Maate Mantragaladave

Composer : Shri Varadagopala vittala

ಮಾತೇ ಮಂತ್ರಗಳಾದವೆ ಗುರುವೆ ನಿಮ್ಮ |
ಪ್ರೀತಿಯಿಂದಾ ಯನಗೆ ಪೇಳಿದಾ ನಿಜವಾದ | ಪ |

ಅನುಜಾ ಬಾರೊ ಎಂದು ಅನುರಾಗದಲಿ ಕರದು |
ವಿನಯಾ ನುಡಿಗಳಿಂದಾ ಅನಘಾ ಪೇಳಿದ ದಿವ್ಯಾ || ೧ ||

ರಾಜಾಧಿರಾಜಾ ಮಹಾರಾಜಾ ಯನಗೆ ನೀ |
ರಾಜೀತ ರಾಜ ಯೋಗವನು ಪೇಳುವೆನೆಂದಾ || ೨ ||

ನಿತ್ಯವಲ್ಲವೋ ದೇಹ ಮರ್ತ್ಯ ಲೋಕವು ಇದು |
ಸತ್ಯ ಸಂಕಲ್ಪನ್ನ ಚಿತ್ತ ಹೀಗದೆಯಂದಾ || ೩ ||

ಯಂದೆಂದು ಯಮ್ಮನು ಪೊಂದೀದವನು ನೀನು |
ಹಿಂದೆ ಮುಂದಾದರೇನೊ ಬಂದು ಕೂಡುವಿಯಂದಾ || ೪ ||

ಯನ್ನಂತೆ ಸಾಕುವರಿನ್ನಾರೊ ತರುಳಾನೆ |
ಇನ್ನೇನ್ ಮಾಡಲಿ ಸ್ವಾಮಿ ನಿನ್ನ ರಕ್ಷಿಸಲೆಂದಾ || ೫ ||

ವಂದೆ ಮಾತಿದು ಶ್ರೀಗೋವಿಂದ ನಮ್ಮನು ತಾನೆ |
ಮುಂದಕ್ಕೆ ತಂದಾ ಇನ್ನೊಂದರಿಯೆವೊ ಯಂದಾ || ೬||

ಯನ್ನ ಸ್ವಾಮಿಯ ಮಹಿಮೆ ಇನ್ನು ನೂರೊರುಷವೊ |
ಅನ್ನಂತರದಿ ವಬ್ಬ ಘನ್ನ ಪುಟ್ಟುವನೆಂದಾ || ೭ ||

ಯನ್ನ ವಂಶದಿ ಪದಗಳಿನ್ನೂ ಪೇಳುವರು |
ಚನ್ನ ಗೋಪಾಲವಿಠಲನ್ನ ಭಜಿಸಿರೆಂದಾ || ೮ ||

ಪರಮ ಕರುಣಿ ನಮ್ಮ ಗುರು ವಚನಗಳಾನು
ಸ್ಮರಿಸಾಲು | ವರದಗೋಪಾಲವಿಠ್ಠಲ ವಲಿವಾ || ೯ ||

---

mAtE maMtragaLAdave guruve nimma |
prItiyiMdA yanage pELidA nijavAda | pa |

anujA bAro eMdu anurAgadali karadu |
vinayA nuDigaLiMdA anaGA pELida divyA || 1 ||

rAjAdhirAjA mahArAjA yanage nI |
rAjIta rAja yOgavanu pELuveneMdA || 2 ||

nityavallavO dEha martya lOkavu idu |
satya saMkalpanna citta hIgadeyaMdA || 3 ||

yaMdeMdu yammanu poMdIdavanu nInu |
hiMde muMdAdarEno baMdu kUDuviyaMdA || 4 ||

yannaMte sAkuvarinnAro taruLAne |
innEn mADali svAmi ninna rakShisaleMdA || 5 ||

vaMde mAtidu SrIgOviMda nammanu tAne |
muMdakke taMdA innoMdariyevo yaMdA || 6||

yanna svAmiya mahime innu nUroruShavo |
annaMtaradi vabba Ganna puTTuvaneMdA || 7 ||

yanna vaMSadi padagaLinnU pELuvaru |
canna gOpAlaviThalanna BajisireMdA || 8 ||

parama karuNi namma guru vacanagaLAnu
smarisAlu | varadagOpAlaviThThala valivA || 9 ||