Composer: Shri Madhwacharya
ರಾಮಾಯ ಶಾಶ್ವತಸುವಿಸ್ತೃತಷಡ್ಗುಣಾಯ
ಸರ್ವೇಶ್ವರಾಯ ಬಲವೀರ್ಯಮಹಾರ್ಣವಾಯ |
ನತ್ವಾ ಲಿಲಂಘಯಿಷುರರ್ಣವಮುತ್ಪಪಾತ
ನಿಷ್ಪೀಡ್ಯ ತಂ ಗಿರಿವರಂ ಪವನಸ್ಯ ಸೂನುಃ |೧|
ಚುಕ್ಷೋಭ ವಾರಿಧಿರನುಪ್ರಯಯೌ ಚ ಶೀಘ್ರಂ
ಯಾದೋಗಣೈಃ ಸಹ ತದೀಯಬಲಾಭಿಕೃಷ್ಟಃ |
ವೃಕ್ಷಾಶ್ಚ ಪರ್ವತಗತಾಃ ಪವನೇನ ಪೂರ್ವಂ
ಕ್ಷಿಪ್ತೋಽರ್ಣವೇ ಗಿರಿರುದಾಗಮದಸ್ಯ ಹೇತೋಃ |೨|
ಶೈಲೋ ಹರಸ್ಯ ಗಿರಿಪಕ್ಷವಿನಾಶಕಾಲೇ
ಕ್ಷಿಪ್ತೋಽರ್ಣವೇ ಸ ಮರುತೋರ್ವರಿತಾತ್ಮಪಕ್ಷಃ |
ಹೈಮೋ ಗಿರಿಃ ಪವನಜಸ್ಯ ತು ವಿಶ್ರಮಾರ್ಥ-
ಮುದ್ಭಿದ್ಯ ವಾರಿಧಿಮವರ್ಧದನೇಕಸಾನುಃ |೩|
ನೈವಾತ್ರ ವಿಕ್ರಮಣಮೈಚ್ಛದವಿಶ್ರಮೋಽಸೌ
ನಿಃಸೀಮಪೌರುಷಬಲಸ್ಯ ಕುತಃ ಶ್ರಮೋಽಸ್ಯ |
ಆಶ್ಲಿಷ್ಯ ಪರ್ವತವರಂ ಸ ದದರ್ಶ ಗಚ್ಛನ್
ದೇವೈಸ್ತು ನಾಗಜನನೀಂ ಪ್ರಹಿತಾಂ ವರೇಣ |೪|
ಜಿಜ್ಞಾಸುಭಿರ್ನಿಜಬಲಂ ತವ ಭಕ್ಷಮೇತು
ಯದ್ಯತ್ತ್ವಮಿಚ್ಛಸಿ ತದಿತ್ಯಮರೋದಿತಾಯಾಃ |
ಆಸ್ಯಂ ಪ್ರವಿಶ್ಯ ಸಪದಿ ಪ್ರವಿನಿಃಸೃತೋಽಸ್ಮಾತ್
ದೇವಾನನಂದಯದುತ ಸ್ವೃತಮೇಷು ರಕ್ಷನ್ |೫|
ದೃಷ್ಟ್ವಾ ಸುರಪ್ರಣಯಿತಾಂ ಬಲಮಸ್ಯ ಚೋಗ್ರಂ
ದೇವಾಃ ಪ್ರತುಷ್ಟುವುರಮುಂ ಸುಮನೋಽಭಿವೃಷ್ಟ್ಯಾ |
ತೈರಾದೃತಃ ಪುನರಸೌ ವಿಯತೈವ ಗಚ್ಛನ್
ಛಾಯಾಗ್ರಹಂ ಪ್ರತಿದದರ್ಶ ಚ ಸಿಂಹಿಕಾಖ್ಯಂ |೬|
ಲಂಕಾವನಾಯ ಸಕಲಸ್ಯ ಚ ನಿಗ್ರಹೇಽಸ್ಯಾಃ
ಸಾಮರ್ಥ್ಯಮಪ್ರತಿಹತಂ ಪ್ರದದೌ ವಿಧಾತಾ |
ಛಾಯಾಮವಾಕ್ಷಿಪದಸೌ ಪವನಾತ್ಮಜಸ್ಯ
ಸೋಽಸ್ಯಾಃ ಶರೀರಮನುವಿಶ್ಯ ಬಿಭೇದ ಚಾಶು |೭|
ನಿಃಸೀಮಮಾತ್ಮಬಲಮಿತ್ಯಸುದರ್ಶಯಾನೋ
ಹತ್ವೈವ ತಾಮಪಿ ವಿಧಾತೃವರಾಭಿಗುಪ್ತಾಂ |
ಲಂಬೇ ಸ ಲಂಬಶಿಖರೇ ನಿಪಪಾತ ಲಂಕಾ-
ಪ್ರಾಕಾರರೂಪಕಗಿರಾಥ ಚ ಸಂಚುಕೋಚೇ |೮|
ಭೂತ್ವಾ ಬಿಡಾಲಸಮಿತೋ ನಿಶಿ ತಾಂ ಪುರೀಂ ಚ
ಪ್ರಾಪ್ಸ್ಯನ್ ದದರ್ಶ ನಿಜರೂಪವತೀಂ ಸ ಲಂಕಾಂ |
ರುದ್ಧೋಽನಯಾಽಽಶ್ವಥ ವಿಜಿತ್ಯ ಚ ತಾಂ ಸ್ವಮುಷ್ಟಿ-
ಪಿಷ್ಟಾಂ ತಯಾನುಮತ ಏವ ವಿವೇಶ ಲಂಕಾಂ |೯|
ಮಾರ್ಗಮಾಣೋ ಬಹಿಶ್ಚಾಂತಃ ಸೋಽಶೋಕವನಿಕಾತಲೇ |
ದದರ್ಶ ಶಿಂಶಪಾವೃಕ್ಷಮೂಲಸ್ಥಿತರಮಾಕೃತಿಂ |೧೦|
ನರಲೋಕವಿಡಂಬಸ್ಯ ಜಾನನ್ ರಾಮಸ್ಯ ಹೃದ್ಗತಂ |
ತಸ್ಯ ಚೇಷ್ಟಾನುಸಾರೇಣ ಕೃತ್ವಾ ಚೇಷ್ಟಾಶ್ಚ ಸಂವಿದ: |೧೧|
ತಾದೃಕ್ಚೇಷ್ಟಾಸಮೇತಾಯಾ ಅಂಗುಲೀಯಮದಾತ್ತತಃ |
ಸೀತಾಯಾ ಯಾನಿ ಚೈವಾಸನ್ನಾಕೃತೇಸ್ತಾನಿ ಸರ್ವಶಃ |೧೨|
ಭೂಷಣಾನಿ ದ್ವಿಧಾ ಭೂತ್ವಾ ತಾನ್ಯೇವಾಸನ್ ತಥೈವ ಚ |
ಅಥ ಚೂಡಾಮಣಿಂ ದಿವ್ಯಂ ದಾತುಂ ರಾಮಾಯ ಸಾ ದದೌ |೧೩|
ಯದ್ಯಪ್ಯೇತನ್ನ ಪಶ್ಯಂತಿ ನಿಶಾಚರಗಣಾಸ್ತು ತೇ |
ದ್ಯುಲೋಕಚಾರಿಣಃ ಸರ್ವೇ ಪಶ್ಯಂತ್ಯೃಷಯ ಏವ ಚ |೧೪|
ತೇಷಾಂ ವಿಡಂಬನಾಯೈವ ದೈತ್ಯಾನಾಂ ವಂಚನಾಯ ಚ |
ಪಶ್ಯತಾಂ ಕಲಿಮುಖ್ಯಾನಾಂ ವಿಡಂಬೋಽಯಂ ಕೃತೋ ಭವೇತ್ |೧೫|
ಕೃತ್ವಾ ಕಾರ್ಯಮಿದಂ ಸರ್ವಂ ವಿಶಂಕಃ ಪವನಾತ್ಮಜಃ |
ಆತ್ಮಾವಿಷ್ಕರಣೇ ಚಿತ್ತಂ ಚಕ್ರೇ ಮತಿಮತಾಂ ವರಃ |೧೬|
ಅಥ ವನಮಖಿಲಂ ತದ್ರಾವಣಸ್ಯಾವಲುಂಬ್ಯ
ಕ್ಷಿತಿರುಹಮಿಮಮೇಕಂ ವರ್ಜಯಿತ್ವಾಽಽಶು ವೀರಃ |
ರಜನಿಚರವಿನಾಶಂ ಕಾಂಕ್ಷಮಾಣೋಽತಿವೇಲಂ
ಮುಹುರತಿರವನಾದೀ ತೋರಣಂ ಚಾರುರೋಹ |೧೭|
ಅಥಾಶೃಣೋದ್ದಶಾನನಃ ಕಪೀಂದ್ರಚೇಷ್ಟಿತಂ ಪರಂ |
ದಿದೇಶ ಕಿಂಕರಾನ್ ಬಹೂನ್ ಕಪಿರ್ನಿಗೃಹ್ಯತಾಮಿತಿ |೧೮|
ಸಮಸ್ತಶೋ ವಿಮೃತ್ಯವೋ ವರಾದ್ಧರಸ್ಯ ಕಿಂಕರಾಃ |
ಸಮಾಸದನ್ಮಹಾಬಲಂ ಸುರಾಂತರಾತ್ಮನೋಽಙ್ಗಜಂ |೧೯|
ಅಶೀತಿಕೋಟಿಯೂಥಪಂ ಪುರಃಸರಾಷ್ಟಕಾಯುತಂ |
ಅನೇಕಹೇತಿಸಂಕುಲಂ ಕಪೀಂದ್ರಮಾವೃಣೋದ್ಬಲಂ |೨೦|
ಸಮಾವೃತಸ್ತಥಾಽಽಯುಧೈಃ ಸ ತಾಡಿತಶ್ಚ ತೈರ್ಭೃಶಂ |
ಚಕಾರ ತಾನ್ ಸಮಸ್ತಶಸ್ತಲಪ್ರಹಾರಚೂರ್ಣಿತಾನ್ |೨೧|
ಪುನಶ್ಚ ಮಂತ್ರಿಪುತ್ರಕಾನ್ ಸ ರಾವಣಪ್ರಚೋದಿತಾನ್ |
ಮಮರ್ದ ಸಪ್ತಪರ್ವತಪ್ರಭಾನ್ ವರಾಭಿರಕ್ಷಿತಾನ್ |೨೨|
ಬಲಾಗ್ರಗಾಮಿನಸ್ತಥಾ ಸ ಶರ್ವವಾಕ್ಸುಗರ್ವಿತಾನ್ |
ನಿಹತ್ಯ ಸರ್ವರಕ್ಷಸಾಂ ತೃತೀಯಭಾಗಮಕ್ಷಿಣೋತ್ |೨೩|
ಅನೌಪಮಂ ಹರೇರ್ಬಲಂ ನಿಶಮ್ಯ ರಾಕ್ಷಸಾಧಿಪಃ |
ಕುಮಾರಮಕ್ಷಮಾತ್ಮನಃ ಸಮಂ ಸುತಂ ನ್ಯಯೋಜಯತ್ |೨೪|
ಸ ಸರ್ವಲೋಕಸಾಕ್ಷಿಣಃ ಸುತಂ ಶರೈರ್ವವರ್ಷ ಹ |
ಶಿತೈರ್ವರಾಸ್ತ್ರಮಂತ್ರಿತೈರ್ನ ಚೈನಮಭ್ಯಚಾಲಯತ್ |೨೫|
ಸ ಮಂಡಮಧ್ಯಗಾಸುತಂ ಸಮೀಕ್ಷ್ಯ ರಾವಣೋಪಮಂ |
ತೃತೀಯ ಏಷ ಭಾಂಶಕೋ ಬಲಸ್ಯ ಹೀತ್ಯಚಿಂತಯತ್ |೨೬|
ನಿಧಾರ್ಯ ಏವ ರಾವಣೋ ರಾಘವಸ್ಯ ನಾನ್ಯಥಾ |
ಯುಧೀಂದ್ರಜಿನ್ಮಯಾ ಹತೋ ನ ಚಾಸ್ಯ ಶಕ್ತಿರೀಕ್ಷ್ಯತೇ |೨೭|
ಅತಸ್ತಯೋಃ ಸಮೋ ಮಯಾ ತೃತೀಯ ಏಷ ಹನ್ಯತೇ |
ವಿಚಾರ್ಯ ಚೈವಮಾಶು ತಂ ಪದೋಃ ಪ್ರಗೃಹ್ಯ ಪುಪ್ಲುವೇ |೨೮|
ಸ ಚಕ್ರವದ್ಭ್ರಮಾತುರಂ ವಿಧಾಯ ರಾವಣಾತ್ಮಜಂ |
ಅಪೋಥಯದ್ಧರಾತಲೇ ಕ್ಷಣೇನ ಮಾರುತೀತನುಃ |೨೯|
ವಿಚೂರ್ಣಿತೇ ಧರಾತಲೇ ನಿಜೇ ಸುತೇ ಸ ರಾವಣಃ |
ನಿಶಮ್ಯ ಶೋಕತಾಪಿತಸ್ತದಗ್ರಜಂ ಸಮಾದಿಶತ್ |೩೦|
ಅಥೇಂದ್ರಜಿನ್ಮಹಾಶರೈರ್ವರಾಸ್ತ್ರಸಂಪ್ರಯೋಜಿತೈಃ |
ತತಶ್ಚ ವಾನರೋತ್ತಮಂ ನ ಚಾಶಕದ್ವಿಚಾಲನೇ |೩೧|
ಅಥಾಸ್ತ್ರಮುತ್ತಮಂ ವಿಧೇರ್ಮುಮೋಚ ಸರ್ವದುಃಸಹಂ |
ಸ ತೇನ ತಾಡಿತೋ ಹರಿರ್ವ್ಯಚಿಂತಯನ್ನಿರಾಕುಲಃ |೩೨|
ಮಯಾ ವರಾ ವಿಲಂಘಿತಾ ಹ್ಯನೇಕಶಃ ಸ್ವಯಂಭುವಃ |
ಸ ಮಾನನೀಯ ಏವ ಮೇ ತತೋಽತ್ರ ಮಾನಯಾಮ್ಯಹಂ |೩೩|
ಇಮೇ ಚ ಕುರ್ಯುರತ್ರ ಕಿಂ ಪ್ರಹೃಷ್ಟರಕ್ಷಸಾಂ ಗಣಾಃ |
ಇತೀಹ ಲಕ್ಷ್ಯಮೇವ ಮೇ ಸ ರಾವಣಶ್ಚ ದೃಶ್ಯತೇ |೩೪|
ಇದಂ ಸಮೀಕ್ಷ್ಯ ಬದ್ಧವತ್ ಸ್ಥಿತಂ ಕಪೀಂದ್ರಮಾಶು ತೇ |
ಬಬಂಧುರನ್ಯಪಾಶಕೈರ್ಜಗಾಮ ಚಾಸ್ತ್ರಮಸ್ಯ ತತ್ |೩೫|
ಅಥ ಪ್ರಗೃಹ್ಯ ತಂ ಕಪಿಂ ಸಮೀಪಮಾನಯಂಶ್ಚ ತೇ |
ನಿಶಾಚರೇಶ್ವರಸ್ಯ ತಂ ಸ ಪೃಷ್ಟವಾಂಶ್ಚ ರಾವಣಃ |೩೬|
ಕಪೇ ಕುತೋಽಸಿ ಕಸ್ಯ ವಾ ಕಿಮರ್ಥಮೀದೃಶಂ ಕೃತಂ |
ಇತೀರಿತಃ ಸ ಚಾವದತ್ ಪ್ರಣಮ್ಯ ರಾಮಮೀಶ್ವರಂ |೩೭|
ಅವೈಹಿ ದೂತಮಾಗತಂ ದುರಂತವಿಕ್ರಮಸ್ಯ ಮಾಂ |
ರಘೂತ್ತಮಸ್ಯ ಮಾರುತಿಂ ಕುಲಕ್ಷಯೇ ತವೇಶ್ವರಂ |೩೮|
ನ ಚೇತ್ ಪ್ರದಾಸ್ಯಸಿ ತ್ವರನ್ ರಘೂತ್ತಮಪ್ರಿಯಾಂ ತದಾ |
ಸಪುತ್ರಮಿತ್ರಬಾಂಧವೋ ವಿನಾಶಮಾಶು ಯಾಸ್ಯಸಿ |೩೯|
ನ ರಾಮಬಾಣಧಾರಣೇ ಕ್ಷಮಾಃ ಸುರೇಶ್ವರಾ ಅಪಿ |
ವಿರಿಂಚಶರ್ವಪೂರ್ವಕಾಃ ಕಿಮು ತ್ವಮಲ್ಪಸಾರಕಃ |೪೦|
ಪ್ರಕೋಪಿತಸ್ಯ ತಸ್ಯ ಕಃ ಪುರಃ ಸ್ಥಿತೌ ಕ್ಷಮೋ ಭವೇತ್ |
ಸುರಾಸುರೋರಗಾದಿಕೇ ಜಗತ್ಯಚಿಂತ್ಯಕರ್ಮಣಃ |೪೧|
ಇತೀರಿತೇ ವಧೋದ್ಯತಂ ನ್ಯವಾರಯದ್ವಿಭೀಷಣಃ |
ಸ ಪುಚ್ಛದಾಹಕರ್ಮಣೇ ನ್ಯಯೋಜಯನ್ನಿಶಾಚರಾನ್ |೪೨|
ಅಥಾಸ್ಯ ವಸ್ತ್ರಸಂಚಯೈಃ ಪಿಧಾಯ ಪುಚ್ಛಮಗ್ನಯೇ |
ದದುರ್ದದಾಹ ನಾಸ್ಯ ತನ್ಮರುತ್ಸಖೋ ಹುತಾಶನಃ |೪೩|
ಮಮರ್ಷ ಸರ್ವಚೇಷ್ಟಿತಂ ಸ ರಕ್ಷಸಾಂ ನಿರಾಮಯಃ |
ಬಲೋದ್ಧತಶ್ಚ ಕೌತುಕಾತ್ ಪ್ರದಗ್ಧುಮೇವ ತಾಂ ಪುರೀಂ |೪೪|
ದದಾಹ ಚಾಖಿಲಾಂ ಪುರೀಂ ಸ್ವಪುಚ್ಛಗೇನ ವಹ್ನಿನಾ |
ಕೃತಿಸ್ತು ವಿಶ್ವಕರ್ಮಣೋಽಪ್ಯದಹ್ಯತಾಸ್ಯ ತೇಜಸಾ |೪೫|
ಸುವರ್ಣರತ್ನಕಾರಿತಾಂ ಸ ರಾಕ್ಷಸೋತ್ತಮೈಃ ಸಹ |
ಪ್ರದಹ್ಯ ಸರ್ವಶಃ ಪುರೀಂ ಮುದಾನ್ವಿತೋ ಜಗರ್ಜ ಚ |೪೬|
ಸ ರಾವಣಂ ಸಪುತ್ರಕಂ ತೃಣೋಪಮಂ ವಿಧಾಯ ಚ |
ತಯೋಃ ಪ್ರಪಶ್ಯತೋಃ ಪುರೀಂ ವಿಧಾಯ ಭಸ್ಮಸಾದ್ಯಯೌ |೪೭|
ವಿಲಂಘ್ಯ ಚಾರ್ಣವಂ ಪುನಃ ಸ್ವಜಾತಿಭಿಃ ಪ್ರಪೂಜಿತಃ |
ಪ್ರಭಕ್ಷ್ಯ ವಾನರೇಶಿತುರ್ಮಧು ಪ್ರಭುಂ ಸಮೇಯಿವಾನ್ |೪೮|
ರಾಮಂ ಸುರೇಶ್ವರಮಗಣ್ಯಗುಣಾಭಿರಾಮಂ
ಸಂಪ್ರಾಪ್ಯ ಸರ್ವಕಪಿವೀರವರೈಃ ಸಮೇತಃ |
ಚೂಡಾಮಣಿಂ ಪವನಜಃ ಪದಯೋರ್ನಿಧಾಯ
ಸರ್ವಾಂಗಕೈಃ ಪ್ರಣತಿಮಸ್ಯ ಚಕಾರ ಭಕ್ತ್ಯಾ |೪೯|
ರಾಮೋಽಪಿ ನಾನ್ಯದನುದಾತುಮಮುಷ್ಯ ಯೋಗ್ಯಂ-
ಅತ್ಯಂತಭಕ್ತಿಭರಿತಸ್ಯ ವಿಲಕ್ಷ್ಯ ಕಿಂಚಿತ್ |
ಸ್ವಾತ್ಮಪ್ರದಾನಮಧಿಕಂ ಪವನಾತ್ಮಜಸ್ಯ
ಕುರ್ವನ್ ಸಮಾಶ್ಲಿಷದಮುಂ ಪರಮಾಭಿತುಷ್ಟಃ |೫೦|
ಇತಿ ಶ್ರೀಮದಾನಂದತೀರ್ಥ ಭಗವತ್ಪಾದಾಚಾರ್ಯ ವಿರಚಿತೇ ಶ್ರೀಮನ್
ಮಹಾಭಾರತತಾತ್ಪರ್ಯನಿರ್ಣಯೇ
ಶ್ರೀರಾಮ ಚರಿತೇ ಹನುಮತ್ ಪ್ರತಿಯಾನಂನಾಮ ಸಪ್ತಮೋಧ್ಯಾಯ: |
rAmAya SASvatasuvistRutaShaDguNAya
sarvESvarAya balavIryamahArNavAya |
natvA lilaMGayiShurarNavamutpapAta
niShpIDya taM girivaraM pavanasya sUnuH |1|
cukShOBa vAridhiranuprayayau ca SIGraM
yAdOgaNaiH saha tadIyabalABikRuShTaH |
vRukShASca parvatagatAH pavanEna pUrvaM
kShiptO&rNavE girirudAgamadasya hEtOH |2|
SailO harasya giripakShavinASakAlE
kShiptO&rNavE sa marutOrvaritAtmapakShaH |
haimO giriH pavanajasya tu vishramArtha-
mudBidya vAridhimavardhadanEkasAnuH |3|
naivAtra vikramaNamaicCadaviSramO&sau
niHsImapauruShabalasya kutaH SramO&sya |
ASliShya parvatavaraM sa dadarSa gacCan
dEvaistu nAgajananIM prahitAM varENa |4|
jij~jAsuBirnijabalaM tava BakShamEtu
yadyattvamicCasi tadityamarOditAyAH |
AsyaM praviSya sapadi praviniHsRutO&smAt
dEvAnanaMdayaduta svRutamEShu rakShan |5|
dRuShTvA surapraNayitAM balamasya cOgraM
dEvAH pratuShTuvuramuM sumanO&BivRuShTyA |
tairAdRutaH punarasau viyataiva gacCan
CAyAgrahaM pratidadarSa ca siMhikAKyaM |6|
laMkAvanAya sakalasya ca nigrahE&syAH
sAmarthyamapratihataM pradadau vidhAtA |
CAyAmavAkShipadasau pavanAtmajasya
sO&syAH SarIramanuviSya biBEda cASu |7|
niHsImamAtmabalamityasudarSayAnO
hatvaiva tAmapi vidhAtRuvarABiguptAM |
laMbE sa laMbaSiKarE nipapAta laMkA-
prAkArarUpakagirAtha ca saMcukOcE |8|
BUtvA biDAlasamitO niSi tAM purIM ca
prApsyan dadarSa nijarUpavatIM sa laMkAM |
ruddhO&nayA&&Svatha vijitya ca tAM svamuShTi-
piShTAM tayAnumata Eva vivESa laMkAM |9|
mArgamANO bahiScAMtaH sO&SOkavanikAtalE |
dadarSa SiMSapAvRukShamUlasthitaramAkRutiM |10|
naralOkaviDaMbasya jAnan rAmasya hRudgataM |
tasya cEShTAnusArENa kRutvA cEShTASca saMvida: |11|
tAdRukcEShTAsamEtAyA aMgulIyamadAttataH |
sItAyA yAni caivAsannAkRutEstAni sarvaSaH |12|
BUShaNAni dvidhA BUtvA tAnyEvAsan tathaiva ca |
atha cUDAmaNiM divyaM dAtuM rAmAya sA dadau |13|
yadyapyEtanna paSyaMti niSAcaragaNAstu tE |
dyulOkacAriNaH sarvE paSyaMtyRuShaya Eva ca |14|
tEShAM viDaMbanAyaiva daityAnAM vaMcanAya ca |
paSyatAM kalimuKyAnAM viDaMbO&yaM kRutO BavEt |15|
kRutvA kAryamidaM sarvaM viSaMkaH pavanAtmajaH |
AtmAviShkaraNE cittaM cakrE matimatAM varaH |16|
atha vanamaKilaM tadrAvaNasyAvaluMbya
kShitiruhamimamEkaM varjayitvA&&Su vIraH |
rajanicaravinASaM kAMkShamANO&tivElaM
muhuratiravanAdI tOraNaM cArurOha |17|
athASRuNOddaSAnanaH kapIMdracEShTitaM paraM |
didESa kiMkarAn bahUn kapirnigRuhyatAmiti |18|
samastaSO vimRutyavO varAddharasya kiMkarAH |
samAsadanmahAbalaM surAMtarAtmanO&~ggajaM |19|
aSItikOTiyUthapaM puraHsarAShTakAyutaM |
anEkahEtisaMkulaM kapIMdramAvRuNOdbalaM |20|
samAvRutastathA&&yudhaiH sa tADitaSca tairBRuSaM |
cakAra tAn samastaSastalaprahAracUrNitAn |21|
punaSca maMtriputrakAn sa rAvaNapracOditAn |
mamarda saptaparvatapraBAn varABirakShitAn |22|
balAgragAminastathA sa SarvavAksugarvitAn |
nihatya sarvarakShasAM tRutIyaBAgamakShiNOt |23|
anaupamaM harErbalaM niSamya rAkShasAdhipaH |
kumAramakShamAtmanaH samaM sutaM nyayOjayat |24|
sa sarvalOkasAkShiNaH sutaM SarairvavarSha ha |
SitairvarAstramaMtritairna cainamaByacAlayat |25|
sa maMDamadhyagAsutaM samIkShya rAvaNOpamaM |
tRutIya ESha BAMSakO balasya hItyaciMtayat |26|
nidhArya Eva rAvaNO rAGavasya nAnyathA |
yudhIMdrajinmayA hatO na cAsya SaktirIkShyatE |27|
atastayOH samO mayA tRutIya ESha hanyatE |
vicArya caivamASu taM padOH pragRuhya pupluvE |28|
sa cakravadBramAturaM vidhAya rAvaNAtmajaM |
apOthayaddharAtalE kShaNEna mArutItanuH |29|
vicUrNitE dharAtalE nijE sutE sa rAvaNaH |
niSamya SOkatApitastadagrajaM samAdiSat |30|
athEMdrajinmahASarairvarAstrasaMprayOjitaiH |
tataSca vAnarOttamaM na cASakadvicAlanE |31|
athAstramuttamaM vidhErmumOca sarvaduHsahaM |
sa tEna tADitO harirvyaciMtayannirAkulaH |32|
mayA varA vilaMGitA hyanEkaSaH svayaMBuvaH |
sa mAnanIya Eva mE tatO&tra mAnayAmyahaM |33|
imE ca kuryuratra kiM prahRuShTarakShasAM gaNAH |
itIha lakShyamEva mE sa rAvaNaSca dRuSyatE |34|
idaM samIkShya baddhavat sthitaM kapIMdramASu tE |
babaMdhuranyapASakairjagAma cAstramasya tat |35|
atha pragRuhya taM kapiM samIpamAnayaMSca tE |
niSAcarESvarasya taM sa pRuShTavAMSca rAvaNaH |36|
kapE kutO&si kasya vA kimarthamIdRuSaM kRutaM |
itIritaH sa cAvadat praNamya rAmamISvaraM |37|
avaihi dUtamAgataM duraMtavikramasya mAM |
raGUttamasya mArutiM kulakShayE tavESvaraM |38|
na cEt pradAsyasi tvaran raGUttamapriyAM tadA |
saputramitrabAMdhavO vinASamASu yAsyasi |39|
na rAmabANadhAraNE kShamAH surESvarA api |
viriMcaSarvapUrvakAH kimu tvamalpasArakaH |40|
prakOpitasya tasya kaH puraH sthitau kShamO BavEt |
surAsurOragAdikE jagatyaciMtyakarmaNaH |41|
itIritE vadhOdyataM nyavArayadviBIShaNaH |
sa pucCadAhakarmaNE nyayOjayanniSAcarAn |42|
athAsya vastrasaMcayaiH pidhAya pucCamagnayE |
dadurdadAha nAsya tanmarutsaKO hutASanaH |43|
mamarSha sarvacEShTitaM sa rakShasAM nirAmayaH |
balOddhataSca kautukAt pradagdhumEva tAM purIM |44|
dadAha cAKilAM purIM svapucCagEna vahninA |
kRutistu viSvakarmaNO&pyadahyatAsya tEjasA |45|
suvarNaratnakAritAM sa rAkShasOttamaiH saha |
pradahya sarvaSaH purIM mudAnvitO jagarja cha |46|
sa rAvaNaM saputrakaM tRuNOpamaM vidhAya cha |
tayOH prapaSyatOH purIM vidhAya BasmasAdyayau |47|
vilaMGya cArNavaM punaH svajAtiBiH prapUjitaH |
praBakShya vAnarESiturmadhu praBuM samEyivAn |48|
rAmaM surESvaramagaNyaguNABirAmaM
saMprApya sarvakapivIravaraiH samEtaH |
cUDAmaNiM pavanajaH padayOrnidhAya
sarvAMgakaiH praNatimasya cakAra BaktyA |49|
rAmO&pi nAnyadanudAtumamuShya yOgyaM-
atyaMtaBaktiBaritasya vilakShya kiMcit |
svAtmapradAnamadhikaM pavanAtmajasya
kurvan samASliShadamuM paramABituShTaH |50|
iti SrImadAnaMdatIrtha bhagavatpAdAchArya virachitE shrIman
mahABAratatAtparyanirNayE
shrIrAma charitE hanumat pratiyAnaMnAma saptamOdhyAya: |
Leave a Reply