Dasa purandara

Composer : Shri Shyamasundara dasaru

ದಾಸ ಪುರಂದರ | ದಾಸಗುರೂ |
ವಾಸವ ನಾಮದ ದಾಸಗುರೂ [ಪ]

ಭೂಸುರರಿಗೆ ಧನರಾಶಿ ಸಮರ್ಪಿಸಿ
ವ್ಯಾಸರಾಯರುಪದೇಶಗೊಂಡ ಹರಿದಾಸ [ಅ.ಪ]

ಜಲಜಭವನ ಪಿತನಾಜ್ಞೆಯಲಿ
ಕಲಿಯುಗದಲಿ ಜನ್ಮ ತಾಳುತಲಿ |
ಅಲವ ಬೋಧಮತ ನೆಲೆಯನು ಸುಲಭದಿ
ಸಿರಿಗನ್ನಡದಲಿ ತಿಳಿಸಿ ಸಲಹಿದ [೧] ದಾಸ,ಹರಿದಾಸ

ಪವನದೇವನ ಒಲಿಸುತಲಿ | ಮಾ
ಧವನ ಸೇವಿಸುತಲೆ ಕುಣಿಯುತಲಿ
ಕವನದಿ ಭಕುತಿಯ ನವವಿಧ ಮಾರ್ಗವ
ಅವನಿಗೆ ಬೀರಿದ ದಿವಜ ಮೌನಿವರ [೨] ದಾಸ,ಹರಿದಾಸ

ಕಾಮಿತ ಫಲಗಳ ಗರೆಯುತಲಿ | ಬಲು
ಪಾಮರ ಜನರನು ಸಲಹುತಲಿ
ಶ್ರೀಮನೋವಲ್ಲಭ ಶ್ಯಾಮಸುಂದರನ
ನಾಮಾಮೃತವನು ಪ್ರೇಮದಿ ಉಣಿಸಿದ [೩] ದಾಸ,ಹರಿದಾಸ

---

dAsa puraMdara | dAsagurU |
vAsava nAmada dAsagurU [pa]

BUsurarige dhanarASi samarpisi
vyAsarAyarupadESagoMDa haridAsa [a.pa]

jalajaBavana pitanAj~jeyali
kaliyugadali janma tALutali |
alava bOdhamata neleyanu sulaBadi
sirigannaDadali tiLisi salahida [1] dAsa,haridAsa

pavanadEvana olisutali | mA
dhavana sEvisutale kuNiyutali
kavanadi Bakutiya navavidha mArgava
avanige bIrida divaja maunivara [2] dAsa,haridAsa

kAmita PalagaLa gareyutali | balu
pAmara janaranu salahutali
SrImanOvallaBa SyAmasuMdarana
nAmAmRutavanu prEmadi uNisida [3] dAsa,haridAsa