ಶ್ರೀ ಗೋಪಾಲದಾಸಾರ್ಯ ವಿರಚಿತ ಸುಳಾದಿ
ರಾಗ: ಪಂತುವರಾಳಿ
ಧ್ರುವತಾಳ
ನಿನ್ನ ಸ್ಮರಣೆ ಎನಗೆ ತೀರ್ಥಯಾತ್ರಿಗಳಯ್ಯ
ನಿನ್ನ ಸ್ಮರಣೆ ಎನಗೆ ಯಜ್ಞ ದಾನಂಗಳಯ್ಯ
ನಿನ್ನ ಸ್ಮರಣೆ ಎನಗೆ ವ್ರತ ಚಾಂದ್ರಾಯಣಗಳಯ್ಯ
ನಿನ್ನ ಸ್ಮರಣೆ ಎನಗೆ ತಪಸ್ಸು ಸಿದ್ಧಿಗಳಯ್ಯ
ನಿನ್ನ ಸ್ಮರಣೆ ಎನಗೆ ಸಾಧನೆ ಸಂಪತ್ತುಗಳು
ನಿನ್ನ ಸ್ಮರಣೆ ಎನಗೆ ಬಲ ಧೈರ್ಯವೊ ಎನ್ನಯ್ಯ
ನಿನ್ನ ಸ್ಮರಣೆ ಎನಗೆ ಇಹಪರದಲ್ಲಿ ಲಾಭ
ನಿನ್ನ ಸ್ಮರಣೆ ಎನಗೆ ಸಿದ್ಧವಾದ ಮುಕುತೆಯ್ಯ
ನಿನ್ನ ವಿಸ್ಮರಣೆಯಿಂದ ಆವ ಕರ್ಮ ಮಾಡಲು
ಪುಣ್ಯದ ಫಲವನ್ನು ದೊರಿಯದು ಜೀವರಿಗೆ
ಕಣ್ಣು ಬಿಗಿದು ಕಟ್ಟಿ ಚಿತ್ರವ ಬರೆದಂತೆ
ನಿನ್ನರಿಯದ ಕರ್ಮ ಅನಂತ ಮಾಡಲ್ಯಾಕೆ
ಕನ್ನಿಕೆಗೆ ಬಾಲ್ಯದಿ ಕಂಡವರು ಪತಿ ಆದಂತೆ
ನಿನ್ನ ಸ್ಮರಣಿಲ್ಲದ ಕರ್ಮ ಈ ಪರಿಯೊ ದೇವ
ನಿನ್ನ ವಿಸ್ಮರಣೆಯೆ ಗೋಹತ್ಯ ಬ್ರಹ್ಮಹತ್ಯ
ನಿನ್ನ ವಿಸ್ಮರಣೆಯೆ ಪಂಚ ಮಹಾಪಾತಕ
ನಿನ್ನ ವಿಸ್ಮರಣೆಯೆ ಸರ್ವ ಅಪರಾಧವಯ್ಯ
ನಿನ್ನ ವಿಸ್ಮರಣವೇ ಸಕಲ ನಿಷೇಧಗಳು
ನಿನ್ನ ಸ್ಮರಣವೇ ಇಷ್ಟಗಳಯ್ಯ
ನಿನ್ನ ಸ್ಮರಣೆ ಇರಲು ಅಧಮ ಕರ್ಮ ಮಾಡಲು
ಅನ್ಯಾಯವೆನಿಸದು ಆಗಮ ಸಮ್ಮತವು
ಘನ್ನ ದಯಾನಿಧೆ ಗೋಪಾಲವಿಠ್ಠಲ
ನಿನ್ನ ಸ್ಮರಣೆ ಪುಣ್ಯ ನಿನ್ನ ವಿಸ್ಮರಣೆ ದೋಷ || ೧ ||
ಮಠ್ಯತಾಳ
ಜಡ ಚೇತನ ಜ್ಞಾನ ಅಡಿಗಡಿಗೆ ತಿಳಿದು
ಜಡಕೆ ಲಯವೆ ಬಗೆದು ಚೇತನಗಳೆರಡು
ದೃಢವಾಗಿ ತಾ ತನ್ನ ಒಡಲೊಳಗಿಪ್ಪನ್ನ
ಒಡೆಯನೆಂದು ತಿಳಿದು ಅಡಿಗಳಿಗೆ ಎರಗಿ
ಕೊಡುವವ ಕೊಳುವನು ಬಿಡದಲೆ ನೀನೆಂದು
ನಡಿಸುವ ನುಡಿಸುವ ಹರಿ ನೀನೆಂದರಿದು
ಎಡಬಲದಲಿ ಇನ್ನು ಪರಿವಾರ ಸಹವಾಗಿ
ಕಡಕವಿಲ್ಲದೆ ನೋಡಿ ಜಡಮತಿಯನೆ ಬಿಟ್ಟು
ನುಡಿವದೆ ಸ್ಮರಣೆಯು ಕೊಡುವದು ಮಹಾಫಲವು
ಕಡು ಮೂರ್ಖತನದಿ ಬಿಡದಲೆ ಹಗಲಿರುಳು
ನುಡಿನುಡಿಗೆ ಘರ್ಜಿಸಿಡಲ್ಯಾತಕೆ ಮೊರಿಯಾ
ಮಿಡುಕುವುದಲ್ಲದೆ ಮೃಡಸಖನು ಮೆಚ್ಚ
ಕಡಲಶಯನ ರಂಗ ಗೋಪಾಲವಿಠ್ಠಲ
ಕೊಡು ನಿನ್ನ ಸ್ಮರಣೆ ಬಿಡದಲೆ ಕ್ಷಣಕ್ಷಣಕೆ || ೨||
ರೂಪಕತಾಳ
ನಾ ಕರ್ತನೆಂದದರಿಂದಲೇವೇ ಸಕಲ
ಶೋಕಾನರ್ಥಗಳು ಜೀವರಿಗೊದಗೋದು
ನೀ ಕರ್ತಾನೆಂದದರಿಂದ ಜೀವರಿಗೆ
ನರ್ಕಾದ್ಯನರ್ಥಗಳು ಆಗಲರಿಯವಯ್ಯ
ಈ ಕುರುಹಕೆ ತಂದು ದೃಷ್ಟಾಂತರವು ಇನ್ನು
ಆಕಳನ ಕೊಂದಂತೆ ಆ ವಿಪ್ರನೆ ಸಾಕ್ಷಿ
ಶೋಕ ಸುಖವೆರಡು ನೀನು ಮಾಡಿಸಿ ಇನ್ನು
ಹಾಕು ದ್ವಿಫಲವನು ಜೀವರ್ಯೋಗ್ಯತ ಅರಿದು
ನೀ ಕಾಣಿಸಿಕೊಂಬುವನೆ ನಿನ್ನ ಕರ್ತೃತ್ವಕ್ಕೆ
ಸಾಕಲ್ಯವಗರಿದು ಏಕ ಚಿತ್ತದಲ್ಲಿಪ್ಪ
ನೀ ಕರ್ತು ಮಾ ಸ್ವಾಮಿ ನಾ ಕುಶ್ಚಿತ ಭೃತ್ಯ
ನೀ ಕಾಯೊ ಎನ್ನಯ್ಯ ಸಾಕುವ ಬಿರಿದುಂಟು
ನಾ ಕೃತಘ್ನ ಬಲು ನೀ ಕರುಣಾಳಯ್ಯ
ನಾ ಕಪಟಿಯೊ ದೇವ ನೀ ದಯಾವಾರಿಧಿ
ಸಾಕಲ್ಯವ ಗುಣಪೂರ್ಣ ಗೋಪಾಲವಿಠ್ಠಲ
ಹಾಕದಿರೆನ್ನ ನಾನಾ ಕುಯೋನಿಗಳಲ್ಲಿ || ೩ ||
ಝಂಪೆತಾಳ
ಆವ ಲೀಲೆಯೊ ನಿನ್ನದಾವ ಸ್ವಭಾವವೊ
ಜೀವರೊಡನೆ ಆಟ ಆವ ಸುಖವೊ ನಿನಗೆ
ನಾವಸ್ವತಂತ್ರರು ನೀ ಸರ್ವಸ್ವತಂತ್ರ
ಬಾವೊದೆಮ್ಮಿಂದ ಏನು ನಿನಗೆ ದೇವ
ನಾವು ಊಳಿಗರು ನಿನಗೆ ಬೇಕಿವೆಂಬೀವೇನೊ
ನೀ ಊಳಿಗನಾಗಿ ಮಾಡಿಸಿ ನಮ್ಮಿಂದ
ಜೀವರಿಗೆ ಫಲವನು ತಂದು ತಂದು ನೀವೆ
ದೇವ ನಿನಗೆ ನೋಡ ಒಂದು ಕಾರಣವಿಲ್ಲ
ದೇವ ನಿನಗೆ ನೋಡ ಒಂದು ಕರ್ಮಗಳಿಲ್ಲ
ಆವಾವ ಪರಿ ನಿನ್ನ ಲೀಲೆಗಳ ತೋರಿದಿ
ದೇವ ನೀ ಬಂಡಿಯ ಬೋವಾದೆ ಅರ್ಜುನಗೆ
ಆವುಗಳ ಕಾದೆ ಸನಕಾದಿಗಳ ಪಾಲಿಸಲಿ
ಆ ಉಗ್ರಸೇನನ ಸೇವೆಯನು ಮಾಡಿದೆ
ದೇವ ಗೋಪಿಯ ಕೈಯ್ಯ ಕಟ್ಟಿ ಹಾಕಿಸಿಕೊಂಡೆ
ನೀ ವಟುವಿಪ್ರನಾಗಿ ಯಜ್ಞದಲಿ ಪೋಗಿ
ದೇವ ಭಿಕ್ಷವ ಬೇಡಿ ಭಕ್ತನ್ನ ಪಾಲಿಸಿದೆ
ಕಾವಲಿ ಕಾದೆ ಆತನ್ನ ಮನೆ ದ್ವಾರದಲಿ
ಆವ ಅಪೇಕ್ಷೆಯು ನಿನಗೆ ಒಂದೂ ಇಲ್ಲ
ಧಾವತಿ ಬಡುವೆ ನಿನ್ನ ಭಕುತರಿಗಾಗಿ
ನೋವಾಗುವೆ ನಿನ್ನ ಭಕ್ತರು ದಣಿದರೆ
ಆವ ನಿನ್ನ ಕಾರ್ಯ ಭಕ್ತರ ಪಾಲಣೆ
ಆವ ನಿನ್ನ ಕ್ರಿಯಾ ದನುಜರ ಮರ್ದನೆ
ಆವ ವ್ಯಾಪಾರವು ನಿನಗೆ ಮಾಡೆಂಬರು
ಪೇಳುವರುಂಟೆ ದೇವ
ಕಾವ ಕರುಣಿ ನಮ್ಮ ಗೋಪಾಲವಿಠ್ಠಲ
ಸೇವಕರ ಪಾಲಿಸುವ ಬಗೆ ಎಂತೆಂತೊ ದೇವ || ೪ ||
ತ್ರಿಪುಟತಾಳ
ಎನ್ನ ಅಜ್ಞಾನವೆಲ್ಲ ನಿನ್ನಾಧೀನವಯ್ಯ
ಎನ್ನ ಕರಣ ಚೇಷ್ಟೆ ವ್ಯಾಪಾರ ನಿನ್ನಾಧೀನ
ಎನ್ನ ಪ್ರೇರಣೆ ಪ್ರತಿಕ್ಷಣಕೆ ನಿನ್ನಾಧೀನ
ಎನ್ನ ಸ್ಮರಣೆ ಸ್ಫುರಣೆ ನಿನ್ನಾಧೀನ ದಮ್ಮಯ್ಯಾ
ಎನ್ನ ಸ್ವಾಮಿಯೆ ನೀನು ನಿನ್ನ ಭೃತ್ಯನು ನಾನು
ಇನ್ನೊಂದು ನಾನರಿಯೆ ಎನ್ನೊಡಿಯನೆ ಕೇಳು
ಎನ್ನ ಐಶ್ವರ್ಯವು ನಿನ್ನ ಪರವಾಗಲಿ
ಎನ್ನ ಆರೋಗ್ಯವು ನಿನ್ನ ಪರವಾಗಲಿ
ಎನ್ನ ಆಯುಷ್ಯವು ನಿನ್ನ ಪರವಾಗಲಿ
ಎನ್ನ ಸಕಲ ವ್ಯಾಪಾರ ನಿನ್ನ ಪರ ಆಗಲಿ
ಎನ್ನ ಚರಣಗಳು ನಿನ್ನ ಯಾತ್ರಿಯ ಮೆಟ್ಟಲಿ
ಎನ್ನ ಕರಗಳಿನ್ನು ನಿನ್ನ ಪೂಜೆ ಮಾಡಲಿ
ಎನ್ನ ಕರ್ಣಗಳಿನ್ನು ನಿನ್ನ ಕಥೆ ಕೇಳಲಿ
ಎನ್ನ ಚಕ್ಷುಸುಗಳು ನಿನ್ನ ಮೂರ್ತಿ ನೋಡಲಿ
ಎನ್ನ ಜಿಹ್ವೆಯು ಸತತ ನಿನ್ನ ಕೊಂಡಾಡಲಿ
ಎನ್ನ ಶಿರಸ್ಸು ನಿನ್ನ ಚರಣಕ್ಕೆರಗುತಿರಲಿ
ಎನ್ನ ಸರ್ವಾಂಗವು ಸಾಷ್ಟಾಂಗ ಹಾಕುತ
ಇನ್ನು ಹಗಲಿರುಳು ನಿನ್ನ ವಾಲ್ಗೈಸಲಿ
ಎನ್ನ ಮನೋವಾಕ್ಕಾಯದಿಂದಿನ್ನು
ಇನ್ನು ಮಾಡಿದ ಕರ್ಮ ನಿನ್ನ ಪರವು ಮಾಡಿ
ನಿನ್ನವನೆನೆಸಯ್ಯ ಘನ್ನ ದಯಾನಿಧೆ ಗೋಪಾಲವಿಠ್ಠಲ
ಇನ್ನಿದೆ ಮಾಡಿಸೊ ಅನಂತ ಜನ್ಮಕ್ಕು || ೫ ||
ಅಟ್ಟತಾಳ
ಕೆಡಿಸುವನು ನೀನೆ ಇಡಿಸುವನು ನೀನೆ
ಕೊಡಿಸುವನು ನೀನೆ ಹಿಡಿಸುವವನು ನೀನೆ
ಮಡದಿ ಇದ್ದರೆ ಮನೆ ಕಡು ಶುಭ ಎಂಬೋರು
ಹುಡುಗರಿದ್ದರೆ ಮನೆ ಕಡು ಶೋಭ ಎಂಬೋರು
ಒಡಿವೆ ಇದ್ದರೆ ಮನೆ ಕಡು ಶೋಭ ಎಂಬೋರು
ಹಡೆದವರಿದ್ದರೆ ಮನೆ ಕಡು ಶೋಭ ಎಂಬೋರು
ಜಡಗಳ ಹಿಡಕೊಂಡು ಮಿಡುಕೋ ಜೀವರ ನೋಡಿ
ಎಡವಿ ಬಿದ್ದಂತೆ ಎನಗಾಗುತಿದೆ ದೇವಾ
ಜಡಮತಿ ಜಡಸ್ನಾನ ಜಡಕರ್ಮ ಜಡಪೂಜೆ
ಜಡದಿ ಭಿನ್ನ ನಿನ್ನ ಅಡಿಗಳವಿಡಿಯದೆ
ಕಡೆಯಿಲ್ಲದ ಕರ್ಮ ಬಿಡದೆ ಮಾಡಲಿ ಯಾಕೆ
ಒಡೆಯಾ ನಿನ್ನ ಪ್ರೀತಿ ಪಡಿಯದರಿಯರಯ್ಯ
ಕಡು ಸಂಪತ್ತುಗಳು ನಿನ್ನ ನುಡಿಗಳು ಎನಗಿನ್ನು
ಬಿಡೆನೊ ಎಂದೆಂದಿಗೂ ದೃಢವಾಗಿ ಮನದೊಳು
ಕೊಡು ಇನ್ನು ಈ ಭಾಗ್ಯ ಒಡಿಯ ದೇವರದೇವ ಗೋಪಾಲವಿಠ್ಠಲ
ಕೊಡು ಒಂದು ಕೊಡದಿರೆ ಬಿಡೆ ನಿನ್ನ ಚರಣವ || ೬ ||
ಆದಿತಾಳ
ದಣವು ಬಂದರೆನಗೆ ಏನು ಆವ
ಗುಣವು ಬಂದರೆ ಎನಗೆ ಏನು
ಜನುಮ ಬಂದರೆನಗೆ ಏನು ಸು –
ಗುಣವಾಗಿ ಬಂದರೆನಗೆ ಏನು
ನಿನಗೆ ನನಗೆ ಭೇದ ತಿಳಿದು
ನನಗೆ ದೇಹಕೆ ಭೇದ ತಿಳಿದು
ಕ್ಷಣಕ್ಷಣಕೆ ನೀ ಸ್ವಾಮಿಯೆಂದು
ಕ್ಷಣಕ್ಷಣಕೆ ನಿನ್ನ ಭೃತ್ಯನೆಂದು
ಎಣೆಸುತ್ತ ಎನಗಿಂದ ಗುಣಾಧಿಕರ ಹಿಡಿದು
ಫಣಿ ರುದ್ರ ಅಜ ಸಿರಿ ಪರಿಯಂತ ದಿನದಿನದಿ
ಅನುವರಿತು ಕೊಂಡಾಡಿ ಗುಣ ಉಪಾಸನಿಯನ್ನು
ಎನಗೊಂದು ಇರಲಯ್ಯ ಮುನಿಗಳ ಮನ ಪ್ರಿಯ್ಯಾ
ಇನಿತು ಸುಖವೆ ಸಾಕು ಇನ್ನೊಬ್ಬರಿಗೆ ಅಂಜೆ
ಎನಗೊಂದು ಸುಖವಿಲ್ಲ ನಿನ್ನ ನೋಡೋದಕ್ಕಿಂತ
ಗುಣಪೂರ್ಣ ಚಲುವ ಗೋಪಾಲವಿಠ್ಠಲರೇಯ
ನಿನಗೆ ಎನಗೆ ಲೆಂಕೆ ಎನಗೊಬ್ಬರಿನ್ನಿಲ್ಲ || ೭ ||
ಜತೆ
ನಂಬಲಿ ನಾನಿನ್ನು ಎಷ್ಟರ ಮನುಜ ನೀ
ನಂಬಿಸಲು ನಂಬಿದೆ ಗೋಪಾಲವಿಠ್ಠಲ ||
SrI gOpAladAsArya viracita suLAdi
rAga: paMtuvarALi
dhruvatALa
ninna smaraNe enage tIrthayAtrigaLayya
ninna smaraNe enage yaj~ja dAnaMgaLayya
ninna smaraNe enage vrata cAMdrAyaNagaLayya
ninna smaraNe enage tapassu siddhigaLayya
ninna smaraNe enage sAdhane saMpattugaLu
ninna smaraNe enage bala dhairyavo ennayya
ninna smaraNe enage ihaparadalli lABa
ninna smaraNe enage siddhavAda mukuteyya
ninna vismaraNeyiMda Ava karma mADalu
puNyada Palavannu doriyadu jIvarige
kaNNu bigidu kaTTi citrava baredaMte
ninnariyada karma anaMta mADalyAke
kannikege bAlyadi kaMDavaru pati AdaMte
ninna smaraNillada karma I pariyo dEva
ninna vismaraNeye gOhatya brahmahatya
ninna vismaraNeye paMca mahApAtaka
ninna vismaraNeye sarva aparAdhavayya
ninna vismaraNavE sakala niShEdhagaLu
ninna smaraNavE iShTagaLayya
ninna smaraNe iralu adhama karma mADalu
anyAyavenisadu Agama sammatavu
Ganna dayAnidhe gOpAlaviThThala
ninna smaraNe puNya ninna vismaraNe dOSha || 1 ||
maThyatALa
jaDa cEtana j~jAna aDigaDige tiLidu
jaDake layave bagedu cEtanagaLeraDu
dRuDhavAgi tA tanna oDaloLagippanna
oDeyaneMdu tiLidu aDigaLige eragi
koDuvava koLuvanu biDadale nIneMdu
naDisuva nuDisuva hari nIneMdaridu
eDabaladali innu parivAra sahavAgi
kaDakavillade nODi jaDamatiyane biTTu
nuDivade smaraNeyu koDuvadu mahAPalavu
kaDu mUrKatanadi biDadale hagaliruLu
nuDinuDige GarjisiDalyAtake moriyA
miDukuvudallade mRuDasaKanu mecca
kaDalaSayana raMga gOpAlaviThThala
koDu ninna smaraNe biDadale kShaNakShaNake || 2||
rUpakatALa
nA kartaneMdadariMdalEvE sakala
SOkAnarthagaLu jIvarigodagOdu
nI kartAneMdadariMda jIvarige
narkAdyanarthagaLu Agalariyavayya
I kuruhake taMdu dRuShTAMtaravu innu
AkaLana koMdaMte A viprane sAkShi
SOka suKaveraDu nInu mADisi innu
hAku dviPalavanu jIvaryOgyata aridu
nI kANisikoMbuvane ninna kartRutvakke
sAkalyavagaridu Eka cittadallippa
nI kartu mA svAmi nA kuScita BRutya
nI kAyo ennayya sAkuva biriduMTu
nA kRutaGna balu nI karuNALayya
nA kapaTiyo dEva nI dayAvAridhi
sAkalyava guNapUrNa gOpAlaviThThala
hAkadirenna nAnA kuyOnigaLalli || 3 ||
JaMpetALa
Ava lIleyo ninnadAva svaBAvavo
jIvaroDane ATa Ava suKavo ninage
nAvasvataMtraru nI sarvasvataMtra
bAvodemmiMda Enu ninage dEva
nAvu ULigaru ninage bEkiveMbIvEno
nI ULiganAgi mADisi nammiMda
jIvarige Palavanu taMdu taMdu nIve
dEva ninage nODa oMdu kAraNavilla
dEva ninage nODa oMdu karmagaLilla
AvAva pari ninna lIlegaLa tOridi
dEva nI baMDiya bOvAde arjunage
AvugaLa kAde sanakAdigaLa pAlisali
A ugrasEnana sEveyanu mADide
dEva gOpiya kaiyya kaTTi hAkisikoMDe
nI vaTuvipranAgi yaj~jadali pOgi
dEva BikShava bEDi Baktanna pAliside
kAvali kAde Atanna mane dvAradali
Ava apEkSheyu ninage oMdU illa
dhAvati baDuve ninna BakutarigAgi
nOvAguve ninna Baktaru daNidare
Ava ninna kArya Baktara pAlaNe
Ava ninna kriyA danujara mardane
Ava vyApAravu ninage mADeMbaru
pELuvaruMTe dEva
kAva karuNi namma gOpAlaviThThala
sEvakara pAlisuva bage eMteMto dEva || 4 ||
tripuTatALa
enna aj~jAnavella ninnAdhInavayya
enna karaNa cEShTe vyApAra ninnAdhIna
enna prEraNe pratikShaNake ninnAdhIna
enna smaraNe sPuraNe ninnAdhIna dammayyA
enna svAmiye nInu ninna BRutyanu nAnu
innoMdu nAnariye ennoDiyane kELu
enna aiSvaryavu ninna paravAgali
enna ArOgyavu ninna paravAgali
enna AyuShyavu ninna paravAgali
enna sakala vyApAra ninna para Agali
enna caraNagaLu ninna yAtriya meTTali
enna karagaLinnu ninna pUje mADali
enna karNagaLinnu ninna kathe kELali
enna cakShusugaLu ninna mUrti nODali
enna jihveyu satata ninna koMDADali
enna Sirassu ninna caraNakkeragutirali
enna sarvAMgavu sAShTAMga hAkuta
innu hagaliruLu ninna vAlgaisali
enna manOvAkkAyadiMdinnu
innu mADida karma ninna paravu mADi
ninnavanenesayya Ganna dayAnidhe gOpAlaviThThala
innide mADiso anaMta janmakku || 5 ||
aTTatALa
keDisuvanu nIne iDisuvanu nIne
koDisuvanu nIne hiDisuvavanu nIne
maDadi iddare mane kaDu SuBa eMbOru
huDugariddare mane kaDu SOBa eMbOru
oDive iddare mane kaDu SOBa eMbOru
haDedavariddare mane kaDu SOBa eMbOru
jaDagaLa hiDakoMDu miDukO jIvara nODi
eDavi biddaMte enagAgutide dEvA
jaDamati jaDasnAna jaDakarma jaDapUje
jaDadi Binna ninna aDigaLaviDiyade
kaDeyillada karma biDade mADali yAke
oDeyA ninna prIti paDiyadariyarayya
kaDu saMpattugaLu ninna nuDigaLu enaginnu
biDeno eMdeMdigU dRuDhavAgi manadoLu
koDu innu I BAgya oDiya dEvaradEva gOpAlaviThThala
koDu oMdu koDadire biDe ninna caraNava || 6 ||
AditALa
daNavu baMdarenage Enu Ava
guNavu baMdare enage Enu
januma baMdarenage Enu su –
guNavAgi baMdarenage Enu
ninage nanage BEda tiLidu
nanage dEhake BEda tiLidu
kShaNakShaNake nI svAmiyeMdu
kShaNakShaNake ninna BRutyaneMdu
eNesutta enagiMda guNAdhikara hiDidu
PaNi rudra aja siri pariyaMta dinadinadi
anuvaritu koMDADi guNa upAsaniyannu
enagoMdu iralayya munigaLa mana priyyA
initu suKave sAku innobbarige aMje
enagoMdu suKavilla ninna nODOdakkiMta
guNapUrNa caluva gOpAlaviThThalarEya
ninage enage leMke enagobbarinnilla || 7 ||
jate
naMbali nAninnu eShTara manuja nI
naMbisalu naMbide gOpAlaviThThala ||
Leave a Reply