Suryantargata Narayana

Composer: Shrinidhi vittala

ಶ್ರೀ ದೀಪದ ಅಣ್ಣಯ್ಯಾಚಾರ್ಯರ ಕೃತಿ
(ಶ್ರೀನಿಧಿವಿಠಲ ಅಂಕಿತ )
ರಾಗ: ಪೂರ್ವಿಕಲ್ಯಾಣಿ ಆದಿತಾಳ

ಸೂರ್ಯಾಂತರ್ಗತ ನಾರಾಯಣ । ಪಾಹಿ
ಆರ್ಯಮೂರುತಿ ಪಂಚಪ್ರಾಣ ॥ ಪ ॥
ಭಾರ್ಯಳಿಂದೊಡಗೂಡಿ ಸರ್ವಜೀವರೊಳಿದ್ದು
ವೀರ್ಯ ಕೊಡುತಲಿರ್ದ ಶರ್ವಾದಿವಂದ್ಯ ॥ ಅ ಪ ॥

ದ್ರುಪದನ ಸುತೆ ನಿನ್ನ ಕರೆಯೆ । ಅಂದು
ಕೃಪಣವತ್ಸಲ ಶೀರೆ ಮಳೆಯೇ ।
ಅಪರಿಮಿತವು ನೀರ ಸುರಿಯೆ । ಸ್ವಾಮಿ
ಕುಪಿತ ದೈತ್ಯರ ಗರ್ವ ಮುರಿಯೇ ॥
ಜಪಿಸೋ ಜನರ ವಿಪತ್ತು ಕಳೆದೆ
ಈ ಪರಿಯ ದೇವರನೆಲ್ಲಿ ಕಾಣೆನೊ
ತಪನಕೋಟಿಪ್ರಕಾಶ ಬಲ ಉಳ್ಳ
ಕಪಿಲರೂಪನೆ ಜ್ಞಾನದಾಯಕ ॥ 1 ॥

ಹೃದಯ ಮಂಟಪದೊಳಗೆಲ್ಲ । ಪ್ರಾಣ –
ದದುಭುತ ಮಹಿಮೆಯ ಬಲ್ಲ
ಸದಮಲನಾಗಿ ತಾನೆಲ್ಲ । ಕಾರ್ಯ
ಮುದದಿ ಮಾಡಿಸುವ ಶ್ರೀನಲ್ಲ ॥
ಹದುಳ ಕೊಡುತಲಿ ಬದಿಲಿ ತಾನಿದ್ದು
ಒದಗಿ ನಿನಗೆನ್ನ ಮದುವೆ ಮಾಡಿದ
ಪದುಮಜಾಂಡೋದರ ಈ ಸುದತಿಯ
ಮುದದಿ ರಮಿಸೆಂದು ಒದಗಿ ಬೇಡುವೆ ॥ 2 ॥

ಎನ್ನ ಬಿನ್ನಪವನ್ನು ಕೇಳೊ । ಪ್ರಿಯ
ಮನ್ನಿಸಿ ನೋಡೊ ದಯಾಳೋ
ಹೆಣ್ಣಬಲೆಯ ಮಾತು ಕೇಳೋ । ನಾನು
ನಿನ್ನವಳಲ್ಲವೇನು ಹೇಳೋ ॥
ನಿನ್ನ ಮನದನುಮಾನ ತಿಳಿಯಿತು
ಕನ್ಯಾವಸ್ಥೆಯು ಎನ್ನದೆನ್ನದೆ
ಚೆನ್ನ ಶ್ರೀನಿಧಿವಿಟ್ಠಲ ಪ್ರಾಯದ
ಕನ್ಯೆ ಇವಳನು ದೇವ ಕೂಡಿಕೊ ॥ 3 ॥

---

SrI dIpada aNNayyAcAryara kRuti
(SrInidhiviThala aMkita )
rAga pUrvikalyANi AditALa

sUryAMtargata nArAyaNa | pAhi
AryamUruti paMcaprANa || pa ||
BAryaLiMdoDagUDi sarvajIvaroLiddu
vIrya koDutalirda SarvAdivaMdya || a pa ||

drupadana sute ninna kareye | aMdu
kRupaNavatsala SIre maLeyE |
aparimitavu nIra suriye | svAmi
kupita daityara garva muriyE ||
japisO janara vipattu kaLede
I pariya dEvaranelli kANeno
tapanakOTiprakASa bala uLLa
kapilarUpane j~jAnadAyaka || 1 ||

hRudaya maMTapadoLagella | prANa –
daduButa mahimeya balla
sadamalanAgi tAnella | kArya
mudadi mADisuva SrInalla ||
haduLa koDutali badili tAniddu
odagi ninagenna maduve mADida
padumajAMDOdara I sudatiya
mudadi ramiseMdu odagi bEDuve || 2 ||

enna binnapavannu kELo | priya
mannisi nODo dayALO
heNNabaleya mAtu kELO | nAnu
ninnavaLallavEnu hELO ||
ninna manadanumAna tiLiyitu
kanyAvastheyu ennadennade
cenna SrInidhiviTThala prAyada
kanye ivaLanu dEva kUDiko || 3 ||