Vyasarajara Suladi – Vijayadasaru

ಶ್ರೀವ್ಯಾಸರಾಜರ ಸ್ತೋತ್ರಸುಳಾದಿ
ರಾಗ: ಪೂರ್ವಿಕಲ್ಯಾಣಿ

ಧ್ರುವತಾಳ
ಒಂದು ದಿವಸ ನಾರಂದ ಮುನೀಶ್ವರ
ನಂದಗೋಪನ ಕಂದ ಇಂದಿರಾರಮಣನ
ಸಂದರುಶನ ಮಾಡಿ ಬಂದ ಹರಿ ವರ್ಷ
ವೆಂದೆಂಬೊ ಖಂಡದೊಳಾನಂದ ಗಾಯನದಿಂದ
ನಿಂದು ನರ ಮೃಗಗೆ ವಂದಿಸಿ ತೆರಳುತಿರೆ
ಅಂದು ಪ್ರಹ್ಲಾದನು ದ್ವಂದ್ವ ಪಾದಕೆರಗಿ
ಇಂದು ದ್ವಾರಕಾಪುರದಿಂದ ಪೊರಟು ನಡೆ
ತಂದ ವಾರ್ತೆ ಎನಗೊಂದುಸರಲಿಲ್ಲ
ದೀನಬಂಧು ಎನಿಸಿಕೊಂಬ ವೃಂದಾರಕ ಮುನಿ
ಮುಂದುಗಾಣದಲೆ ಕಣ್ಣಿಂದ ಬಾಷ್ಪೋದಕ
ಬಿಂದುಗಳುದರಿಸುತ ನಂದನಂದನ ಚರಿತೆ
ಒಂದೊಂದು ಪೇಳಲದರಿಂದ ಮೈಮರೆದು
ಹೋ ಎಂದು ಶಿರವದೂಗಿ ಮುನಿಗೆ ಎರಗಿ
ಕಂಧರ ಬಾಗಿ ನಾನೆಂದಿಗೆ ಕೃಷ್ಣನ
ವಂದಿಸುವೆನೆನಲು ಮಂದಹಾಸದಿಂದ
ಮಂದರೋದ್ಧರ ವಿಜಯವಿಠ್ಠಲ
ಯಶೋದೆ ಕಂದನ ಲೀಲೆಯಾನಂದ ಪೇಳೆನ್ನೆ
ಮುನಿ ಅಂದು ವಿವರಿಸಿದ ಅಂದವಾಗಿ ನಲಿದು || ೧ ||

ಮಟ್ಟತಾಳ
ಸಕಲ ದೇವರೊಳು ರುಕ್ಮಿಣಿ ಅರಸನ್ನ
ಸುಖ ಸಮುದಾಯಕೆ ಅಕಟ ನಾನೇನೆಂಬೆ
ಸಕಲ ಭೂಷಣ ಸುರನಿಕರ ಸಂದಣಿಯಲ್ಲಿ
ಮುಕುತಾ ಮುಕುತರ ಸೇವಕರ ಕರದಿಂದ
ಅಕಳಂಕನಾಗಿ ಸಕಲ ಸೇವೆಯಗೊಂಬ
ಮಕ್ಕಳ ಮಾಣಿಕ ರಂಗ ವಿಜಯವಿಠ್ಠಲನ್ನ
ಭಕುತರೊಳಗ್ರಣಿ ಯುಕುತಿಯಲಿ ಪೇಳಿದನು || ೨ ||

ತ್ರಿವಿಡಿತಾಳ
ಹರಿಯ ಪಾದಕ್ಕೆರಗಿ ವರ ಪ್ರಹ್ಲಾದನು
ಎರಡೊಂದು ಮಾರ್ಗದಲ್ಲಿ ಕೃಷ್ಣ ಮೂರುತಿಯ
ಪರಿ ಪರಿಯಲ್ಲಿ ಭಜಿಸಿ ಧನ್ಯನಾಗುವೆನೆಂದು
ಸುರ ಮುನಿಗೆರಗಿ ನಿಂದಿರಲಾಗಿ ನಾರದ
ಕರುಣದಿಂದಲಿ ಉತ್ತರವ ಪೇಳಿದ
ನಾನೀ ಧರೆಯೊಳು ಜನಿಸುವ ವರವ ಪಡೆದು ಇಪ್ಪೆ
ಪರಮ ಭಾಗವತರ ವರಮಣಿಯೆ ನೀನು
ಧಾರುಣಿಯೊಳಗವತರಿಸಿ ಅಧಿಕವಾದ
ಮಾರುತ ಮತದೊಳಗೆ ಚರಿಸಿ ಕೃಷ್ಣನ ಪೂಜೆ
ನಿರುತ ಬಿಡದೆ ಮಾಡಿ ಹರುಷಬಡೆಂದೆನಲು
ಕರುಣವಾರಿಧಿ ನರಹರಿ ವಿಜಯವಿಠಲನ್ನ
ಸ್ಮರಿಸಿ ಶೇಷಾವೇಶ ಧರಿಸಿ ದೇಹವ ತಾಳ್ದಾ|| ೩ ||

ಅಟ್ಟತಾಳ
ಬನ್ನೂರು ಸ್ಥಳದಲ್ಲಿ ಜನಿಸಿದರು
ಬ್ರಹ್ಮಣ್ಯ ತೀರ್ಥರ ಪಾವನ್ನ ಕರದಲ್ಲಿ
ಸನ್ಮನವಾಗಿ ಪಾಲನವಾದರು ಮುನಿ
ರನ್ನ ಶ್ರೀ ಪಾದರಾಯನ್ನ ಬಳಿಯಲ್ಲಿ
ಚನ್ನಾಗಿ ವಿದ್ಯಾಸಂಪನ್ನವಾದರು ಬಲು
ಅನ್ಯ ಮತವ ಬೇವಾಟನ್ನ ಮಾಡಿ
ಸುಪ್ರಸನ್ನ ಹರಿಯ ಕಾರುಣ್ಯವ ಪಡೆದರು
ಚನ್ನಾಗಿ ಕೃಷ್ಣ ಶ್ರೀವಿಜಯವಿಠಲನ್ನ
ಸನ್ನುತಿಸಿ ಧ್ಯಾನವನ್ನೆ ಕೈಕೊಂಡ || ೪ ||

ಆದಿತಾಳ
ಗುರು ವ್ಯಾಸ ಮುನಿಯೆಂದು ಧಾರುಣಿಯೊಳಗೆ ಪೆಸರಾಗಿ
ನೆರದ ಸಜ್ಜನರಿಗೆ ಎರೆದು ನ್ಯಾಯಶಾಸ್ತ್ರ
ಅರುಹಿ ವೈಷ್ಣವ ಮತ ಅದರಿಂದ ಉದ್ಧರಿಸಿ
ಪೊರೆದು ನಂಬಿದವರ ಎರಡೊಂದು ಜನ್ಮ
ಸುಂದರ ಗರ್ಭದಲಿ ಬಂದು
ಪರಿಪೂರ್ಣ ಜ್ಞಾನ ಭಕ್ತಿ ವೈರಾಗ್ಯದಲ್ಲಿ ನಡೆದು
ಎರಡೊಂದು ಉತ್ತಮ ಗುರು ಸಂತತಿಯೊಳಗೆ
ಚರಿಸಿ ಚತುರಾಶ್ರಮ ಧರಿಸಿ ಚತುರರಾಗಿ
ಭರತ ಖಂಡದೊಳು ಪಸರಿಸಿ ಕೀರ್ತಿಯ ಪಡೆದು
ಭರದಿಂದ ವಾಲಗವ ಸುರರಿಂದ ಕೈಕೊಳುತ
ಪರಲೋಕದಲಿ ಒಪ್ಪಿ
ನಿರಾಮಯ ಗುಣನಿಧಿ ವಿಜಯವಿಠ್ಠಲರೇಯನ
ನೆರೆನಂಬಿ ಪ್ರತಿದಿನ ಮೆರೆದು ಮೂರ್ಧನ್ಯರಾಗಿ || ೫ ||

ಜತೆ
ಪ್ರಹ್ಲಾದನೇ ವ್ಯಾಸ ಮುನಿಯೇ ರಾಘವೇಂದ್ರ-
ರಹುದೆಂದು ಭಜಿಸಿರೋ ವಿಜಯ ವಿಠ್ಠಲ ಒಲಿವಾ ||೬||

---

SrIvyAsarAjara stOtrasuLAdi
rAga: pUrvikalyANi

dhruvatALa
oMdu divasa nAraMda munISvara
naMdagOpana kaMda iMdirAramaNana
saMdaruSana mADi baMda hari varSha
veMdeMbo KaMDadoLAnaMda gAyanadiMda
niMdu nara mRugage vaMdisi teraLutire
aMdu prahlAdanu dvaMdva pAdakeragi
iMdu dvArakApuradiMda poraTu naDe
taMda vArte enagoMdusaralilla
dInabaMdhu enisikoMba vRuMdAraka muni
muMdugANadale kaNNiMda bAShpOdaka
biMdugaLudarisuta naMdanaMdana carite
oMdoMdu pELaladariMda maimaredu
hO eMdu SiravadUgi munige eragi
kaMdhara bAgi nAneMdige kRuShNana
vaMdisuvenenalu maMdahAsadiMda
maMdarOddhara vijayaviThThala
yaSOde kaMdana lIleyAnaMda pELenne
muni aMdu vivarisida aMdavAgi nalidu || 1 ||

maTTatALa
sakala dEvaroLu rukmiNi arasanna
suKa samudAyake akaTa nAnEneMbe
sakala BUShaNa suranikara saMdaNiyalli
mukutA mukutara sEvakara karadiMda
akaLaMkanAgi sakala sEveyagoMba
makkaLa mANika raMga vijayaviThThalanna
BakutaroLagraNi yukutiyali pELidanu || 2 ||

triviDitALa
hariya pAdakkeragi vara prahlAdanu
eraDoMdu mArgadalli kRuShNa mUrutiya
pari pariyalli Bajisi dhanyanAguveneMdu
sura munigeragi niMdiralAgi nArada
karuNadiMdali uttarava pELida
nAnI dhareyoLu janisuva varava paDedu ippe
parama BAgavatara varamaNiye nInu
dhAruNiyoLagavatarisi adhikavAda
mAruta matadoLage carisi kRuShNana pUje
niruta biDade mADi haruShabaDeMdenalu
karuNavAridhi narahari vijayaviThalanna
smarisi SEShAvESa dharisi dEhava tALdA|| 3 ||

aTTatALa
bannUru sthaLadalli janisidaru
brahmaNya tIrthara pAvanna karadalli
sanmanavAgi pAlanavAdaru muni
ranna SrI pAdarAyanna baLiyalli
cannAgi vidyAsaMpannavAdaru balu
anya matava bEvATanna mADi
suprasanna hariya kAruNyava paDedaru
cannAgi kRuShNa SrIvijayaviThalanna
sannutisi dhyAnavanne kaikoMDa || 4 ||

AditALa
guru vyAsa muniyeMdu dhAruNiyoLage pesarAgi
nerada sajjanarige eredu nyAyaSAstra
aruhi vaiShNava mata adariMda uddharisi
poredu naMbidavara eraDoMdu janma
suMdara garBadali baMdu
paripUrNa j~jAna Bakti vairAgyadalli naDedu
eraDoMdu uttama guru saMtatiyoLage
carisi caturASrama dharisi caturarAgi
Barata KaMDadoLu pasarisi kIrtiya paDedu
BaradiMda vAlagava surariMda kaikoLuta
paralOkadali oppi
nirAmaya guNanidhi vijayaviThThalarEyana
nerenaMbi pratidina meredu mUrdhanyarAgi || 5 ||

jate
prahlAdanE vyAsa muniyE rAGavEMdra-
rahudeMdu BajisirO vijaya viThThala olivA ||6||