Shri Brahmanya Tirtha Pancharatnamalika stotram

Composer: Shri Vyasarajaru

|| ಶ್ರೀ ಬ್ರಹ್ಮಣ್ಯತೀರ್ಥ ಪಂಚರತ್ನಮಾಲಿಕಾ ಸ್ತೋತ್ರಮ್ ||

ವಂದೇ ಬ್ರಹ್ಮಣ್ಯತೀರ್ಥಂ ಶುಭತಮಚರಿತಂ ಸೇವಿತ-ಶ್ರೀಸಮೇತಮ್ |
ಶಾಂತಂ ದಾಂತಂ ಮಹಾಂತಂ ಗುರುಗುಣಭರಿತಂ
ಯೋಗಿಸಂಘೈರುಪೇತಮ್ |
ಕಾಮಕ್ರೋಧಾದ್ಯತೀತಂ ಕುಮತಿಭಿರಜಿತಂ
ಕಲ್ಮಷಾಂಭೋಧಿಪೋತಮ್ |
ಧೀರಂ ಭೂದೇವಗೀತಂ ಶುಭಜನಮಹಿತಂ ಧನ್ಯಮಾನ್ಯಂ ವಿನೀತಮ್ ||೧||

ಮಾದ್ಯನ್ಮಾಯಿ ಗಜೇಂದ್ರ ಪಂಚವದನ: ಪ್ರಖ್ಯಾತಕೀರ್ತಿರ್ಮಹಾನ್ |
ಶ್ರೀಮದ್ವಿಠ್ಠಲಪಾದಪದ್ಮ ಮಧುಪ: ಸರ್ವೇಷ್ಟ
ಚಿಂತಾಮಣಿ: |
ನಿರ್ವ್ಯಾಜೋರು ದಯಾಕಟಾಕ್ಷಲಸಿತೋ ಜ್ಞಾನಾದಿಭಾಗ್ಯೋಜ್ಜ್ವಲ: |
ಶ್ರೀಬ್ರಹ್ಮಣ್ಯಯತೀಂದ್ರ ಮಸ್ತಕಮಣಿ: ಪಾಯಾದಪಾಯಾತ್ಸ ಮಾಮ್ ||೨||

ಬಿಭ್ರತ್ಕಾಷಾಯಚೇಲಂ ವಿಲಸಿತ ತುಲಸೀ ಪಂಕಜಾಕ್ಷಾದಿಮಾಲಮ್ |
ಧೂತಾಜ್ಞಾನಾಘಜಾಲಂ ಮೃದುವಚನಕಲಂ
ಚಾರುಸೌಂದರ್ಯಶೀಲಮ್ |
ಆರ್ತತ್ರಾಣೈಕಲೋಲಂ ಪ್ರಣತಮುನಿಕುಲಂ ವೈಷ್ಣವಾಗ್ರ್ಯಾನುಕೂಲಮ್ |
ಬ್ರಹ್ಮಣ್ಯಾರ್ಯಂ ದಯಾಲುಂ ಸ್ಮಿತಮುಖ ಕಮಲಂ ಸಾದರಂ ತಂ ಭಜೇಽಲಮ್ ||೩||

ಯದ್ವೃಂದಾವನ ದರ್ಶನೇನ ನಿತರಾಂ ಪಾಪಾನಿ ಯಾಂತಿ ಕ್ಷಯಂ |
ಯದ್ವೃಂದಾವನ ಮೃತ್ತಿಕಾ ಸುವಿಧೃತಾ ತಾಪತ್ರಯ ಧ್ವಂಸಿನೀ |
ಯದ್ವೃಂದಾವನ ಸೇವೆಯಾ ಭುವಿ ಜನ: ಪ್ರಾಪ್ನೋತಿ ವಿದ್ಯಾಂ ಸುಖಂ |
ಸರ್ವಾರಿಷ್ಟ ನಿವೃತ್ತಯೇಽಸ್ತು ಸ ಚ ಮೇ ಬ್ರಹ್ಮಣ್ಯತೀರ್ಥೋ ಗುರು: ||೪||

ಕುಷ್ಟಶ್ವೇತೋರುಗುಲ್ಮ ಕ್ಷಯಕಠಿನತರ ವ್ಯಾಧಿವೈದ್ಯಾಧಿ ನಾಥೋ |
ಭೂತಪ್ರೇತ ಗ್ರಹೋಚ್ಚಾಟನಕುಶಲಮಹಾಮಂತ್ರ
ಮೂರ್ತಿರ್ಮುನೀಂದ್ರ: |
ಸರ್ವಾಭೀಷ್ಟಪ್ರದಾತಾ ಸರಸಸುಹೃದಯ: ಪುಣ್ಯಚಾರಿತ್ರನಾಮಾ |
ಭೂಯಾದ್ಬ್ರಹ್ಮಣ್ಯತೀರ್ಥೋ ಗುರುಕುಲತಿಲಕೋ ಭೂಯಸೇ ಶ್ರೇಯಸೇ ಮೇ ||೫||

|| ಇತಿ ಶ್ರೀ ವ್ಯಾಸರಾಜ ಪೂಜ್ಯ ಚರಣ ವಿರಚಿತ ಶ್ರೀ
ಬ್ರಹ್ಮಣ್ಯತೀರ್ಥ ಗುರುರಾಜ ಪಂಚರತ್ನಮಾಲಿಕಾ ಸ್ತೋತ್ರಂ ||
|| ಶ್ರೀ ಕೃಷ್ಣಾರ್ಪಣಮಸ್ತು ||

---

|| shrI brahmaNyatIrtha paMcharatnamAlikA stOtram ||

vaMdE brahmaNyatIrthaM shubhatamacharitaM sEvita-shrIsamEtam |
shAMtaM dAMtaM mahAMtaM guruguNabharitaM
yOgisaMghairupEtam |
kAmakrOdhAdyatItaM kumatibhirajitaM
kalmaShAMbhOdhipOtam |
dhIraM bhUdEvagItaM shubhajanamahitaM dhanyamAnyaM vinItam ||1||

mAdyanmAyi gajEMdra paMchavadana: prakhyAtakIrtirmahAn |
shrImadviThThalapAdapadma madhupa: sarvEShTa
chiMtAmaNi: |
nirvyAjOru dayAkaTAkShalasitO j~jAnAdibhAgyOjjvala: |
shrIbrahmaNyayatIMdra mastakamaNi: pAyAdapAyAtsa mAm ||2||

bibhratkAShAyachElaM vilasita tulasI paMkajAkShAdimAlam |
dhUtAj~jAnAghajAlaM mRuduvachanakalaM
chArusouMdaryashIlam |
ArtatrANaikalOlaM praNatamunikulaM vaiShNavAgryAnukUlam |
brahmaNyAryaM dayAluM smitamukha kamalaM sAdaraM taM bhajE&lam ||3||

yadvRuMdAvana darshanEna nitarAM pApAni yAMti kShayaM |
yadvRuMdAvana mRuttikA suvidhRutA tApatraya dhvaMsinI |
yadvRuMdAvana sEveyA bhuvi jana: prApnOti vidyAM sukhaM |
sarvAriShTa nivRuttayE&stu sa cha mE brahmaNyatIrthO guru: ||4||

kuShTashvEtOrugulma kShayakaThinatara vyAdhivaidyAdhi nAthO |
bhUtaprEta grahOcchATanakushalamahAmaMtra
mUrtirmunIMdra: |
sarvAbhIShTapradAtA sarasasuhRudaya: puNyachAritranAmA |
bhUyAdbrahmaNyatIrthO gurukulatilakO bhUyasE shrEyasE mE ||5||

|| iti shrI vyAsarAja pUjya charaNa virachita shrI
brahmaNyatIrtha gururAja paMcharatnamAlikA stOtraM ||
||shrI kRuShNArpaNamastu ||