Venkatesha devara mahima suladi – Purandara dasaru

ಶ್ರೀವೇಂಕಟೇಶ ದೇವರ ಮಹಿಮಾ ಸುಳಾದಿ

ರಾಗ ಮೋಹನ

ಧ್ರುವತಾಳ

ಮಂಗಳಾಂಗ ವಟ್ಟದಲ್ಲನಂಗ ಸುಖವಿತ್ತಳವ್ವೆ
ಅಂಗನೆ ಲಕುಮೆವ್ವೆ ತುಂಬುರ ದೊಳಿಪ್ಪಳವ್ವೆ
ಶೃಂಗಾರವಾದಳವ್ವೆ ಬಂಗಾರವಾದಳವ್ವೆ
ರಂಗ ಪುರಂದರವಿಟ್ಠಲ ವಿಭುದೇಶ ತಿರು –
ವೆಂಗಳಪ್ಪ ಎನ್ನಪ್ಪನೆ ನಾರಾಯಣಾ || ೧ ||

ಮಟ್ಟತಾಳ

ಉಟ್ಟ ದಟ್ಟಿ ಕಟ್ಟಿದ ಕಠಾರಿ
ತೊಟ್ಟಂಬು ತೊಡರು ತೋಮರ
ಮೆಟ್ಟಿದ್ದ ಹೆಕ್ಕಟ್ಟಿ ಗೆರೆ ಹೊನ್ನ ಗೆಜ್ಜೆ
ಕಟ್ಟಾಳು ತಾ ಆಳು ಯೆಟ್ಟಿವರಿವಲ್ಲಿ
ಸೃಷ್ಟಿ ರಕ್ಷಿಪ ಪುರಂದರ
ವಿಟ್ಠಲ ತಿರುವೆಂಗಳಪ್ಪನೇ ಆದಾ || ೨ ||

ಅಟ್ಟತಾಳ

ಆಚ್ಯುತಾನಂತ ಗೋವಿಂದ ಮುಕುಂದ
ವಾಮನ ವಾಸುದೇವ ನಾರಾಯಣ
ಸಚ್ಚಿದಾನಂದ ಸ್ವರೂಪ ಗೋಪಾಲ
ಪುರುಷೋತ್ತಮ ಪರಂಧಾಮ ನಾರಾಯಣ
ಮತ್ಸ್ಯ ಕೂರುಮ ವರಾಹ ನಾರಸಿಂಹ ವಾಮನ
ಭಾರ್ಗವ ರಾಘವ ಕೃಷ್ಣ ಬುದ್ಧ ಕಲ್ಕಿಯವತಾರ
ಅನಂತಾವತಾರ ನಾರಾಯಣಾ
ಅಪಾರಮಹಿಮನೆ ನಾರಾಯಣ
ಸರ್ಪಶಯನನೆ ನಾರಾಯಣ
ಶ್ರೀಪುರಂದರವಿಟ್ಠಲ ವಿಭುದೇಶ ತಿರುವೆಂಗಳಪ್ಪ
ಎನ್ನಪ್ಪನೆ ನಾರಾಯಣ ಅಚ್ಯುತಾನಂತ ಗೋವಿಂದ || ೩ ||

ಝಂಪೆತಾಳ

ಇದೇ ದನುಜಮರ್ದನ ಚಕ್ರಹಸ್ತ
ಇದೇ ವೇದಮಯ ಶಂಖಹಸ್ತ
ಇದೇ ಜಘನದೊಳಿಪ್ಪ ಅಮೃತಹಸ್ತ
ಇದೇ ವೈಕುಂಠವೆಂದು ತೋರುವ ಹಸ್ತ
ಇದೇ ಪುರಂದರವಿಟ್ಠಲನ್ನ ಮೂರುತಿ
ಇದೇ ತಿರುವೆಂಗಳಪ್ಪನ ಇರುವು || ೪ ||

ಏಕತಾಳ

ಕಿರೀಟ ಕುಂಡಲಧರನ್ನ ಕಂಡೆ
ವರಮಣಿ ಭೂಷಣನ್ನ ಕಂಡೆ
ಸಿರಿಯಿಪ್ಪ ವಕ್ಷಸ್ಥಳವನ್ನ ಕಂಡೆ
ವರಾಂಬರನ್ನ ಕಂಡೆ ವರದೇಶನ್ನ ಕಂಡೆ
ಪುರಂದರವಿಟ್ಠಲರೇಯನ ಚಲುವ
ತಿರುವೆಂಗಳಪ್ಪನ ಇರುವು ಕಂಡೆ || ೫ ||

ಜತೆ

ಪುರಂದರವಿಟ್ಠಲ ವಿಭುದೇಶ
ತಿರುವೆಂಗಳಪ್ಪ ಎನ್ನಪ್ಪನೆ ಆದಾ ||

---

SrIvEMkaTESa dEvara mahimA suLAdi

rAga mOhana

dhruvatALa

maMgaLAMga vaTTadallanaMga suKavittaLavve
aMgane lakumevve tuMbura doLippaLavve
SRuMgAravAdaLavve baMgAravAdaLavve
raMga puraMdaraviTThala viBudESa tiru –
veMgaLappa ennappane nArAyaNA || 1 ||

maTTatALa

uTTa daTTi kaTTida kaThAri
toTTaMbu toDaru tOmara
meTTidda hekkaTTi gere honna gejje
kaTTALu tA ALu yeTTivarivalli
sRuShTi rakShipa puraMdara
viTThala tiruveMgaLappanE AdA || 2 ||

aTTatALa

AcyutAnaMta gOviMda mukuMda
vAmana vAsudEva nArAyaNa
saccidAnaMda svarUpa gOpAla
puruShOttama paraMdhAma nArAyaNa
matsya kUruma varAha nArasiMha vAmana
BArgava rAGava kRuShNa buddha kalkiyavatAra
anaMtAvatAra nArAyaNA
apAramahimane nArAyaNa
sarpaSayanane nArAyaNa
SrIpuraMdaraviTThala viBudESa tiruveMgaLappa
ennappane nArAyaNa acyutAnaMta gOviMda || 3 ||

JaMpetALa

idE danujamardana cakrahasta
idE vEdamaya SaMKahasta
idE jaGanadoLippa amRutahasta
idE vaikuMThaveMdu tOruva hasta
idE puraMdaraviTThalanna mUruti
idE tiruveMgaLappana iruvu || 4 ||

EkatALa

kirITa kuMDaladharanna kaMDe
varamaNi BUShaNanna kaMDe
siriyippa vakShasthaLavanna kaMDe
varAMbaranna kaMDe varadESanna kaMDe
puraMdaraviTThalarEyana caluva
tiruveMgaLappana iruvu kaMDe || 5 ||

jate

puraMdaraviTThala viBudESa
tiruveMgaLappa ennappane AdA ||