Gangadevi namo namo

Composer : Shri Harapanahalli Bheemavva

ಗಂಗಾದೇವಿ ನಮೋ ನಮೋ ಗಂಗಾದೇವಿ ತರಂಗಿಣಿ
ನೀಮುದ್ದು ಮಂಗಳಾಂಗನ ಮುಖ ತೋರಿಸೇ ಗಂಗಾದೇವಿ |ಪ|

ವಾಮನ ನಖದಿಂದ ಒಡೆದು ಬ್ರಹ್ಮಾಂಡ
ಬಹಿರ್ ಆವರಣದಿಂದಿಳದೀಯೆ
ಬಹಿರಾವರಣದಿಂದಿಳಿದು ನಿರಂಜನ
ಆಲಯದೊಳು ಬಂದೆ ಭರದಿಂದೆ ||೧||

ಹರಿ ಪಾದೋದಕವಾಗಿ ಹರಿದು ಬಂದಿಯೆ ನೀನು
ಹರನ ಜಟೆಯಲ್ ವಾಸವ ಮಾಡಿ
ಹರನ ಜಟೆಯಲ್ ವಾಸಮಾಡಿ ನೀ
ಮೇರು ಗಿರಿಯಲ್ಲಿ ನಾಲ್ಕು ಸೀಳಾದಿಯೆ ||೨||

ಚಕ್ಷು ಭದ್ರಾ ಸೀತ ಎಂಬ ಮೂವರ ಬಿಟ್ಟು
ಭರತ ಖಂಡಕೆ ಬಂದಿ ಬಹು ದೂರ
ಭರತ ಖಂಡಕೆ ಬಂದಿ ಬಹು ದೂರ ಬಾಗಮ್ಮ
ಪ್ರತ್ಯಕ್ಷ ಅಳಕನಂದನ ತಾಯೀ ||೩||

ಸಾಗರನರಸಿ ಪ್ರಯಾಗದಿ ಮರದ ,
ಬಾಗಿಣವನು ಕೊಂಡು ವೇಣಿಯದಾನ
ಬಾಗಿಣವನು ಕೊಂಡು ವೇಣಿಯದಾನ ಮುತ್ತೈದೇ
ರಾಗೆಂದ್-ಹರಸಿ ಪೂಜೆಯಗೊಂಬೇ ||೪||

ಸಗರನ ಮಕ್ಕಳ ಅಳಿವೆ ಕಡಿವೆನೆಂದು
ಭಗೀರಥನ್ ಹಿಂದೆ ಬಂದಿಯೆನೀನು
ಭಗೀರಥನ್ ಹಿಂದೆ ಬಂದಿಯೆ ಹಿಮಾಲಯ ದಾಟಿ
ಜಗವನುಧ್ಧರಿಸುವ ಜಾಹ್ನವಿ ||೫||

ಯಮುನ ಸರಸ್ವತಿಕೂಡ ಗಮನ ಮಾಡುವ ಗಂಗ
ಸಮನಾಗಿ ಹರದಿ ಸಂಗಮಳಾಗಿ
ಸಮನಾಗಿ ಹರದಿ ಸಂಗಮಳಾಗಿ ತ್ರಿವೇಣಿ
ಯುಗಳ ಪಾದಗಳಾರು ತೋರಿಸೇ ||೬||

ಭೀಷ್ಮನ ಜನನಿ ಭೀಮೇಶ ಕೃಷ್ಣನ ಪುತ್ರಿ
ದೋಷವ ಕಳದು ಸಂತೋಷದಿ
ದೋಷವ ಕಳದು ಸಂತೋಷದಿ ಸಾಯುಜ್ಯ
ಬ್ಯಾಸರದಲೆ ಕೊಟ್ಟು ಸಲಹಮ್ಮಾ ||೭||

---

gaMgAdEvi namO namO gaMgAdEvi taraMgiNi
nImuddu maMgaLAMgana mukha tOrisE gaMgAdEvi |pa|

vAmana nakhadiMda oDedu brahmAMDa
bahir AvaraNadiMdiLadIye
bahirAvaraNadiMdiLidu niraMjana
AlayadoLu baMde bharadiMde ||1||

hari pAdOdakavAgi haridu baMdiye nInu
harana jaTeyal vAsava mADi
harana jaTeyal vAsamADi nI
mEru giriyalli nAlku sILAdiye ||2||

cakShu bhadrA sIta eMba mUvara biTTu
bharata khaMDake baMdi bahu dUra
bharata khaMDake baMdi bahu dUra bAgamma
pratyakSha aLakanaMdana tAyI ||3||

sAgaranarasi prayAgadi marada ,
bAgiNavanu koMDu vENiyadAna
bAgiNavanu koMDu vENiyadAna muttaidE
rAgeMd-harasi pUjeyagoMbE ||4||

sagarana makkaLa aLive kaDiveneMdu
bhagIrathan hiMde baMdiyenInu
bhagIrathan hiMde baMdiye himAlaya dATi
jagavanudhdharisuva jAhnavi ||5||

yamuna sarasvatikUDa gamana mADuva gaMga
samanAgi haradi saMgamaLAgi
samanAgi haradi saMgamaLAgi trivENi
yugaLa pAdagaLAru tOrisE ||6||

bhIShmana janani bhImESa kRuShNana putri
dOShava kaLadu saMtOShadi
dOShava kaLadu saMtOShadi sAyujya
byAsaradale koTTu salahammA ||7||