Raama panchakam – Vadirajaru

ಪ್ರಾತಃ ಸ್ಮರಾಮಿ ರಘುನಾಥಪದಾರವಿಂದಂ
ಮಂದಸ್ಮಿತಂ ಮಧುರಭಾಷವಿಶಾಲಫಾಲಮ್ |
ಕರ್ಣಾವಲಂಬಿಚಲಕುಂಡಲಲೋಲಗಂಡಂ
ಕರ್ಣಾಂತದೀರ್ಘನಯನಂ ನಯನಾಭಿರಾಮಮ್ || ೧ ||

ಪ್ರಾತರ್ಭಜಾಮಿ ರಘುನಾಥಕರಾರವಿಂದಂ
ರಕ್ಷೋಗಣಾಯ ಭಯದಂ ವರದಂ ದ್ವಿಜೇಭ್ಯಃ |
ಯದ್ರಾಜ್ಯಸಂಸದಿ ವಿಭಜ್ಯ ಮಹೇಶಚಾಪಂ
ಸೀತಾಕರಗ್ರಹಣಮಂಡಲಮಾಪ ಸದ್ಯಃ || ೨ ||

ಪ್ರಾತರ್ನಮಾಮಿ ರಘುನಾಥಪದಾರವಿಂದಂ
ವಜ್ರಾಂಕುಶಾದಿಶುಭರೇಖಧ್ವಜಾವಹಂ ಮೇ |
ಯೋಗೀಂದ್ರಮಾನಸಮಧುವ್ರತಸೇವ್ಯಮಾನಂ
ಶಾಪಾಪಹಂ ಸಪದಿ ಗೌತಮಧರ್ಮಪತ್ನ್ಯಾಃ || ೩ ||

ಪ್ರಾತಃ ಶ್ರಯೇ ಶ್ರುತಿನುತಾಂ ರಘುನಾಥಕೀರ್ತಿಂ
ನೀಲಾಂಬುದೋತ್ಪಲಸಿತೇತರರತ್ನನೀಲಾಮ್ |
ಆಮುಕ್ತವೌಕ್ತಿಕವಿಭೂಷಣಭೂಷಣಾಢ್ಯಾಂ
ಧ್ಯೇಯಾಂ ಸಮಸ್ತಮುನಿಭಿರ್ಜನಮೃತ್ಯುಹಂತ್ರೀಮ್ || ೪ ||

ಪ್ರಾತರ್ವದಾಮಿ ವಚಸಾ ರಘುನಾಥನಾಮ
ವಾಗ್ದೋಷಹಾರಿ ಸಕಲಂ ಶಮಲಂ ನಿಹಂತಿ |
ಯತ್ ಪಾರ್ವತೀ ಸ್ವಪತಿನಾ ಸಹ ಭೋಕ್ತುಕಾಮಾ
ಪ್ರೀತ್ಯಾ ಸಹಸ್ರಹರಿನಾಮಸಮಂ ಜಜಾಪ || ೫ ||

ಯಃ ಶ್ಲೋಕಪಂಚಕಮಿದಂ ನಿಯತಂ ಪಠೇತ್ತು
ಪ್ರಾತಃ ಪ್ರಭಾತಸಮಯೇ ಪುರುಷಃ ಪ್ರಬುದ್ಧಃ |
ಶ್ರೀರಾಮಕಿಂಕರಜನೇಷು ಸ ಏವ ಮುಖ್ಯೋ
ಭೂತ್ವಾ ಪ್ರಯಾತಿ ಹರಿಲೋಕಮನನ್ಯಲಭ್ಯಮ್ || ೬ ||

ವಾದಿರಾಜಯತಿ ಪ್ರೋಕ್ತಂ ಪಂಚಕಂ ಜಾನಕೀಪತೇಃ |
ಶ್ರವಣಾತ್ ಸರ್ವಪಪಘ್ನಂ ಪಠನಾತ್ ಮೋಕ್ಷದಾಯಕಮ್ || ೭ ||

|| ಇತಿ ಶ್ರೀಮದ್ವಾದಿರಾಜ ತೀರ್ಥ ವಿರಚಿತಂ ಶ್ರೀರಾಮಪಂಚಕಮ್ ||

---

prAtaH smarAmi raGunAthapadAraviMdaM
maMdasmitaM madhuraBAShaviSAlaPAlam |
karNAvalaMbicalakuMDalalOlagaMDaM
karNAMtadIrGanayanaM nayanABirAmam || 1 ||

prAtarBajAmi raGunAthakarAraviMdaM
rakShOgaNAya BayadaM varadaM dvijEByaH |
yadrAjyasaMsadi viBajya mahESacApaM
sItAkaragrahaNamaMDalamApa sadyaH || 2 ||

prAtarnamAmi raGunAthapadAraviMdaM
vajrAMkuSAdiSuBarEKadhvajAvahaM mE |
yOgIMdramAnasamadhuvratasEvyamAnaM
SApApahaM sapadi gautamadharmapatnyAH || 3 ||

prAtaH SrayE SrutinutAM raGunAthakIrtiM
nIlAMbudOtpalasitEtararatnanIlAm |
AmuktavauktikaviBUShaNaBUShaNADhyAM
dhyEyAM samastamuniBirjanamRutyuhaMtrIm || 4 ||

prAtarvadAmi vacasA raGunAthanAma
vAgdOShahAri sakalaM SamalaM nihaMti |
yat pArvatI svapatinA saha BOktukAmA
prItyA sahasraharinAmasamaM jajApa || 5 ||

yaH SlOkapaMcakamidaM niyataM paThEttu
prAtaH praBAtasamayE puruShaH prabuddhaH |
SrIrAmakiMkarajanEShu sa Eva muKyO
BUtvA prayAti harilOkamananyalaByam || 6 ||

vAdirAjayati prOktaM paMcakaM jAnakIpatEH |
SravaNAt sarvapapaGnaM paThanAt mOkShadAyakam || 7 ||

|| iti SrImadvAdirAja tIrtha viracitaM SrIrAmapaMcakam ||