Chenna Keshava dEva

Composer : Shri Vadirajaru

ಚೆನ್ನ ಕೇಶವದೇವರಾಯ
ಇನ್ನು ಸುಖಿಪೆನೆಂತೆನಗೆ ಅನ್ಯಥಾ ಗತಿಯಿಲ್ಲ [ಪ]

ಹೆಣ್ಣಿನಾಶೆ ಮಣ್ಣಿನಾಶೆ
ಹೊನ್ನಿನಾಶೆ ಮನೆಯಾಶೆ
ಉಣ್ಣಬೇಕೆಂಬ ಬಲು ದುರಾಶೆ
ಈ ಪುಣ್ಯಹೀನನ ಮನದಿ ಅನುದಿನ ಸಂದಣಿಸೆ [೧]

ಉಡುವಾಸೆ ನುಡಿವಾಸೆ
ಬೇಡುವಾಸೆ ಕೊಡುವಾಸೆ
ಒಡಲ ತುಂಬಬೇಕೆಂಬ ಆಸೆ
ಕೊಡದವನ ಬಡಿದು ಜಡಿವಾಸೆ ಬಿಡದಿರಲು [೨]

ಹಯವದನ ದೇವ ನಿನ್ನ
ನೆನೆಯದಿದ್ದೀ ಮನಕೆ
ಭಯವೆಲ್ಲಿಹುದು ಜಗನ್ನಾಥ ನಿನ್ನ
ದಯವನೆ ಬೀರಿ ನಿರ್ದಯನನ್ನುದ್ಧರಿಸೊ [೩]

---

cenna kESavadEvarAya
innu suKipeneMtenage anyathA gatiyilla [pa]

heNNinAshe maNNinAshe
honninAshe maneyAshe
uNNabEkeMba balu durASe
I puNyahInana manadi anudina saMdaNise [1]

uDuvAse nuDivAse
bEDuvAse koDuvAse
oDala tuMbabEkeMba Ase
koDadavana baDidu jaDivAse biDadiralu [2]

hayavadana dEva ninna
neneyadiddI manake
Bayavellihudu jagannAtha ninna
dayavane bIri nirdayanannuddhariso [3]