Dayadi Paliso Jayatirtha

Composer : Shri Keshava vittala

ರಾಗ : ಶಂಕರಾಭರಣ, ಖಂಡಛಾಪುತಾಳ
ದಯದಿ ಪಾಲಿಸೋ ಜಯತೀರಥರಾಯಾ ।
ಅಕ್ಷೋಭ್ಯರ ತನಯ ॥ ಪ ॥

ಅತ್ಯಂತ್ಹರುಷದಿ ಎತ್ತಾಗಿರುತಿರಲು । ಆನಂದತೀರ್ಥರು ।
ನಿತ್ಯಪಠಿಸುವ ಪುಸ್ತಕ ಹೊರುತಿರಲು । ಗುರುರಾಯರು ಪೇಳಿದ ।
ತತ್ವಗ್ರಂಥವನೆ ಕಿವಿಯಲಿ ಕೇಳುತಲಿ । ತಲೆಯ ತೂಗುತಲಿ ।
ಮತ್ತೆ ಪುಟ್ಟಿದ್ಯೊ ಮಂಗಳವೇಡೆಯಲಿ । ಅತಿಮತಿವಂತರಲಿ ॥ 1 ॥

ದೇಶಪಾಂಡೆಯರ ಕೂಸಾಗಿ ಜನಿಸಿ । ಘನ ರಾವುತನೆನಿಸಿ ।
ದೇಶದೇಶದೊಳ್ ಸೈನ್ಯವನೆ ಚರಿಸಿ । ಧನವನ್ನೆ ಗಳಿಸಿ ।
ವಾಸುಕಿಯೆಂಬೋ ಗುರುತನೆ ತಪ್ಪಿಸಿ । ನದಿಗೆ ನೀರಡಿಸಿ ।
ಶ್ರೀಶನಾಜ್ಞೆಯಿಂ ಇವರನೆ ಕರೆತರಿಸಿ । ಶಿಖಿ ಸೂತ್ರವ ತೆಗೆಸಿ ॥ 2 ॥

ಹಿಂಡು ಹಿಂಡುಜನ ಅಂಡಲಿಯುತ ಬಂದು । ಅಕ್ಷೋಭ್ಯತೀರ್ಥರ ।
ಕಂಡು ಭೇಟಿಯ ಮಾಡುತಲೆ ನಿಂದು । ಧೊಂಡೋ ರಘುನಾಥನ ।
ಹೆಂಡತಿ ಗಂಡನ ಕೂಡಿಸಬೇಕೆಂದು । ಸುಮ್ಮನೆ ಕರೆತಂದು ಪ್ರ – ।
ಚಂಡ ಸರ್ಪದ ರೂಪವ ತಾವ್ ಕಂಡು । ಭಯಪಟ್ಟರಂದು ॥ 3 ॥

ಮಧ್ವಶಾಸ್ತ್ರಗಳನುದ್ಧರಿಸುತಲದಕೆ । ಟೀಕೆಯನು ಮಾಡಿ ।
ವಿದ್ವಜ್ಜನರಿಗೆ ತಿದ್ದಿಯೆ ಪೇಳುತಲಿ । ನಾನಾ ಬಗೆಯಲ್ಲಿ ।
ಪದ್ಧತಿ ತಿಳಿಸಿದ ಗುರುರಾಯರು ನೀವು । ಯತಿವರ ಸುರಧೇನು ।
ಅದ್ವೈತರ ಗುರು ವಿದ್ಯಾರಣ್ಯನ । ಗೆದ್ದ ಸಿಂಹ ನೀವು ॥ 4 ॥

ಆಷಾಢ ಬಹುಳ ಪಂಚಮಿಯು ಬರುತ । ಕಳೆವರವು ಬಿಟ್ಟು ।
ಕೇಶವವಿಠ್ಠಲನ ಧ್ಯಾನದಲಿರುತ । ಮಳಖೇಡದಲ್ಲಿ ।
ವಾಸವಾಗಿಹ್ಯನೆಂಬೋ ಪ್ರಖ್ಯಾತ । ತವಗುಣಗಳ ಚರಿತ ।
ಬ್ಯಾಸರದಲೆ ಕೊಂಡಾಡುವ ಮನುಜರಿಗೆ । ಇಷ್ಟಾರ್ಥಧಾತಾ ॥ 5 ॥

---

rAga : SaMkarABaraNa, KaMDaCAputALa

dayadi pAlisO jayatIratharAyA |
akShOByara tanaya || pa ||

atyaMt~haruShadi ettAgirutiralu | AnaMdatIrtharu |
nityapaThisuva pustaka horutiralu | gururAyaru pELida |
tatvagraMthavane kiviyali kELutali | taleya tUgutali |
matte puTTidyo maMgaLavEDeyali | atimativaMtarali || 1 ||

dESapAMDeyara kUsAgi janisi | Gana rAvutanenisi |
dESadESadoL sainyavane carisi | dhanavanne gaLisi |
vAsukiyeMbO gurutane tappisi | nadige nIraDisi |
SrISanAj~jeyiM ivarane karetarisi | SiKi sUtrava tegesi || 2 ||

hiMDu hiMDujana aMDaliyuta baMdu | akShOByatIrthara |
kaMDu BETiya mADutale niMdu | dhoMDO raGunAthana |
heMDati gaMDana kUDisabEkeMdu | summane karetaMdu pra – |
caMDa sarpada rUpava tAv kaMDu | BayapaTTaraMdu || 3 ||

madhvaSAstragaLanuddharisutaladake | TIkeyanu mADi |
vidvajjanarige tiddiye pELutali | nAnA bageyalli |
paddhati tiLisida gururAyaru nIvu | yativara suradhEnu |
advaitara guru vidyAraNyana | gedda siMha nIvu || 4 ||

AShADha bahuLa paMcamiyu baruta | kaLevaravu biTTu |
kESavaviThThalana dhyAnadaliruta | maLaKEDadalli |
vAsavAgihyaneMbO praKyAta | tavaguNagaLa carita |
byAsaradale koMDADuva manujarige | iShTArthadhAtA || 5 ||