Srihari Karuna Suladi – Sheshadasaru

Raga:Darbarikanada

ಶ್ರೀಮೊದಲಕಲ್ಲು ಶೇಷದಾಸಾರ್ಯ ವಿರಚಿತ
(ಗುರುವಿಜಯವಿಟ್ಠಲ ಅಂಕಿತ)
ಶ್ರೀಹರಿ ಕರುಣ ಸುಳಾದಿ
( ಹರಿ ಪ್ರಸಾದ ಹರಿ ಕರುಣವೆ ಮುಖ್ಯ ,
ಗರ್ವ ಮದ ಸರ್ವಥಾ ತಾಳಲಾಗದು.
ಗರ್ವ ಮಾಡಿದುದಕೆ ಹರಿಯ ಕುರುಹು ಮರದೆ.
ಇತ್ಯಾದಿ ಪೂರ್ವಜನುಮ ಐತಿಹಾಸಿಕ ಪ್ರಾರ್ಥನಾ.)
ರಾಗ: ದರ್ಬಾರಿಕಾನಡ

ಧ್ರುವತಾಳ
ಪರಮ ಬಲವಂತನೆಂಬೊ ಗರ್ವ ತಾಳಿದದಕೆ
ನಿರುಪಮ ನಿರ್ಬಲನಾದೆನಿಂದು
ಸಿರಿ ಅಜ ಭವರಿಗೆ ಸಿಲುಕದ ಮಹಿಮನ್ನ
ಕರವಶನಾದ ಆಪ್ತನಂಬೊ ಮದದಿ
ಸರಿಗಾಣೆನೆನುತಲಿ ಸಥೆ ಮಾಡಿದವರೆನ್ನು
ಹರಿ ನಿನ್ನ ಕುರುಹು ಒಮ್ಮೆ ಜನುಮದೊಳಗೆ
ಅರಸಿ ನೋಡಿದರೆ ಕಾಣದಿದ್ದವನಾದೆ
ತರಣೇಂದು ಕೋಟಿ ತೇಜ ಮಹಾರಾಜಾ
ನಿರುಪಮ ಸೌಭಾಗ್ಯವಂತನೆಂದಾದಕೆ
ದಾರಿದ್ರ ದೋಷದಿಂದ ಅಧಿಕನಾದೆ
ನರರಿಂದ ವಂದ್ಯನೆಂದು ಮನದಿ ಹಿಗ್ಗಿದುದಕೆ
ಧರೆಯೊಳು ತೃಣಸಮನಾಗದಾದೆ
ವೀರರಾದವರು ಎದುರು ನಿಲ್ಲರೆಂಬೊ ನಿ –
ರ್ಭಾರವಾದ ಅಹಂಕಾರ ಮಾಡಿದುದಕೆ
ಹೊರಗೆ ಒಳಗೆ ದುರುಳ ಸಂಗದೊಳಗೆ ಸಿಲ್ಕಿ
ಪರಿಶ್ರಮದಿಂದ ಬಳಲಿದೆನೋ
ಕರುಣ ಮಾಡಿದ ಬ್ರಹ್ಮಾದಿ ಸುರರೆಲ್ಲ
ಪರಿಪೂರ್ಣರೆನಿಸುವರು ಪದವಿಯಿಂದ
ಸರಿದು ನೋಡುವಾಗ ಶ್ವಪಚರಿಂದಧಿಕವಾದ
ವರವಾದ ಕಷ್ಟತ್ವ ಐದುವರೊ
ಪರಮೇಷ್ಠಿ ನಾಮರೂಪ ಗುರುವಿಜಯವಿಟ್ಠಲರೇಯ
ಸರಿಗಾಣೆನಯ್ಯಾ ನಿನ್ನ ಶಾಸನಕ್ಕೆ || ೧ ||

ಮಟ್ಟತಾಳ

ನಿನ್ನ ಕರುಣವೆ ಜ್ಞಾನ ನಿನ್ನ ಕರುಣವೆ ಭಕುತಿ
ನಿನ್ನ ಕರುಣ ವಿರಕುತಿ ನಿನ್ನ ಕರುಣವೆ ಧರ್ಮ
ನಿನ್ನ ಕರುಣವೆ ಧೈರ್ಯ ನಿನ್ನ ಕರುಣವೆ ಶೌರ್ಯ
ನಿನ್ನ ಕರುಣವೆ ಶುಭ ನಿನ್ನ ಕರುಣವೆ ಲಾಭ
ನಿನ್ನ ಕರುಣವೆ ಸಕಲ ಸಂಪದವೆನಿಪದು
ಪನ್ನಗತಲ್ಪ ಗುರುವಿಜಯವಿಟ್ಠಲರೇಯ
ನಿನ್ನ ಕರುಣವ ತಪ್ಪಲಿದರೊಳಗೊಂದಿಲ್ಲ || ೨ ||

ತ್ರಿವಿಡಿತಾಳ
ನಿನ್ನ ಕರುಣವೆ ನಿಖಿಳ ನಿಧಿಯೊ ಎನಗೆ ದೇವ
ನಿನ್ನ ಕರುಣವೆ ಸಕಲ ಸಂಭ್ರಮವೊ
ನಿನ್ನ ಕರುಣವೆ ನಿರುಪಮ ಜಯವೆನಗೆ
ನಿನ್ನ ಕರುಣವೆ ಸಾರ ಸುಖವೊ ದೇವ
ನಿನ್ನ ಕರುಣವೆ ಈಹ ಸೌಖ್ಯವೆನಿಪದು
ನಿನ್ನ ಕರುಣಕೆ ಜನರು ಮನ್ನಿಪರೊ
ಪನ್ನಗಾರಿವಾಹ ಗುರುವಿಜಯವಿಟ್ಠಲರೇಯ
ನಿನ್ನ ಕರುಣವೆ ತೊಲಗಲೆಂತು ಸುಖವೊ || ೩ ||

ಅಟ್ಟತಾಳ

ನಿನ್ನ ಕರುಣವೆ ಸಾಧನವೆನಿಪುದು
ನಿನ್ನ ಕರುಣದಿಂದ ಸುರರು ಮನ್ನಿಸುವರು
ನಿನ್ನ ಕರುಣದಿಂದ ನರಕ ಯಾತನೆ ದೂರ
ನಿನ್ನ ಕರುಣವಿದ್ದ ಸ್ಥಳದಲ್ಲಿ ಯಮನಾಳು
ಮನ್ನಾದಿ ನಮಿಪರು ತಿರುಗಿ ನೋಡದಲೆ
ನಿನ್ನ ಕರುಣವೆ ಅಪುನರಾವರ್ತಿ
ಚಿನ್ಮಯ ಲೋಕವು ತಂದೀವದೆಂದಿಗೂ
ನಿನ್ನ ಕರುಣಕ್ಕೆ ನೀನೆ ಕ್ಷಣವಗಲದೆ ಹೃದಯ
ವನ್ನಜಾಂಡ ಮಧ್ಯದಿ ನಿರುತ ಪೊಳೆವ ದೇವ
ಚನ್ನ ಪ್ರಸನ್ನ ಶ್ರೀಗುರುವಿಜಯವಿಟ್ಠಲರೇಯ
ನಿನ್ನ ಕರುಣವ ಜರಿಯೇ ವ್ಯತಿರೇಕವೆಲ್ಲವೂ || ೪ ||

ಆದಿತಾಳ
ಇನಿತು ತಿಳಿಯದಲೆ ಭವದೊಳಗೆ ಬಂದು
ಬನ್ನ ಬಟ್ಟೆನು ನಾನು ಬಲು ವಿಧದಿಂದಲಿ
ಅನ್ನಾದಿ ಪ್ರಾರಬ್ಧ ಇದಕೆ ಸೂಚನೆ ಮಾಡಿ
ನಿನ್ನ ಇಚ್ಛೆಯಲಿಂದ ಕಲಿಕೃತ ಕಲ್ಮಷಾದಿ
ಜನ್ನಿತ ಮಮಕಾರ ಬಂದೊದಗಿದ ಕಾರಣಕೆ
ನಿನ್ನ ಕರುಣವಿಲ್ಲದಲೆ ಪೂರ್ವೋಕ್ತವಾದ ಗುಣಕ
ಭಿನ್ನವಾದ ವ್ಯತಿರೇಕ ಅನುಭವ ಮಾಡಿಸಿದಿ
ಅನಂತ ಜನ್ಮವಾದರು ಬರಲೇಕೆ
ನಿನ್ನ ಕರುಣ ಅಗಲದಿರಲಿ ಇನ್ನೆಂದಿಗಾದರು
ಉನ್ನತ ಮಹಿಮ ಗುರುವಿಜಯವಿಟ್ಠಲರೇಯ ಪ್ರ –
ಸನ್ನಾಗುವದು ಅವ್ಯವಧಾನದಿಂದ || ೫ ||

ಜತೆ
ನಿನ್ನ ಕರುಣವೆ ಸಕಲ ಸೌಭಾಗ್ಯಪದ ಪ್ರಾಪ್ತಿ
ಭಿನ್ನ ಜೀವರ ದಾತಾ ಗುರುವಿಜಯವಿಟ್ಠಲರೇಯ ||

---

SrImodalakallu SEShadAsArya viracita
(guruvijayaviTThala aMkita)
SrIhari karuNa suLAdi
( hari prasAda hari karuNave muKya ,
garva mada sarvathA tALalAgadu.
garva mADidudake hariya kuruhu marade.
ityAdi pUrvajanuma aitihAsika prArthanA.)
rAga: darbArikAnaDa

dhruvatALa
parama balavaMtaneMbo garva tALidadake
nirupama nirbalanAdeniMdu
siri aja Bavarige silukada mahimanna
karavaSanAda AptanaMbo madadi
sarigANenenutali sathe mADidavarennu
hari ninna kuruhu omme janumadoLage
arasi nODidare kANadiddavanAde
taraNEMdu kOTi tEja mahArAjA
nirupama sauBAgyavaMtaneMdAdake
dAridra dOShadiMda adhikanAde
narariMda vaMdyaneMdu manadi higgidudake
dhareyoLu tRuNasamanAgadAde
vIrarAdavaru eduru nillareMbo ni –
rBAravAda ahaMkAra mADidudake
horage oLage duruLa saMgadoLage silki
pariSramadiMda baLalidenO
karuNa mADida brahmAdi surarella
paripUrNarenisuvaru padaviyiMda
saridu nODuvAga SvapacariMdadhikavAda
varavAda kaShTatva aiduvaro
paramEShThi nAmarUpa guruvijayaviTThalarEya
sarigANenayyA ninna SAsanakke || 1 ||

maTTatALa

ninna karuNave j~jAna ninna karuNave Bakuti
ninna karuNa virakuti ninna karuNave dharma
ninna karuNave dhairya ninna karuNave Saurya
ninna karuNave SuBa ninna karuNave lABa
ninna karuNave sakala saMpadavenipadu
pannagatalpa guruvijayaviTThalarEya
ninna karuNava tappalidaroLagoMdilla || 2 ||

triviDitALa
ninna karuNave niKiLa nidhiyo enage dEva
ninna karuNave sakala saMBramavo
ninna karuNave nirupama jayavenage
ninna karuNave sAra suKavo dEva
ninna karuNave Iha sauKyavenipadu
ninna karuNake janaru manniparo
pannagArivAha guruvijayaviTThalarEya
ninna karuNave tolagaleMtu suKavo || 3 ||

aTTatALa

ninna karuNave sAdhanavenipudu
ninna karuNadiMda suraru mannisuvaru
ninna karuNadiMda naraka yAtane dUra
ninna karuNavidda sthaLadalli yamanALu
mannAdi namiparu tirugi nODadale
ninna karuNave apunarAvarti
cinmaya lOkavu taMdIvadeMdigU
ninna karuNakke nIne kShaNavagalade hRudaya
vannajAMDa madhyadi niruta poLeva dEva
canna prasanna SrIguruvijayaviTThalarEya
ninna karuNava jariyE vyatirEkavellavU || 4 ||

AditALa
initu tiLiyadale BavadoLage baMdu
banna baTTenu nAnu balu vidhadiMdali
annAdi prArabdha idake sUcane mADi
ninna icCeyaliMda kalikRuta kalmaShAdi
jannita mamakAra baMdodagida kAraNake
ninna karuNavilladale pUrvOktavAda guNaka
BinnavAda vyatirEka anuBava mADisidi
anaMta janmavAdaru baralEke
ninna karuNa agaladirali inneMdigAdaru
unnata mahima guruvijayaviTThalarEya pra –
sannAguvadu avyavadhAnadiMda || 5 ||

jate
ninna karuNave sakala sauBAgyapada prApti
Binna jIvara dAtA guruvijayaviTThalarEya ||