Raama kavacham – Vadirajaru

ಕಪಿಕಟಕಧುರೀಣಃ ಕಾರ್ಮುಕನ್ಯಸ್ತಬಾಣಃ
ಕ್ಷಪಿತದಿತಿಜಸೈನ್ಯಃ ಕ್ಷತ್ರಿಯೇಷ್ವಗ್ರಗಣ್ಯಃ |
ಜಲಧಿರಚಿತಸೇತುರ್ಜಾನಕೀತೋಷಹೇತುಃ
ಪಥಿ ಪಥಿ ಗುಣಸಾಂದ್ರಃ ಪಾತು ಮಾಂ ರಾಮಚಂದ್ರಃ |೧|

ಶ್ರೀಮತ್ಕಿರೀಟವಿಭ್ರಾಜಿಶಿರಾ ರಾಮಃ ಶಿರೋವತು |
ಕುಟಿಲಾಲಕಸಂಶೋಭಿಲಲಾಟಾಂತಃ ಸುರಾರ್ಥಿತಃ |೨|

ಮಾಣಿಕ್ಯಮೌಕ್ತಿಕೋದ್ಭಾಸಿತಿಲಕಃ ಸೂರ್ಯವಂಶಜಃ |
ಲಲಾಟಂ ಪಾತು ಸುಭ್ರೂರ್ಮೇ ಕೌಸಲ್ಯಾನಂದನೋ ಭ್ರುವೌ |೩|

ಧನುರ್ವಿದ್ಯಾಪಾರದೃಶ್ವಾ ನೇತ್ರೇ ಪಾತ್ವಬ್ಜಲೋಚನಃ ಕೆ
ಲಸನ್ನಾಸಾಪುಟೋ ನಾಸಾಂ ವಿಶ್ವಾಮಿತ್ರವೃತೋಽವತು |೪|

ಬಿಂಬೋಷ್ಟೋಽವ್ಯಾನ್ಮದೀಯೌಷ್ಠೌ ಶಂಭುಕಾರ್ಮುಕಭಂಜನಃ |
ಕುಂದಕೋಶಲಸದ್ದಂತೋ ದಂತಾನ್ಮೇ ಜಾನಕೀಪತಿಃ |೫|

ಮನೋಜ್ಞರಸನೋ ಜಿಹ್ವಾಂ ಪಾತು ಲೋಕಮಯಾಂತಕೃತ್ |
ವಾಚಂ ವ್ಯಾಖ್ಯಾವಿದಗ್ಧೋವ್ಯಾತ್-ತ್ಯಕ್ತಸಾಮ್ರಾಜ್ಯಸಂಭ್ರಮಃ |೬|

ಆಸ್ಯಂ ಚಂದ್ರೋಪಮಾಸ್ಯೋಽವ್ಯಾದ್ರಾಮಚಂದ್ರೋ ವನೇಚರಃ |
ಕಂಬುಗ್ರೀವೋಽವತು ಗ್ರೀವಾಂ ಖರದೂಷಣಸೈನ್ಯಜಿತ್ |೭|

ಚಾರುದೀರ್ಘಕರಃ ಪಾಣೀ ಮಾರೀಚಮೃಗಲುಬ್ದಕಃ |
ಕಂಕಣಾಂಗದಮುದ್ರಾಢಯೋಽನ್ಗುಲೀಸ್ತ್ಯಕ್ತಪ್ರಿಯಾಕೃತಿಃ |೮|

ಪಾತು ಪೀನಾಂಸಯುಗ್ಮೋಃಸೌ ಹನೂಮನ್ನಯನೋತ್ಸವಃ |
ಹಾರಕೌಸ್ತುಭಭೃತ್ಕಂಠಮೂಲಂ ಸುಗ್ರೀವಸಖ್ಯಕೃತ್ |೯|

ಉರಃ ಪಾತು ಮಹೋರಸ್ಕಃ ತಾಲಾತ್ಮಾಸುರಖಂಡನಃ |
ಮಧ್ಯಂ ಕೃಶಲಸನ್ಮಧ್ಯಃ ಪಾತು ವಾಲ್ಯಂಗಭೇದನಃ |೧೦|

ದರ್ಭಶಾಯೀ ವಿಭುಃ ಪಾತು ವಲೀಸ್ತ್ರಿಃ ವಲಿಪಲ್ಲವಃ |
ತನೂದರಃ ಪಾತು ಕುಕ್ಷಿಂ ಕೃತಸೇತುರ್ಮಹಾರ್ಣವೇ |೧೧|

ನಿಮ್ಮನಾಭಿಃ ಪ್ರಭುಃ ಪಾತು ನಾಭಿಂ ಕಪಿಚಮೂಪತಿಃ |
ಪೀತಾಂಬರಃ ಸ್ಫುರತ್ಕಾಂಚೀದ್ಯೋತಮಾನಕಟಿದ್ವಯಃ |೧೨|

ಲಂಕಾಪ್ರಾಕಾರನಿರ್ಭೇದೀ ರಾಮಃ ಪಾತು ಕಟಿಂ ಮಮ |
ಊರೂ ಕರಿಕರೋರುರ್ಮೇ ಚಾರುಬಾಣಧನುರ್ಧರಃ |೧೩|

ಜೃಂಭಿರಾವಣಸೈನ್ಯಾಬ್ಧಿ-ಕುಂಭಸಂಭವಕೋಟಿಧೂಃ |
ಜಾನುನೀ ವೃತ್ತವಿಲಸಜ್ಜಾನುಯುಗ್ಮೋ ಮಮಾವತು |೧೪|

ಕುಂಭಕರ್ಣಾದಿನಿರ್ಭಂಗ-ದಂಭೋಲಿಸಮಸಾಯಕಃ |
ಜಂಘೇ ತುಂಗೇಭದಂತಾಭಜಂಘಾಯುಗ್ಮೋಽವತು ಪ್ರಭುಃ |೧೫|

ದಶಾನನಶಿರೋರಣ್ಯಪರಶ್ವಧಪರಾಕ್ರಮಃ |
ಮುಕ್ತಾಂಕುರಸಮಶ್ರೀಮದ್ಗುಲ್ಫೋ ಗುಲ್ಫೌ ಮಮಾವತು |೧೬|

ಸಸಂಭ್ರಮಸುರಶ್ರೇಣೀಶಿರೋಜುಷ್ಟಾಂಘ್ರಿಪಲ್ಲವಃ |
ಪಾದೌ ರಕ್ಷತು ಮೇ ನಿತ್ಯಂ ವಿಭೀಷಣಪದಪ್ರದಃ |೧೭|

ನಖಾನ್ ಪಾತು ನಖಶ್ರೇಣೀಶಶಿದ್ಯೋತಿತದಿಙ್ಮುಖಃ |
ಅಗ್ನಿಜ್ವಾಲೋದಿತಸ್ವೀಯಸೀತೋ ವೀತಚ್ಛಿದಾಕೃತಿಃ |೧೮|

ರಕ್ತಪಾದತಲಾದಿತ್ಯಃ ಪಾತು ಪಾದತಲೇ ಮಮ |
ಪ್ರಾಪ್ತಾಯೋಧ್ಯಾಪುರೈಶ್ವರ್ಯಃ ಪ್ರಾಚ್ಯಾಂ ಪಾತು ಮನೋರಮಃ |೧೯|

ಧರ್ಮಪ್ರವರ್ತಕಃ ಪಾಯಾದವಾಚ್ಯಾಂ ನೀರದದ್ಯುತಿಃ
ಪಾತು ಪ್ರತೀಚ್ಯಾಂ ಯಜ್ವೀಂದ್ರೋ ಹನೂಮತ್ಪಾರಮೇಷ್ಠ್ಯದಃ |೨೦|

ಉದೀಚ್ಯಾಮುದ್ಗತಾಯೋಗವಿದೇಹತನಯಾಪ್ರಿಯಃ |
ಅಥೋಽಧಃಕೃತಪಾಪೌಘಃ ಪಾತು ರಾಮೋಽಖಿಲಾಗ್ರಣೀಃ |೨೧|

ಊರ್ಧ್ವಮುನ್ನೀತಸಜ್ಜೀವನಾನಾಸಂಘಸುಖಪ್ರದಃ |
ಯ ಇದಂ ರಘುನಾಥಸ್ಯ ಕವಚಂ ಬಿಭೃಯಾನ್ನರಃ |೨೨|

ಯತಿನಾ ವಾದಿರಾಜೇನ ರಚಿತಂ ನಿರ್ಮಲಂ ದೃಢಂ |
ಸ್ಪೃಷ್ಟುಂ ತಂ ನೈವ ರಕ್ಷಾಂಸಿ ಪಾಪಾನಿ ರಿಪವೋಽಪಿ ವಾ |೨೩|

ವಿಪದೋ ವ್ಯಾಧಯೋ ವಾಪಿ ಶಕ್ನುವಂತಿ ಶರೋಪಮಾಃ |
ಅರಿಂ ಜಿತ್ವಾ ತು ಸಂಸಾರಂ ಯಾಸ್ಯತ್ಯಂತೇಪುನರ್ಭವಂ |೨೪|

|| ಇತಿ ಸ್ರೀಮದ್ವಾದಿರಾಜತೀರ್ಥವಿರಚಿತಂ ಸ್ರೀ ರಾಮಕವಚಂ ||

---

kapikaTakadhurINaH kArmukanyastabANaH
kShapitaditijasainyaH kShatriyEShvagragaNyaH |
jaladhiracitasEturjAnakItOShahEtuH
pathi pathi guNasAMdraH pAtu mAM rAmacaMdraH |1|

SrImatkirITaviBrAjiSirA rAmaH SirOvatu |
kuTilAlakasaMSOBilalATAMtaH surArthitaH |2|

mANikyamauktikOdBAsitilakaH sUryavaMSajaH |
lalATaM pAtu suBrUrmE kausalyAnaMdanO Bruvau |3|

dhanurvidyApAradRuSvA nEtrE pAtvabjalOcanaH ke
lasannAsApuTO nAsAM viSvAmitravRutO&vatu |4|

biMbOShTO&vyAnmadIyauShThau SaMBukArmukaBaMjanaH |
kuMdakOSalasaddaMtO daMtAnmE jAnakIpatiH |5|

manOj~jarasanO jihvAM pAtu lOkamayAMtakRut |
vAcaM vyAKyAvidagdhOvyAt-tyaktasAmrAjyasaMBramaH |6|

AsyaM caMdrOpamAsyO&vyAdrAmacaMdrO vanEcaraH |
kaMbugrIvO&vatu grIvAM KaradUShaNasainyajit |7|

cArudIrghakaraH pANI mArIcamRugalubdakaH |
kaMkaNAMgadamudrADhayO&ngulIstyaktapriyAkRutiH |8|

pAtu pInAMsayugmOHsau hanUmannayanOtsavaH |
hArakaustuBaBRutkaMThamUlaM sugrIvasaKyakRut |9|

uraH pAtu mahOraskaH tAlAtmAsuraKaMDanaH |
madhyaM kRuSalasanmadhyaH pAtu vAlyaMgaBEdanaH |10|

darBaSAyI viBuH pAtu valIstriH valipallavaH |
tanUdaraH pAtu kukShiM kRutasEturmahArNavE |11|

nimmanABiH praBuH pAtu nABiM kapicamUpatiH |
pItAMbaraH sphuratkAMchIdyOtamAnakaTidvayaH |12|

laMkAprAkAranirbhEdI rAmaH pAtu kaTiM mama |
UrU karikarOrurmE cArubANadhanurdharaH |13|

jRuMBirAvaNasainyAbdhi-kuMBasaMBavakOTidhUH |
jAnunI vRuttavilasajjAnuyugmO mamAvatu |14|

kuMBakarNAdinirBaMga-daMBOlisamasAyakaH |
jaMghE tuMgEBadaMtABajaMGAyugmO&vatu praBuH |15|

daSAnanaSirOraNyaparaSvadhaparAkramaH |
muktAMkurasamaSrImadgulphO gulPau mamAvatu |16|

sasaMBramasuraSrENISirOjuShTAMghripallavaH |
pAdau rakShatu mE nityaM viBIShaNapadapradaH |17|

naKAn pAtu naKaSrENISaSidyOtitadi~gmuKaH |
agnijvAlOditasvIyasItO vItacCidAkRutiH |18|

raktapAdatalAdityaH pAtu pAdatalE mama |
prAptAyOdhyApuraiSvaryaH prAcyAM pAtu manOramaH |19|

dharmapravartakaH pAyAdavAcyAM nIradadyutiH
pAtu pratIcyAM yajvIMdrO hanUmatpAramEShThyadaH |20|

udIcyAmudgatAyOgavidEhatanayApriyaH |
athO&dhaHkRutapApauGaH pAtu rAmO&KilAgraNIH |21|

UrdhvamunnItasajjIvanAnAsaMGasuKapradaH |
ya idaM raGunAthasya kavacaM biBRuyAnnaraH |22|

yatinA vAdirAjEna racitaM nirmalaM dRuDhaM |
spRuShTuM taM naiva rakShAMsi pApAni ripavO&pi vA |23|

vipadO vyAdhayO vApi SaknuvaMti SarOpamAH |
ariM jitvA tu saMsAraM yAsyatyaMtEpunarBavaM |24|

|| iti srImadvAdirAjatIrthavirachitaM srI rAmakavachaM ||