Hariya Svantantra Suladi – Gopala dasaru

ಶ್ರೀ ಗೋಪಾಲದಾಸರ ರಚನೆ , ರಾಗ: ಸಾರಂಗ
ಧ್ರುವತಾಳ
ಒಂದು ನಿನ್ನ ಮೂರುತಿ ಬೊಮ್ಮಾಂಡದಿ ಇಪ್ಪುದು
ಒಂದು ನಿನ್ನ ಮೂರುತಿ ಬೊಮ್ಮಾಂಡ ಸುತ್ತಿಹ್ಯದು
ಒಂದು ನಿನ್ನ ಮೂರುತಿ ಬೊಮ್ಮಾಂಡದ ಹೊರಗೆ
ಗಂಧಾ ಪೂಸಿದಂತೆ ಅವ್ಯಾಕೃತ ವ್ಯಾಪಿಸಿ
ಇಂದಿರೆ ಅಭಿಮಾನಿ ಆತತ್ತ್ರಾ ನಿತ್ಯಾವಸ್ತ
ಎಂದಿಗೆ ಅಲ್ಲಿ ಬಿಡದೆ ಇಪ್ಪಾ ಮಹಾಮೂರುತಿ
ಒಂದೆ ನಿನ್ನ ಮೂರುತಿ ಮೂಲಾವತಾರ ಐಕ್ಯಾ
ಒಂದೇ ಬಲ ಜ್ಞಾನ ಆನಂದ ನಿರ್ದೋಷ
ಎಂದಿಗೂ ಜೀವ ಜಡದಿಂದ ಅಗಲದೇ ಇಪ್ಪ
ಸುಂದರವಿಗ್ರಹ ಗೋಪಾಲವಿಠ್ಠಲ
ನಿಂದು ಭಕುತಾರಲ್ಲಿ ಇಪ್ಪ ಕರುಣಿ || ೧ ||

ಮಠ್ಯತಾಳ

ಸರ್ವಾಪರೋಕ್ಷಿ ಸರ್ವಜ್ಞಾನೆ
ಸರ್ವಾನಂದಾ ಗುಣಗಣ ಪರಿಪೂರ್ಣ
ಸರ್ವೋತ್ತಮಾ ಸಾಕ್ಷಾತಕಾರಾ
ಸರ್ವದಿ ವ್ಯಾಪ್ತಾ ಸರ್ವ ಚೇಷ್ಟಾ
ನಿರ್ವಿಕಾರಾ ನಿತ್ಯ ತೃಪ್ತಾ
ಗರ್ವಹರ ಗರುಡಗಮನಾ
ನಿರ್ವಧಿಕ ಅಂತರ್ಯಾಮಿ ರೂಪಾ
ಘನದಲ್ಲಿ ಅಣು ಅಡಕ ಮೂಲರೂಪದಿ
ಅಣು ಘನ ಕಾರ್ಯಗಳು ನಿನ್ನ ಭಕುತರಿಗಾಗಿ
ದಿನ ದಿನಗಳಲ್ಲಿ ಮಾಡುತಲಿ ಇಪ್ಪೆ
ಘನ ಅಣು ಪರಿಪೂರ್ಣ ಗೋಪಾಲವಿಠ್ಠಲಾ
ನಿನಗಲ್ಲಾದೀ ಶಕುತಿ ಭಣಗುಗಳಿಗುಂಟೆ || ೨ ||

ತ್ರಿಪುಟತಾಳ

ನೀಷೇಧಾ ವೀಶೇಷ ವಿಭಾಗ ಮಾಡಲಾಗಿ
ನೀಷೇಧಾ ವಿಶೇಷ ವಸ್ತು ನೀನೆ
ವೀಶೇಷಾ ವೀಶೇಷಾ ವಿಭಾಗ ಮಾಡಲಾಗಿ
ವೀಶೇಷಾ ನೀಷೇಧಾ ವಸ್ತು ನೀನೆ
ಸಾಸಿರಕೆ ಬೆಲೆ ನೀನೆ ಕಾಸಿಗೆ ಬೆಲೆ ನೀನೆ
ಲೇಸು ಹ್ರಾಸಕೆ ಎಲ್ಲಾ ಶೇಷ ನೀನೆ
ದೋಷರಹಿತ ಭಕ್ತಪೋಷ ಆವಲಿದ್ದರು
ಕೇಶವಾಚ್ಚ್ಯುತಾನಂತಾ ನಾಶರಹಿತ
ವಾಸುದೇವ ಮುಕುಂದ ಗೋಪಾಲವಿಠ್ಠಲ ದಾಸಾ
ದಾಸ ದಾಸರ ಪೊರೆವ ಭಾರ ನಿನ್ನದೊ ದೇವ || ೩ ||

ಅಟ್ಟತಾಳ

ಗೋವಿಂದ ಗೋಪಾಲ ಗೋವರ್ಧನ ಧರ
ಗೋವಳರೊಡಿಯಾನೆ ಗೋವುಗಳ ಪಾಲ
ಜೀವ ಜಡದಿ ಭಿನ್ನ ಪಾವನ್ನ ಮೂರುತಿ
ಈವ ಕಾವ ಇಷ್ಟಾ ಯಾವತ್ತರಲಿ ವ್ಯಾಪ್ತ
ಕಾವಕರುಣಿ ರಂಗ ಗೋಪಾಲವಿಠ್ಠಲ
ಕೋವಿದರಿಗೆ ನಿನ್ನ ಕುರುಹಾ ತೋರಿರ್ವಿ || ೪ ||

ಆದಿತಾಳ

ನಿನ್ನ ಇಚ್ಛೆಯಿಂದಲಿ ಜಗವ ಸೃಷ್ಟಿಸುವಿ
ನಿನ್ನ ಇಚ್ಛೆಯಿಂದಲಿ ಅವತಾರ ಮಾಡುವಿ
ನಿನ್ನ ಇಚ್ಛೆಯಿಂದಲಿ ಜಗವ ಪಾಲಿಸುವಿ
ನಿನ್ನ ಇಚ್ಛೆಯಿಂದಲಿ ಜಗವ ಸಂಹರಿಸುವಿ
ನಿನ್ನಗೆ ನೀನೆ ಪ್ರೇರಣೆ ಮಾಡುವಿ
ನಿನ್ನಿಂದ ನೀನೆ ಆನಂದ ಬಡುವಿ
ಭಿನ್ನ ವಸ್ತುವಿನಿಂದ ಇನ್ನಪೇಕ್ಷೆಯು
ಇನ್ನಿಲ್ಲ ಇನ್ನಿಲ್ಲ ಚಿನ್ನುಮಯ ನಿನಗೆ
ಇನ್ನು ಆವಾವ ಜೀವರುಗಳಿಗೆ
ಉನ್ನಾಹ ವ್ಯಕುತಿ ಮಾಡುವ ನೀನೆ
ಘನ್ನ ದಯಾನಿಧಿ ಗೋಪಾಲವಿಠ್ಠಲ
ನಿನ್ನ ಮಹಿಮೆಗೆ ನಾ ನಮೊ ನಮೊಯೆಂಬೆ || ೫ ||

ಜತೆ
ಸ್ವಾತಂತ್ರ ಸ್ವಾಧೀನ ಪಾರಾತಂತ್ರಾದಿ ದೂರ
ಆತಂತ್ರರಾ ಪೊರೆಯೊ ಗೋಪಾಲವಿಠಲ ||

---

SrI gOpAladAsara racane , rAga: sAraMga
dhruvatALa
oMdu ninna mUruti bommAMDadi ippudu
oMdu ninna mUruti bommAMDa suttihyadu
oMdu ninna mUruti bommAMDada horage
gaMdhA pUsidaMte avyAkRuta vyApisi
iMdire aBimAni AtattrA nityAvasta
eMdige alli biDade ippA mahAmUruti
oMde ninna mUruti mUlAvatAra aikyA
oMdE bala j~jAna AnaMda nirdOSha
eMdigU jIva jaDadiMda agaladE ippa
suMdaravigraha gOpAlaviThThala
niMdu BakutAralli ippa karuNi || 1 ||

maThyatALa

sarvAparOkShi sarvaj~jAne
sarvAnaMdA guNagaNa paripUrNa
sarvOttamA sAkShAtakArA
sarvadi vyAptA sarva cEShTA
nirvikArA nitya tRuptA
garvahara garuDagamanA
nirvadhika aMtaryAmi rUpA
Ganadalli aNu aDaka mUlarUpadi
aNu Gana kAryagaLu ninna BakutarigAgi
dina dinagaLalli mADutali ippe
Gana aNu paripUrNa gOpAlaviThThalA
ninagallAdI Sakuti BaNagugaLiguMTe || 2 ||

tripuTatALa

nIShEdhA vISESha viBAga mADalAgi
nIShEdhA viSESha vastu nIne
vISEShA vISEShA viBAga mADalAgi
vISEShA nIShEdhA vastu nIne
sAsirake bele nIne kAsige bele nIne
lEsu hrAsake ellA SESha nIne
dOSharahita BaktapOSha Avaliddaru
kESavAccyutAnaMtA nASarahita
vAsudEva mukuMda gOpAlaviThThala dAsA
dAsa dAsara poreva BAra ninnado dEva || 3 ||

aTTatALa

gOviMda gOpAla gOvardhana dhara
gOvaLaroDiyAne gOvugaLa pAla
jIva jaDadi Binna pAvanna mUruti
Iva kAva iShTA yAvattarali vyApta
kAvakaruNi raMga gOpAlaviThThala
kOvidarige ninna kuruhA tOrirvi || 4 ||

AditALa

ninna icCeyiMdali jagava sRuShTisuvi
ninna icCeyiMdali avatAra mADuvi
ninna icCeyiMdali jagava pAlisuvi
ninna icCeyiMdali jagava saMharisuvi
ninnage nIne prEraNe mADuvi
ninniMda nIne AnaMda baDuvi
Binna vastuviniMda innapEkSheyu
innilla innilla cinnumaya ninage
innu AvAva jIvarugaLige
unnAha vyakuti mADuva nIne
Ganna dayAnidhi gOpAlaviThThala
ninna mahimege nA namo namoyeMbe || 5 ||

jate
svAtaMtra svAdhIna pArAtaMtrAdi dUra
AtaMtrarA poreyo gOpAlaviThala ||