ಶುದ್ಧಾನಂದೋರುಸಂವಿದ್
ದ್ಯುತಿಬಲಬಹುಲೌದಾರ್ಯ ವೀರ್ಯ ಸೌಂದರ್ಯ
ಪ್ರಾಗಲ್ಭ್ಯ ಸ್ವಾತಂತ್ರಾದ್ಯನಂತ ಪೂರ್ಣಗುಣಾತ್ಮಕ ವಿಗ್ರಹಾಯ |
ತಾದೃಶಾನಂತ ರೂಪಾಯ |
ಪಾರತಂತ್ರ್ಯಾದ್ಯಶೇಷದೋಷದೂರಾಯ | ಅನಂತಾನಂತ ರೂಪೇಷು ಸ್ವಗತಾನಂತಾನಂತ
ಗುಣಕ್ರಿಯಾರೂಪ ಭೇದವಿವರ್ಜಿತಾಯ | ಸ್ವನಿರ್ವಾಹಕ ಸ್ವಾಭಿನ್ನ ವಿಶೇಷಬಲಾತ್
ತದ್ವತ್ತ್ವ ವ್ಯವಹಾರಭಾಗಿನೇ | ಅಚಿಂತ್ಯಶಕ್ತಿಸಂಪನ್ನಾಯ | ರಮಾಬ್ರಹ್ಮ
ರುದ್ರೇಂದ್ರಾದಿ ಸಕಲ ಜೀವಜಡಾತ್ಮಕ ಪ್ರಪಂಚದಾತ್ಯಂತ ಭಿನ್ನ ಸ್ವರೂಪಾಯ |
ಪಂಚಭೇದಭಿನ್ನ ಶ್ರೀಬ್ರಹ್ಮರುದ್ರ ಪ್ರಭೃತಿ ಸಕಲ ಸುರಾಸುರ
ನರಾತ್ಮಕಸ್ಯ ಪ್ರಪಂಚಸ್ಯ ಯಥಾಯೋಗ್ಯಂ ಸೃಷ್ಟಿ ಸ್ಥಿತಿ ಸಂಹಾರ ನಿಯಮನ
ಜ್ಞಾನಾಜ್ಞಾನ ಬಂಧ ಮೋಕ್ಷ ಪ್ರದಾತ್ರೇ | ಋಗಾದಿ ಚತುರ್ವೇದ ಮೂಲ ರಾಮಾಯಣ
ಬ್ರಹ್ಮಸೂತ್ರ ಮಹಾಭಾರತ ಪಂಚರಾತ್ರಾದ್ಯಶೇಷ ಸದಾಗಮ ಪ್ರತಿಪಾದಿತ
ಸ್ವರೂಪಾಯ | ಅನಾದ್ಯನಂತಕಾಲೇಪಿ ಸ್ವರೂಪದೇಹಾಂತರ್ಬಾಹ್ಯ ದೇಹಾಂತಶ್ಚ
ಸ್ಥಿತ್ವಾ ಸತ್ಯಾಪ್ರತೀತಿ ಪ್ರವೃತ್ಯಾದಿಪ್ರದಾಯ | ಸರ್ವಸ್ವಾಮಿನೇ | ಗುರುಷು
ಸ್ಥಿತ್ವಾ ತದ್ದ್ವಾರಾ ಜ್ಞಾನೋಪದೇಷ್ಟ್ರೇ | ನಿರವಧಿಕಾನಂತಾನವದ್ಯ ಕಲ್ಯಾಣ
ಗುಣತ್ವಜ್ಞಾನಪೂರ್ವಕ ಸ್ವಾತ್ಮಾತ್ಮೀಯ ಸಮಸ್ತ ವಸ್ತುಭ್ಯೋನೇಕ ಗುಣಾಧಿಕಾಂತರಾಯ
ಸಹಸ್ರೇಣಾಪ್ಯಪ್ರತಿಬದ್ಧ ನಿರಂತರ ಪ್ರೇಮ ಪ್ರವಾಹರೂಪ ಭಕ್ತಿ ವಿಷಯಾಯ |
ಅನಂತವೇದೋಕ್ತ ತದನುಕ್ತ ಭಾರತೋಕ್ತ ಪ್ರಕಾರೇಣ ಬ್ರಹ್ಮೋಪಾಸಿತಾನಂತ
ಗುಣಾನಂತ ಕ್ರಿಯಾನಂತ ರೂಪಾಯ | ಕ್ರಿಯಾ ಸಾಮಾನ್ಯೇನ ಸರಸ್ವತ್ಯುಪಾಸಿತಾನಂತ
ರೂಪಾಯ | ಗುಣಕ್ರಿಯಾ ಸಾಮಾನ್ಯೇನ ರುದ್ರೋಪಾಸಿತಾನಂತ ರೂಪಾಯ | ಗುಣಕ್ರಿಯಾ ರೂಪ
ಸಾಮಾನ್ಯೇನ ಇಂದ್ರಾದ್ಯುಪಾಸಿತ ಬಹುಗುಣಾಯ | ಕರ್ಮಕ್ಷಯೋತ್ಕ್ರಾಂತಿಮಾರ್ಗ ಭೋಗರೂಪ
ಚತುರ್ವಿಧ ಮುಕ್ತಿಯೋಗ್ಯ ಮನುಷ್ಯೋತ್ತಮೋಪಾಸಿತ ಸಚ್ಚಿದಾನಂದಾತ್ಮಾಖ್ಯ
ಚತುರ್ಗುಣಾಯ | ಉತ್ಕ್ರಾಂತಿ ಮಾರ್ಗರೂಪ ಮುಕ್ತಿದ್ವಯ ಶೂನ್ಯಾವಶಿಷ್ಟ
ದ್ವಿವಿಧ ಮುಕ್ತಿಯೋಗ್ಯಾಧಿಕಾರಿ ವಿಶೇಷೋಪಾಸಿತ ಆತ್ಮತ್ವರೂಪೈಕ ಗುಣಾಯ |
ಬ್ರಹ್ಮಾದಿ ಮಾನುಷೋತ್ತಮಾಂತಾನಾಮುಪಾಸನಾನುಸಾರೇಣ ಯಥಾಯೋಗ್ಯಂ ಸಂಜಾತ
ವಿಚಿತ್ರಾಪರೋಕ್ಷಜ್ಞಾನ ವಿಷಯಾಯ | ಅತ್ಯರ್ಥ ಪ್ರಸಾದ ಕರ್ತೇ |
ಅಪರೋಕ್ಷಜ್ಞಾನ ಮಹಿಮ್ನಾಗ್ನಿನಾ ತೂಲರಾಶಿವದ್ಭಸ್ಮೀಭೂತ ಪ್ರಾರಬ್ಧ
ಪುಣ್ಯಪಾಪಾನಿಷ್ಟಕಾಮ್ಯಕರ್ಮಣಾಂ ಬ್ರಹ್ಮೋಪದೇಶಾನಾಂ ವಾತಪುತ್ರೀಯತಾ
ಪ್ರಸಂಗ ಪರಿಹಾರಾಯ ಭಗವತಾವಶೇಷಿತ ಭೋಗೇನ ನಿಃಶೇಷೀಕೃತ
ಪಾರಬ್ಧ ಕರ್ಮಣಾಂ ಸತ್ಯಲೋಕೇ ಚತುರ್ಮುಖಾಖ್ಯ ಕಾರ್ಯಬ್ರಹ್ಮಪ್ರಾಪ್ತಾನಾಂ
ಪ್ರತೀಕಾಲಂಬನಾನಾಂ ವೈಕುಂಠ ಲೋಕಸ್ಥಿತ ಭಗವದಾಖ್ಯಾ ಕಾರ್ಯಬ್ರಹ್ಮ
ಪ್ರಾಪ್ತಾನಾಂ ಅಪ್ರತೀಕಾಲಂಬನಾನಾಂ ಮಹಾಪ್ರಲಯೇ ಚತುರ್ಮುಖಂ ಪ್ರಾಪ್ತಾನಾಂ
ಸ್ವೋತ್ತಮ ಪ್ರವೇಶದ್ವಾರಾ ಶೇಷಮಾರ್ಗ ಗರುಡಮಾರ್ಗಾಭ್ಯಾಂ ಗತಾನಾಂ ದೇವಾನಾಂ
ಚ ಬ್ರಹ್ಮಣಾಸಹ ವಿರಜಾಸ್ನಾನೇನ ಲಿಂಗಭಂಗ ಪ್ರಾಪಯಿತ್ವಾ ಆವಿರ್ಭೂತ
ವಿಚಿತ್ರ ಸ್ವರೂಪಾನಂದಾನುಭವದಾತ್ರೇ | ಬ್ರಹ್ಮಾದ್ಯೇಕಾಂತ ಭಕ್ತಾನಾಂ
ನಿರುಪಾಧಿಕೇಷ್ಟಾಯ | ತದಿತರಭಕ್ತಾನಾಂ ಮೋಕ್ಟೋದ್ದೇಶೇನ ಭಜನೀಯಾಯ |
ಸಾಕಿಲ್ಯೇನ ರಮಾಬ್ರಹ್ಮಾದ್ಯಚಿಂತ್ಯ ಸ್ವರೂಪಾಯ | ವ್ಯಾಖ್ಯಾಶ್ರೀ ಸರ್ವವಿಜ್ಞಾನ
ಕವಿತಾ ವಿಜಯಾದಿ ಸದ್ಗುಣ ಪ್ರದಾತ್ರೇ | ಬ್ರಹ್ಮಸೂತ್ರ ಮಹಾಭಾರತ
ಶ್ರೀಮದ್ಭಾಗವತಾದ್ಯಶೇಷ ಸಚ್ಛಾಸ್ತ್ರಕರ್ತ್ರೇ | ವಿಷ್ಣುನಾಮ್ನಿಸಂಹಿತಾ
ದೇವತಾತ್ವೇನ ಹ್ರಸ್ವಮಾಂಡೂಕೇಯೋಪಾಸಿತಾಯ | ವಾಸುದೇವಾದಿ ಚತೂರೂಪಾಯ |
ಮತ್ಸ್ಯಕೂರ್ಮ ವರಾಹ ನಾರಸಿಂಹ ವಾಮನಭಾರ್ಗವ ರಾಘವ ಕೃಷ್ಣ ಬುದ್ಧ
ಕಲ್ಕಿ ಸ್ವರೂಪಾಯ | ಶ್ರೀಮದ್ಧನುಮತ್ಸೇವ್ಯ ದಾಶರಥಿ ರಾಮಾತ್ಮಕಾಯ
ದ್ರೌಪದೀಪ್ರಿಯ ಭೀಮಸೇನಾರಾಧ್ಯ ಶ್ರೀಯಾದವಕೃಷ್ಣ ಸ್ವರೂಪಿಣೇ |
ಕ್ರದಂದಶ್ವಾತ್ಮಕ ಶ್ರೀಹಯಗ್ರೀವ ಸ್ವರೂಪಾಯ | ಜಾಗ್ರದಾದ್ಯವಸ್ಥಾ
ಪ್ರವರ್ತಕ ವಿಶ್ವಾದಿತ್ರಿತಯ ರೂಪಾಯ | ಷಟ್ಶತೈಕವಿಂಶತ್ಸಹಸ್ರ
ಶ್ವಾಸರೂಪ ಹಂಸಮಂತ್ರ ಜಪ ಪ್ರೇರಕಾಯ | ದ್ವಾಸಪ್ತತಿ ಸಹಸ್ರನಾಡೀಷು
ಮಧ್ಯೇ ದಕ್ಷಿಣ ಭಾಗಸ್ಥಿತ ಷಟ್ತ್ರಿಂಶತೃಹಸ್ರ ಪುರುಷ ರೂಪಾತ್ಮಕಾಯ |
ವಾಮಭಾಗಸ್ಥಿತ ಷಟ್ತ್ರಿಂಶತ್ಸಹಸ್ರ ಸ್ತ್ರೀರೂಪಾತ್ಮಕಾಯ | ಪರಮಹಂಸೋಪಾಸ್ಯ
ತುರೀಯ ರೂಪಿಣೇ | ಆತ್ಮಾದಿ ಚತುರೂಪಿಣೇ | ಕೃದ್ಧೋಲ್ಕಾದಿ ಪಂಚರೂಪಿಣೇ |
ಕಪಿಲ ದತ್ತಾತ್ರೇಯ ಋಷಭ ನಾರಾಯಣ ಹರಿಕೃಷ್ಣ ತಾಪಸ ಮನು ಮಹಿದಾಸ
ಯಜ್ಞ ಧನ್ವಂತರೀ ನಾರಾಯಣೀ ಸನತ್ಕುಮಾರ ಧವಲಪಕ್ಷ ವಿರಾಜಿತ ಹಂಸ
ಸ್ವರೂಪಾಯ | ಕೇಶವಾದಿ ಚತುರ್ವಿಂಶತಿವ್ಯೂಹಾಯ | ನಾರಾಯಣ ನರಶೌರ್ಯಾದಿ
ಶತರೂಪಿಣೇ | ವಿಶ್ವ ವಿಷ್ಣು ವಷಟ್ಕಾರಾದಿ ಸಹಸ್ರರೂಪಿಣೇ | ಪರಾದಿ
ಬಹುರೂಪಿಣೇ | ಅಜಿತಾದ್ಯನಂತರೂಪಿಣೇ | ಕಲಿಕಾಲ ಪ್ರವೃತ್ತಯೇ ಋಷಿಭಿಃ
ಸಹಾಂತರ್ಧಾಯ ಗಂಧಮಾದನಪರ್ವತಸ್ಥಿತ ಬದರಿಕಾಶ್ರಮ ನಿವಾಸಿನೇ |
ಬಾದರಾಯಣಾಯ | ಬಾದರಿ ಜೈಮಿನಿ ಸುಮಂತು ವೈಶಂಪಾಯನ ಕಾಶಕೃತ್ಸ್ನಲೋಮಶ
ಕಾರ್ಷ್ಣಾಜಿನ್ಯೌಡುಲೋಮ್ಯಾತ್ರೇಯಪೂರ್ವಕ ಶಿಷ್ಯಸಂಘ ಪರಿವೃತಾಯ |
ಕೀರಪದ ಮುನಿನುತಾಯ | ಸ್ವಾಜ್ಞಾನುಸಾರೇಣಾವತರಿತಕೃತ ಸಮಸ್ತ ಕಾರ್ಯ
ಪರಿತ್ಯಕ್ತ ಭೂಮಂಡಲ ಪ್ರಾಪ್ತ ಬದರಿಕಾಶ್ರಮ ಮರುದವತಾರಾನಂದತೀರ್ಥ
ಪೂರ್ಣಪ್ರಜ್ಞಾಪರ ಪರ್ಯಾಯ ಶ್ರೀಮಧ್ವಾಚಾರ್ಯ ಸಂಸೇವಿತ ಶ್ರೀಚರಣಾಯ |
ಸಾತ್ಯವತೇಯಾಯ | ಪಾರಾಶರ್ಯಾಯ | ಕೃಷ್ಣ ದ್ವೈಪಾಯನಾಯ | ಜೀವಾಂತಃ ಸ್ಥಿತ್ವಾ
ಸರ್ವಕರ್ಮಕಾರಯಿತ್ರೇ | ಅಶೇಷ ಸತ್ಕರ್ಮ ಫಲದಾತ್ರೇ | ತತ್ತ್ವದೇವತಾ
ಪ್ರೇರಕಾಯ | ಅಸ್ಮತ್ಕುಲದೇವತಾತ್ಮಕ ಶ್ರೀವೇಂಕಟೇಶಾತ್ಮನೇ | ಅನಂತಾಯ |
ಇಂದಿರಾಪತಯೇ | ಅಸ್ಮದ್ಗುರುವರಾಚಾರ್ಯ ಕರವರ ಪೂಜಿತ ಚರಣನಲಿನಯುಗಲಾಯ |
ಅಸ್ಮದ್ಗುರುವರ್ಯಾಂತರ್ಗತ ಶ್ರೀಮದಾನಂದತೀರ್ಥಾರ್ಯ ಹೃತ್ಕಮಲಮಧ್ಯನಿವಾಸಿನೇ ||
ವಿಜ್ಞಾನರೋಚಿಃ ಪರಿಪೂರಿತಾಂತರ್ಬಾಹ್ಯಾಂಡಕೋಶಾಯ | ಅಕಾರಾದಿ
ಪಂಚಾಶದ್ವರ್ಣ ದೇವತಾಜಾದಿಭಿಃ ಸ್ವರ್ಣಘಟ ಪರಿಪೂರ್ಣ ಪೀಯೂಷ ಸಿಕ್ತಾಯ |
ಶುಭಮರಕತ ವರ್ಣಾಯ | ರಕ್ತಪಾದಾಬ್ಜ ನೇತ್ರಾಧರಕರನಖರಸನಾಗ್ರಾಯ |
ಶಂಖ ಚಕ್ರ ಗದಾಪದ್ಮ ಧರಾಯ | ಪರಮ ಸುಂದರಾಯ | ರುಚಿರವರೈಣ
ಚರ್ಮಣಾ ಭಾಸಮಾನಾಯ | ತಟಿದಮಲಜಟಾ ಸಂದೀಪ್ತ ಚೂಡಂ ದಧಾನಾಯ |
ನೀಲಾಲಕ ಸಹಸ್ತ ಶೋಭಿತ ಮೂರ್ಧ್ನೇ | ಸುವ್ಯಕ್ತಶ್ಮಶ್ರುಮಂಡಲಾಯ | ಲಲಾಟ
ಶೋಭಿತ ತಿಲಕಾಯ | ಅಂಭೋಜಭವಭವಾದಿ ಭುವನಾನಾಂ ದಭ್ರವಿಭ್ರಮಾದೇವ
ವಿಭವಾಭಿವವೋದ್ಭವಾದಿ ಪಾರಮೇಷ್ಠ್ಯಾದಿ ಪದವಿಮುಕ್ತಿದಾತೃಭ್ರೂ
ವಿಲಾಸಾಯ | ಕಮಲಾಯತಲೋಚನಾಯ | ನಿಖಿಲಾಘೌಘ ವಿನಾಶಕ ಪರಸೌಖ್ಯ
ಪ್ರದದೃಷ್ಟಯೇ | ತುಲಸೀ ಭಾಸಿತ ಕರ್ಣಾಯ | ಸಮಸ್ತ ವೇದೋದ್ಗೀರಣ ಹೇತುಭೂತ
ಶ್ರೀಮುಖಾಯ | ಅವನತಾಖಿಲಲೋಕ ಶೋಕಸಾಗರವಿಶೋಷಕಾತ್ಯುದಾರಮಂದಹಾಸಾಯ |
ಅರುಣೋಷ್ಠರೋಚಿಷಾರುಣೀಕೃತ ಸಿತದಂತ ಪಂಕ್ತಯೇ | ಕಂಬುವದ್ರೇಖಾತ್ರಯೋಪೇತ
ಬ್ರಹ್ಮಾಧಿಷ್ಠಿತ ಕೌಸ್ತುಭರತ್ನೋದ್ಭಾಸಿತ ಕಂಠಾಯ | ಶ್ರೀವತ್ಸಾಂಕಿತ
ಶ್ರೀದೇವ್ಯಾಸ್ಪದ ವಿಸ್ತೀರ್ಣ ವಕ್ಷಸೇ | ತನುತ್ವೇಪ್ಯಂತರ್ಗತ ಜಗದಂಡಮಂಡಲ
ವಲಿತ್ರಯಾಂಕಿತೋದರಾಯ | ಹರಿನ್ಮಣಿಕಾಂತಿ ಮುಡ್ವಿಶದ ಹಾರಮಯೂಖ
ಗೌರಸ್ತನದ್ವಯೋಪೇತಾಯ | ಆತ್ಮಯೋನಿಧಿಷಣ ಚತುರ್ದಶ ಭುವನ
ಕಾರಣದಲೋಪೇತ ಪದ್ಮಜನಕ ತನುನಿಮ್ನಾವರ್ತನಾಭಿಸರಸೇ | ತ್ರಯೀಮಯ
ಯಜ್ಯೋಪವೀತ ಧಾರಿಣೇ | ದಿವ್ಯ ಮೌಂಜೀಧಾರಣೇ | ಅಚಲ ಪರಮಾಜಿನ
ಯೋಗ ಪೀಠೋಪವಿಷ್ಟಾಯ | ಪರಿತಃ ಸ್ಥಿತವರ ಪಟ್ಟಿಕಾ ರೂಪಕಕ್ಷಾಯುತಾಯ |
ಸ್ವಭಕ್ತಾಜ್ಞಾನನಾಶಕ ತರ್ಕಾಪರಪರ್ಯಾಯ ಪ್ರಬೋಧಮುದ್ರಾಯುತ ಪೃಥುಪೀವರ
ವೃತ್ತ ದಕ್ಷಿಣಹಸ್ತಾಯ | ಸ್ವಭಕ್ತ ಭಯಭಂಜಕ ಸಮಸ್ತ
ಮಂಗಲಪ್ರದಾಭಯ ಮುದ್ರಾಯುತ ಪೃಥುಪೀವರ ವೃತ್ತ ಸವ್ಯಹಸ್ತಾಯ |
ಅತಸಿಕಾ ಕುಸುಮಾವ ಭಾಸೋರುದ್ವಯಾಯ | ಕ್ರಮಾಲ್ಪವೃತ್ತಜಂಘಾಯುಗಲಾಯ |
ನಿಗೂಢ ಗುಲ್ಫಾಯ | ಬಾಹ್ಯಾಂತಸ್ತಮೋ ವಿನಾಶಕ ಪರಸೌಖ್ಯ ಪ್ರದನಖಮಣಯೇ |
ವಜ್ರಾಂಕುಶಧ್ವಜ ಪದ್ಮರೇಖಾ ಚಿಹ್ನಿತ ಪಾದಪದ್ಮಾಯ | ಸಮಸ್ತ
ಪೀಠದೇವತಾವರಣ ದೇವತಾಸೇ ವ್ಯಾಯ | ಅನಂತಚಂದ್ರಾಧಿಕಕಾಂತಿಮತೇ |
ಸಮಸ್ತ ದುರಿತ ನಿವಾರಣಾಯ | ಸಮಸ್ತ ಕಾಮಿತ ಫಲದಾತ್ರೇ ಮದುಪಾಸ್ಯಾಯ |
ಶ್ರೀವೇದವ್ಯಾಸಾಯ ನಮೋ ನಮಃ ||
ಇತಿ ಶ್ರೀಮದ್ವೇದೇಶತೀರ್ಥ ಪೂಜ್ಯಪಾದಾರಾಧಕ
ಯಾದವಾರ್ಯಕೃತಂ ಶ್ರೀವೇದವ್ಯಾಸಗದ್ಯಂ
ಸಂಪೂರ್ಣಂ |
SuddhAnaMdOrusaMvid
dyutibalabahulaudArya vIrya sauMdarya
prAgalBya svAtaMtrAdyanaMta pUrNaguNAtmaka vigrahAya |
tAdRuSAnaMta rUpAya |
pArataMtryAdyaSEShadOShadUrAya | anaMtAnaMta rUpEShu svagatAnaMtAnaMta
guNakriyArUpa BEdavivarjitAya | svanirvAhaka svABinna viSEShabalAt
tadvattva vyavahAraBAginE | aciMtyaSaktisaMpannAya | ramAbrahma
rudrEMdrAdi sakala jIvajaDAtmaka prapaMcadAtyaMta Binna svarUpAya |
paMcaBEdaBinna SrIbrahmarudra praBRuti sakala surAsura
narAtmakasya prapaMcasya yathAyOgyaM sRuShTi sthiti saMhAra niyamana
j~jAnAj~jAna baMdha mOkSha pradAtrE | RugAdi caturvEda mUla rAmAyaNa
brahmasUtra mahABArata paMcarAtrAdyaSESha sadAgama pratipAdita
svarUpAya | anAdyanaMtakAlEpi svarUpadEhAMtarbAhya dEhAMtaSca
sthitvA satyApratIti pravRutyAdipradAya | sarvasvAminE | guruShu
sthitvA taddvArA j~jAnOpadEShTrE | niravadhikAnaMtAnavadya kalyANa
guNatvaj~jAnapUrvaka svAtmAtmIya samasta vastuByOnEka guNAdhikAMtarAya
sahasrENApyapratibaddha niraMtara prEma pravAharUpa Bakti viShayAya |
anaMtavEdOkta tadanukta BAratOkta prakArENa brahmOpAsitAnaMta
guNAnaMta kriyAnaMta rUpAya | kriyA sAmAnyEna sarasvatyupAsitAnaMta
rUpAya | guNakriyA sAmAnyEna rudrOpAsitAnaMta rUpAya | guNakriyA rUpa
sAmAnyEna iMdrAdyupAsita bahuguNAya | karmakShayOtkrAMtimArga BOgarUpa
caturvidha muktiyOgya manuShyOttamOpAsita saccidAnaMdAtmAKya
caturguNAya | utkrAMti mArgarUpa muktidvaya SUnyAvaSiShTa
dvividha muktiyOgyAdhikAri viSEShOpAsita AtmatvarUpaika guNAya |
brahmAdi mAnuShOttamAMtAnAmupAsanAnusArENa yathAyOgyaM saMjAta
vicitrAparOkShaj~jAna viShayAya | atyartha prasAda kartE |
aparOkShaj~jAna mahimnAgninA tUlarASivadBasmIBUta prArabdha
puNyapApAniShTakAmyakarmaNAM brahmOpadESAnAM vAtaputrIyatA
prasaMga parihArAya BagavatAvaSEShita BOgEna niHSEShIkRuta
pArabdha karmaNAM satyalOkE caturmuKAKya kAryabrahmaprAptAnAM
pratIkAlaMbanAnAM vaikuMTha lOkasthita BagavadAKyA kAryabrahma
prAptAnAM apratIkAlaMbanAnAM mahApralayE caturmuKaM prAptAnAM
svOttama pravESadvArA SEShamArga garuDamArgAByAM gatAnAM dEvAnAM
ca brahmaNAsaha virajAsnAnEna liMgaBaMga prApayitvA AvirBUta
vicitra svarUpAnaMdAnuBavadAtrE | brahmAdyEkAMta BaktAnAM
nirupAdhikEShTAya | taditaraBaktAnAM mOkTOddESEna BajanIyAya |
sAkilyEna ramAbrahmAdyaciMtya svarUpAya | vyAKyASrI sarvavij~jAna
kavitA vijayAdi sadguNa pradAtrE | brahmasUtra mahABArata
SrImadBAgavatAdyaSESha sacCAstrakartrE | viShNunAmnisaMhitA
dEvatAtvEna hrasvamAMDUkEyOpAsitAya | vAsudEvAdi catUrUpAya |
matsyakUrma varAha nArasiMha vAmanaBArgava rAGava kRuShNa buddha
kalki svarUpAya | SrImaddhanumatsEvya dASarathi rAmAtmakAya
draupadIpriya BImasEnArAdhya SrIyAdavakRuShNa svarUpiNE |
kradaMdaSvAtmaka SrIhayagrIva svarUpAya | jAgradAdyavasthA
pravartaka viSvAditritaya rUpAya | ShaTSataikaviMSatsahasra
SvAsarUpa haMsamaMtra japa prErakAya | dvAsaptati sahasranADIShu
madhyE dakShiNa BAgasthita ShaTtriMSatRuhasra puruSha rUpAtmakAya |
vAmaBAgasthita ShaTtriMSatsahasra strIrUpAtmakAya | paramahaMsOpAsya
turIya rUpiNE | AtmAdi caturUpiNE | kRuddhOlkAdi paMcarUpiNE |
kapila dattAtrEya RuShaBa nArAyaNa harikRuShNa tApasa manu mahidAsa
yaj~ja dhanvaMtarI nArAyaNI sanatkumAra dhavalapakSha virAjita haMsa
svarUpAya | kESavAdi caturviMSativyUhAya | nArAyaNa naraSauryAdi
SatarUpiNE | viSva viShNu vaShaTkArAdi sahasrarUpiNE | parAdi
bahurUpiNE | ajitAdyanaMtarUpiNE | kalikAla pravRuttayE RuShiBiH
sahAMtardhAya gaMdhamAdanaparvatasthita badarikASrama nivAsinE |
bAdarAyaNAya | bAdari jaimini sumaMtu vaiSaMpAyana kASakRutsnalOmaSa
kArShNAjinyauDulOmyAtrEyapUrvaka SiShyasaMGa parivRutAya |
kIrapada muninutAya | svAj~jAnusArENAvataritakRuta samasta kArya
parityakta BUmaMDala prApta badarikASrama marudavatArAnaMdatIrtha
pUrNapraj~jApara paryAya SrImadhvAcArya saMsEvita SrIcaraNAya |
sAtyavatEyAya | pArASaryAya | kRuShNa dvaipAyanAya | jIvAMtaH sthitvA
sarvakarmakArayitrE | aSESha satkarma PaladAtrE | tattvadEvatA
prErakAya | asmatkuladEvatAtmaka SrIvEMkaTESAtmanE | anaMtAya |
iMdirApatayE | asmadguruvarAcArya karavara pUjita caraNanalinayugalAya |
asmadguruvaryAMtargata SrImadAnaMdatIrthArya hRutkamalamadhyanivAsinE ||
vij~jAnarOciH paripUritAMtarbAhyAMDakOSAya | akArAdi
paMcASadvarNa dEvatAjAdiBiH svarNaGaTa paripUrNa pIyUSha siktAya |
SuBamarakata varNAya | raktapAdAbja nEtrAdharakaranaKarasanAgrAya |
SaMKa cakra gadApadma dharAya | parama suMdarAya | ruciravaraiNa
carmaNA BAsamAnAya | taTidamalajaTA saMdIpta cUDaM dadhAnAya |
nIlAlaka sahasta SOBita mUrdhnE | suvyaktaSmaSrumaMDalAya | lalATa
SOBita tilakAya | aMBOjaBavaBavAdi BuvanAnAM daBraviBramAdEva
viBavABivavOdBavAdi pAramEShThyAdi padavimuktidAtRuBrU
vilAsAya | kamalAyatalOcanAya | niKilAGauGa vinASaka parasauKya
pradadRuShTayE | tulasI BAsita karNAya | samasta vEdOdgIraNa hEtuBUta
SrImuKAya | avanatAKilalOka SOkasAgaraviSOShakAtyudAramaMdahAsAya |
aruNOShTharOciShAruNIkRuta sitadaMta paMktayE | kaMbuvadrEKAtrayOpEta
brahmAdhiShThita kaustuBaratnOdBAsita kaMThAya | SrIvatsAMkita
SrIdEvyAspada vistIrNa vakShasE | tanutvEpyaMtargata jagadaMDamaMDala
valitrayAMkitOdarAya | harinmaNikAMti muDviSada hAramayUKa
gaurastanadvayOpEtAya | AtmayOnidhiShaNa caturdaSa Buvana
kAraNadalOpEta padmajanaka tanunimnAvartanABisarasE | trayImaya
yajyOpavIta dhAriNE | divya mauMjIdhAraNE | acala paramAjina
yOga pIThOpaviShTAya | paritaH sthitavara paTTikA rUpakakShAyutAya |
svaBaktAj~jAnanASaka tarkAparaparyAya prabOdhamudrAyuta pRuthupIvara
vRutta dakShiNahastAya | svaBakta BayaBaMjaka samasta
maMgalapradABaya mudrAyuta pRuthupIvara vRutta savyahastAya |
atasikA kusumAva BAsOrudvayAya | kramAlpavRuttajaMGAyugalAya |
nigUDha gulPAya | bAhyAMtastamO vinASaka parasauKya pradanaKamaNayE |
vajrAMkuSadhvaja padmarEKA cihnita pAdapadmAya | samasta
pIThadEvatAvaraNa dEvatAsE vyAya | anaMtacaMdrAdhikakAMtimatE |
samasta durita nivAraNAya | samasta kAmita PaladAtrE madupAsyAya |
SrIvEdavyAsAya namO namaH ||
iti SrImadvEdESatIrtha pUjyapAdArAdhaka
yAdavAryakRutaM SrIvEdavyAsagadyaM
saMpUrNaM |
Leave a Reply