Anamisuve Yalagura Bheemana

Composer : Shri Prasannavenkata dasaru

ಆನಮಿಸುವೆ ಯಲಗೂರ ಭೀಮನಾ [ಪ]
ಪೂರ್ಣಜ್ಞಾನಘನ ಶ್ರೀಪವಮಾನನ [ಅ]

ಗದೆ ಪಿಡಿದು ಮೂಲರಕ್ಕಸಕುಲದಾ |
ಮದಮುರಿದಾ ಹನುಮ ಭೀಮನಾಗಿ
ವಾದಿಗಳೆದೆ ಬಗೆದಾ ತತ್ವವಾದದಿ |
ಮಧ್ವರಾಯರೆಂಬೊ ಅಭಿಧಾನಾದಲಿ [೧]

ಸಾಮಜವರದ ಶ್ರೀರಾಮ ಕೃಷ್ಣರನು |
ನೇಮದಿ ಭಜಿಸಿದ ಮರುತಾವೇಶನ |
ಧೂಮಗೈಸಿ ಅಧಮ ಶಾಸ್ತ್ರಗಳ |
ಸುಮನಸ ಮುನಿಯೆನಿಪಾನಂದತೀರ್ಥರ [೨]

ಶಂಖ ಚಕ್ರ ಮುದ್ರಾಂಕಿತ ಹರಿಯಾ |
ಕಿಂಕರರೊಳಗೆ ಭಯಂಕರನೆನಿಸಿದ |
ಸಂಕರುಷಣ ಪ್ರಸನ್ವೆಂಕಟಕೃಷ್ಣನ |
ಬಿಂಕದ ದಾಸ ನಿರಂಕುಶನ [೩]

---

Anamisuve yalagUra BImanA [pa]
pUrNaj~jAnaGana SrIpavamAnana [a]

gade piDidu mUlarakkasakuladA |
madamuridA hanuma BImanAgi
vAdigaLede bagedA tatvavAdadi |
madhvarAyareMbo aBidhAnAdali [1]

sAmajavarada SrIrAma kRuShNaranu |
nEmadi Bajisida marutAvESana |
dhUmagaisi adhama SAstragaLa |
sumanasa muniyenipAnaMdatIrthara [2]

SaMKa cakra mudrAMkita hariyA |
kiMkararoLage BayaMkaranenisida |
saMkaruShaNa prasanveMkaTakRuShNana |
biMkada dAsa niraMkuSana [3]