Mangalashtakam

Composer: Shri Rajarajeshwara Tirtharu

ಲಕ್ಷ್ಮೀರ್ಯಸ್ಯ ಪರಿಗ್ರಹಃ ಕಮಲ-ಭೂಃ ಸೂನುರ್ಗರುತ್ಮಾನ್ ರಥಃ
ಪೌತ್ರಶ್ಚಂದ್ರ-ವಿಭೂಷಣಃ ಸುರ-ಗುರು ಶೇಷಶ್ಚ ಶಯ್ಯಾ ಪುನಃ |
ಬ್ರಹ್ಮಾಂಡಂ ವರ-ಮಂದಿರಂ ಸುರ-ಗಣಾಃ ಯಸ್ಯ ಪ್ರಭೋಃ ಸೇವಕಾಃ
ಸ ತ್ರೈಲೋಕ್ಯ-ಕುಟುಂಬ-ಪಾಲನ-ಪರಃ ಕುರ್ಯಾದ್ಧರಿರ್ಮಂಗಲಮ್ || ೧ ||

ಬ್ರಹ್ಮಾ ವಾಯು-ಗಿರೀಶ-ಶೇಷ-ಗರುಡಾ ದೇವೇಂದ್ರ-ಕಾಮೌ ಗುರು:-
ಚಂದ್ರಾರ್ಕೌ ವರುಣಾನಲೌ ಮನು-ಯಮೌ ವಿತ್ತೇಶ-ವಿಘ್ನೇಶ್ವರೌ |
ನಾಸತ್ಯೌ ನಿರೃತಿರ್ಮರುದ್-ಗಣ-ಯುತಾಃ ಪರ್ಜನ್ಯ-ಮಿತ್ರಾದಯಃ
ಸಸ್ತ್ರೀಕಾಃ ಸುರ-ಪುಂಗವಾಃ ಪ್ರತಿ-ದಿನಂ ಕುರ್ವಂತು ನೋ ಮಂಗಲಮ್ || ೨ ||

ವಿಶ್ವಾಮಿತ್ರ-ಪರಾಶರೌರ್ವ-ಭೃಗವೋಽಗಸ್ತ್ಯಃ ಪುಲಸ್ತ್ಯಃ ಕ್ರತುಃ
ಶ್ರೀಮಾನತ್ರಿ-ಮರೀಚ್ಯುಚಥ್ಯ-ಪುಲಹಾಃ ಶಕ್ತಿರ್-ವಸಿಷ್ಠೋಽಂಗಿರಾಃ
ಮಾಂಡವ್ಯೋ ಜಮದಗ್ನಿ-ಗೌತಮ-ಭರದ್ವಾಜಾದಯ-ಸ್ತಾಪಸಾಃ
ಶ್ರೀಮದ್-ವಿಷ್ಣು-ಪದಾಂಬುಜೈಕ-ಶರಣಾಃ ಕುರ್ವಂತು ನೋ ಮಂಗಲಮ್ || ೩ ||

ಮಾಂಧಾತಾ ನಹುಷೋಽಂಬರೀಷ-ಸಗರೌ ರಾಜಾ ಪೃಥುರ್ಹೈಹಯಃ
ಶ್ರೀಮಾನ್ ಧರ್ಮ-ಸುತೋ ನಳೋ ದಶರಥೋ ರಾಮೋ ಯಯಾತಿರ್-ಯದುಃ |
ಇಕ್ಷ್ವಾಕುಶ್ಚ ವಿಭೀಷಣಶ್ಚ ಭರತಶ್ಚೋತ್ತಾನಪಾದ-ಧ್ರುವೌ-
ಇತ್ಯಾದ್ಯಾ ಭುವಿ ಭೂಭುಜಶ್ಚ ಸತತಂ ಕುರ್ವಂತು ನೋ ಮಂಗಲಮ್ || ೪ ||

ಶ್ರೀ-ಮೇರುರ್ಹಿಮವಾಂಶ್ಚ ಮಂದರ-ಗಿರಿಃ ಕೈಲಾಸ-ಶೈಲಸ್ತಥಾ
ಮಾಹೇಂದ್ರೋ ಮಲಯಶ್ಚ ವಿಂಧ್ಯ-ನಿಷಧೌ ಸಿಂಹಸ್ತಥಾ ರೈವತಃ |
ಸಹ್ಯಾದ್ರಿರ್ವರ-ಗಂಧಮಾದನ-ಗಿರಿರ್ಮೈನಾಕ-ಗೋಮಾಂತಕೌ-
ಇತ್ಯಾದ್ಯಾ ಭುವಿ ಭೂಧರಾಶ್ಚ ಸತತಂ ಕುರ್ವಂತು ನೋ ಮಂಗಲಮ್ || ೫ ||

ಗಂಗಾ-ಸಿಂಧು-ಸರಸ್ವತೀ ಚ ಯಮುನಾ ಗೋದಾವರೀ ನರ್ಮದಾ
ಕೃಷ್ಣಾ ಭೀಮರಥೀ ಚ ಫಲ್ಗು-ಸರಯೂಃ ಶ್ರೀ-ಗಂಡಕೀ ಗೋಮತೀ |
ಕಾವೇರೀ-ಕಪಿಲಾ-ಪ್ರಯಾಗ-ಕಿಟಿಜಾ-ನೇತ್ರಾವತೀತ್ಯಾದಯೋ
ನದ್ಯಃ ಶ್ರೀಹರಿ-ಪಾದ-ಪಂಕಜ-ಭವಃ ಕುರ್ವಂತು ನೋ ಮಂಗಲಮ್ || ೬ ||

ವೇದಾಶ್ಚೋಪನಿಷದ್-ಗಣಾಶ್ಚ ವಿವಿಧಾಃ ಸಾಂಗಾಃ ಪುರಾಣಾನ್ವಿತಾ
ವೇದಾಂತಾ ಅಪಿ ಮಂತ್ರ-ತಂತ್ರ-ಸಹಿತಾಸ್ತರ್ಕಾಃ ಸ್ಮೃತೀನಾಂ ಗಣಾಃ |
ಕಾವ್ಯಾಲಂಕೃತಿ-ನೀತಿ-ನಾಟಕ-ಯುತಾಃ ಶಬ್ದಾಶ್ಚ ನಾನಾ-ವಿಧಾಃ
ಶ್ರೀವಿಷ್ಣೋರ್ಗುಣ-ನಾಮ-ಕೀರ್ತನ-ಪರಾಃ ಕುರ್ವಂತು ನೋ ಮಂಗಲಮ್ || ೭ ||

ಆದಿತ್ಯಾದಿ-ನವ-ಗ್ರಹಾಃ ಶುಭ-ಕರಾ ಮೇಷಾದಯೋ ರಾಶಯೋ
ನಕ್ಷತ್ರಾಣಿ ಸ-ಯೋಗಕಾಶ್ಚ ತಿಥಯಸ್ತದ್-ದೇವತಾಸ್ತದ್-ಗಣಾಃ |
ಮಾಸಾಬ್ದಾ ಋತವಸ್ತಥೈವ ದಿವಸಾಃ ಸಂಧ್ಯಾಸ್ತಥಾ ರಾತ್ರಯಃ
ಸರ್ವೇ ಸ್ಥಾವರ-ಜಂಗಮಾಃ ಪ್ರತಿ-ದಿನಂ ಕುರ್ವಂತು ನೋ ಮಂಗಲಮ್ || ೮ ||

ಇತ್ಯೇತದ್ ವರ-ಮಂಗಲಾಷ್ಟಕಮಿದಂ ಶ್ರೀರಾಜರಾಜೇಶ್ವರೇ-ಣಾಽಖ್ಯಾತಂ
ಜಗತಾಮಭೀಷ್ಟ-ಫಲ-ದಂ ಸರ್ವಾಶುಭ-ಧ್ವಂಸನಮ್ |
ಮಾಂಗಲ್ಯಾದಿ-ಶುಭ-ಕ್ರಿಯಾಸು ಸತತಂ ಸಂಧ್ಯಾಸು ವಾ ಯಃ ಪಠೇತ್
ಧರ್ಮಾರ್ಥಾದಿ-ಸಮಸ್ತ-ವಾಂಛಿತ-ಫಲಂ ಪ್ರಾಪ್ನೋತ್ಯಸೌ ಮಾನವಃ || ೯ ||

|| ಇತಿ ಶ್ರೀರಾಜರಾಜೇಶ್ವರಯತಿ ವಿರಚಿತಂ ಮಂಗಲಾಷ್ಟಕಂ ಸಂಪೂರ್ಣಮ್ ||

---

lakShmIryasya parigrahaH kamala-BUH sUnurgarutmAn rathaH
pautraScaMdra-viBUShaNaH sura-guru SEShaSca SayyA punaH |
brahmAMDaM vara-maMdiraM sura-gaNAH yasya praBOH sEvakAH
sa trailOkya-kuTuMba-pAlana-paraH kuryAddharirmaMgalam || 1 ||

brahmA vAyu-girISa-SESha-garuDA dEvEMdra-kAmau guru:-
caMdrArkau varuNAnalau manu-yamau vittESa-viGnESvarau |
nAsatyau nirRutirmarud-gaNa-yutAH parjanya-mitrAdayaH
sastrIkAH sura-puMgavAH prati-dinaM kurvaMtu nO maMgalam || 2 ||

viSvAmitra-parASaraurva-BRugavO&gastyaH pulastyaH kratuH
SrImAnatri-marIcyucathya-pulahAH Saktir-vasiShThO&MgirAH
mAMDavyO jamadagni-gautama-BaradvAjAdaya-stApasAH
SrImad-viShNu-padAMbujaika-SaraNAH kurvaMtu nO maMgalam || 3 ||

mAMdhAtA nahuShO&MbarISha-sagarau rAjA pRuthurhaihayaH
SrImAn dharma-sutO naLO daSarathO rAmO yayAtir-yaduH |
ikShvAkuSca viBIShaNaSca BarataScOttAnapAda-dhruvou-
ityAdyA Buvi BUBujaSca satataM kurvaMtu nO maMgalam || 4 ||

SrI-mErurhimavAMSca maMdara-giriH kailAsa-SailastathA
mAhEMdrO malayaSca viMdhya-niShadhau siMhastathA raivataH |
sahyAdrirvara-gaMdhamAdana-girirmainAka-gOmAMtakau-
ityAdyA Buvi BUdharASca satataM kurvaMtu nO maMgalam || 5 ||

gaMgA-siMdhu-sarasvatI ca yamunA gOdAvarI narmadA
kRuShNA BImarathI ca Palgu-sarayUH SrI-gaMDakI gOmatI |
kAvErI-kapilA-prayAga-kiTijA-nEtrAvatItyAdayO
nadyaH SrIhari-pAda-paMkaja-BavaH kurvaMtu nO maMgalam || 6 ||

vEdAScOpaniShad-gaNASca vividhAH sAMgAH purANAnvitA
vEdAMtA api maMtra-taMtra-sahitAstarkAH smRutInAM gaNAH |
kAvyAlaMkRuti-nIti-nATaka-yutAH SabdASca nAnA-vidhAH
SrIviShNOrguNa-nAma-kIrtana-parAH kurvaMtu nO maMgalam || 7 ||

AdityAdi-nava-grahAH SuBa-karA mEShAdayO rASayO
nakShatrANi sa-yOgakASca tithayastad-dEvatAstad-gaNAH |
mAsAbdA Rutavastathaiva divasAH saMdhyAstathA rAtrayaH
sarvE sthAvara-jaMgamAH prati-dinaM kurvaMtu nO maMgalam || 8 ||

ityEtad vara-maMgalAShTakamidaM SrIrAjarAjESvarE-NA&KyAtaM
jagatAmaBIShTa-Pala-daM sarvASuBa-dhvaMsanam |
mAMgalyAdi-SuBa-kriyAsu satataM saMdhyAsu vA yaH paThEt
dharmArthAdi-samasta-vAMCita-PalaM prApnOtyasau mAnavaH || 9 ||

|| iti SrIrAjarAjESvarayati viracitaM maMgalAShTakaM saMpUrNam ||