Krishna baro

Composer : Shri Purandara dasaru

ಕೃಷ್ಣ ಬಾರೊ ಶ್ರೀ ಕೃಷ್ಣ ಬಾರೋ
ಕೃಷ್ಣಯ್ಯ ನೀ ಬಾರಯ್ಯ ||ಪ||

ಸಣ್ಣ ಹೆಜ್ಜೆಯನಿಟ್ಟು ಗೆಜ್ಜೆ ನಾದಗಳಿಂದ ||ಅ||

ಮನ್ಮಥ ಜನಕನೆ ಬೇಗನೆ ಬಾರೊ
ಕಮಲಾಪತಿ ನೀ ಬಾರೊ
ಅಮಿತ ಪರಾಕ್ರಮ ಶಂಕರ ಬಾರೊ
ಕಮನೀಯ ಗಾತ್ರನೆ ಬಾರಯ್ಯ ದೊರೆಯೆ ||೧||

ಸುರುಳು ಕೇಶಗಳ ಒಲಿವ ಅಂದ
ಭರದ ಕಸ್ತೂರಿ ತಿಲಕದ ಚಂದ
ಶಿರದಿ ಒಪ್ಪುವ ನವಿಲು ಕಣ್ಗಳಿಂದ
ತರತರದ ಆಭರಣಗಳ ಧರಿಸಿ ನೀ ಬಾರೊ ||೨||

ಹಾಲು ಬೆಣ್ಣೆಗಳ ಕೈಯಲಿ ಕೊಡುವೆ
ಮೇಲಾಗಿ ಭಕ್ಷ್ಯಗಳ ಮುಚ್ಚಿಟ್ಟು ತರುವೆ
ಜಾಲ ಮಾಡದೆ ಬಾರಯ್ಯ ಮರಿಯೆ
ಬಾಲ ಎನ್ನ ತಂದೆ ಪುರಂದರವಿಠಲ ||೩||

---

kRuShNa bAro shrI kRuShNa bArO
kRuShNayya nI bArayya ||pa||

saNNa hejjeyaniTTu gejje nAdagaLiMda ||a||

manmatha janakane bEgane bAro
kamalApati nI bAro
amita parAkrama SaMkara bAro
kamanIya gAtrane bArayya doreye ||1||

suruLu kESagaLa oliva aMda
Barada kastUri tilakada caMda
Siradi oppuva navilu kaNgaLiMda
taratarada ABaraNagaLa dharisi nI bAro ||2||

hAlu beNNegaLa kaiyali koDuve
mElAgi BakShyagaLa mucciTTu taruve
jAla mADade bArayya mariye
bAla enna taMde puraMdaraviThala ||3||