ಶ್ರೀಪೂರ್ಣಬೋಧ-ಗುರು-ತೀರ್ಥ-ಪಯೋಽಬ್ಧಿ-ಪಾರಾ
ಕಾಮಾರಿ-ಮಾಽಕ್ಷ-ವಿಷಮಾಕ್ಷ-ಶಿರಃ ಸ್ಪೃಶಂತೀ |
ಪೂರ್ವೋತ್ತರಾಮಿತ-ತರಂಗ-ಚರತ್-ಸು-ಹಂಸಾ
ದೇವಾಲಿ-ಸೇವಿತ-ಪರಾಂಘ್ರಿ-ಪಯೋಜ-ಲಗ್ನಾ || ೧ ||
ಜೀವೇಶ-ಭೇದ-ಗುಣ-ಪೂರ್ತಿ-ಜಗತ್-ಸು-ಸತ್ತ್ವ-
ನೀಚೋಚ್ಚ-ಭಾವ-ಮುಖ-ನಕ್ರ-ಗಣೈಃ ಸಮೇತಾ |
ದುರ್ವಾದ್ಯಜಾ-ಪತಿ-ಗಿಲೈರ್ಗುರು-ರಾಘವೇಂದ್ರ-
ವಾಗ್-ದೇವತಾ-ಸರಿದಮುಂ ವಿಮಲೀಕರೋತು || ೨ ||
ಶ್ರೀ-ರಾಘವೇಂದ್ರಃ ಸಕಲ-ಪ್ರದಾತಾ
ಸ್ವ-ಪಾದ-ಕಂಜ-ದ್ವಯ-ಭಕ್ತಿಮದ್ಭ್ಯಃ |
ಅಘಾದ್ರಿ-ಸಂಭೇದನ-ದೃಷ್ಟಿ-ವಜ್ರಃ
ಕ್ಷಮಾ-ಸುರೇಂದ್ರೋಽವತು ಮಾಂ ಸದಾಽಯಮ್ || ೩ ||
ಶ್ರೀ-ರಾಘವೇಂದ್ರೋ ಹರಿ-ಪಾದ-ಕಂಜ-
ನಿಷೇವಣಾಲ್ಲಬ್ಧ-ಸಮಸ್ತ-ಸಂಪತ್ |
ದೇವ-ಸ್ವಭಾವೋ ದಿವಿಜ-ದ್ರುಮೋಽಯ-
ಮಿಷ್ಟಪ್ರದೋ ಮೇ ಸತತಂ ಸ ಭೂಯಾತ್ || ೪ ||
ಭವ್ಯ-ಸ್ವರೂಪೋ ಭವ-ದುಃಖ-ತೂಲ-
ಸಂಘಾಗ್ನಿ-ಚರ್ಯಃ ಸುಖ-ಧೈರ್ಯ-ಶಾಲೀ |
ಸಮಸ್ತ-ದುಷ್ಟ-ಗ್ರಹ-ನಿಗ್ರಹೇಶೋ
ದುರತ್ಯಯೋಪಪ್ಲವ-ಸಿಂಧು-ಸೇತುಃ || ೫ ||
ನಿರಸ್ತ-ದೋಷೋ ನಿರವದ್ಯ-ವೇಷಃ
ಪ್ರತ್ಯರ್ಥಿ-ಮೂಕತ್ವ-ನಿದಾನ-ಭಾಷಃ |
ವಿದ್ವತ್-ಪರಿಜ್ಞೇಯ-ಮಹಾ-ವಿಶೇಷೋ
ವಾಗ್-ವೈಖರೀ-ನಿರ್ಜಿತ-ಭವ್ಯ-ಶೇಷಃ || ೬ ||
ಸಂತಾನ-ಸಂಪತ್-ಪರಿಶುದ್ಧ-ಭಕ್ತಿ-
ವಿಜ್ಞಾನ-ವಾಗ್-ದೇಹ-ಸು-ಪಾಟವಾದೀನ್ |
ದತ್ವಾ ಶರೀರೋತ್ಥ-ಸಮಸ್ತ-ದೋಷಾನ್
ಹತ್ವಾ ಸ ನೋಽವ್ಯಾದ್ ಗುರು-ರಾಘವೇಂದ್ರಃ || ೭ ||
ಯತ್-ಪಾದೋದಕ-ಸಂಚಯಃ ಸುರ-ನದಿ-ಮುಖ್ಯಾಪಗಾಽಽಸಾದಿತಾ-
ಸಂಖ್ಯಾನುತ್ತಮ-ಪುಣ್ಯ-ಸಂಘ-ವಿಲಸತ್-ಪ್ರಖ್ಯಾತ-ಪುಣ್ಯಾವಹಃ |
ದುಸ್ತಾಪತ್ರಯ-ನಾಶನೋ ಭುವಿ ಮಹಾ-ವಂಧ್ಯಾ-ಸು-ಪುತ್ರ-ಪ್ರದೋ
ವ್ಯ್ಂಗ-ಸ್ವಂಗ-ಸಮೃದ್ಧಿ-ದೋ ಗ್ರಹ-ಮಹಾಪಾಪಾಪಹಸ್ತಂ ಶ್ರಯೇ || ೮ ||
ಯತ-ಪಾದ-ಕಂಜ-ರಜಸಾ ಪರಿಭೂಷಿತಾಂಗಾ
ಯತ್-ಪಾದ-ಪದ್ಮ-ಮಧುಪಾಯಿತ-ಮಾನಸಾ ಯೇ |
ಯತ-ಪಾದ-ಪದ್ಮ-ಪರಿಕೀರ್ತನ-ಜೀರ್ಣ-ವಾಚಃ
ತದ್-ದರ್ಶನಂ ದುರಿತ-ಕಾನನ-ದಾವ-ಭೂತಮ್ || ೯ ||
ಸರ್ವ-ತಂತ್ರ-ಸ್ವತಂತ್ರೋಽಸೌ ಶ್ರೀ-ಮಧ್ವ-ಮತ-ವರ್ಧನಃ |
ವಿಜಯೀಂದ್ರ-ಕರಾಬ್ಜೋತ್ಥ-ಸುಧೀಂದ್ರ-ವರ-ಪುತ್ರಕಃ || ೧೦ ||
ಶ್ರೀರಾಘವೇಂದ್ರೋ ಯತಿ-ರಾಡ್ ಗುರುರ್ಮೇ ಸ್ಯಾದ್ ಭಯಾಪಹಃ |
ಜ್ಞಾನ-ಭಕ್ತಿ-ಸು-ಪುತ್ರಾಯುರ್ಯಶಃ-ಶ್ರೀ-ಪುಣ್ಯ-ವರ್ಧನಃ || ೧೧ ||
ಪ್ರತಿ-ವಾದಿ-ಜಯ-ಸ್ವಾಂತ-ಭೇದ-ಚಿಹ್ನಾದರೋ ಗುರುಃ |
ಸರ್ವ-ವಿದ್ಯಾ-ಪ್ರವೀಣೋಽನ್ಯೋ ರಾಘವೇಂದ್ರಾನ್ನ ವಿದ್ಯತೇ || ೧೨ ||
ಅಪರೋಕ್ಷೀಕೃತ-ಶ್ರೀಶಃ ಸಮುಪೇಕ್ಷಿತ-ಭಾವಜಃ |
ಅಪೇಕ್ಷಿತ-ಪ್ರದಾತಾಽನ್ಯೋ ರಾಘವೇಂದ್ರಾನ್ನ ವಿದ್ಯತೇ || ೧೩ ||
ದಯಾ-ದಾಕ್ಷಿಣ್ಯ-ವೈರಾಗ್ಯ-ವಾಕ್-ಪಾಟವ-ಮುಖಾಂಕಿತಃ |
ಶಾಪಾನುಗ್ರಹ-ಶಕ್ತೋಽನ್ಯೋ ರಾಘವೇಂದ್ರಾನ್ನ ವಿದ್ಯತೇ || ೧೪ ||
ಅಜ್ಞಾನ-ವಿಸ್ಮೃತಿ-ಭ್ರಾಂತಿ-ಸಂಶಯಾಪಸ್ಮೃತಿ-ಕ್ಷಯಾಃ |
ತಂದ್ರಾ-ಕಂಪ-ವಚಃ-ಕೌಂಠ್ಯ-ಮುಖಾ ಯೇ ಚೇಂದ್ರಿಯೋದ್ಭವಾಃ |
ದೋಷಾಸ್ತೇ ನಾಶಮಾಯಾಂತಿ ರಾಘವೇಂದ್ರ-ಪ್ರಸಾದತಃ || ೧೫ ||
(ಓಂ)ಶ್ರೀ ರಾಘವೇಂದ್ರಾಯ ನಮಃ” ಇತ್ಯಷ್ಟಾಕ್ಷರ-ಮಂತ್ರತಃ |
ಜಪಿತಾದ್ ಭಾವಿತಾನ್ನಿತ್ಯಮಿಷ್ಟಾರ್ಥಾಃ ಸ್ಯುರ್ನ ಸಂಶಯಃ || ೧೬ ||
ಹಂತು ನಃ ಕಾಯಜಾನ್ ದೋಷಾನಾತ್ಮಾತ್ಮೀಯ-ಸಮುದ್ಭವಾನ್ |
ಸರ್ವಾನಪಿ ಪುಮರ್ಥಾಂಶ್ಚ ದದಾತು ಗುರುರಾತ್ಮ-ವಿತ್ || ೧೭ ||
ಇತಿ ಕಾಲ-ತ್ರಯೇ ನಿತ್ಯಂ ಪ್ರಾರ್ಥನಾಂ ಯಃ ಕರೋತಿ ಸಃ |
ಇಹಾಮುತ್ರಾಪ್ತ-ಸರ್ವೇಷ್ಟೋ ಮೋದತೇ ನಾತ್ರ ಸಂಶಯಃ || ೧೮ ||
ಅಗಮ್ಯ-ಮಹಿಮಾ-ಲೋಕೇ ರಾಘವೇಂದ್ರೋ ಮಹಾ-ಯಶಾಃ |
ಶ್ರೀ-ಮಧ್ವ-ಮತ-ದುಗ್ಧಾಬ್ಧಿ-ಚಂದ್ರೋಽವತು ಸದಾಽನಘಃ || ೧೯ ||
ಸರ್ವ-ಯಾತ್ರಾ-ಫಲಾವಾಪ್ತೈ ಯಥಾ-ಶಕ್ತಿ ಪ್ರ-ದಕ್ಷಿಣಮ್ |
ಕರೋಮಿ ತವ ಸಿದ್ಧಸ್ಯ ವೃಂದಾವನ-ಗತಂ-ಜಲಮ್ |
ಶಿರಸಾ ಧಾರಯಾಮ್ಯದ್ಯ ಸರ್ವ-ತೀರ್ಥ-ಫಲಾಪ್ತಯೇ || ೨೦ ||
ಸರ್ವಾಭೀಷ್ಟಾರ್ಥ-ಸಿದ್ಧ್ಯರ್ಥಂ ನಮಸ್ಕಾರಂ ಕರೋಮ್ಯಹಮ್ |
ತವ ಸಂಕೀರ್ತನಂ ವೇದ-ಶಾಸ್ತ್ರಾರ್ಥ-ಜ್ಞಾನ-ಸಿದ್ಧಯೇ || ೨೧ ||
ಸಂಸಾರೇಽಕ್ಷಯ-ಸಾಗರೇ ಪ್ರಕೃತಿತೋಽಗಾಧೇ ಸದಾ ದುಸ್ತರೇ
ಸರ್ವಾವದ್ಯ-ಜಲಗ್ರಹೈರನುಪಮೇ ಕಾಮಾದಿ-ಭಂಗಾಕುಲೇ |
ನಾನಾ-ವಿಭ್ರಮ-ದುರ್ಭ್ರಮೇಽಮಿತ-ಭಯ-ಸ್ತೋಮಾದಿ-ಫೇನೋತ್ಕಟೇ
ದುಃಖೋತ್ಕೃಷ್ಟ-ವಿಷೇ ಸಮುದ್ಧರ ಗುರೋ ಮಾಂ ಮಗ್ನ-ರೂಪಂ ಸದಾ || ೨೨ ||
ರಾಘವೇಂದ್ರ-ಗುರು-ಸ್ತೋತ್ರಂ ಯಃ ಪಠೇದ್ ಭಕ್ತಿ-ಪೂರ್ವಕಮ್ |
ತಸ್ಯ ಕುಷ್ಠಾದಿ-ರೋಗಾಣಾಂ ನಿವೃತ್ತಿಸ್ತ್ವರಯಾ ಭವೇದ್ || ೨೩ ||
ಅಂಧೋಽಪಿ ದಿವ್ಯ-ದೃಷ್ಟಿಃ ಸ್ಯಾದೇಡ-ಮೂಕೋಽಪಿ ವಾಕ್-ಪತಿಃ |
ಪೂರ್ಣಾಯುಃ ಪೂರ್ಣ-ಸಂಪತ್ತಿಃ ಸ್ತೋತ್ರಸ್ಯಾಸ್ಯ ಜಪಾದ್ ಭವೇತ್ || ೨೪ ||
ಯಃ ಪಿಬೇಜ್ಜಲಮೇತೇನ ಸ್ತೋತ್ರೇಣೈವಾಭಿ-ಮಂತ್ರಿತಮ್ |
ತಸ್ಯ ಕುಕ್ಷಿ-ಗತಾ ದೋಷಾಃ ಸರ್ವೇ ನಶ್ಯಂತಿ ತತ್-ಕ್ಷಣಾತ್ || ೨೫ ||
ಯದ್-ವೃಂದಾವನಮಾಸಾದ್ಯ ಪಂಗುಃ ಖಂಜೋಽಪಿ ವಾ ಜನಃ |
ಸ್ತೋತ್ರೇಣಾನೇನ ಯಃ ಕುರ್ಯಾತ್ ಪ್ರದಕ್ಷಿಣ-ನಮಸ್ಕೃತೀ |
ಸ ಜಂಘಾಲೋ ಭವೇದೇವ ಗುರುರಾಜ-ಪ್ರಸಾದತಃ || ೨೬ ||
ಸೋಮ-ಸೂರ್ಯಪರಾಗೇ ಚ ಪುಷ್ಯಾರ್ಕಾದಿ-ಸಮಾಗಮೇ |
ಯೋಽನುತ್ತಮಮಿದಂ ಸ್ತೋತ್ರಮಷ್ಟೋತ್ತರಶತಂ ಜಪೇತ್ |
ಭೂತ-ಪ್ರೇತ-ಪಿಶಾಚಾದಿ-ಪೀಡಾ ತಸ್ಯ ನ ಜಾಯತೇ || ೨೭ ||
ಏತತ್ ಸ್ತೋತ್ರಂ ಸಮುಚ್ಚಾರ್ಯ ಗುರು-ವೃಂದಾವನಾಂತಿಕೇ |
ದೀಪ-ಸಂಯೋಜನಾಜ್ಜ್ಞಾನಂ ಪುತ್ರ-ಲಾಭೋ ಭವೇದ್ ದ್ರುವಮ್ || ೨೮ ||
ಪರ-ವಾದಿ-ಜಯೋ ದಿವ್ಯ-ಜ್ಞಾನ-ಭಕ್ತ್ಯಾದಿ-ವರ್ಧನಮ್ |
ಸರ್ವಾಭೀಷ್ಟಾರ್ಥ-ಸಿದ್ಧಿಃ ಸ್ಯಾನ್ನಾತ್ರ ಕಾರ್ಯಾ ವಿಚಾರಣಾ || ೨೯ ||
ರಾಜ-ಚೋರ-ಮಹಾವ್ಯಾಘ್ರ-ಸರ್ಪ-ನಕ್ರಾದಿ-ಪೀಡನಮ್ |
ನ ಜಾಯತೇಽಸ್ಯ ಸ್ತೋತ್ರಸ್ಯ ಪ್ರಭಾವಾನ್ನಾತ್ರ ಸಂಶಯಃ || ೩೦ ||
ಯೋ ಭಕ್ತ್ಯಾ ಗುರು-ರಾಘವೇಂದ್ರ-ಚರಣ-ದ್ವಂದ್ವ ಸ್ಮರನ್ ಯಃ ಪಠೇತ್
ಸ್ತೋತ್ರಂ ದಿವ್ಯಮಿದಂ ಸದಾ ನಹಿ ಭವೇತ್ ತಸ್ಯಾಶುಭಂ ಕಿಂಚನ |
ಕಿಂತ್ವಿಷ್ಟಾರ್ಥ-ಸಮೃದ್ಧಿರೇವ ಕಮಲಾ-ನಾಥ-ಪ್ರಸಾದೋದಯಾತ್
ಕೀರ್ತಿರ್ದಿಗ್-ವಿದಿತಾ ವಿಭೂತಿರತುಲಾ “ಸಾಕ್ಷೀ ಹಯಾಸ್ಯೂಽತ್ರ ಹಿ” || ೩೧ ||
ಇತಿ ಶ್ರೀ-ರಾಘವೇಂದ್ರಾರ್ಯ-ಗುರು-ರಾಜ-ಪ್ರಸಾದತಃ |
ಕೃತಂ ಸ್ತೋತ್ರಮಿದಂ ದಿವ್ಯಂ ಶ್ರೀಮದ್ಭಿರ್ಹ್ಯಪ್ಪಣಾಭಿಧೈಃ || ೩೨ ||
ಪೂಜ್ಯಾಯ ರಾಘವೇಂದ್ರಾಯ ಸತ್ಯಧರ್ಮರತಾಯ ಚ |
ಭಜತಾಂ ಕಲ್ಪವೃಕ್ಷಾಯ ನಮತಾಂ ಕಾಮಧೇನವೇ || ೩೩ ||
ದುರ್ವಾದಿಧ್ವಾಂತರವಯೇ ವೈಷ್ಣವೇಂದೀವರೇಂದವೇ |
ಶ್ರೀರಾಘವೇಂದ್ರಗುರವೇ ನಮೋಽತ್ಯಂತದಯಾಲವೇ || ೩೪ ||
ಮೂಕೋಪಿ ಯತ್ಪ್ರಸಾದೇನ ಮುಕುಂದ ಶಯನಾಯತೆ
ರಾಜರಾಜಾಯತೆ ನಿತ್ಯಮ್ ರಾಘವೇಂದ್ರಮ್ ತಮಾಶ್ರಯೇ ||
ಅಪಾದಮೌಳಿ ಪರ್ಯಂತಮ್ ಗುರೂಣಾಂ ಆಕೃತೀಮ್
ಸ್ಮರೇತ್ |
ತೇನ ವಿಘ್ನಾ: ಪ್ರಣಶ್ಯಂತಿ ಸಿದ್ಧ್ಯಂತಿ ಚ ಮನೋರಥಾ: ||
|| ಇತಿ ಶ್ರೀಮದಪ್ಪಣಾಚಾರ್ಯವಿರಚಿತಂ ಶ್ರೀರಾಘವೇಂದ್ರಸ್ತೋತ್ರಮ್ ||
SrIpUrNabOdha-guru-tIrtha-payO&bdhi-pArA
kAmAri-mA&kSha-viShamAkSha-SiraH spRuSaMtI |
pUrvOttarAmita-taraMga-carat-su-haMsA
dEvAli-sEvita-parAMGri-payOja-lagnA || 1 ||
jIvESa-BEda-guNa-pUrti-jagat-su-sattva-
nIcOcca-BAva-muKa-nakra-gaNaiH samEtA |
durvAdyajA-pati-gilairguru-rAGavEMdra-
vAg-dEvatA-saridamuM vimalIkarOtu || 2 ||
SrI-rAGavEMdraH sakala-pradAtA
sva-pAda-kaMja-dvaya-BaktimadByaH |
aGAdri-saMBEdana-dRuShTi-vajraH
kShamA-surEMdrO&vatu mAM sadA&yam || 3 ||
SrI-rAGavEMdrO hari-pAda-kaMja-
niShEvaNAllabdha-samasta-saMpat |
dEva-svaBAvO divija-drumO&ya-
miShTapradO mE satataM sa BUyAt || 4 ||
Bavya-svarUpO Bava-duHKa-tUla-
saMGAgni-caryaH suKa-dhairya-SAlI |
samasta-duShTa-graha-nigrahESO
duratyayOpaplava-siMdhu-sEtuH || 5 ||
nirasta-dOShO niravadya-vEShaH
pratyarthi-mUkatva-nidAna-BAShaH |
vidvat-parij~jEya-mahA-viSEShO
vAg-vaiKarI-nirjita-Bavya-SEShaH || 6 ||
saMtAna-saMpat-pariSuddha-Bakti-
vij~jAna-vAg-dEha-su-pATavAdIn |
datvA SarIrOttha-samasta-dOShAn
hatvA sa nO&vyAd guru-rAGavEMdraH || 7 ||
yat-pAdOdaka-saMcayaH sura-nadi-muKyApagA&&sAditA-
saMKyAnuttama-puNya-saMGa-vilasat-praKyAta-puNyAvahaH |
dustApatraya-nASanO Buvi mahA-vaMdhyA-su-putra-pradO
vyMga-svaMga-samRuddhi-dO graha-mahApApApahastaM SrayE || 8 ||
yata-pAda-kaMja-rajasA pariBUShitAMgA
yat-pAda-padma-madhupAyita-mAnasA yE |
yata-pAda-padma-parikIrtana-jIrNa-vAcaH
tad-darSanaM durita-kAnana-dAva-BUtam || 9 ||
sarva-taMtra-svataMtrO&sau SrI-madhva-mata-vardhanaH |
vijayIMdra-karAbjOttha-sudhIMdra-vara-putrakaH || 10 ||
SrIrAGavEMdrO yati-rAD gururmE syAd BayApahaH |
j~jAna-Bakti-su-putrAyuryaSaH-SrI-puNya-vardhanaH || 11 ||
prati-vAdi-jaya-svAMta-BEda-cihnAdarO guruH |
sarva-vidyA-pravINO&nyO rAGavEMdrAnna vidyatE || 12 ||
aparOkShIkRuta-SrISaH samupEkShita-BAvajaH |
apEkShita-pradAtA&nyO rAGavEMdrAnna vidyatE || 13 ||
dayA-dAkShiNya-vairAgya-vAk-pATava-muKAMkitaH |
SApAnugraha-SaktO&nyO rAGavEMdrAnna vidyatE || 14 ||
aj~jAna-vismRuti-BrAMti-saMSayApasmRuti-kShayAH |
taMdrA-kaMpa-vacaH-kauMThya-muKA yE cEMdriyOdBavAH |
dOShAstE nASamAyAMti rAGavEMdra-prasAdataH || 15 ||
“(OM)SrI rAGavEMdrAya namaH” ityaShTAkShara-maMtrataH |
japitAd BAvitAnnityamiShTArthAH syurna saMSayaH || 16 ||
haMtu naH kAyajAn dOShAnAtmAtmIya-samudBavAn |
sarvAnapi pumarthAMSca dadAtu gururAtma-vit || 17 ||
iti kAla-trayE nityaM prArthanAM yaH karOti saH |
ihAmutrApta-sarvEShTO mOdatE nAtra saMSayaH || 18 ||
agamya-mahimA-lOkE rAGavEMdrO mahA-yaSAH |
SrI-madhva-mata-dugdhAbdhi-caMdrO&vatu sadA&naGaH || 19 ||
sarva-yAtrA-PalAvAptai yathA-Sakti pra-dakShiNam |
karOmi tava siddhasya vRuMdAvana-gataM-jalam |
SirasA dhArayAmyadya sarva-tIrtha-PalAptayE || 20 ||
sarvABIShTArtha-siddhyarthaM namaskAraM karOmyaham |
tava saMkIrtanaM vEda-SAstrArtha-j~jAna-siddhayE || 21 ||
saMsArE&kShaya-sAgarE prakRutitO&gAdhE sadA dustarE
sarvAvadya-jalagrahairanupamE kAmAdi-BaMgAkulE |
nAnA-viBrama-durBramE&mita-Baya-stOmAdi-PEnOtkaTE
duHKOtkRuShTa-viShE samuddhara gurO mAM magna-rUpaM sadA || 22 ||
rAGavEMdra-guru-stOtraM yaH paThEd Bakti-pUrvakam |
tasya kuShThAdi-rOgANAM nivRuttistvarayA BavEd || 23 ||
aMdhO&pi divya-dRuShTiH syAdEDa-mUkO&pi vAk-patiH |
pUrNAyuH pUrNa-saMpattiH stOtrasyAsya japAd BavEt || 24 ||
yaH pibEjjalamEtEna stOtrENaivABi-maMtritam |
tasya kukShi-gatA dOShAH sarvE naSyaMti tat-kShaNAt || 25 ||
yad-vRuMdAvanamAsAdya paMguH KaMjO&pi vA janaH |
stOtrENAnEna yaH kuryAt pradakShiNa-namaskRutI |
sa jaMGAlO BavEdEva gururAja-prasAdataH || 26 ||
sOma-sUryaparAgE ca puShyArkAdi-samAgamE |
yO&nuttamamidaM stOtramaShTOttaraSataM japEt |
BUta-prEta-piSAcAdi-pIDA tasya na jAyatE || 27 ||
Etat stOtraM samuccArya guru-vRuMdAvanAMtikE |
dIpa-saMyOjanAjj~jAnaM putra-lABO BavEd druvam || 28 ||
para-vAdi-jayO divya-j~jAna-BaktyAdi-vardhanam |
sarvABIShTArtha-siddhiH syAnnAtra kAryA vicAraNA || 29 ||
rAja-cOra-mahAvyAGra-sarpa-nakrAdi-pIDanam |
na jAyatE&sya stOtrasya praBAvAnnAtra saMSayaH || 30 ||
yO BaktyA guru-rAGavEMdra-caraNa-dvaMdva smaran yaH paThEt
stOtraM divyamidaM sadA nahi BavEt tasyASuBaM kiMcana |
kiMtviShTArtha-samRuddhirEva kamalA-nAtha-prasAdOdayAt
kIrtirdig-viditA viBUtiratulA “sAkShI hayAsyU&tra hi” || 31 ||
iti SrI-rAGavEMdrArya-guru-rAja-prasAdataH |
kRutaM stOtramidaM divyaM SrImadBirhyappaNABidhaiH || 32 ||
pUjyAya rAGavEMdrAya satyadharmaratAya ca |
BajatAM kalpavRukShAya namatAM kAmadhEnavE || 33 ||
durvAdidhvAMtaravayE vaiShNavEMdIvarEMdavE |
SrIrAGavEMdraguravE namO&tyaMtadayAlavE || 34 ||
mUkOpi yatprasAdEna mukuMda shayanAyate
rAjarAjAyate nityam rAghavEMdram tamAshrayE ||
apAdamouLi paryaMtam gurUNAM AkRutIm
smarEt |
tEna vighnA: praNashyaMti siddhyaMti cha manOrathA: ||
|| iti SrImadappaNAcAryaviracitaM SrIrAGavEMdrastOtram ||
Leave a Reply