Satyadhyanara paada

Composer : Shri Bhupati vittala

ಸತ್ಯಧ್ಯಾನರ ಪಾದ ಸ್ಮರಿಸುವ ಮನುಜಗೆ
ಸತ್ಯವಾದ ಜ್ಞಾನ ಹುಟ್ಟುವುದು | ಪ |

ಶಕ್ತಿ ಭಕ್ತಿ ಯುಕ್ತಿ ಸೌಭಾಗ್ಯ ಸಂಪತ್ತು
ಧೈರ್ಯ ಔದಾರ್ಯ ಉತ್ಸಾಹ ಮೂರುತಿಯಾದ | ಅ.ಪ |

ಹರಿಯೆ ಸರ್ವೋತ್ತಮ ಸರ್ವಗುಣ ಪರಿಪೂರ್ಣ
ಸರ್ವದೋಷ ವರ್ಜಿತನೆಂದು
ವರ ಮಧ್ವ ಮತವೆ ವೇದ್ಯವೆಂದು
ಧರೆಯೊಳು ಜಯಭೇರಿ ಹೊಡಿಸಿದ ಧೀರಾ | ೧ |

ಪರವಾದಿ ವಾಕ್ಯಾರ್ಥ ಪರರ ಕೊರಳಿಗೆ ಕಟ್ಟಿ
ದುರ್ವಾದಿಗಳ ಸದ್ದು ಅಡಗಿಸುತಾ
ಸರ್ವ ಸಾಮಾನ್ಯರಿಗೆ ಸುಲಭ ತಿಳಿಯುವಂತ
ಪ್ರಶ್ನಾರ್ಹ ರೂಪಗಳ ಗ್ರಂಥ ರಚಿಸಿದಂಥಾ | ೨ |

ದಾನದಲಿ ಕರ್ಣ ಜ್ಞಾನದಿ ಶುಕಮುನಿ
ಮೌನಿ ಕುಲಕೆ ಸನ್ಮಾನ್ಯರಾಗಿ
ಧರ್ಮ ಸಾಮ್ರಾಜ್ಯಕೆ ಸಾರ್ವಭೌಮನಾದ
ಶ್ರೀನಿಧಿ ಭೂಪತಿವಿಠಲನ ದಾಸ |೩|

---

satyadhyAnara pAda smarisuva manujage
satyavAda j~jAna huTTuvudu | pa |

Sakti Bakti yukti sauBAgya saMpattu
dhairya audArya utsAha mUrutiyAda | a.pa |

hariye sarvOttama sarvaguNa paripUrNa
sarvadOSha varjitaneMdu
vara madhva matave vEdyaveMdu
dhareyoLu jayaBEri hoDisida dhIrA | 1 |

paravAdi vAkyArtha parara koraLige kaTTi
durvAdigaLa saddu aDagisutA
sarva sAmAnyarige sulaBa tiLiyuvaMta
praSnArha rUpagaLa graMtha racisidaMthA | 2 |

dAnadali karNa j~jAnadi Sukamuni
mauni kulake sanmAnyarAgi
dharma sAmrAjyake sArvaBaumanAda
SrInidhi BUpativiThalana dAsa |3|