ಶ್ರೀ ಗೋಪಾಲದಾಸಾರ್ಯ ವಿರಚಿತ
ಸಾಧನ ಸುಳಾದಿ
ರಾಗ: ಕಾಂಬೋಧಿ
ಧ್ರುವತಾಳ
ವೈರಾಗ್ಯ ಮಾರ್ಗ ಕೇಳು ದಾರಿದ್ರ ಮಾರ್ಗ ಕೀಳು
ಶ್ರೀರಾಮನ ಪಾದ ಆರಾಧಿಸುವದಕ್ಕೆ
ನಾರಿಯು ಧಾರುಣಿಯು ಧನವ ಬಿಟ್ಟರಾಯಿತೆ
ವೈರಾಗ್ಯವಲ್ಲ ಕಂಡ್ಯಾ ಧೀರರಿಗೆ
ಶಾರೀರಕೆ ಭಸುಮ ಪಾರವಾಗಿ ಧರಿಸಿ
ಚೀರ ವಸ್ತ್ರವನುಟ್ಟು ತಿರುಗಿದರೆ
ಆರಾದರೂ ಅವನ ಅವಧೂತನೆಂತೆಂದು
ಸಾರಿಸಾರಿಗೆ ಇನ್ನು ಕರೆವರಯ್ಯಾ
ವೈರಾಗ್ಯ ವೆಂಬುವಂಥ ವಾರುತಿ ವಂದಲ್ಲದೆ
ನಾರಾಯಣಗೆ ಇದು ಪ್ರೀಯವಲ್ಲ
ನಾರಿ ಸುತರುಗಳ ಶಾರೀರ ಸಂಬಂಧಿ
ಗಾರು ಎಂತೆಂದು ಅರಿದಿರಲಿ ಬೇಕು
ನೀರು ಒಳಗೆ ಇನ್ನು ಕಮಲವಿದ್ದಂತೆ
ಕಾರಣನಾಗಿ ಕಾರ್ಯ ವಿಲ್ಲದಿರಲಿರಬೇಕು
ಮಾರಜನಕ ನಮ್ಮ ಗೋಪಾಲವಿಟ್ಠಲನು
ತೋರಿ ಕೊಟ್ಟ ವೈರಾಗ್ಯವನೆ ತೋರುವೆ || ೧ ||
ಮಟ್ಟತಾಳ
ಸ್ವಾಯೋಗ್ಯತೆಯೊಳಗೆ ಆಯಿತವಾದದ್ದು
ನೋಯದಲೆ ಉಣುತಲೆ ಈವದೆ ವೈರಾಗ್ಯ
ಸ್ನೇಹದಿ ಹರಿ ಕೊಟ್ಟ ಕರ್ತೃತ್ವವು ತನಗೆ
ನೀ ಇಲ್ಲದೆನ್ನಿಂದಾಗದು ಎನುತಲಿ
ತಾ ಇಪ್ಪುವದೆ ನ್ಯಾಯದ ವೈರಾಗ್ಯ
ಆಯಾಸವು ಬಡದೆ ಪರರ ಶ್ರೇಯಸ್ಸು ನೋಡಿ
ಶ್ರೀಯರಸ ನಿತ್ತನೆಂಬದೆ ವೈರಾಗ್ಯ
ಮಾಯಾರಹಿತ ದೇವ ಗೋಪಾಲವಿಟ್ಠಲನ್ನ
ಪ್ರೀಯದಿ ನೆಚ್ಚಿ ಅನ್ಯಕ್ಕೆರಗದ್ದೆ ವೈರಾಗ್ಯ || ೨ ||
ತ್ರಿವಿಡಿತಾಳ
ಧನವ ಪರಿತ್ಯಾಗವನು ಮಾಡಿದಡಾಯಿತೆ
ಘನವಾದ ವೈರಾಗ್ಯವಲ್ಲ ನೋಡಿ
ಧನವ ಬಿಟ್ಟಿರವೆ ದನಗಳು ಅನುದಿನ
ಘನವೇನು ಇವಕೆ ಅವಗೆ ನೋಡಲು
ಜನರ ಬಿಟ್ಟೇಕಾಂತವನು ಕುಳಿತಡಾಯಿತೆ
ಘನವಾದ ವೈರಾಗ್ಯವಲ್ಲ ನೋಡಿ
ಜನರ ಬಿಟ್ಟಿರದೇನು ಅನುಗಾಲ ಗೂಗಿಯ
ಘನವೆಂದು ಕರೆವರೆ ಜ್ಞಾನಿಗಳು
ತನುಮನದಭಿಮಾನವನು ಬಿಟ್ಟರಾಯಿತೆ
ಘನವಾದ ವೈರಾಗ್ಯವಲ್ಲ ನೋಡಿ
ತನುಮನದಭಿಮಾನವನು ಬಿಟ್ಟು ಕುನ್ನಿ ತಾ
ಮನೆ ಮನೆ ತಿರುಗದೆ ಅನುಗಾಲವೋ
ಘನಮಹಿಮ ಚಲುವ ಗೋಪಾಲವಿಟ್ಠಲನ್ನ
ನೆನೆದು ಸಕಲ ಸುಖದಿ ನಾ ವುಣವದೆ ವೈರಾಗ್ಯ || ೩ ||
ಅಟ್ಟತಾಳ
ರೋಗ ಭೋಗಂಗಳು ಆಗಲಿ ಈ ದೇಹಕ್ಕೆ
ಯಾಗಂಗಳು ಮಾಡಿ ಹರಿಗೆ ಅರ್ಪಿಸಿ ಪರಿ –
ತ್ಯಾಗವೆ ಮಾಡದೆ ಸುಖ ದುಃಖವು ಸಮ
ಭಾಗವೆರಡು ಹರಿಯಿಂದ ಆದುದು ಎಂದು
ಭೋಗಿಸುತಿಪ್ಪುದೆ ವೈರಾಗ್ಯ ವೈರಾಗ್ಯ
ಕಾಗಿಯಂತೆ ಮೈಯ ಕರ್ರಗೆ ಮಾಡಿನ್ನು
ರೋಗ ಬಂದೆಮ್ಮೆಯಂತೆ ನಾಮವ ಬರಕೊಂಡು
ಭೋಗದ ವಸ್ತುವು ಪರಿತ್ಯಾಗವು ಮಾಡಿನ್ನು
ಆಗುವ ಕಾರ್ಯವು ಆಗುತಲಿರೆ ಆಂತ್ರಿ
ಹಾಗೆ ಜನರು ಕಾಂಬ ಹಾಗೇವೆ ಬಾಹಿರ ವೈ –
ರಾಗ್ಯವನು ಮಾಡೆ ವೈರಾಗ್ಯವಲ್ಲವು
ನಾಗಶಯನ ಗೋಪಾಲವಿಟ್ಠಲ ಸಮ್ಮ –
ತಾಗೆ ಉಣಿಸೋದುಂಡು ಈಹದೆ ವೈರಾಗ್ಯ || ೪ ||
ಆದಿತಾಳ
ಧನವ ಕಟ್ಟಿದ ಚೀಲ ಧಾನ್ಯ ತುಂಬಿದ ಗೋಣಿ
ಪುನಗಿ ಬೆಕ್ಕಿನಂತೆ ಪುಣ್ಯಾತ್ಮರಘದಂತೆ
ನುಣ್ಣಗಿದ್ದ ಗೋಡಿಗೆ ಹರಳು ಹಚ್ಚಿದಂತೆ
ಉಣುವ ಜಿಹ್ವೆಗೆ ಕೈ ಅನುಕೂಲವಾದಂತೆ
ಮನಸಿಗೆ ಹರುಷವು ಮಾಧವ ಮಾಡಿದ್ದು
ತನುವಿಗೆ ಸುಖವೆಂದು ತಿಳಿದು ಕೆಡದಲೇವೆ
ಗುಣಿಸುತ್ತ ಅಲ್ಲಲ್ಲಿ ಗುಣಗಳು ಹರಿಯ
ನೆನಿಸಿ ನೆನಿಸಿ ಅನುಭೋಗಿಸಿ ಆದದ್ದು
ದಿನಗಳ ಕಳೆವದೆ ಘನ ವೈರಾಗ್ಯವೊ
ಸನಕಾದಿಗಳೊಡಿಯಾ ಗೋಪಾಲವಿಟ್ಠಲನು
ಇನಿತು ಪರಿಯಾಗಿದ್ದು ಪೊರೆವನೊ || ೫ ||
ಜತೆ
ಅರಿಯದೆ ವೈರಾಗ್ಯ ಹರಹಿಕೊಂಬದಕ್ಕಿಂತ
ಅರಿತು ಮೊರೆಯ ಹೋಗಿರೊ ಗೋಪಾಲವಿಟ್ಠಲನ್ನ ||
SrI gOpAladAsArya viracita
sAdhana suLAdi
rAga: kAMbOdhi
dhruvatALa
vairAgya mArga kELu dAridra mArga kILu
SrIrAmana pAda ArAdhisuvadakke
nAriyu dhAruNiyu dhanava biTTarAyite
vairAgyavalla kaMDyA dhIrarige
SArIrake Basuma pAravAgi dharisi
cIra vastravanuTTu tirugidare
ArAdarU avana avadhUtaneMteMdu
sArisArige innu karevarayyA
vairAgya veMbuvaMtha vAruti vaMdallade
nArAyaNage idu prIyavalla
nAri sutarugaLa SArIra saMbaMdhi
gAru eMteMdu aridirali bEku
nIru oLage innu kamalaviddaMte
kAraNanAgi kArya villadiralirabEku
mArajanaka namma gOpAlaviTThalanu
tOri koTTa vairAgyavane tOruve || 1 ||
maTTatALa
svAyOgyateyoLage AyitavAdaddu
nOyadale uNutale Ivade vairAgya
snEhadi hari koTTa kartRutvavu tanage
nI illadenniMdAgadu enutali
tA ippuvade nyAyada vairAgya
AyAsavu baDade parara SrEyassu nODi
SrIyarasa nittaneMbade vairAgya
mAyArahita dEva gOpAlaviTThalanna
prIyadi necci anyakkeragadde vairAgya || 2 ||
triviDitALa
dhanava parityAgavanu mADidaDAyite
GanavAda vairAgyavalla nODi
dhanava biTTirave danagaLu anudina
GanavEnu ivake avage nODalu
janara biTTEkAMtavanu kuLitaDAyite
GanavAda vairAgyavalla nODi
janara biTTiradEnu anugAla gUgiya
GanaveMdu karevare j~jAnigaLu
tanumanadaBimAnavanu biTTarAyite
GanavAda vairAgyavalla nODi
tanumanadaBimAnavanu biTTu kunni tA
mane mane tirugade anugAlavO
Ganamahima caluva gOpAlaviTThalanna
nenedu sakala suKadi nA vuNavade vairAgya || 3 ||
aTTatALa
rOga BOgaMgaLu Agali I dEhakke
yAgaMgaLu mADi harige arpisi pari –
tyAgave mADade suKa duHKavu sama
BAgaveraDu hariyiMda Adudu eMdu
BOgisutippude vairAgya vairAgya
kAgiyaMte maiya karrage mADinnu
rOga baMdemmeyaMte nAmava barakoMDu
BOgada vastuvu parityAgavu mADinnu
Aguva kAryavu Agutalire AMtri
hAge janaru kAMba hAgEve bAhira vai –
rAgyavanu mADe vairAgyavallavu
nAgaSayana gOpAlaviTThala samma –
tAge uNisOduMDu Ihade vairAgya || 4 ||
AditALa
dhanava kaTTida cIla dhAnya tuMbida gONi
punagi bekkinaMte puNyAtmaraGadaMte
nuNNagidda gODige haraLu haccidaMte
uNuva jihvege kai anukUlavAdaMte
manasige haruShavu mAdhava mADiddu
tanuvige suKaveMdu tiLidu keDadalEve
guNisutta allalli guNagaLu hariya
nenisi nenisi anuBOgisi Adaddu
dinagaLa kaLevade Gana vairAgyavo
sanakAdigaLoDiyA gOpAlaviTThalanu
initu pariyAgiddu porevano || 5 ||
jate
ariyade vairAgya harahikoMbadakkiMta
aritu moreya hOgiro gOpAlaviTThalanna ||
Leave a Reply