ಶ್ರೀ ಗೋಪಾಲದಾಸಾರ್ಯ ವಿರಚಿತ ಶ್ರೀಹರಿಭಕ್ತರ ಮಹಿಮೆ ಸುಳಾದಿ
(ಶ್ರೀಹರಿಯು ಭಕ್ತರಲ್ಲಿ ಮಾಡುವ ವಾತ್ಸಲ್ಯ)
ರಾಗ: ಸಾವೇರಿ
ಧ್ರುವತಾಳ
ಭಕುತರ ಸೃಷ್ಟಿಯೇವೆ ನಿನ್ನ ಸೃಷ್ಟಿಯೊ ದೇವ
ಭಕುತರ ಸ್ಥಿತಿಯೇವೆ ನಿನಗೆ ಸ್ಥಿತಿಯು ಸ್ವಾಮಿ
ಭಕುತರ ಲಯವೆ ನೋಡು ನಿನಗೆ ಲಯವು ಇನ್ನು
ಭಕುತರ ಪ್ರೇರಣವೆ ನಿನಗೆ ಪ್ರೇರಣೆ ಕಾಣೊ
ಭಕುತರ ಜ್ಞಾನವೆ ನಿನಗೆ ಜ್ಞಾನವು ನೋಡು
ಭಕುತರ ಅಜ್ಞಾನವೆ ನಿನಗೆ ಸ್ವಾಧೀನವದು
ಭಕುತರ ಬಂಧದಿಂದ ಬಂಧನೆಂದೆನಿಸಿ ಕೊಂಬೆ
ಭಕುತರ ಮೋಚನವೆ ನಿನಗೆ ಮುಖ್ಯ ಮೋಚನ
ಭಕುತರಿಗೆ ನಿನ್ನದು ಒಂದಾದರು ಬಾರದು
ಭಕುತರದು ನಿನ್ನಲ್ಲಿ ಒಂದು ಇಲ್ಲದವಿಲ್ಲಾ
ಭಕುತರಿಗೆ ನಿನ್ನಾಧೀನ ನೀ ಭಕುತರಾಧೀನ
ಭಕುತರಿಗೆ ನೀ ಬೇಕು ನಿನಗೆ ಭಕುತರು ಬೇಕು
ಭಕುತರೆ ನಿನಗಿನ್ನು ಬ್ಯಾಡದಿದ್ದರೆ ಸ್ವಾಮಿ
ವ್ಯಕುತಿ ಮಾಡುವರಾರು ಈ ನಿನ್ನ ಗುಣಗಳು
ಸಕಲವುಳ್ಳವ ಶೌರ್ಯವಂತ ನೀನು ಆದರು
ರಿಕತನಿಂದಲೆ ಅದು ಪ್ರಕಟವಾಗಲಿ ಬೇಕು
ಭಕುತವತ್ಸಲ ನಮ್ಮ ಗೋಪಾಲವಿಠ್ಠಲ
ಭಕುತರೆ ಬಲ್ಲಿದರೋ ನಿನ್ನ ಬಲದಿಂದ ಸ್ವಾಮಿ || ೧ ||
ಮಠ್ಯತಾಳ
ಜಗವು ನಿನ್ನ ಒಳಗೆ ನೀನು ಭಕುತರೊಳಗೆ
ಜಗವ ಪೊತ್ತಿಹೆ ನೀನು ನಿನ್ನ ಪೊತ್ತಿಹರವರು
ಜಗಕೆ ಮೋಹಕ ನೀನು ನಿನಗೆ ಮೋಹಿಸೊರವರು
ಜಗದಿ ವ್ಯಾಪ್ತ ನೀನು ನಿನ್ನ ವ್ಯಾಪ್ತರವರು
ಜಗದಿ ಭಿನ್ನನು ನೀನು ನಿನಗೆ ಭಿನ್ನರವರು
ಚಿಗಿದರೆ ಚಿಗಿವರು ನಗಿದರೆ ನಗುವರು
ಹಗೆಯು ಸ್ನೇಹವೆಲ್ಲ ನಿನ್ನಾಧೀನವೆಂದು
ಬಿಗಿದು ಕೊಂಡಿಹರು ಬಗಿಯದೆ ಅನ್ಯರನ
ಖಗವಾಹನ ಚಲ್ವ ಗೋಪಾಲವಿಠ್ಠಲ
ಅಗಲದೆ ನಿನ್ನನು ಅರ್ಚಿಸುವರು ಬಿಡದೆ || ೨ ||
ರೂಪಕತಾಳ
ಜಗವನೆಲ್ಲ ಸುತ್ತಿಸುವನೆ ನಿನ್ನ ಅವರು
ಮಗನ ಮಾಡಿ ಪಿಡಿದು ಮತ್ತೆ ಆಡಿಸುವರು
ಜಗವನೆಲ್ಲವ ಇಚ್ಛೆಯಲಿ ಕಟ್ಟುವನೆ ನಿನ್ನ
ಬಿಗಿದು ಕಟ್ಟುವರು ಕಾಲನೆ ಹಗ್ಗದಿಂದಲಿ
ಸೊಗಸಾದ ವೈಕುಂಠ ವಾಸವಾಗಿದ್ದನ್ನ
ಜಗದಲ್ಲಿ ನಿಂತು ಬಾ ಎಂದಿಲ್ಲಿ ಕರೆವರು
ಯುಗ ಮಹಾಪ್ರಳಯಕ್ಕೆ ಚಲಿಸದವನ ನಿನ್ನ
ಮಿಗೆ ಕೂಗಿ ಕರೆದು ಘಾಬರಿಗೊಳಿಸಿದರು ನಿನ್ನ
ಜಗಜನ್ಮಾದಿಕರ್ತ ಗೋಪಾಲವಿಠ್ಠಲ
ಬಿಗವು ಬೇರೆ ನಿನ್ನ ಭಕುತರ ಭಾಗ್ಯವು || ೩ ||
ಝಂಪೆತಾಳ
ನಿತ್ಯ ತೃಪ್ತನೆ ನಿನಗೆ ಅನ್ನವನೆ ಉಣಿಸಿದರು
ಸತ್ಯ ವಚನವು ಬಿಡಿಸಿ ಪಿಡಿಸಿದರು ಚಕ್ರವನು
ಭೃತ್ಯರಜಭವ ಮಹಾಮಹಿಮನೆ ಕೈಯ
ಎತ್ತಿ ಹಾಕಿಸಿದರೆಲ್ಲರು ಉಂಡ ಪರ್ನಗಳ
ರಕ್ತ ಶುಕ್ಲ ರಹಿತ ಕಾಯದವನ ನಿನ್ನ
ಮತ್ತೆ ಬಾಣದಿ ಎಚದು ತೋರಿದರು ನಿನ್ನವರು
ಸ್ತುತ್ಯ ನೀ ಸರ್ವೋತ್ತಮ ಅಹುದೊ ಅಲ್ಲವೊ ಎಂದು
ಎತ್ತಿ ಕಾಲಿಲೆ ಎದಿಗೆ ಒದ್ದರು ನಿನ್ನವರು
ಭಕ್ತ ವಾತ್ಸಲ್ಯತ್ವ ತೋರುವದಕೆ ನಿನ್ನ ಕಚ್ಚಿ
ಸುತ್ತಿದನು ಕಪಟದಲ್ಲಿ ನಿನ್ನವನು
ಮತ್ತೆ ಕಟ್ಟಿದ ಮೀಸೆಯನು ಪಿಡಿದ ಸತ್ಯವ್ರತ
ನಿತ್ಯ ಬಾಗಿಲ ಕಾಯಿಸಿದನು ಆ ಬಲಿರಾಯ
ಕಿತ್ತಿಕೊಂಡೋಡಿದನು ಕಿರೀಟ ನಿನ್ನವನು
ಮತ್ತೆ ಮಳೆಗರೆದು ಪರ್ವತ ಹೊರಿಸಿದರವರು
ಸತ್ಯಸಂಕಲ್ಪ ಗೋಪಾಲವಿಠ್ಠಲರೇಯ
ಭಕ್ತರೊಳು ನಿನ್ನ ಆಟವ ತಿಳಿವ ಧನ್ಯ || ೪ ||
ತ್ರಿಪುಟತಾಳ
ನೋಡಿ ನೋಡಿಸಬೇಕು ಓಡಿ ಓಡಿಸಬೇಕು
ನೀಡಿ ನೀಡಿಸಬೇಕು ಆಡಿ ಆಡಿಸಬೇಕು
ಕೂಡಿ ಕೂಡಿಸಬೇಕು ಮಾಡಿ ಮಾಡಿಸಬೇಕು
ಕೇಡು ಲಾಭಂಗಳಿಗೆ ಭಿನ್ನವಾಗಿ ನೀನು
ಮಾಡುತಾ ಈಪರಿ ಸಿಲ್ಕಿ ನಿನ್ನವರೊಳು
ಕೂಡುತ ಮಲಗುತ ಏಳುತ ನಿಂತು ನೀ
ನೋಡುವರಿಗೆ ಬಿಂಬಕ್ರಿಯದ ಮೇಲಿನ್ನು
ಪಾಡಾಗಿ ತಿಳಿದರೆ ಸ್ವಾಮಿ ಭೃತ್ಯ ಕಾರ್ಯ
ಜೋಡೆರಡೊಂದಲ್ಲ ಮಾಡುವನು ಒಬ್ಬ
ಮಾಡಿಸುವ ತತ್ತತ್ಯೋಗ್ಯತೆ ಅನುಸಾರ
ಪ್ರೌಢ ನಿನಗೆ ಒಂದು ಫಲ ಅಪೇಕ್ಷೆಯು ಇಲ್ಲ
ಮಾಡುವೀ ಈ ಪರಿ ಭಕ್ತರಿಗೆ
ಮೂಢ ಶಂಕೆಯು ಸಲ್ಲ ವೈಷಮ್ಯ ನೈರ್ಘಣ್ಯ
ಕೂಡದು ನಿನ್ನಲ್ಲಿ ಎಂದೆಂದಿಗೂ
ಪಾಡಿದವರ ಪ್ರಾಣ ಗೋಪಾಲವಿಠ್ಠಲ
ಈಡ್ಯಾರೊ ನಿನಗೆ ನೀ ಮಾಡಿದ್ದೆ ಮಹಾಧರ್ಮ || ೫ ||
ಅಟ್ಟತಾಳ
ಭಕುತರು ಮಾಡಿದ್ದು ನೀ ಮಾಡಿದುದಯ್ಯ
ಭಕುತರು ನೋಡಿದ್ದೆ ನೀನು ನೋಡಿದುದಯ್ಯ
ಭಕುತರು ನೀಡಿದ್ದೆ ನೀನು ನೀಡಿದದಯ್ಯ
ಭಕುತರ ಕೊಂಡದ್ದೆ ನೀನು ಕೊಂಡದದಯ್ಯ
ಭಕುತರು ಆಡಿದ್ದೆ ನೀನು ಆಡಿದದೈಯ್ಯ
ಭಕುತರು ಬೇಡೋದು ನಿನ್ನ ಬೇಡುವದಯ್ಯ
ಭಕುತರು ಉಂಡರೆ ನೀನು ಉಂಡವನಯ್ಯ
ಭಕುತರು ಉಟ್ಟರೆ ನೀನು ಉಟ್ಟವನಯ್ಯ
ಭಕುತರು ದಣಿದರೆ ನೀನು ದಣಿವನಯ್ಯ
ಭಕುತರ ಹಿತವೆಲ್ಲ ನಿನ್ನ ಹಿತವು ಸ್ವಾಮಿ
ಭಕುತರಲ್ಲಿ ನಿನ್ನ ರತಿ ಅನುಗಾಲವು
ಭಕುತ ಬ್ಯಾಸತ್ತರು ನೀ ಬೇಸರುವನು ಅಲ್ಲ
ಭಕುತರನು ಮತ್ತೆ ನೀನು ಹುಡುಕುತಿಪ್ಪಿ
ಭಕುತರು ನಿನ್ನ ಸುತ್ತಲೆ ಸಂಚರಿಸೋರು ಮುಕುತಿದಾಯಕ ಸಿರಿ ಗೋಪಾಲವಿಠ್ಠಲ
ಭಕುತರಲ್ಲೇ ಆಸಕುತಿಯು ನಿನಗೆ || ೬ ||
ಆದಿತಾಳ
ಕಂಡರು ಕಾಣರು ಉಂಡದ್ದೆ ಉಣ್ಣರು
ಕೊಂಡದ್ದೆ ಕೊಳ್ಳರು ಪಂಡಿತರವರು
ಮಂಡಿಯ ತಗ್ಗಿಸಿ ನಿನ್ನ ಕೆಳಗೆ ಬಿದ್ದು
ಮಂಡಲದೊಳಗೆಲ್ಲ ಸಂಚರಿಸುವರು
ಪುಂಡರೀಕಾಕ್ಷ ನೀ ಅವರೆಲ್ಲಿ ಪೋದಲ್ಲಿ
ಕಂಡ್ಹಾಗೆ ತಿರುಗಿದಂತೆ ನೀನು ತಿರುಗುವಿ
ಖಂಡಾಖಂಡಮೂರ್ತಿ ವ್ಯಾಪ್ತ ನಿರ್ಲಿಪ್ತ ವು –
ದ್ದಂಡ ಉತ್ತಮ ಪುರುಷೋತ್ತಮ ಸರ್ವೋತ್ಮನೆ
ಪಾಂಡವ ಪಾಲಕ ಗೋಪಾಲವಿಠ್ಠಲ
ಕಂಡ ಮಾತಿಗೆ ಇದಕನುಮಾನ ವ್ಯಾತಕೆ || ೭ ||
ಜತೆ
ಭಕುತರ ಭಾಗ್ಯವು ಜಗವೆಲ್ಲ ತುಂಬಿದೆ
ರಿಕತನೊಬ್ಬನೆ ಕಾಣೊ ಗೋಪಾಲವಿಠ್ಠಲ ||
SrI gOpAladAsArya viracita SrIhariBaktara mahime suLAdi
(SrIhariyu Baktaralli mADuva vAtsalya)
rAga: sAvEri
dhruvatALa
Bakutara sRuShTiyEve ninna sRuShTiyo dEva
Bakutara sthitiyEve ninage sthitiyu svAmi
Bakutara layave nODu ninage layavu innu
Bakutara prEraNave ninage prEraNe kANo
Bakutara j~jAnave ninage j~jAnavu nODu
Bakutara aj~jAnave ninage svAdhInavadu
Bakutara baMdhadiMda baMdhaneMdenisi koMbe
Bakutara mOcanave ninage muKya mOcana
Bakutarige ninnadu oMdAdaru bAradu
Bakutaradu ninnalli oMdu illadavillA
Bakutarige ninnAdhIna nI BakutarAdhIna
Bakutarige nI bEku ninage Bakutaru bEku
Bakutare ninaginnu byADadiddare svAmi
vyakuti mADuvarAru I ninna guNagaLu
sakalavuLLava SauryavaMta nInu Adaru
rikataniMdale adu prakaTavAgali bEku
Bakutavatsala namma gOpAlaviThThala
Bakutare ballidarO ninna baladiMda svAmi || 1 ||
maThyatALa
jagavu ninna oLage nInu BakutaroLage
jagava pottihe nInu ninna pottiharavaru
jagake mOhaka nInu ninage mOhisoravaru
jagadi vyApta nInu ninna vyAptaravaru
jagadi Binnanu nInu ninage Binnaravaru
cigidare cigivaru nagidare naguvaru
hageyu snEhavella ninnAdhInaveMdu
bigidu koMDiharu bagiyade anyarana
KagavAhana calva gOpAlaviThThala
agalade ninnanu arcisuvaru biDade || 2 ||
rUpakatALa
jagavanella suttisuvane ninna avaru
magana mADi piDidu matte ADisuvaru
jagavanellava icCeyali kaTTuvane ninna
bigidu kaTTuvaru kAlane haggadiMdali
sogasAda vaikuMTha vAsavAgiddanna
jagadalli niMtu bA eMdilli karevaru
yuga mahApraLayakke calisadavana ninna
mige kUgi karedu GAbarigoLisidaru ninna
jagajanmAdikarta gOpAlaviThThala
bigavu bEre ninna Bakutara BAgyavu || 3 ||
JaMpetALa
nitya tRuptane ninage annavane uNisidaru
satya vacanavu biDisi piDisidaru cakravanu
BRutyarajaBava mahAmahimane kaiya
etti hAkisidarellaru uMDa parnagaLa
rakta Sukla rahita kAyadavana ninna
matte bANadi ecadu tOridaru ninnavaru
stutya nI sarvOttama ahudo allavo eMdu
etti kAlile edige oddaru ninnavaru
Bakta vAtsalyatva tOruvadake ninna kacci
suttidanu kapaTadalli ninnavanu
matte kaTTida mIseyanu piDida satyavrata
nitya bAgila kAyisidanu A balirAya
kittikoMDODidanu kirITa ninnavanu
matte maLegaredu parvata horisidaravaru
satyasaMkalpa gOpAlaviThThalarEya
BaktaroLu ninna ATava tiLiva dhanya || 4 ||
tripuTatALa
nODi nODisabEku ODi ODisabEku
nIDi nIDisabEku ADi ADisabEku
kUDi kUDisabEku mADi mADisabEku
kEDu lABaMgaLige BinnavAgi nInu
mADutA Ipari silki ninnavaroLu
kUDuta malaguta ELuta niMtu nI
nODuvarige biMbakriyada mElinnu
pADAgi tiLidare svAmi BRutya kArya
jODeraDoMdalla mADuvanu obba
mADisuva tattatyOgyate anusAra
prauDha ninage oMdu Pala apEkSheyu illa
mADuvI I pari Baktarige
mUDha SaMkeyu salla vaiShamya nairGaNya
kUDadu ninnalli eMdeMdigU
pADidavara prANa gOpAlaviThThala
IDyAro ninage nI mADidde mahAdharma || 5 ||
aTTatALa
Bakutaru mADiddu nI mADidudayya
Bakutaru nODidde nInu nODidudayya
Bakutaru nIDidde nInu nIDidadayya
Bakutara koMDadde nInu koMDadadayya
Bakutaru ADidde nInu ADidadaiyya
Bakutaru bEDOdu ninna bEDuvadayya
Bakutaru uMDare nInu uMDavanayya
Bakutaru uTTare nInu uTTavanayya
Bakutaru daNidare nInu daNivanayya
Bakutara hitavella ninna hitavu svAmi
Bakutaralli ninna rati anugAlavu
Bakuta byAsattaru nI bEsaruvanu alla
Bakutaranu matte nInu huDukutippi
Bakutaru ninna suttale saMcarisOru mukutidAyaka siri gOpAlaviThThala
BakutarallE Asakutiyu ninage || 6 ||
AditALa
kaMDaru kANaru uMDadde uNNaru
koMDadde koLLaru paMDitaravaru
maMDiya taggisi ninna keLage biddu
maMDaladoLagella saMcarisuvaru
puMDarIkAkSha nI avarelli pOdalli
kaMD~hAge tirugidaMte nInu tiruguvi
KaMDAKaMDamUrti vyApta nirlipta vu –
ddaMDa uttama puruShOttama sarvOtmane
pAMDava pAlaka gOpAlaviThThala
kaMDa mAtige idakanumAna vyAtake || 7 ||
jate
Bakutara BAgyavu jagavella tuMbide
rikatanobbane kANo gOpAlaviThThala ||
Leave a Reply