Muddu mukhadata

Composer : Shri Vadirajaru

ಮುದ್ದು ಮುಖದಾತ ನಮ್ಮ ಮುಖ್ಯ ಪ್ರಾಣ ನಾಥನೊ
ಸದ್ಗುಣ ವಂದಿತ ವಾಯು ಜಾತನೊ ರಾಮ ದೂತನೊ [ಪ.]

ಜಾನಕೀಶನ ವೈರಿ ಶೂಲನೊ ಶೂರನೊ ಬಹು ಧೀರನೊ
ಮಾನಿನಿ ಸೀತೆಯ ಕಂಡು ಬಂದನೊ ಮುಂದೆ ನಿಂದನೊ (೧)

ಸಾಗರವನ್ನು ದಾಟಿದ ಧೀರನೊ ಕಂಠೀರವನೊ
ರಾಗ ತಾಳ ಮೇಳದಲ್ಲಿ ಜಾಣನೊ ಪ್ರವೀಣನೊ (೨)

ವಾನರ ರೂಪಿಲಿ ಮುದ್ರೆಯಿತ್ತನೊ ವನ ಕಿತ್ತನೊ
ಆ ನಗರವನೆಲ್ಲ ಸುಟ್ಟನೊ ಬಹು ದಿಟ್ಟನೊ (೩)

ನಂಬಿದ ಭಕ್ತರ ಕಾಯುವ ದಾತನೊ ಪ್ರಖ್ಯಾತನೊ
ಅಂಬುಜಾಸನ ಪದಕೆ ಬಂದು ನಿಂತನೊ ಹನುಮಂತನೊ (೪)

ಹಯವದನನ ಭಕ್ತ ಚೆಲ್ವ ತೇಜನೊ ಯತಿರಾಜನೊ
ದಾನವಕುಲಕೆ ಬಹು ಭೀಮನೊ ಸಾರ್ವಭೌಮನೊ (೫)

---

muddu muKadAta namma muKya prANa nAthano
sadguNa vaMdita vAyu jAtano rAma dUtano [pa.]

jAnakISana vairi SUlano shUrano bahu dhIrano
mAnini sIteya kaMDu baMdano muMde niMdano (1)

sAgaravannu dATida dhIrano kaMThIravano
rAga tALa mELadalli jANano pravINano (2)

vAnara rUpili mudreyittano vana kittano
A nagaravanella suTTano bahu diTTano (3)

naMbida Baktara kAyuva dAtano praKyAtano
aMbujAsana padake baMdu niMtano hanumaMtano (4)

hayavadanana Bakta celva tEjano yatirAjano
dAnavakulake bahu BImano sArvaBaumano (5)