Elu Aroganege

Composer : Shri Gopaladasaru

ರಾಗ: ಭೌಳಿ , ಖಂಡಛಾಪುತಾಳ
ಏಳು ಆರೋಗಣೆಗೆ ಯಾಕೆ ತಡವೊ ।
ಆಲಸ್ಯ ಮಾಡದಲೆ ಮೂಲರಾಮಚಂದ್ರ ॥ 1 ॥

ಕುಡಿ ಬಾಳಿದೆಲೆ ಹಾಕಿ ಸಡಗರದಿಂದ ಎಡೆ ಮಾಡಿ ।
ಮಣಿ ಹಾಕಿ ಮುತ್ತಿನ ಶೆಮ್ಯಗಳಿಟ್ಟು ॥
ಮುಡಿಸಿ ದೀಪಗಳ್ಹಚ್ಚಿ ಉದಕ ರಂಗೋಲಿ ಹಾಕಿ ।
ಬಡಿಸಲು ಶ್ರೀದೇವಿ ಬಂದು ನಿಂದಿಹಳು ॥ 1 ॥

ಪುಡಿ ಉಪ್ಪು ಚಟ್ನಿ ಕೋಸಂಬರಿ ಉಪ್ಪಿನಕಾಯಿ ।
ಪಡವಲಕಾಯಿ ಚೆವಳಿ ಕಾಯಿಯು ॥
ಅಡವಿಗುಳ್ಳದ ಪಳಿದ್ಯ ಆಂಬೊಡೆ ಫೇಣಿಯು ।
ಬಡಿಸಲು ಶ್ರೀದೇವಿ ಬಂದು ನಿಂದಿಹಳು ॥ 2 ॥

ಎಣ್ಣೂರಿಗತಿರಸವು ಸಣ್ಣ ಶ್ಯಾವಿಗೆ ಫೇಣಿ ।
ಬೆಣ್ಣೆದೋಸೆ ಹುಗ್ಗಿ ಅನ್ನದಧ್ಯಾನ್ನ ತೀ ॥
ರ್ಥಾನ್ನಗಳನು ಕಾಯಿ ಹಾಲು ಬಡಿಸಲು ।
ಬಣ್ಣಿಸಿ ಶ್ರೀದೇವಿ ಬಂದು ನಿಂತಿಹಳು ॥ 3 ॥

ಗಂಧ ಕಸ್ತೂರಿ ಪುನುಗು ಕರ್ಪೂರದ ವೀಳ್ಯ ।
ಚೆಂದಾಗಿ ಮಡಿಸಿ ಕೈಲಿ ಹಿಡಿದುಕೊಂಡು ॥
ದುಂಡು ಮಲ್ಲಿಗೆ ಹೂವ ಅಂದವಾಗಿ ಕಟ್ಟಿ ।
ರಂಭೆ ಜಾನಕಿದೇವಿ ಹಿಡಿದು ನಿಂತಿಹಳು ॥ 4 ॥

ನಿತ್ಯ ತೃಪ್ತನೆ ನಿನ್ನ ಉದರದೊಳಿಹ ।
ಉತ್ತಮ ಪುರುಷನೆ ಉಣಲು ಏಳು ॥
ಮುಕ್ತಿದಾಯಕ ನಮ್ಮ ಗೋಪಾಲವಿಠ್ಠಲ ।
ಭಕ್ತರ ಬಿನ್ನಪವ ನೀ ಕೇಳಿ ಬಾರೋ ॥ 5 ॥

---

ELu ArOgaNege yAke taDavo |
Alasya mADadale mUlarAmacaMdra || 1 ||

kuDi bALidele hAki saDagaradiMda eDe mADi |
maNi hAki muttina SemyagaLiTTu ||
muDisi dIpagaLhacci udaka raMgOli hAki |
baDisalu SrIdEvi baMdu niMdihaLu || 1 ||

puDi uppu caTni kOsaMbari uppinakAyi |
paDavalakAyi cevaLi kAyiyu ||
aDaviguLLada paLidya AMboDe PENiyu |
baDisalu SrIdEvi baMdu niMdihaLu || 2 ||

eNNUrigatirasavu saNNa SyAvige PENi |
beNNedOse huggi annadadhyAnna tI ||
rthAnnagaLanu kAyi hAlu baDisalu |
baNNisi SrIdEvi baMdu niMtihaLu || 3 ||

gaMdha kastUri punugu karpUrada vILya |
ceMdAgi maDisi kaili hiDidukoMDu ||
duMDu mallige hUva aMdavAgi kaTTi |
raMBe jAnakidEvi hiDidu niMtihaLu || 4 ||

nitya tRuptane ninna udaradoLiha |
uttama puruShane uNalu ELu ||
muktidAyaka namma gOpAlaviThThala |
Baktara binnapava nI kELi bArO || 5 ||