳ
ಕನಕಾಕ್ಷನ್ನ ಮಡುಹಿ ಅನಿಮಿಷ ಗಣದವರ |
ಕ್ಷಣದೊಳು ಪಾಲಿಸಿ ಮನದಿಚ್ಛೆಯಲ್ಲಿ |
ಮನಸುಖಿರಾಯನು ಜನರಗೋಸುಗಡುಳ್ಳಿ |
ವನದ ಮಧ್ಯದಲಿ ಮನೋಹರವಾಗುತ್ತ |
ತನಗೆ ತಾನೆ ನಿಂದಾ |
ಘನ ಹರುಷದಲಿ ಪುತ್ತನು ವೊಪ್ಪುತಿರಲು |
ಅನಿಲಾವಂದಿತ ವರಹಾ ವಿಜಯವಿಠ್ಠಲ ರಾಜಾ |
ನನ ಮಂಡಲದಂತೆ ಮಿನಗುತ ಮುದದಿಂದ || ೨ ||
ರೂಪಕತಾಳ
ಪದಜಾ ಸುಶರ್ಮನೂ ಸದರಾವಿಲ್ಲದೆ ಧಾನ್ಯ |
ಒದಗಿ ಬೆಳಿಸುತಿರೆ ಅದನರಿದು ಲಕುಮೇಶ |
ಮದವಾದಾ ರೋಮ ಶಾಬದದಂತೆ ಪ್ರತಿದಿನ |
ಮೆದದು ಪೋಗುತಲಿರಾಲದ ನೋಡಿ ಅವನಂದು |
ಕದನಾ ಮಾಳಿಪೆನೆಂದು ಹುದುಗಿಕೊಂಡಿರಲಾಗಿ |
ತ್ರಿದಶಾವಂದಿತ ಶ್ವೇತವರಹಾ ವಿಜಯವಿಠ್ಠಲಾ |
ಪದಜಾಗೆ ಒಲಿದು ತೋರಿದನು ಆನಂದವಾ || ೩ ||

ಝಂಪೆತಾಳ
ಪೆಸರಾದನಂದು ಮೊದಲಾಗಿ ಸೂಕರನು ಈ |
ವಸುಧಿಯೊಳಗೆ ಸ್ವಯಂ ವ್ಯಕ್ತನೆಂದೂ |
ಹಸನಾಗಿ ತೋರಿದನು ಅಬುಜಭವಾದ್ಯರಿಗೆ |
ಮಿಸುನಿಪ ಕಾಂತಿಯಲಿ ಶೋಭಿಸುತಲೀ |
ಪಸರಿಸಿದವು ಬೀದಿ ಪ್ರಾಕಾರಗೋಪುರಗಳು |
ಸರಲಳವೆ ಉರಗಾಧಿಪಗಾದರೂ |
ಶ್ವಸನ ದೇವರು ತನ್ನ ಮಂದಿರದಲ್ಲಿ ಪೂ |
ಜಿಸಿದ ಶ್ವೇತವರಹ ವಿಗ್ರಹವನೂ |
ನಸುನಗುತ ನಿಲ್ಲಿಸಿದ ಸುರರುಘೆ ಎಂದಚ್ಚ |
ಕುಸುಮ ವರುಷಾಗರಿಯೆ ಗಮಕದಲ್ಲೀ |
ಅಸುರಾರಿ ಶ್ರೀಮುಷ್ಣವರಹಾ ವಿಜಯವಿಠ್ಠಲಾ |
ವಸತಿಯಾದನು ಬಿಡದೆ ಕಲ್ಪಕಲ್ಪಾದಲ್ಲಿ || ೪ ||

ತ್ರಿವಿಡಿತಾಳ
ಪಾವನ್ನಾ ವಿಮಾನಾ ಪವನಾ ಸಂಬಂಧವೆನ್ನಿ |
ದೇವನಂಗದಾ ಬೆವರೇ ತೀರ್ಥಾವೆನ್ನಿ |
ಪಾವನವಾದ ವೃಕ್ಷವೆ ಎಡಗಣ್ಣಿಂದ |
ತಾ ಉದುಭವಾವಾದಶ್ವತ್ಥವೆನ್ನಿ |
ಪಾವನಕ್ಷೇತ್ರವಿದು ಪರಮ ಪವಿತ್ರವೆನ್ನಿ |
ಜೀವನಮುಕ್ತರಿಗೆ ಸಿದ್ಧಾವೆನ್ನಿ |
ದೇವರದೇವ ವಿಜಯವಿಠ್ಠಲ ವರಹಾ |
ಪೂವಂದೇರಿಸಿದರು ಗತಿಯಾ ಪಾಲಿಪನೂ || ೫ ||

ಅಟ್ಟತಾಳ
ತ್ರಯಯೋಜನ ಸುತ್ತ ಪುಣ್ಯಭೂಮಿ ಕಾಣೊ |
ಭಯಭಕುತಿಲಿಂದ ಆವನಾದರು ಬಂದು |
ತ್ರಯದಿನದಲ್ಲಿ ನುತಿಸಿ ಪಾಡಲು ಜಗ |
ತ್ರಯದೊಳಗಾವನು ಶುದ್ಧಾತ್ಮನೆನಿಸುವ |
ಗಯ ಪ್ರಯಾಗ ಕಾಶಿ ಮಾಡಿದ ಫಲಗಳು |
ಕ್ರಯಕೆ ಕೊಂಬುವದು ಕೊಂಬುವದು ಶತಸಿದ್ಧಾ |
ಲಯ ವಿವರ್ಜಿತ ಪಂಚಸೂಕರ ದೇವ ವಿ |
ಜಯವಿಠ್ಠಲನ ನಿಜಯಾತ್ರಿಗೈಯಲು |
ಅಯೋನಿಜನಾಗಿ ಅರ್ಚಿಸುವಾ ಹರಿಯಾ || ೬ ||

ಆದಿತಾಳ
ನೀತಿಯಿಂದ ಮಣಿಮುಕ್ತ ಶ್ವೇತಸಂಗಮದ ಸ್ನಾನ |
ಪ್ರೀತಿಯಿಂದ ಷೋಡಶ ನದಿ ತೀರಥವನು ಮಾಡಿ |
ಶ್ವೇತವರಹ ದರುಶನ ವಾತನಂತರ್ಗತವೆಂದು |
ಮಾತು ಪೇಳುವನಿತರೊಳು ಪಾತಕವೆ ಪರಿಹಾರಾ |
ನೇತುರವದನ ನಾಸಾ ಶೋತುರಹಸ್ತಾ ಸರುವ |
ಗಾತುರ ಪವಿತೂರವೊ ಯಾತರ ದುಶ್ಚಿತ್ತಾವಣು |
ಮಾತುರ ಸಂಶಯವಿಲ್ಲ ಗೋತುರಕ್ಕೆ ಗತಿ ಉಂಟು |
ಶ್ವೇತದ್ವೀಪದ ರಾಶಿ ವರಹ ವಿಜಯವಿಠ್ಠಲನು ಈ |
ಕ್ಷೇತುರ ಒಮ್ಮೆ ನೋಡಲು ಕಾತುರವ ಬಿಡಿಸುವ || ೭ ||

ಜತೆ
ನಿತ್ಯ ಪುಷ್ಕರಣಿಯಾ ವಾಸಾ ಶ್ರೀನಿವಾಸ |
ಭೃತ್ಯವರ್ಗವ ಪಾಲಾ ವರಹಾ ವಿಜಯವಿಠ್ಠಲಾ ||೮||

---

SrI vijayadAsArya kRuta SrImuShNa
varahAdEvara stOtra suLAdi

rAga: saurAShTra

dhruvatALa
jIvanna Binna gaganAvannA janakA tri – |
Buvanna saMjIvanna kAvanayyA |
pAvanna kAya kaMbugrIvanna varavA |
nIvanna aGavana dAvanna dharuNi |
dhAvanna suratati kAvanna sarasijA |
BAvanna nAsadudu BAvannA namitara |
nOvannu kAvanna SrI vannajA-naya – |
nA vijayaviThalA dEvanna pAda rA |
jIvannavA naMbalu jIvannAdyAroppuvarU |
IvannA nutise mattAvanna vaSave || 1 ||

maTTatALa
kanakAkShanna maDuhi animiSha gaNadavara |
kShaNadoLu pAlisi manadicCeyalli |
manasuKirAyanu janaragOsugaDuLLi |
vanada madhyadali manOharavAgutta |
tanage tAne niMdA |
Gana haruShadali puttanu vopputiralu |
anilAvaMdita varahA vijayaviThThala rAjA |
nana maMDaladaMte minaguta mudadiMda || 2 ||
rUpakatALa
padajA suSarmanU sadarAvillade dhAnya |
odagi beLisutire adanaridu lakumESa |
madavAdA rOma SAbadadaMte pratidina |
medadu pOgutalirAlada nODi avanaMdu |
kadanA mALipeneMdu hudugikoMDiralAgi |
tridaSAvaMdita SvEtavarahA vijayaviThThalA |
padajAge olidu tOridanu AnaMdavA || 3 ||

JaMpetALa
pesarAdanaMdu modalAgi sUkaranu I |
vasudhiyoLage svayaM vyaktaneMdU |
hasanAgi tOridanu abujaBavAdyarige |
misunipa kAMtiyali SOBisutalI |
pasarisidavu bIdi prAkAragOpuragaLu |
saralaLave uragAdhipagAdarU |
Svasana dEvaru tanna maMdiradalli pU |
jisida SvEtavaraha vigrahavanU |
nasunaguta nillisida suraruGe eMdacca |
kusuma varuShAgariye gamakadallI |
asurAri SrImuShNavarahA vijayaviThThalA |
vasatiyAdanu biDade kalpakalpAdalli || 4 ||

triviDitALa
pAvannA vimAnA pavanA saMbaMdhavenni |
dEvanaMgadA bevarE tIrthAvenni |
pAvanavAda vRukShave eDagaNNiMda |
tA uduBavAvAdaSvatthavenni |
pAvanakShEtravidu parama pavitravenni |
jIvanamuktarige siddhAvenni |
dEvaradEva vijayaviThThala varahA |
pUvaMdErisidaru gatiyA pAlipanU || 5 ||

aTTatALa
trayayOjana sutta puNyaBUmi kANo |
BayaBakutiliMda AvanAdaru baMdu |
trayadinadalli nutisi pADalu jaga |
trayadoLagAvanu SuddhAtmanenisuva |
gaya prayAga kASi mADida PalagaLu |
krayake koMbuvadu koMbuvadu SatasiddhA |
laya vivarjita paMcasUkara dEva vi |
jayaviThThalana nijayAtrigaiyalu |
ayOnijanAgi arcisuvA hariyA || 6 ||

AditALa
nItiyiMda maNimukta SvEtasaMgamada snAna |
prItiyiMda ShODaSa nadi tIrathavanu mADi |
SvEtavaraha daruSana vAtanaMtargataveMdu |
mAtu pELuvanitaroLu pAtakave parihArA |
nEturavadana nAsA SOturahastA saruva |
gAtura pavitUravo yAtara duScittAvaNu |
mAtura saMSayavilla gOturakke gati uMTu |
SvEtadvIpada rASi varaha vijayaviThThalanu I |
kShEtura omme nODalu kAturava biDisuva || 7 ||

jate
nitya puShkaraNiyA vAsA SrInivAsa |
BRutyavargava pAlA varahA vijayaviThThalA ||8||