Saptanna upasana prakarana suladi – Vijayadasaru

ಸಪ್ತಾನ್ನ ಉಪಾಸನಾ ಪ್ರಕರಣ ಸುಳಾದಿ
ರಾಗ: ಹಂಸಾನಂದಿ

ಧ್ರುವತಾಳ
ಅಪ್ರತಿಹತ ದ್ರವ್ಯಗತವಾಗುವದಕ್ಕೆ ಬಾ –
ಲ ಪ್ರಾಯ ವೃದ್ದನಾಗಿ ಬಲು ಜನ್ಮವ
ವಿಪ್ರವಾಸನಾಗಿ ಯಾತ್ರಿತೀರ್ಥವಾ ಚರಿಸಿ
ಕ್ಷಿಪ್ರಗತಿಯಿಂದ ನಾನಾ ಯಾಗ ಯೋಗ
ವಿಪ್ರರೊಡನೆ ರಚಿಸಿ ಅನೇಕ ದಾನಂಗಳ
ದ್ಯು ಪೃಥಿವಿ ಪೊಗಳುವಂತೆ ಮಾಡಿದರೂ
ಅಪ್ರಧಾನವಲ್ಲದೆ ಕರ್ಮದ ಸ್ವಾತಂತ್ರ
ಅಪ್ರಬುದ್ದರಿಗೆ ಇದು ಮೆಚ್ಚ ಕಾಣೊ
ಅಪ್ರೀಯವಾಗುವದು ತಾತ್ವಿಕರಿಂದ ಹರಿಗೆ
ಅಪ್ರೀಯನಾಗುವ ಅಲ್ಪಪುಣ್ಯ
ಅಪ್ರಮೋದದಿಂದ ಉಂಡು ತೀರಿಸಿ ನಾ –
ನಾ ಪ್ರಕಾರ ದೇಹವ ಧರಿಸುವರು
ಈ ಪ್ರಕರಣ ಬಿಟ್ಟು ಜ್ಞಾನವ ಸಂಪಾದಿಸಿ
ಅಪ್ರಮೇಯ ಹರಿಯ ರೂಪಂಗಳ
ಸಪ್ರಮಾಣದಲ್ಲಿ ತಿಳಿದು ಕೊಂಡಾಡಿ ನಿತ್ಯ
ಸ್ವಪ್ರಕಾಶ ಗುಣದಿಂದ ಧ್ಯಾನಗೈದು
ಅಪ್ರಯಾಸ ಚಿತ್ತದಲಿ ಅನಂತ ಕಲ್ಪಕ್ಕೆ ನೀ
ಸುಪ್ರೀತಿ ಬಡಿಸು ಲಕುಮಿ ನಾರಾಯಣ
ಸುಪ್ರಸನ್ನನಾಗುವ ಪ್ರಸಾದ ತ್ರಯವಿತ್ತು
ಕ್ಷಿಪ್ರದಿಂದಲಿ ಅನುಗ್ರಹವ ಮಾಡುವ
ಶ್ರೀ ಪ್ರಕೃತಿನಾಥಾ ವಿಜಯವಿಟ್ಠಲರೇಯ
ನೀ ಪ್ರೇರಕನೆನೆ ಭವಸಾಗರ ದಾಟಿಸುವಾ || ೧ ||

ಮಟ್ಟತಾಳ

ತಿರೋಹಿತ ಅತಿರೋಹಿತ ವಿಭೂತಿ ರೂಪಗಳು
ಪರಿಪರಿ ವಿಧ ಉಂಟು ಒಂದನಂತವಾಗಿ
ಸುರ ನರೋರುಗ ಉಳಿದ ತರು ಮಿಗಿಲಾದ ಜೀ –
ವರ ಮಧ್ಯದಲ್ಲಿ ಅನಾದಿ ಅವಾಂತರದಿ
ಇರುತಿಪ್ಪವು ಕೇಳಿ ಅವರವರ ತಕ್ಕಾ –
ಚರಣೆಯ ಮಾಡಿಸುತ ಮೂಲಾವತಾರದಲ್ಲಿ
ಹಿರಿದಾಗಿ ಚಿಂತಿಸಿ ಜ್ಞಾನ ಪ್ರಬಲನಾಗು
ಪರಮ ಮಂಗಳ ಮೂರ್ತಿ ವಿಜಯವಿಟ್ಠಲನ್ನ
ನೆರೆನಂಬಿ ಸಾರಿ ಗುಣರೂಪ ಕ್ರೀಯಾ || ೨ ||

ತ್ರಿವಿಡಿತಾಳ

ವಿಶೇಷವಾಗಿ ತಿಳಿವ ಪ್ರಮೇಯ ಉಂಟು
ವಿಶೇಷದೊಳಗೆ ಭೂಸುರ ಜಾತಿಯಲಿ ಪುಟ್ಟಿ
ಶ್ವಸನ ಮತವನುಸರಿಸಿ ನಡೆದ ಮಾನವ ಬಿಡದೆ
ವಶಮಾಡಿಕೊಳ್ಳಬೇಕು ತತ್ವ ಗುಣಿಸಿ
ಬಿಸಜನಾಭನ ಎರಡು ಬಗೆ ವಿಭೂತಿ ರೂಪ
ಕುಶಲ ಮತಿಯಿಂದ ಧ್ಯಾನಿಸಲು ಬೇಕು
ಋಷಭ ಕಪಿಲ ಯಜ್ಞ ಹಯಗ್ರೀವ ಹಂಸ ತಾ –
ಪಸ ಧರ್ಮ ಶ್ವೇತು ವೈಕುಂಠ ದತ್ತ
ಪ್ರಸನಿಗರ್ಭ ಸಾರ್ವಭೌಮ ನರನಾರಾಯಣ
ಶಶಿವರ್ಣ ವೈಕುಂಠ ಹರಿ ಕೃಷ್ಣ ಧನ್ವಂತ್ರಿ
ಋಷಿ ಸನತ್ಕುಮಾರ ಕುಮಾರ ಅಜಿತಾ ರಂ –
ಜಿಸುವ ನಾರಾಯಣ ಯೋಗೇಶ್ವರ
ಬಿಸಜಾಪ್ತರೊಳಗಿಪ್ಪ ಉರುಕ್ರಮ ಬೃಹದ್ಭಾನು
ಬೆಸಸುವೆ ಸುಧಾಮ ಶಿಂಶುಮಾರ
ಮಿಸುಣಿಪ ವಾಸವಿನಂದನ ಮಹಿದಾಸ
ದಶರಥರಾಮ ಜಮದಗ್ನಿರಾಮ
ವಾಸುದೇವ ಕೃಷ್ಣ ಮತ್ಯ್ಸ ಕೂರ್ಮ ವರಹಾ ಮಾ –
ನಿಸ ಸಿಂಹ ವಾಮನ ಬುದ್ದ ಕಲ್ಕಿ
ವಸುಮತಿಯೊಳಗಿವೆ ಸಾಕ್ಷಾದ್ವಿಭೂತಿಗಳು
ಪೆಸರಾಗಿ ಅತಿರೋಹಿತ ಎನಿಸೋವು
ಹಸನಾಗಿ ಕೊಂಡಾಡಿ ಈ ಮೂರ್ತಿಗಳುದ್ಭ –
ವಿಸಿದ ಕಾಲಕರ್ಮ ಪೆತ್ತ ಜನರ
ಬೆಸಸೆ ಸ್ತೋತ್ರ ಮಾಡಿ ಮಹಿಮೆ ನಿತ್ಯ ವಿಚಾ –
ರಸಿದ ಮಾನವನವನೆ ಮಹಾತ್ಮನೋ
ಪಶುಪ್ರಾಯನಾದರು ಜ್ಞಾನವಂತನಾಗಿ
ದಶದಿಕ್ಕಿನೊಳಗೆ ಶೋಭಿಸುತಿಹನೂ
ಶಶಿಕೋಟಿ ಲಾವಣ್ಯ ವಿಜಯವಿಟ್ಠಲರೇಯ
ವಿಷಯಂಗಳಿಗೆ ದೂರ ಜಗದೊಳಗಾಡಿದಾ || ೩ ||

ಅಟ್ಟತಾಳ

ಮನು ತ್ರಯೋದಶರಲ್ಲಿ ಸರ್ವರಾಜರಲ್ಲಿ
ಮಿನಗುವ ರಾಜರಾಜೇಶ್ವರ ವಿಭೂತಿ
ಇನಿತಾದರೊಳಗೆ ವಿಶೇಷವಾಗಿ ಮೊದಲಿಂದ
ಅನಿರುದ್ದ ಪ್ರದ್ಯುಮ್ನ ನರಪಾರ್ಥ ಬಲವೈಯ್ಯಾ
ಎಣಿಕೆ ಮಾಡುವದು ಅವತಾರದಲ್ಲಿ ಇಂತು
ಮನದಲ್ಲಿ ವಾಲಿ ಯುಧಿಷ್ಠರ ಸಾಂಬಾದಿ
ಜನರಲ್ಲಿ ಆವಿಷ್ಟ ಅಲ್ಪಮಾತ್ರ ಉಂಟು
ಚಿನುಮಯ ಮೂರುತಿ ಕಾಲಾನುಸಾರದಿ
ಗಣನೆ ಪೇಳುವದೇನು ಪಾತಾಳವಿಡಿದು ತ್ರಿ –
ಗುಣ ತತ್ವ ಪರ್ಯಂತ ಸರ್ವವು ಸರ್ವದೀ
ಅನಿಮೇಷ ಮೊದಲಾದ ಚೇತನ ಶರೀರ
ತನುವು ಧರಿಸಿದ ತೃಣಾದಿಗಳಲ್ಲಿ
ವನಜನಾಭನ ರೂಪ ತತ್ತದಾಕಾರ
ಕ್ಷಣ ಬಿಡದೆ ಅಕ್ಕು ತಿರೋಹಿತ ಅತಿರೋಹಿತ
ಘನವಾಗಿ ಇಪ್ಪವು ವ್ಯಕ್ತ ಅವ್ಯಕ್ತದಲ್ಲಿ
ಫಣಿಶಾಹಿ ವಿಜಯವಿಟ್ಠಲರೇಯ ಅವರವರ
ತನುವು ತನುವುಗಳಂತೆ ರೂಪಗಳಾಹಾ || ೪ ||

ಆದಿತಾಳ

ಶ್ರೀಹರಿ ಜಗತ್ತಿನೊಳು ಏಕಾಂಶದಲ್ಲಿ ಪೊಕ್ಕು
ಸ್ನೇಹ ಭಾವವೆ ಇತ್ತು ವ್ಯಾಪಾರ ಮಾಡಿಸುವ
ದೇಹಧಾರಿ ಮನುಜಂಗೆ ಸಾಧನ ನಿರ್ಮಿಸಿದನು
ಮಹಾ ಸುಲಭವಾಗಿ ತೋರುತಿದೆ ನೋಡಿರೊ
ಗ್ರಹಮೇಧಿಗೆ ಇದೆ ಪರಮ ಮುಖ್ಯ –
ವಾಹುದು ಸಪ್ತಾನ್ನ ಬಗಿಯ ತಿಳಿಯಬೇಕು
ಸ್ವಾಹಾ ಸ್ವಧಾಕಾರ ಪ್ರಕರಣಹಂತಾನ್ನ
ಮಹಿರುಹ ತೃಣ ಒಂದೆ ನಾಲ್ಕು ಬಗೆಯ ಅನ್ನ
ದೇಹ ವಾಚಾ ಮನಸು ಕೊಡಲಾಗಿ ಸಂ –
ದೇಹವಿಲ್ಲದೆ ಸಪ್ತಾನ್ನವಾಯಿತು ಕೇಳಿ
ಸ್ವಾಹಾ ಸ್ವಧಾ ಅನ್ನ ದೇವ ಪಿತೃಗಳಿಗೆ
ಅಹಂತ ಅಗ್ನಿ ಅತಿಥಿ ಅಭ್ಯಾಗತ ಸರ್ವರಿಗೆ
ತಾಹ ತೃಣಾದಿಗಳು ಪಶ್ವಜಾತಿಗೆ ಇತ್ತು
ಆಹಾರದಿಂದಲಿ ಸುಖ ಬಡಿಸಲು ಬೇಕು
ದೇಹಿ ಒಬ್ಬಗೆ ಸಪ್ತಾನ್ನ ದಾನದ ಪುಣ್ಯ
ಮಹತ್ತಾಗಿ ಬರುವದು ಅಲ್ಪ ಮಾಡಿದರಾಗೆ
ಗಹನ ಇದೆ ಇದೆ ಸಮಸ್ತ ಜನರಿಂದ
ಆಹದೆಂದರೆ ಪುಣ್ಯ ಅವಗೆ ಸಿದ್ಧಿಸುವದು
ಶ್ರೀಹರಿ ತನಗೆ ಮೂರು ಲೋಕಕ್ಕೆ ನಾಲ್ಕು ನೇಮಿಸಿ
ಬಹಳ ದಯದಿಂದ ಭಕುತರನ ಪಾಲಿಸುವಾ
ರಹಸ್ಯ ಇನ್ನು ಉಂಟು ಪ್ರವಿಷ್ಟ ಅಪ್ರವಿಷ್ಟ
ವಿಹಾರ ರೂಪದಿಂದ ಹರಿ ಕ್ರೀಡೆಯಾಡುವಾ
ಮೋಹಕ ಜನರಿಗೆ ತಿಳಿಯಗೊಡದೆ ದಾ –
ಸೋಹಂ ಎಂದವರಿಗೆ ಕರತಳಾಮಲಕವೆನ್ನು
ಗುಹಾಶಯನ ನಮ್ಮ ವಿಜಯವಿಟ್ಠಲ ತಾನೆ
ದೇಹಿ ದೇಹಾದಲ್ಲಿ ನಿಂದು ತೃಪ್ತಿಯಾಗುವಾ || ೫ ||

ಜತೆ

ಪ್ರೀತಿಯಿಂದಲಿ ಇನಿತು ಸಪ್ತಾನ್ನ ಉಪಾಸನೆ
ನೀತಿಯಿಂದಲಿ ಮಾಡೆ ವಿಜಯವಿಟ್ಠಲ ವಲಿವಾ ||

---

saptAnna upAsanA prakaraNa suLAdi
rAga: haMsAnaMdi

dhruvatALa
apratihata dravyagatavAguvadakke bA –
la prAya vRuddanAgi balu janmava
vipravAsanAgi yAtritIrthavA carisi
kShipragatiyiMda nAnA yAga yOga
vipraroDane racisi anEka dAnaMgaLa
dyu pRuthivi pogaLuvaMte mADidarU
apradhAnavallade karmada svAtaMtra
aprabuddarige idu mecca kANo
aprIyavAguvadu tAtvikariMda harige
aprIyanAguva alpapuNya
apramOdadiMda uMDu tIrisi nA –
nA prakAra dEhava dharisuvaru
I prakaraNa biTTu j~jAnava saMpAdisi
apramEya hariya rUpaMgaLa
sapramANadalli tiLidu koMDADi nitya
svaprakASa guNadiMda dhyAnagaidu
aprayAsa cittadali anaMta kalpakke nI
suprIti baDisu lakumi nArAyaNa
suprasannanAguva prasAda trayavittu
kShipradiMdali anugrahava mADuva
SrI prakRutinAthA vijayaviTThalarEya
nI prErakanene BavasAgara dATisuvA || 1 ||

maTTatALa

tirOhita atirOhita viBUti rUpagaLu
paripari vidha uMTu oMdanaMtavAgi
sura narOruga uLida taru migilAda jI –
vara madhyadalli anAdi avAMtaradi
irutippavu kELi avaravara takkA –
caraNeya mADisuta mUlAvatAradalli
hiridAgi ciMtisi j~jAna prabalanAgu
parama maMgaLa mUrti vijayaviTThalanna
nerenaMbi sAri guNarUpa krIyA || 2 ||

triviDitALa

viSEShavAgi tiLiva pramEya uMTu
viSEShadoLage BUsura jAtiyali puTTi
Svasana matavanusarisi naDeda mAnava biDade
vaSamADikoLLabEku tatva guNisi
bisajanABana eraDu bage viBUti rUpa
kuSala matiyiMda dhyAnisalu bEku
RuShaBa kapila yaj~ja hayagrIva haMsa tA –
pasa dharma SvEtu vaikuMTha datta
prasanigarBa sArvaBauma naranArAyaNa
SaSivarNa vaikuMTha hari kRuShNa dhanvaMtri
RuShi sanatkumAra kumAra ajitA raM –
jisuva nArAyaNa yOgESvara
bisajAptaroLagippa urukrama bRuhadBAnu
besasuve sudhAma SiMSumAra
misuNipa vAsavinaMdana mahidAsa
daSaratharAma jamadagnirAma
vAsudEva kRuShNa matysa kUrma varahA mA –
nisa siMha vAmana budda kalki
vasumatiyoLagive sAkShAdviBUtigaLu
pesarAgi atirOhita enisOvu
hasanAgi koMDADi I mUrtigaLudBa –
visida kAlakarma petta janara
besase stOtra mADi mahime nitya vicA –
rasida mAnavanavane mahAtmanO
paSuprAyanAdaru j~jAnavaMtanAgi
daSadikkinoLage SOBisutihanU
SaSikOTi lAvaNya vijayaviTThalarEya
viShayaMgaLige dUra jagadoLagADidA || 3 ||

aTTatALa

manu trayOdaSaralli sarvarAjaralli
minaguva rAjarAjESvara viBUti
initAdaroLage viSEShavAgi modaliMda
anirudda pradyumna narapArtha balavaiyyA
eNike mADuvadu avatAradalli iMtu
manadalli vAli yudhiShThara sAMbAdi
janaralli AviShTa alpamAtra uMTu
cinumaya mUruti kAlAnusAradi
gaNane pELuvadEnu pAtALaviDidu tri –
guNa tatva paryaMta sarvavu sarvadI
animESha modalAda cEtana SarIra
tanuvu dharisida tRuNAdigaLalli
vanajanABana rUpa tattadAkAra
kShaNa biDade akku tirOhita atirOhita
GanavAgi ippavu vyakta avyaktadalli
PaNiSAhi vijayaviTThalarEya avaravara
tanuvu tanuvugaLaMte rUpagaLAhA || 4 ||

AditALa

SrIhari jagattinoLu EkAMSadalli pokku
snEha BAvave ittu vyApAra mADisuva
dEhadhAri manujaMge sAdhana nirmisidanu
mahA sulaBavAgi tOrutide nODiro
grahamEdhige ide parama muKya –
vAhudu saptAnna bagiya tiLiyabEku
svAhA svadhAkAra prakaraNahaMtAnna
mahiruha tRuNa oMde nAlku bageya anna
dEha vAcA manasu koDalAgi saM –
dEhavillade saptAnnavAyitu kELi
svAhA svadhA anna dEva pitRugaLige
ahaMta agni atithi aByAgata sarvarige
tAha tRuNAdigaLu paSvajAtige ittu
AhAradiMdali suKa baDisalu bEku
dEhi obbage saptAnna dAnada puNya
mahattAgi baruvadu alpa mADidarAge
gahana ide ide samasta janariMda
AhadeMdare puNya avage siddhisuvadu
SrIhari tanage mUru lOkakke nAlku nEmisi
bahaLa dayadiMda Bakutarana pAlisuvA
rahasya innu uMTu praviShTa apraviShTa
vihAra rUpadiMda hari krIDeyADuvA
mOhaka janarige tiLiyagoDade dA –
sOhaM eMdavarige karataLAmalakavennu
guhASayana namma vijayaviTThala tAne
dEhi dEhAdalli niMdu tRuptiyAguvA || 5 ||

jate

prItiyiMdali initu saptAnna upAsane
nItiyiMdali mADe vijayaviTThala valivA ||